ARYNews.tv | Urdu – Har Lamha Bakhabar

Tag: چاقو زنی

  • برطانیہ: سرے کی مساجد کی سیکورٹی سخت کر دی گئی، ایک حملہ آور گرفتار

    برطانیہ: سرے کی مساجد کی سیکورٹی سخت کر دی گئی، ایک حملہ آور گرفتار

    لندن: برطانیہ کی کاؤنٹی سرے میں ایک شخص کو چاقو زنی کی واردات کرتے ہوئے گرفتار کر لیا گیا ہے، حملہ آور نے چاقو سے ایک شخص کو زخمی کر دیا۔

    تفصیلات کے مطابق سرے کے علاقے میں چاقو زنی کی واردات میں ایک شخص زخمی ہو گیا ہے، پولیس نے حملہ آور کو چاقو سمیت گرفتار کر لیا ہے۔

    سرے کے علاقے میں مذکورہ واردات کے بعد مساجد کی سیکورٹی سخت کر دی گئی ہے۔

    پولیس نے کہا ہے کہ حملہ آور وائٹ سپرامیسی (سفید فام نسل کی برتری کی سوچ) سے متاثر ہے۔ پولیس نے مذکورہ شخص کو دہشت گرد قرار دے دیا۔

    خیال رہے کہ جمعے کے دن مسلمانوں کے خلاف نیوزی لینڈ کے شہر کرائسٹ چرچ میں ہونے والے خوف ناک دہشت گردی کے واقعے کے بعد سرے کاؤنٹی میں پولیس نے تمام مساجد کا خصوصی دورہ کر کے سیکورٹی کو یقینی بنایا۔

    یہ بھی پڑھیں:  سانحہ نیوزی لینڈ: دنیا بھر میں سوگ، ترکی میں غائبانہ نمازِ جنازہ کی ادائیگی

    برطانیہ کے دیگر کاؤنٹیز میں بھی پولیس نے مساجد کی سیکورٹی کا جائزہ لیا، سرے اور سسیکس کے چیف سپرنٹنڈنٹ نے کہا کہ ہم اپنے مسلم کمیونٹیز اور ان تمام مسلمانوں کے ساتھ کھڑے ہیں جو نیوزی لینڈ کے دہشت گردانہ حملے سے صدمے اور خوف کی حالت کا شکار ہیں۔

    خیال رہے کہ برطانیہ میں چاقو زنی کی وارداتوں میں بہت اضافہ ہو چکا ہے، پولیس ان وارداتوں کو قابو کرنے کی کوشش میں لگی ہے، تاہم نوجوان لڑکوں میں چاقو زنی کے جرائم میں اضافہ ہوتا جا رہا ہے۔

  • لندن میں چاقو زنی کی واردات، ایک شخص ہلاک

    لندن میں چاقو زنی کی واردات، ایک شخص ہلاک

    لندن : برطانوی دارالحکومت میں 29 سالہ شخص چاقو کے متعدد وار کے باعث ہلاک ہوگیا، مقتول جھگڑے کے دوران چاقو زنی کا شکار ہوا۔

    تفصیلات کے مطابق برطانوی دارالحکومت لندن کے جنوب مغربی علاقے فلہیم میں مقتول اور قاتل کے درمیان نامعلوم وجوہات کی بنا پر جھگڑا ہورہا تھا کہ اس دوران ملزم نے 29 سالہ شخص پر چاقو سے حملہ کردیا۔

    مقامی میڈیا کا کہنا ہے کہ متاثرہ شخص حملے کے نتیجے میں شدید زخمی ہوگیا تھا جسے جائے حادثہ پر موجود افراد نے بچانے کی بہت کوشش کی لیکن وہ پولیس اور طبی امداد فراہم کرنے والے عملے کی آمد سے قبل موقع پر ہی ہلاک ہوگیا۔

    میٹروپولیٹن پولیس کا کہنا ہے کہ سیکیورٹی اہلکاروں نے واقعے کی تفتیش کا آغاز کردیا ہے، ملزم کی گرفتار کےلیے ہر ممکن اقدام کیا جائے گا۔

