Tag: چلاس

چلاس: گلگت بلتستان میں واقع قصبے میں تاریخ میں پہلی بار گن پوائنٹ پر ڈکیتی ہوئی ہے، جس میں 5 ڈاکوؤں نے ملازمین کو رسیوں سے باندھ کر شاپنگ مال میں لوٹ مار کی۔

تفصیلات کے مطابق چلاس لون شاپنگ مال میں رات گئے ڈکیتی کی واردات میں ڈاکو 4 لاکھ سے زائد مالیت کی نقدی، موبائل کارڈ لوٹ کر فرار ہو گئے، بتایا جا رہا ہے کہ یہ چلاس شہر کی پہلی گن پوائنٹ ڈکیتی ہے، جسے نہایت افسوس ناک قرار دیا جا رہا ہے۔

پولیس کا کہنا ہے کہ مسلح گروہ نے ملازمین کو رسی سے باندھ کر لاکھوں مالیت کا سامان اور نقدی لوٹی، سی سی ٹی وی فوٹیج حاصل کر کے ڈاکوؤں کے خلاف تحقیقات کا آغاز کر دیا گیا ہے، ڈاکوؤں نے واردات 25 سے 30 منٹ میں کی۔

شاپنگ مال کے منیجر کامران حمید کا کہنا تھا کہ ڈاکوؤں نے گن پوائنٹ پر انتظامیہ کو کاؤنٹر سے اٹھنے کو کہا اور انھیں دھکیل کر باندھ دیا، پھر کاؤنٹر میں موجود نقدی رقم اٹھالی، کاؤنٹر پر 4 لاکھ کے قریب نقدی پڑی تھی، 54 ہزار کے بیلنس کارڈ بھی لوٹے گئے، لاکھوں مالیت کا دیگر سامان بھی لوٹا گیا۔

ایس پی دیامر نے موقع واردات کا دورہ کر کے انتظامیہ سے پوچھ گچھ کی، ان کا کہنا تھا کہ دیامر پولیس اور اسپیشل برانچ کو متحرک کر دیا گیا ہے، جلد ڈکیت گروپ تک پہنچ جائیں گے۔

چلاس: گلگت بلتستان کے قصبے چلاس میں رات گئے زلزلے کے جھٹکوں کے بعد شاہراہ قراقرم پر لینڈ سلائیڈنگ کے باعث شاہراہ بند ہو گئی ہے۔

تفصیلات کے مطابق شاہراہ قراقرم پر واقع قصبے چلاس میں رات گئے آنے والے زلزلے کے جھٹکوں کے باعث شاہراہ پر لینڈ سلائیڈنگ سے گونر فارم گھندلو کے مقام پر شاہراہ بند ہو گئی ہے۔ پولیس کا کہنا ہے کہ شاہراہ کی بندش سے سیکڑوں گاڑیاں اور مسافر پھنس گئے ہیں۔

خیال رہے کہ گزشتہ روز خیبر پختون خواہ اور گلگت بلتستان کے مختلف علاقوں اور پہاڑی سلسلوں میں زلزلے کے شدید جھٹکے محسوس کیے گئے تھے، زلزلہ پیما مرکز کے مطابق زلزلے کی شدت 5.6 ریکارڈ کی گئی تھی، جس کا مرکز مینگورہ سے 260 کلومیٹر شمال مشرق اور گہرائی 42 کلو میٹر تھی۔

خیبرپختونخواہ اور گلگت بلتستان میں 5.6 شدت کا زلزلہ

ادھر بالائی علاقوں میں ریکارڈ توڑ سردی پڑ رہی ہے، اسکردو فریز ہو گیا ہے، پارا منفی 28 تک گر گیا، خیبر پختون خوا، پنجاب اور بالائی سندھ میں دھند، موٹر وے اور دیگر شاہراہوں پر ٹریفک کی آمد و رفت متاثر ہو گئی ہے، بلوچستان میں بھی برفیلی ہواؤں کا گشت ہے، کوئٹہ سے ہوائیں کراچی آنے پر شہر میں سردی بڑھنے لگی ہے۔

ملک بھر میں کڑاکے کی سردی کے ساتھ اسکردو میں سردی نے 20 سالہ ریکارڈ توڑ دیا ہے، جھیلیں، آبشار، ندی نالے جم گئے ہیں، کوئٹہ منفی 2، قلات منفی 5، زیارت منفی 4 ریکارڈ کیا گیا، خون جما دینے والی سردی میں شہریوں کو مشکلات کا سامنا ہے۔

چلاس: بالائی علاقوں میں خون جما دینی والی سردی نے ہر شے منجمد کر دی ہے، گلگت بلتستان کو خشک سردی نے پوری طرح اپنی لپیٹ میں لے لیا ہے جس کے باعث موسم انتہائی سرد ہو گیا ہے۔

تفصیلات کے مطابق سیاحتی مقام بابوسر میں پارہ منفی 19 ڈگری سینٹی گریڈ تک گر گیا، بالائی علاقوں میں موسم انتہائی سرد ہو گیا ہے، خون جما دینے والی سردی نے ہر شے منجمد کر دی۔

اسکردو میں درجہ حرارت منفی 16، استور میں درجہ حرارت منفی 12 ڈگری سینٹی گریڈ تک گر گیا ہے، گوپس میں پارہ منفی 9، بگروٹ میں منفی 7، گلگت میں منفی 5 اور چلاس میں منفی 3 ڈگری تک گر گیا۔

شدید سردی کے باعث لوگ گھروں میں محصور ہو گئے ہیں، گرم ملبوسات اور خشک لکڑی کی مانگ بڑھ گئی۔ خشک لکڑی کی فی من قیمت 700 روپے تک جا پہنچی، جس پر انتظامیہ خاموش ہے۔

محکمہ موسمیات کا کہنا ہے کہ گلگت بلتستان میں آج بھی موسم انتہائی سرد رہے گا۔

چلاس: گلگت بلتستان کے علاقے چلاس میں شتیال کےمقام پرلینڈسلائیڈنگ کےباعث شاہراہ قراقرم بند ہوگئی جس کی وجہ سے مسافر پھنس کر رہ گئے۔

تفصیلات کے مطابق چلاس میں مٹی کاتودہ شاہراہ قراقرم پرگرنےسےراولپنڈی اور گلگت بلتستان کارابطہ منقطع ہوگیا ہے، شاہراہ قراقرم کی بندش سےسینکڑوں گاڑیاں اورمسافرپھنس کررہ گئے ہیں ۔

شاہراہ کےدونوں اطراف گاڑیوں کی طویل قطاریں لگ گئیں اور سخت سردی میں مسافر کھلے آسمان تلے بیٹھے ہیں۔

پریشان حال مسافروں کا کہنا ہے کہ کئی گھنٹےگزرنےکےبعدبھی بحالی کاکام شروع نہیں کیاجاسکا۔

یہ بھی پڑھیں: بلوچستان اور کے پی میں بارش، برفباری، موسم خوشگوار، سردی میں اضافہ

دوسری جانب بلوچستان اور خیبرپختونخوا کے مختلف شہروں میں بادل کھل کر برسے جس سے سردی کی شدت بڑھ گئی ہے، بالائی علاقوں میں پہاڑوں نے برف کی چادر اوڑھ لی، نظارے اور بھی حسین اور موسم بھی مزید سرد ہوگیا۔

ملک کے بالائی بالائی علاقوں میں برف نے سفید چادر تان دی۔ شانگلہ میں بارش اور پہاڑوں پر برفباری نے ہری بھری وادی کے حسن کومزید دلفریب بنادیا۔