Tag: چندریان تھری

چندریان تھری مشن کو کامیابی سے ہمکنارے کرنے والے بھارتی سائنسدانوں میں کوئی ایک بھی کروڑ پتی نہیں بلکہ انھوں نے نہایت سادہ طرز زندگی کو اپنایا ہوا ہے۔

غیرملکی میڈیا رپورٹس کے مطابق اسرو کے سابق چیف مادھون نایر نے انکشاف کیا کہ یہ سائنسدان کبھی بھی پیسوں کے لیے فکرمند نہیں ہوئے، ان میں سے کوئی بھی کروڑپتی نہیں، یہ سادہ زندگی گزارنے والے لوگ ہیں جب کہ ان میں صبر بھی کافی زیادہ ہے۔

انھوں نے کہا کہ ان سائنسدانوں کو صرف اپنے مشن کی فکر تھی اور انھوں نے خود کو اسی کام کے لیے وقف کر رکھا تھا، سابق سربراہ چندریان تھری کی کامیابی پر کافی خوش ہیں اور انھوں نے سائنسدانوں کو مبارکباد بھی دی ہے۔

خلائی ادارے کے سابق سربراہ نے کہا کہ ترقی یافتہ ممالک کے سائنسدانوں کے پانچویں حصے کے برابر تنخواہ پا کر بھارتی سائنسدانوں نے یہ کارنامہ انجام دیا، اِسرو میں سائنسدانوں کی تنخواہ کم ہوتی ہے جس کا ایک سبب ہے کہ وہ خلائی تحقیق کے لیے کم لاگت والے سامان تلاش کر سکیں۔

مادھون کے مطابق بھارت اپنی خلائی مہم کے لیے گھریلو تکنیک کا استعمال کرتا ہے جس سے لاگت بہت کم آتی ہے، بھارتی خلائی مہم کی لاگت دیگر ممالک کے مقابلے میں 50 سے 60 فیصد کم ہوتی ہے۔

واضح رہے کہ بھارت کی جانب سے بھیجے گئے مشن چندریان تھری نے چاند کی سطح پر اترنے میں کامیابی حاصل کی تھی، چاند کے قطب جنوبی حصے میں اسپیس کرافٹ اترنے کا یہ پہلا واقعہ تھا۔

بھارت کی جانب سے بھیجے گئے مشن چندریان تھری نے چاند کی سطح پر اترنے میں کامیابی حاصل کرلی، چاند کے قطب جنوبی حصے میں اسپیس کرافٹ اترنے کا یہ پہلا واقعہ ہے۔

غیرملکی میڈیا رپورٹس کے مطابق بھارتی خلائی ادارے کی جانب سے اعلان کیا گیا ہے کہ ’اسرو‘ کا چاند پر بھیجا گیا مشن کامیاب ہوگیا ہے، چندریان تھری نے چاند کے جنوبی حصے میں اترنے میں کامیابی حاصل کرلی ہے جہاں تاریکی کا ڈیرہ ہے، اسی ہفتے روس کے لونا 25 مشن نے بھی چاند پر اترنے کی کوشش کی تھی مگر اسے ناکامی کا سامنا کرنا پڑا تھا۔

خلائی ادارے ’اسرو‘ کا اپنے بیان میں کہنا تھا کہ 14 جولائی کو روانہ کیا جانے والا مشن چندریان 3 اگست کی 5 تاریخ کو چاند کے مدار میں داخل ہوا تھا، وکرم نامی لینڈر 17 اگست کو پروپلشن موڈیول سے کامیابی سے الگ ہونے کے بعد آج چاند کی سطح پر اتر چکا ہے۔

2019 میں چندریان 2 کو چاند پر اتارنے کی کوشش کی گئی تھی جس میں بھارت کو ناکامی کا سامنا کرنا پڑا تھا، تاہم اس بار چاند پر اترنے کا مشن پورا کرلیا گیا ہے۔