    غیر ملکی خبر رساں ادارے کا کہنا ہے کہ سنہ 2019 کے آغاز کے بعد سے اب تک متعدد افراد ہلاک ہوچکے ہیں، جن میں اکثریت نوجوانوں کی ہے اور قتل کے الزام میں گرفتار افراد بھی نوجوان ہیں۔

    اس سے قبل 2 مارچ کو برطانیہ کے دارالحکومت لندن کے مشرقی علاقے روم فورڈ میں نامعلوم افراد نے ایک نوجوان لڑکی کو چاقو کے متعدد وار کرکے شدید زخمی کردیا تھا جو زخموں کی تاب نہ لاتے ہوئے وقوعہ پر ہی ہلاک ہوگئی تھی۔

    مزید پڑھیں : لندن : تین لاکھ سے زائد بچے جرائم پیشہ گروہوں سے منسلک ہیں، چلڈرن کمشنر

    برطانیہ میں بچوں کے حقوق کے کام کرنے والے کمشنر کی جاری کردہ رپورٹ میں بتایا گیا ہے کہ 10 برس سے 17 برس کی عمر کے ایسے 27ہزار بچوں کی شناخت ہوئی جو صرف انگلینڈ میں جرائم پیشہ گروہوں سے وابستہ ہیں۔

    رپورٹ میں بتایا گیا ہے کہ برطانیہ میں 3 لاکھ 13 ہزار کم عمر بچے گینگ ممبر ہیں اور 34 ہزار بچے ایسے ہیں جو پُرتشدد جرائم کا تجربہ کرچکے ہیں۔

  • جوڈی چیزنی قتل کیس، چاقو زنی کے الزام میں ایک اور نوجوان گرفتار

    جوڈی چیزنی قتل کیس، چاقو زنی کے الزام میں ایک اور نوجوان گرفتار

    لندن : جوڈی چیزنی قتل کیس میں میٹروپولیٹن پولیس نے ایک اور شخص کو چاقو زنی میں ملوث ہونے کے شبے میں گرفتار کرلیا۔

    تفصیلات کے مطابق برطانیہ کے دارالحکومت لندن کے مشرقی علاقے ہارلڈ میں 17 سالہ دوشیزہ جوڈی چیزنی کو اس وقت چاقو کے پے در پے وار کرکے قتل کردیا تھا جب وہ اپنے دوستوں کے ہمراہ موسیقی سننے میں مصروف تھی۔

    غیر ملکی خبر رساں ادارے کا کہنا ہے کہ پولیس نے دوسرے ملزم کو جمعے کے روز گرفتار کیا ہے جبکہ اس سے قبل پولیس نے 20 سالہ نوجوان کو لائیکاسٹر سے منگل کے روز گرفتار کیا تھا۔

    لندن پولیس چیف ڈیو وہلامز کا کہنا ہے کہ ’یہ ایک وحشتان اور شیطانی حملہ تھا‘، قتل کی تحقیقات جاری ہیں پولیس معاملے کی تہہ تک جائے گی۔

    پولیس چیف کا کہنا تھا کہ ابھی تک قتل کی وجوہات واضح نہیں ہوسکی ہیں لیکن پولیس کی کوششیں جاری ہیں۔

    جوڈی چیزنی کی دوست نے پولیس کو بتایا کہ ’ہم پارک میں چہل قدمی کررہے تھے وہی قریب میں دو اور افراد بھی تھے جو کچھ مشکوک لگ رہے تھے لیکن وہ بغیر کچھ کہے پارک سے باہر نکل گئے۔

    جوڈی کی دوست کا کہنا تھا کہ تقریباً تیس منٹ بعد دونوں افراد دوبارہ پارک میں داخل ہوئے اور ہمارے قریب آکر ایک شخص نے جوڈی کی پشت پر خنجر سے وار کیے اور ریٹفورڈ روڈ کی جانب فرار ہوگئے۔

    خیال رہے کہ اس سے قبل پولیس کا کہنا تھا کہ جوڈی کو سیاہ فام شخص نے قتل کیا تھا تاہم قتل کی مزید تحقیق ابھی جاری ہے۔

