ARYNews.tv | Urdu – Har Lamha Bakhabar

Tag: چوتھا ون ڈے

  • انگلینڈ نے پاکستان کو 3 وکٹوں سے ہرا کر ون ڈے سیریز اپنے نام کر لی

    انگلینڈ نے پاکستان کو 3 وکٹوں سے ہرا کر ون ڈے سیریز اپنے نام کر لی

    نوٹنگھم : چوتھے ون ڈے میں بھی انگلینڈ نے پاکستان کو 3 وکٹوں سے ہرا کر ون ڈے سیریز جیت لی، میزبان ٹیم نے341رنز کا ہدف آخری اوور میں سات وکٹوں کے نقصان پر حاصل کرلیا۔

    تفصیلات کے مطابق پاکستان اور انگلینڈ کے مابین کھیلے گئے ون ڈے سیریز کے چوتھے میں بھی انگلینڈ نے پاکستان کو سخت مقابلے کے بعد تین وکٹوں سے شکست دے دی۔

    انگلینڈ نے مطلوبہ ہدف سات وکٹوں کے نقصان پر آخری اوور میں حاصل کرلیا، بین اسٹوکس نے ناقابل شکست71رنز بنائے جبکہ جیسن رائے نے114،جیمزونس43 رنز بنا کر آؤٹ ہوئے۔

    بین سٹوکس نے آخری لمحات میں انتہائی ذمہ دارانہ بلے بازی کا مظاہرہ کیا، انگلینڈ نے اس فتح کے بعد سیریز میں 0۔3 کی ناقابل شکست برتری حاصل کرلی۔

    قبل ازیں چوتھے ون ڈے میچ میں پاکستان نے بابر اعظم کی شاندار سنچری کی بدولت انگلینڈ کو جیت کے لیے 341 رنز کا ہدف دے دیا۔

     ٹرینٹ برج میں کھیلے جانے والے چوتھے ون ڈے میچ میں پاکستان نے مقررہ اوورز میں 7 وکٹوں کے نقصان پر 340 رنز بنائے اور انگلینڈ کو جیت کے لیے 341 رنز کا ہدف  دیا تھا۔

    پاکستان کی جانب سے بابر اعظم نے شاندار سنچری اسکور کی جبکہ محمد حفیظ اور فخر زمان نے نصف سنچریاں اسکور کیں۔

    قومی ٹیم نے بیٹنگ کا آغاز کیا تو امام الحق 3 رنز بنا کر کہنی پر مارک ووڈ کی گیند لگنے کے سبب ریٹائرڈ ہرٹ ہوئے تاہم ایکسرے رپورٹ کلیئر آنے کے بعد وہ دوبارہ بیٹنگ کے لیے میدان میں آئے اور 6 رنز بنا کر ناٹ آؤٹ رہے۔

    پاکستان کی پہلی وکٹ 116 رنز پر گری جب فخر زمان 57 رنز بنا کر پویلین لوٹ گئے، بابر اعظم نے شاندار 115 رنز کی اننگز کھیلی ان کی اننگز میں 1 چھکا اور 13 چوکے شامل تھے۔

    محمد حفیظ 55 گیندوں پر 59 رنز بنا کر آؤٹ ہوئے، شعیب ملک 41 رنز بنا کر کٹ شاٹ کھیلنے کی کوشش میں ہٹ وکٹ آؤٹ ہوئے، آصف علی 17 رنز بناسکے۔

    آل راؤنڈر عماد وسیم کو 12 رنز پر ٹام کرن نے بولڈ کیا، حسن علی ایک رن بنا کر پویلین لوٹ گئے، کپتان سرفراز احمد 21 رنز بنا کر ناٹ آؤٹ رہے۔

    انگلینڈ کی جانب سے ٹام کُرن نے چار کھلاڑیں کو پویلین کی راہ دکھائی، مارک ووڈ نے دو جبکہ جوفرا آرکر نے ایک وکٹ حاصل کی۔

    قبل ازیں انگلینڈ اور پاکستان کے خلاف ون ڈے سیریز کا چوتھا میچ آج ناٹنگھم میں کھیلا جارہا ہے جس میں انگلینڈ نے ٹاس جیت کر فیلڈنگ کا فیصلہ کیا ہے۔

    دونوں ٹیموں کے درمیان پانچ میچوں کی سیریز کا پہلا میچ بارش کی نذر ہوگیا تھا جبکہ دوسرے میچ میں دونوں ٹیموں کے درمیان زبردست مقابلہ دیکھنے میں آیا تاہم انگلینڈ نے 12 رنز سے پاکستان کو شکست دی۔

    تیسرا میچ ایک روز قبل کھیلا گیا، پاکستان نے 358رنز کا ہدف دیا جسے میزبان ٹیم نے 45 اوورز میں چار وکٹوں کے نقصان پر باآسانی حاصل کرلیا۔

    امام الحق کی 151 رنز کی اننگز بھی کام نہ آئی۔ انگلینڈ کے جوہنی بئیر سٹو نے دھواں دھار سنچری اسکور کی جبکہ جیسن رائے نے 76رنز کی شاندار اننگز کھیلی،انگلینڈ نے پاکستان کو باآسانی 6 وکٹوں سے شکست دے کر سیریز میں 0-2 کی برتری حاصل کرلی۔

  • چوتھا ون ڈے : فخرزمان کی ففٹی‘ پاکستان نے 122 رنز بنالیے

    چوتھا ون ڈے : فخرزمان کی ففٹی‘ پاکستان نے 122 رنز بنالیے

    بلاوائیو: زمبابوے کے خلاف پانچ ایک روزہ میچز پرمشتمل سیریز کے چوتھے ون ڈے میں پاکستان کی بیٹنگ جاری ہے۔

