چترال: موسمیاتی تبدیلی کے اثرات سے متاثرہ چترال میں بارشوں کے باعث سیلاب نے کئی گاؤں اجاڑ دیے ہیں۔
تفصیلات کے مطابق چترال میں سیلاب نے کئی گاؤں اجاڑ دیے، لوئر اور اپر چترال میں سیلاب سے متعدد گھر اور رابطہ پل پانی میں بہہ گئے۔
میراگرام ، کوغذی، کاری اور وادئ کیلاش میں علاقہ مکینوں نے گھر خالی کر دیے ہیں، دریائے چترال بپھر جانے سے اپر چترال کے ساتھ زمینی رابطہ منقطع ہو گیا ہے، جس کے باعث لوگوں کو آمد و رفت میں شدید مشکلات کا سامنا ہے۔
ڈپٹی کمشنر چترال محمد علی نے بتایا کہ ضلعی انتظامیہ نے متاثرہ علاقوں کی جانب سے ریسکیو ٹیمیں روانہ کر دی ہیں، شاہراہیں سیلاب میں بہہ گئی ہیں تاہم گرم چشمہ اور دنین کا راستہ بحال کر دیا گیا ہے۔
سیلاب اور بارشوں نے وادئ کیلاش ﻣﯿﮟ بھی ﺗﺒﺎﮨﯽ ﻣﭽﺎ ﺩﯼ ہے، کیلاش کے علاقے رمبور میں شدید بارشوں کے بعد سیلابی صورت حال پیدا ہونے سے معتدد گھروں کو نقصان پہنچا، جب کہ بجلی گھر بھی متاثر ہوئے ہیں، رمبور میں بارش اور سیلاب سے باغات کو بھی شدید نقصان پہنچا ہے، تاہم چترال میں بارشوں سے اب تک جانی نقصان کی اطلاع نہیں ملی ہے۔
