Tag: چمن

چمن : مال روڈ پر موٹرسائیکل میں نصب بم دھماکے کے نتیجے میں تین افراد زخمی ہوگئے۔

سرحدی شہر چمن کے مصروف ترین شاہراہ مال روڈ پر تین روز کے وقفے کے بعد ایک اور موٹر سائیکل میں نصب بم دھماکہ ہوا، موٹر سائیکل میں نصب بم دھماکے سے سارا شہر لرز اٹھا، ایس ایچ او سٹی تھانہ شاہد سلیم کے مطابق مال روڈ پر ہوٹل اور موٹر سائیکل کی دوکان کے قریب موٹر سائیکل میں نصب بم دھماکہ اس وقت ہوا جب قریب سے ایک رکشہ گزر رہا تھا، جو اس کے ذد میں آگیا، جس میں سوار تین افراد شدید زخمی ہوگئے۔

پولیس اور لیویز فورس نے علاقے کو گھیرے میں لیکر زخمیوں کو ڈسٹرکٹ سول ہسپتال منتقل کردیا گیا، جہاں ڈاکٹروں کے مطابق ان کی حالت خطرے سے باہر بتائی جاتی ہے، دھماکے کے فوری بعد جائے وقوعہ پہنچنے والے پولیس اور لیویز اہلکاروں میں جگہ اے اور بی ایریا ڈیگلیر کرنے میں تھن گئی اور آدھے گھنٹے تک زبردست جملوں کے تبادلہ ہوا ۔

مال روڈ پاک افغان باڈر شاہراہ بھی ہے ، جس پر چھ اگست کو بھی ایک موٹر سائیکل میں نصب بم دھماکہ ہوا تھا، جس میں پولیس موبائل کو ٹارگٹ بنایا گیا تھا جس میں دو پولیس اہلکاروں سمیت بارہ افراد زخمی ہوئے تھے، سخت ترین سیکورٹی انتظامات کے باوجود پے درپے ہونے والے دھماکوں نے پولیس اور لیویز کی مشکلات میں اضافہ کردیا۔

چمن : بلوچستان کے شہر چمن میں مال روڈ پر دھماکہ ہوا،  جس کے نتیجے میں دو پولیس اہلکاروں اور خاتون سمیت بارہ افراد زخمی ہوگئے  جبکہ پانچ دکانیں تباہ ہوگئی، دھماکے کے بعد پولیس اور ریسکیو ٹیمیں جائے وقوعہ پر پہنچ گئی، زحمیوں کو اسپتال منتقل کیا جارہا ہے ۔

پولیس کے مطابق دھماکہ میں ڈی پی او کی سیکیورٹی پر مامور اہلکاروں کونشانہ بنایا گیا، زخمیوں کو فوری طور پر سول اسپتال منتقل کردیا گیا، جہاں ایمرجنسی نافذ کردی گئی۔ ایک پولیس اہلکار سمیت تین افراد کی حالت تشویشناک بتائی جاتی ہے۔ پولیس نے علاقے کو گھیرے میں لے کر تحقیقات شروع کردیں ۔

دھماکا اتنا زوردار تھا کہ قریبی عمارتوں کے شیشے ٹوٹ گئے، دھماکا مال روڈ پر واقع ایک دکان کے سامنے کھڑی موٹرسائیکل میں ہوا، جس دھماکہ خیز مواد موٹر سائیکل میں نصب کیا گیا تھا،دھماکے سے موٹر سائیکل تباہ اور ساتھ کھڑی متعدد گاڑیوں کوبھی نقصان پہنچا۔