اب تک کسی ملک نے چاند کے جنوبی پول پر لینڈنگ نہیں کی، بھارت وہ پہلا ملک ہے جس نے یہ اعزاز حاصل کیا ہے، اس سے قبل امریکا، روس اور چین بھی کامیاب سے چاند پر اپنا خلائی مشن اتار چکے ہیں۔

واضح رہے کہ ہندی اور سنسکرت زبان میں چندریان کا مطلب’چاند گاڑی‘ ہوتا ہے اور اسی نام کو بھارت نے خلائی مشن کے لیے چنا تھا، اس حوالے سے اسرو کا کہنا تھا کہ چاند کے جنوبی پول کی سطح پر اتر کر یہ اندازہ لگانے میں مدد ملے گی کہ یہاں پانی یا برف موجود ہے کہ نہیں۔

بھارتی خلائی مشن چندریان تھری چاند کی سطح پر اترنے کے قریب پہنچ گیا، خلائی مشن کا دوسرا اور آخری دی بوسٹنگ آپریشن بھی کامیابی کے ساتھ مکمل ہوگیا ہے۔

غیرملکی میڈیا رپورٹس کے مطابق ڈی بوسٹنگ آپریشن کی تکمیل کے بعد چندریان تھری اور چاند کی سرزمین کے درمیان فاصلہ مزید کم ہوگیا ہے، انڈین اسپیس ریسرچ آرگنائزیشن (اسرو) کے خلائی مشن کے چاند کی سطح پر اتارنے سے پہلے اہم مرحلے کی قریب سے نگرانی کی گئی ہے۔

بھارتی سائنسدانوں نے بتایا کہ لینڈروکرم جس مدار میں داخل ہوا ہے وہاں سے چاند کا قریب ترین نقطہ 25 کلومیٹر جب کہ دور والا نقطہ محض 134 کلومیٹر کے فاصلے پر ہے۔

اسرو کا جاری بیان میں کہنا تھا کہ اس مدار کے ذریعے چاند کے جنوبی قطبی علاقے میں سافٹ لینڈنگ کی کوشش کی جائے گی۔

بھارتی خلائی ادارے کی سوشل میڈیا پوسٹ کے مطابق ’’دوسرے اور آخری ڈی بوسٹنگ آپریشن نے لینڈر ماڈیول کے مدار کو کامیابی کے ساتھ 25 کلومیٹر تا 134 کلومیٹر تک کم کر دیا ہے‘‘۔

Chandrayaan-3 Mission:

The second and final deboosting operation has successfully reduced the LM orbit to 25 km x 134 km.

The module would undergo internal checks and await the sun-rise at the designated landing site.

The powered descent is expected to commence on August… pic.twitter.com/7ygrlW8GQ5

— ISRO (@isro) August 19, 2023

اسرو نے بتایا کہ یہاں سے 23 اگست کو شام 5:45 پر چاند کی سرزمین پر لینڈنگ کی کوشش کی جائے گی۔

اسرو کے سابق سربراہ کے کے مطابق چندریان تھری کا ڈیزائن بھی وہی ہے جو کہ چندریان ٹو کا تھا، ان کا کہنا تھا کہ ’’ڈیزائن میں کوئی تبدیلی نہیں کی گئی، چندریان-2 کے مشاہدے کی بنیاد پر مشن میں کی گئی تمام غلطیوں کو درست کیا گیا۔‘‘

واضح رہے کہ بھارتی خلائی مشن چندریان تھری کو 14 جولائی کو لانچ کیا گیا تھا، مشن 5 اگست کو چاند کے مدار میں داخل ہوا تھا۔

چاند کی سطح سے مزید قریب کرنے کے لیے چندریان کو پروپلشن اور لینڈر ماڈیولز کو الگ کرنے کی مشق سے پہلے 6، 9، 14 اور 16 اگست کو چاند کے مدار میں اتارنے کی کوشش کی گئی تھی۔