    برطانوی وزیر داخلہ نے لندن پولیس چیف سے ملاقات کے دوران کہا کہ ’پورے ملک میں نوجوانوں کا قتل عام کیا جارہا ہے، اسے جاری نہیں رہنا چاہیے‘۔

    مزید پڑھیں : لندن : تین لاکھ سے زائد بچے جرائم پیشہ گروہوں سے منسلک ہیں، چلڈرن کمشنر

    برطانیہ میں بچوں کے حقوق کے کام کرنے والے کمشنر کی جاری کردہ رپورٹ میں بتایا گیا ہے کہ 10 برس سے 17 برس کی عمر کے ایسے 27ہزار بچوں کی شناخت ہوئی جو صرف انگلینڈ میں جرائم پیشہ گروہوں سے وابستہ ہیں۔

    رپورٹ میں بتایا گیا ہے کہ برطانیہ میں 3 لاکھ 13 ہزار کم عمر بچے گینگ ممبر ہیں اور 34 ہزار بچے ایسے ہیں جو پُرتشدد جرائم کا تجربہ کرچکے ہیں۔

  • برطانیہ:‌ نوجوان کی گردن پر قینچی مارنے والی دوشیزہ گرفتار

    برطانیہ:‌ نوجوان کی گردن پر قینچی مارنے والی دوشیزہ گرفتار

    لندن : برطانیہ کے علاقے کونٹری میں میں 14 سالہ لڑکی کو قینچی سے زخمی کرنے والی دوشیزہ کو پولیس نے گرفتار کرلیا۔

    تفصیلات کے مطابق برطانیہ کے علاقے کونٹری میں گزشتہ رات 16 سالہ لڑکی نے کم عمر اسکول گرل کے گلے میں قینچی گھونپ دی تھی جس کے باعث متاثرہ لڑکی شدید زخمی ہوگئی تھی۔

    متاثرہ لڑکی کا کہنا ہے کہ ’حادثے کے دوران پندرہ لڑکیوں سے میرا سامنا ہوا، جو مجھ پر حملہ کرنا چاہتی تھی‘۔

    واقعے کے عینی شاہد کا کہنا ہے کہ 14 سالہ لڑکی سڑک پر بھاگ رہی تھی اور اس پندرہ لڑکیاں اس کا تعاقب کررہی تھیں اور اس کے گردن اور ایک ہاتھ پر شدید نوعیت کے زخم تھے جن سے بہت زیادہ خون بہہ رہا تھا۔

    غیر ملکی میڈیا کے مطابق علاقہ مکینوں نے ہنگامی خدمات انجام دینے والے عملے کو اطلاع دی جس کے بعد ریسکیو اہلکاروں نے متاثرہ لڑکی کو اسپتال منتقل کیا، اسپتال انتظامیہ کا کہنا ہے کہ لڑکی کی گردن کی پشت پر دو انچ گہرا زخم تھا تاہم زخم جان لیوا نہیں ہے۔

    برطانوی پولیس نے حملہ آور کی گرفتاری سے متعلق تصدیق کرتے ہوئے بتایا کہ ’اہلکاروں نے واقعے میں ملوث ہونے کے شعبے میں 16 سالہ لڑکی کو گرفتار کرلیا ہے‘۔

    مزید پڑھیں : لندن میں چاقو زنی کی واردات، دوشیزہ قتل

    مقامی خبر رساں ادارے کا کہنا ہے کہ جس مقام پر مذکورہ لڑکی کو چاقو زنی کا نشانہ بنایا گیا ہے اسی مقام پر گزشتہ پر 27 سالہ ڈینئل کینّل کو چاقو کے متعدد وار کرکے قتل کیا گیا تھا، عدالت نے ڈینئل کے قتل میں ملوث شخص کو رواں برس جنوری میں عمر قید کی سزا سنائی تھی۔

    یاد رہے کہ رواں ماہ برطانوی دارالحکومت لندن میں 17 سالہ دوشیزہ چاقو کے متعدد وار کے باعث ہلاک ہوگئی تھی۔

