Tag: چمن

چمن میں انیس گھنٹے نیٹو سپلائی روکنے کے خلاف نیٹو سپلائی ڈرائیوروں نے پاک افغان باڈر پر شدید احتجاج کیا، ڈرائیوروں نے الزام لگایا ہے کہ لیویز نے بھتہ وصولی کے لئے سپلائی روکی تھی۔

چمن کے علاقے قلعہ عبداللہ میں نیٹو سپلائی روکنے کے خلاف نیٹو سپلائی ڈرائیوروں نے پاک افغان باڈر پر شدید احتجاج کیا، گزشتہ روز نیٹو سپلائی کے پینتالیس کنٹینرز انیس گھنٹے تک لیویز کے اسسٹنٹ کمشنر نے روکے تھے۔

ڈرائیوروں نے الزام لگایا ہے کہ لیویز نے بھتہ وصولی کے لئے سپلائی روکی، جس کے بعد انہیں پوری رات شدید سردی میں گزارنی پڑی، ڈرائیوروں کا کہنا تھا کہ نیٹو سپلائی روکنے پر ڈپٹی کمشنر کی خاموشی کئی سوالات کو جنم دے رہی ہے۔

نیٹو سپلائی ڈرائیور کا کہنا تھا کہ ضلعی انتظامیہ نیٹو سپلائی کو سیکورٹی دینے کی بجائے بھتہ وصولی میں مصروف ہے ۔

چمن کے علاقے گلدار باغیچہ میں حساس اداروں مکان پر چھاپہ مار کر دو دہشتگردوں کو گرفتار کرلیا, ملزمان کے قبضے سے بھاری تعداد میں گولہ بارود بھی برآمد کرلیا گیا، ملزمان کا تعلق افغانستان سے ہے۔

فورسز نے چمن میں دہشتگردی کا بڑا منصوبہ ناکام بنا دیا، حساس ادارے کے اہلکاروں نے چمن کے علاقے گلدار باغیچہ میں خفیہ اطلاع ملنے پر ایک مکان پر چھاپہ مارا، کاروائی کے دوران مکان سے دو ٹن دھماکہ خیز مواد پانچ سو بارودی سرنگیں اور پچاس بم بر آمد کر لئے گئے۔

سیکیورٹی ذرائع کے مطابق مکان سے اسّی ریموٹ کنٹرول بم اور ڈیٹونیشن وائرکے پانچ بنڈل بھی برآمد ہوئے جبکہ دو دہشتگردوں کو بھی گرفتار کر لیا گیا، سیکیورٹی ذرائع کا کہنا ہے کہ گرفتار ملزمان کا تعلق افغانستان سے ہے۔

اس سے پہلے بھی چمن میں ایف سی کی جانب سے بم بنانے والی فیکٹری پر چھاپہ مارا گیا تھا، فیکٹری سے بم بنانے کے سامان سمیت بھاری تعداد میں اسلحہ اور بارودی مواد کو قبضے میں لیا گیا تھا۔
       

چمن میں ایف سی نے بم بنانے کی فیکٹری پر چھاپہ مار کر بھاری مقدار میں گولہ بارود برآمد کرلیا ہے۔

چمن بڑی تباہی سے بچ گیا، ایف سی نے بم بنانے والی فیکٹری پر چھاپہ مار کر اسلحہ اور گولہ بارود برآمد کرلیا، اسپیشل آپریشن ونگ انچارج لیفٹننٹ جنرل چوہدری ظفر اقبال نے میڈیا بریفنگ میں بتایا بم ساز فیکٹری سے پانچ خود کش جیکٹ سترہ دیسی ساختہ بم اور سولہ سو پچاس بارودی سرنگیں بر آمد ہوئی ہیں۔

چوہدری ظفر اقبال نے بتایا کہ فیکٹری سے سترہ ہزار پانچ سو بارودی اسٹکس کے سمیت بھاری مقدار میں بم بنانے کا سامان بھی برآمد کرلیا گیا، برآمد کیا گیا اسلحہ میڈیا کے سامنے بھی پیش کیا گیا، اس موقع پر لیفٹننٹ کرنل ناصر جنجوعہ نے بتایا کہ کامیاب آپریشن کے ذریعے دہشت گردی کے منصوبے ناکام بنا دیئے گئے۔