  • برطانیہ میں چاقو زنی کے واقعات کو روکنے کیلئے سب کو متحد ہونا پڑے گا، ساجد جاوید

    برطانیہ میں چاقو زنی کے واقعات کو روکنے کیلئے سب کو متحد ہونا پڑے گا، ساجد جاوید

    لندن : برطانوی وزیر داخلہ ساجد جاوید کا کہنا ہے کہ چاقوزنی کے واقعات کی مذمت کرتے ہوئے کہا کہ ’مذکورہ واقعات کو روکنے کےلیے ہمیں متحد ہونا پڑے گا‘۔

    تفصیلات کے مطابق برطانوی وزیر داخلہ ساجد جاوید نے برطانیہ میں باالخصوص دارالحکومت میں بڑھتے ہوئے چاقو زنی اور پُر تشدد واقعات میں نوجوانوں کی موت پر اظہار برہمی کرتے ہوئے کہا کہ ’ہم بہت سے محازوں پر چاقو زنی کے خلاف کارروائی کررہے ہیں‘۔

    برطانوی وزیر داخلہ نے لندن پولیس چیف سے ملاقات کے دوران کہا کہ ’پورے ملک میں نوجوانوں کا قتل عام کیا جارہا ہے، اسے جاری نہیں رہنا چاہیے‘۔

    ساجد جاوید نے لندن پولیس چیف سے ہفتے کے روز دو نوجوانوں کی چاقو زنی کے واقعات میں بہیمانہ ہلاکت کے بعد ملاقات کی تھی۔

    مقامی خبر رساں ادارے کا کہنا تھا کہ نامعلوم افراد ایک روز قبل دارالحکومت لندن کے مشرقی حصّے میں 17 سالہ دوشیزہ جوڈی چیزنی کو پے در پے وار کرکے قتل کردیا تھا جبکہ گریٹ مانچسٹر میں 17 سالہ نوجوان یوسف غالب مکّی کو چاقو کے وار سے قتل کیا گیا تھا۔

    پولیس نے یوسف مکی کے قتل میں ملوث کے ہونے کے شبے میں دو نوجوانوں کو گرفتار کیا ہے جو تاحال پولیس کی گرفت میں ہے۔

    برطانوی پولیس کا کہنا ہے کہ جوڈی کو سیاہ فام شخص نے قتل کیا تھا تاہم قتل کی مزید تحقیق ابھی جاری ہے۔

    غیر ملکی خبر رساں ادارے کا کہنا ہے کہ جوڈی کے اہلخانہ اپنے بیٹی کے قتل کی خبر سن پر صدمے میں مبتلا ہوگئے جبکہ والد کا کہنا تھا کہ ’چاقو زنی کی یہ واردات انتہائی اشتعال انگیز ہے۔

    مزید پڑھیں : مانچسٹر میں چاقو بردار شخص کا حملہ، تین افراد زخمی

    یاد رہے کہ رواں برس کے آغاز پر برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں کو چاقو کے وار سے زخمی کردیا تھا، چاقو زنی کی واردات میں زخمی ہونے والے متاثرین کو اسپتال منتقل کیا گیا تھا۔

    برطانیہ کی ٹرانسپورٹ پولیس کا کہنا تھا کہ چاقو بردار شخص کے حملے میں ایک خاتون اور مرد سمیت پولیس افسر زخمی ہوا ہے، پولیس افسر کو کندھے پر زخم آئے تھے۔

    برطانوی خبر رساں ادارے کا کہنا ہے کہ پولیس نے فوری کارروائی کرتے ہوئے چاقو زنی کی واردات میں ملوث ہونے کے شبے میں ایک شخص کو گرفتار کیا تھا جس کی دماغی حالت ٹھیک نہیں تھی۔

    مزید پڑھیں : لندن : تین لاکھ سے زائد بچے جرائم پیشہ گروہوں سے منسلک ہیں، چلڈرن کمشنر

    برطانیہ میں بچوں کے حقوق کے کام کرنے والے کمشنر کی جاری کردہ رپورٹ میں بتایا گیا ہے کہ 10 برس سے 17 برس کی عمر کے ایسے 27ہزار بچوں کی شناخت ہوئی جو صرف انگلینڈ میں جرائم پیشہ گروہوں سے وابستہ ہیں۔

    رپورٹ میں بتایا گیا ہے کہ برطانیہ میں 3 لاکھ 13 ہزار کم عمر بچے گینگ ممبر ہیں اور 34 ہزار بچے ایسے ہیں جو پُرتشدد جرائم کا تجربہ کرچکے ہیں۔

  • لندن میں چاقو زنی کی واردات، دوشیزہ قتل

    لندن میں چاقو زنی کی واردات، دوشیزہ قتل

    لندن : برطانوی دارالحکومت میں 17 سالہ دوشیزہ چاقو کے متعدد وار کے باعث ہلاک ہوگئی، پولیس تاحال واقعے میں ملوث ملزمان کو گرفتار نہیں کرسکی ہے۔

    تفصیلات کے مطابق برطانیہ کے دارالحکومت لندن کے مشرقی علاقے روم فورڈ میں نامعلوم افراد نے ایک نوجوان لڑکی کو چاقو کے متعدد وار کرکے شدید زخمی کردیا تھا جو زخموں کی تاب نہ لاتے ہوئے وقوعہ پر ہی ہلاک ہوگیا۔

    مقامی میڈیا کا کہنا ہے کہ پولیس کو رات ساڑھے نو بجے چاقو زنی کی واردات سے متعلق اطلاع موصول ہوئی تاہم جب تک پولیس جائے وقوعہ پر پہنچی متاثرہ لڑکی جان کی بازی ہار چکی تھی۔

    برطانوی خبر رساں ادارے کا کہنا ہے کہ پولیس نے بہیمانہ قتل کی تحقیقات کا آغاز کردیا ہے، تاہم پولیس ابھی تک چاقو زنی کی واردات میں ملوث افراد کو گرفتار کرنے میں ناکام رہی ہے۔

    برطانوی پولیس کا کہنا ہے کہ مقتولہ کے اہل خانہ کو قتل سے متعلق آگاہ کردیا ہے اور لاش کو پوسٹ مارٹم کےلیے اسپتال منتقل کردیا گیا ہے، پولیس کا مؤقف ہے کہ یہ پہلی دوشیزہ ہے جسے رواں برس قتل کیا گیا ہے۔

    مقامی میڈیا کے مطابق مقتولہ رواں برس چاقو زنی کی واردات میں قتل ہونے والی یہ 18 ویں شہری ہے جسے دارالحکومت لندن میں چاقو زنی کا نشانہ بنایا گیا ہے کہ جبکہ پانچویں نوجوان ہے۔

    برطانوی خبر رساں ادارے (بی سی سی) کا کہنا ہے کہ گزشتہ برس چاقو زنی کی واردات میں دو 17 سالہ لڑکیاں اور ایک 18 سالہ خاتون کا قتل ہوا تھا۔

    مزید پڑھیں : مانچسٹر میں چاقو بردار شخص کا حملہ، تین افراد زخمی

    یاد رہے کہ رواں برس کے آغاز پر برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں کو چاقو کے وار سے زخمی کردیا تھا، چاقو زنی کی واردات میں زخمی ہونے والے متاثرین کو اسپتال منتقل کیا گیا تھا۔

    برطانیہ کی ٹرانسپورٹ پولیس کا کہنا تھا کہ چاقو بردار شخص کے حملے میں ایک خاتون اور مرد سمیت پولیس افسر زخمی ہوا ہے، پولیس افسر کو کندھے پر زخم آئے تھے۔

    برطانوی خبر رساں ادارے کا کہنا ہے کہ پولیس نے فوری کارروائی کرتے ہوئے چاقو زنی کی واردات میں ملوث ہونے کے شبے میں ایک شخص کو گرفتار کیا تھا جس کی دماغی حالت ٹھیک نہیں تھی۔

  • لندن میں چاقو زنی کی ایک اور واردات، 17 سالہ نوجوان ہلاک

    لندن میں چاقو زنی کی ایک اور واردات، 17 سالہ نوجوان ہلاک

    لندن : برطانوی دارالحکومت میں 17 سالہ نوجوان چاقو کے متعدد وار کے باعث ہلاک ہوگیا، قتل کے شبے میں پولیس نے تین نوجوانوں کو گرفتار کرلیا۔

    تفصیلات کے مطابق برطانیہ کے دارالحکومت لندن کے شمالی علاقے اسلنگٹن میں نامعلوم افراد نے ایک نوجوان کو چاقو کے متعدد وار کرکے شدید زخمی کردیا تھا جو زخموں کی تاب نہ لاتے ہوئے وقوعہ پر ہی ہلاک ہوگیا۔

    مقامی میڈیا کا کہنا ہے کہ پولیس کو شام بجے چاقو زنی کی واردات سے متعلق اطلاع موصول ہوئی تاہم جب تک پولیس جائے وقوعہ پر پہنچی متاثرہ نوجوان جان کی بازی ہار چکا تھا۔

    اسکاٹ لینڈ یارڈ کا کہنا ہے کہ پولیس نے 17 سالہ نوجوان کے قتل کے شبے میں 16 اور 17 سالہ نوجوان کو جائے وقوعہ کے نزدیک سے ہی حراست میں لےلیا تھا جبکہ 18 سالہ ملزم کو اسکے گھر سے بعد میں گرفتار کیا گیا۔

    پولیس نے میڈیا ادارے کو بتایا کہ قتل کی واردات اماراتی اسٹیڈیم سے کچھ فاصلے ہوئی جہاں منگل کے روز فٹبال ٹورنامنٹ ہورہا تھا۔

    مقامی خبر رساں ادارے کے مطابق پولیس تاحال مقتول کی شناخت معلوم کرنے کےلیے پوسٹ مارٹم رپورٹ کا انتظار کررہی ہے۔

    برطانوی خبر رساں ادارے کا کہنا ہے کہ مذکورہ نوجوان رواں برس جنوری میں ہلاک ہونے والا پانچواں شخص ہے، مقامی افراد کا کہنا ہے کہ ایسا لگتا ہے اسلنگٹن میں قانون نہیں ہے، کچھ مہینوں میں یہاں متعدد چاقوزنی کی وارداتیں رونما ہوچکی ہیں۔

    مقامی میڈیا کے مطابق منگل کے روز دارالحکومت لندن میں چاقو زنی کے دو الگ الگ واقعات ایک مرد اور خاتون زخمی ہوئے تھے جنہیں اسپتال میں طبی امداد فراہم کی جارہی ہے۔

    مزید پڑھیں : لندن : چاقو زنی کی واردات، ایک شخص ہلاک، ملزم گرفتار

    مزید پڑھیں : مانچسٹر میں چاقو بردار شخص کا حملہ، تین افراد زخمی

    یاد رہے کہ رواں برس کے آغاز پر برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں کو چاقو کے وار سے زخمی کردیا تھا، چاقو زنی کی واردات میں زخمی ہونے والے متاثرین کو اسپتال منتقل کیا گیا تھا۔

    برطانیہ کی ٹرانسپورٹ پولیس کا کہنا تھا کہ چاقو بردار شخص کے حملے میں ایک خاتون اور مرد سمیت پولیس افسر زخمی ہوا ہے، پولیس افسر کو کندھے پر زخم آئے تھے۔

    برطانوی خبر رساں ادارے کا کہنا ہے کہ پولیس نے فوری کارروائی کرتے ہوئے چاقو زنی کی واردات میں ملوث ہونے کے شبے میں ایک شخص کو گرفتار کیا تھا جس کی دماغی حالت ٹھیک نہیں تھی۔

    مزید پڑھیں : چاقوحملوں نےلندن کومیدان جنگ میں تبدیل کردیا ہے‘ ڈونلڈ ٹرمپ

    یاد رہے کہ امریکی صدر ڈونلڈ ٹرمپ نے گزشتہ برس کا کہا تھا کہ لندن میں بندوقیں نہیں ہوتیں لیکن وہاں چاقو ہوتے ہیں، لندن کا اسپتال چاقو حملوں کے زخمیوں سے بھرگیا اورکسی وارزون میں تبدیل ہوگیا۔

  • شارجہ میں چاقو زنی کی واردات، 1 شخص ہلاک 2 خواتین زخمی

    شارجہ میں چاقو زنی کی واردات، 1 شخص ہلاک 2 خواتین زخمی

    ابوطبی : اماراتی ریاست شارجہ میں نامعلوم چاقو بردار حملہ آور نے ایک شخص کو قتل جبکہ دو خواتین کو زخمی کردیا۔

    تفصیلات کے مطابق متحدہ عرب اماراتی کی ریاست شارجہ کے علاقے البوتینا میں واقع عمارت میں گزشتہ روز چاقو زنی کی افسوس ناک واردات رونما ہوئی جس میں ایک 48 سالہ سوڈانی شخص ہوگیا۔

    پولیس کا کہان ہے کہ چاقو زنی کی واردات میں 33 سالہ بھارتی خاتون اور اس کی بیٹی شدید زخمی ہوئے ہیں جنہیں اسپتال میں طبی امداد فراہم کی جارہی ہے۔

    اماراتی خبر رساں ادارے کا کہنا ہے کہ پولیس فلیٹ میں چاقو بردار شخص کے حملے کی فون کال موصول ہوئی، سیکیورٹی اہلکار جائے وقوعہ پر پہنچنے تو دو خواتین شدید زخمی حالت میں اور ایک شخص مردہ حالت میں پڑا تھا جبکہ ایک سوڈانی شخص ہاتھ میں چاقو لیے کھڑا لیا۔

    پولیس کا کہنا ہے کہ زخمی خاتون کو فوری طور پر الکویتی اسپتال منتقل کردیا گیا تھا جہاں اسے انتہائی نگہداشت کے وارڈ میں طبی امداد فراہم کی جارہی ہے جبکہ بیٹی القاسمی اسپتال میں زیر علاج ہے۔

    پولیس کا کہنا ہے کہ تاحال قتل کی وجوہات معلوم نہیں ہوسکی ہیں لیکن واقعے کی تحقیقات جاری ہیں۔

    پولیس نے بتایا کہ جائے وقوعہ سے گرفتار ہونے والے شخص کے انگلیوں کے نشانات آلہ قتل سے ملنے والے نشانات سے مماثلت رکھتے ہیں لیکن مزید کارروائی متاثرہ خاتون کا بیان ریکارڈ ہونے کے بعد کی جائے گی۔

  • لندن: فائرنگ اور چاقو زنی کی واردات، دو افراد قتل 4 زخمی

    لندن: فائرنگ اور چاقو زنی کی واردات، دو افراد قتل 4 زخمی

    لندن : سال نو کے آغاز پر برطانوی دارالحکومت میں چاقو زنی کی مختلف وارداتوں میں دو افراد ہلاک اور چار زخمی ہوگئے۔

    مقامی خبر رساں ادارے کا کہنا تھا کہ لندن کے علاقے پارک لین میں منعقدہ نجی محفل کے باہر چاقو زنی کی واردات ایک شخص ہلاک ہوا جبکہ 37 اور 29 سالہ شخص اور 29 سالہ خاتون زخمی ہوئی۔

    برطانوی خبر رساں ادارے کا کہنا تھا کہ پارک لین میں چاقو بردار شخص کے حملے کے کچھ دیر بعد ساوتھ وارک میں ایک خاتون خنجر کے وار سے زخمی ہوئی جبکہ ہیکنی میں واقع نائٹ کلب میں ایک خاتون کو گولی مار کر قتل کیا گیا۔

    پولیس کا کہنا ہے کہ پارک لین میں زخمی ہونے والے متاثرین کو فوری اسپتال منتقل کردیا گیا تھا جہاں انہیں طبی امداد دی جارہی ہے تاہم شدید زخموں کے باعث متاثرین کی حالت نازک ہے۔

    برطانوی پولیس کا کہنا ہے کہ پارک لین میں ہلاک ہونے والا شخص سیکیورٹی گارڈ ہے۔

    پولیس کے مطابق ساوتھ وارک میں زخمی ہونے والی 30 سالہ خاتون کو اسپتال منتقل کرتے ہوئے ریسکیو عملہ طبی امداد فراہم کررہا تھا لیکن وہ راستے میں ہی ہلاک ہوگئی۔

    مقامی خبر رساں ادارے کا کہنا ہے کہ پولیس نے کارروائی کرتے ہوئے ساوتھ وارک میں چاقو زنی کی وار دات کا شکار ہونے والی خاتون کے قتل کے شبے میں 34 سالہ شخص کو گرفتار کیا ہے۔

    مزید پڑھیں : مانچسٹر میں چاقو بردار شخص کا حملہ، تین افراد زخمی

    یاد رہے کہ 31 دسمبر کی شام برطانیہ کے شہر مانچسٹر میں واقع وکٹوریہ ریلوے اسٹیشن پر مسلح شخص نے شہریوں پر چاقو سے حملہ کردیا تھا، جس کے نتیجے پولیس افسر سمیت چار افراد زخمی ہوئے تھے، چاقو زنی کی واردات میں زخمی ہونے والے متاثرین کو اسپتال منتقل کردیا تھا جہاں انہیں طبی امداد فراہم کرنے بعد گھر بھیج دیا گیا تھا۔

  • برطانیہ میں چاقو زنی کی واردات، 4 پولیس اہلکار زخمی

    برطانیہ میں چاقو زنی کی واردات، 4 پولیس اہلکار زخمی

    لندن : برطانوی دارالحکومت کے شمال میں ڈیوٹی پر موجود پولیس اہلکاروں پر چاقو سے حملہ کرکے شدید کردیا، چاقو زنی کی واردات میں زخمی ہونے والے چاروں اہلکار کو اسپتال منتقل کردیا گیا ہے۔

    تفصیلات کے مطابق برطانیہ کے دارالحکومت لندن کے شمالی علاقے آئیلنگٹن میں نامعلوم چاقو بردار شخص نے پولیس اہلکاروں پر حملہ کردیا جس کے نتیجے میں ڈیوٹی پر موجود چار اہلکار زخمی ہوگئے۔

    برطانوی خبر رساں ادارے کا کہنا تھا کہ سیکیورٹی اداروں نے ملزمان کے خلاف فوری کارروائی کرتے ہوئے کہ اقدام قتل اور ہنگامہ آرائی میں ملوث ہونے کے شبے میں دو 19 سالہ نوجوانوں کو حراست میں لیا ہے۔

    مقامی میڈیا کا کہنا ہے کہ پولیس اہلکاروں کو شمالی لندن میں ہنگامہ آرائی کی شکایات موصول ہوئی تھی تاہم پولیس اہلکار جائے وقوعہ پر پہنچے تو مشتعل شخص نے خنجر سے پولیس پارٹی پر ہی حملہ کردیا۔

    خبر رساں ادارے کا کہنا تھا کہ چاقو زنی کی واردات میں دو مرد اہلکاروں پر خنجر سے وار کیے گئے جبکہ ایک خاتون کے سر پر چوٹ لگی اور ایک خاتون کے ہاتھ کی ہڈی ٹوٹ گئی۔

    پولیس کا کہنا ہے کہ زخمی اہلکاروں کو فوری طور پر طبی امداد کےلیے مقامی اسپتال منتقل کردیا گیا تھا جہاں تین اہلکاروں کو طبی امداد کے بعد روانہ کرگیا تھا جبکہ ایک اہلکار کو شدید زخمی ہونے کے باعث اسپتال میں داخل کرلیا تھا۔

    برطانوی میڈیا کا کہنا تھا کہ جھگڑے کے باعث چاقو بردار شخص بھی معمولی زخمی ہوا تھا جسے طبی امداد فراہم کرنے کے بعد شمالی لندن کے پولیس اسٹیشن منتقل کردیا گیا۔

    پولیس کا کہنا ہے کہ جائے وقوعہ سے حملے میں استعمال ہونے والا خنجر برآمد ہوا ہے، پولیس اہلکار واقعے کی مزید تفتیش کررہے ہیں۔