    تفصیلات کے مطابق بلاوائیو میں پاکستان اور زمبابوے کے درمیان پانچ ون ڈے میچز کی سیریز کے چوتھے میچ میں پاکستان کی ٹیم ٹاس جیت کرپہلے بیٹنگ کررہی ہے۔

    پاکستان کی جانب سے امام الحق اور فخززمان نے اننگز کا آغاز کیا اور اس نے اب سے کچھ پہلے تک پاکستان نے 22 اوورز میں بغیر کسی نقصان کے 104 رنز بنائے ہیں۔

    قومی کرکٹ ٹیم کے آل راؤنڈر نے سات چوکوں کی مدد سے اپنی نصف سنچری مکمل کی ہے۔

    تیسرا ون ڈے: زمبابوے کو 9 وکٹوں سے شکست

    قومی کرکٹ ٹیم نے 18 جولائی کو تیسرے ایک روزہ میچ میں زمبابوے کو 9 وکٹوں سے شکست دے کر 5 میچز پرمشتمل سریز میں 0-3 کی فیصلہ کن برتری حاصل کی تھی۔

    شاہینوں کی جانب سے فہیم اشرف نے شاندار باؤلنگ کا مظاہرہ کرتے ہوئے 5 شکار کیے جبکہ جنید خان نے 2، شاداب خان، یاسر شاہ اور عثمان خان شواری نے ایک ایک وکٹ حاصل کی تھی۔

    زمبابوے کے خلاف تیسرے ون ڈے میں دو تبدیلیاں کی گئی تھیں، محمد عامر اور حسن علی کی جگہ جنید خان اور یاسرشاہ کوشامل کیا گیا تھا۔

    واضح رہے کہ گرین شرٹس کے لیے سیریز میں وائٹ واش ضروری ہے،آخری دو میں سے ایک میچ میں بھی شکست انہیں رینکنگ میں دو درجہ نیچے پہنچا دے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • چوتھا ون ڈے: آسٹریلیا نے انگلینڈ کو 3 وکٹوں سے ہرا دیا

    چوتھا ون ڈے: آسٹریلیا نے انگلینڈ کو 3 وکٹوں سے ہرا دیا

    ایڈیلیڈ : آسٹریلیا نے انگلینڈ کو چوتھے ون ڈے میں تین وکٹوں سے شکست دے دی۔ انگلینڈ کو سیریز میں تین ایک کی فیصلہ کن برتری حاصل ہے۔

    تفصیلات کے مطابق ملسل تین میچ ہارنے کے بعد آسٹریلوی ٹیم ایڈیلیڈ میں سنبھل گئی، چوتھے ون ڈے کا ٹاس آسٹریلیا نے جیت کر پہلے فیلڈنگ کرنے کا فیصلہ کیا۔

    انگلینڈ نے آغازکیا تو اس کی آدھی ٹیم صرف آٹھ رنز پر پویلین لوٹ گئی، مورگن اور معین علی نے کچھ مزاحمت کی لیکن وہ بھی صرف تینتیس ، تینتیس رنز بناکر آوٹ ہوگئے۔

    کرس واکس نے78رنز بناکر انگلینڈ کی پوزیشن قدرے مستحکم کی، پیٹ کمنز نے چار اور ہیزل ووڈ نے تین وکٹیں حاصل کیں۔

    انگلینڈ کے چار بیٹسمین کھاتہ کھولے بغیر ہی پویلین لوٹ گئے، جواب میں آسٹریلیا نے مطلوبہ ہدف ٹرویس ہیڈ کی عمدہ بیٹنگ کی بدولت سات وکٹوں کے نقصان پر سنتیس اوورز میں حاصل کرلیا، ہیڈ نے ستانوے رنز اسکور کیے، عدیل راشد نے تین وکٹیں حاصل کیں۔

    مزید پڑھیں: دوسرا ون ڈے، انگلینڈ نے آسٹریلیا کو چار وکٹوں سے ہرا دیا

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • پاکستان بہ مقابلہ نیوزی لینڈ: چوتھا ون ڈے آج کھیلا جائے گا

    پاکستان بہ مقابلہ نیوزی لینڈ: چوتھا ون ڈے آج کھیلا جائے گا

    ہیملٹن: پاکستان اورنیوزی لینڈ کی کرکٹ ٹیموں‌ کے درمیان سیریز کا چوتھا ون ڈے میچ آج ہیملٹن میں کھیلا جائے گا۔

    تفصیلات کے مطابق کیویز اور گرین شرٹس آج مدمقابل ہوں گے، پانچ میچز کی سیریز پہلے ہی کیویز کے نام ہوچکی ہے، شکستوں‌ کی کھائی میں پھنسی گرین شرٹس وائٹ واش کے داغ سے بچنے کی کوشش کرے گی۔

    یاد رہے کہ کرکٹ ماہرین ہیملٹن کی وکٹ کو تیز اور بائونسی قرار دے چکے ہیں. مقابلے سے پہلے شاہینوں نے ہیملٹن میں بھرپور پریکٹس کی، مینجمنٹ کی جانب سے پیس اور باؤنس کا سامنے کرنے کے لئے بلے بازوں کو ٹریننگ کرائی گئی۔

    ہیڈ کوچ مکی آرتھر کا کہنا ہے کہ سیریز کے تین میچز میں‌ پاکستانی بلے بازوں‌ کو ناکامی کا سامنا کرنا پڑا، اگر بلے باز اس بار چل گئے، تو میچ کا نتیجہ مختلف آسکتا ہے۔

    سیریزتوہارچکےہیں، کوشش ہوگی آخری2 میچزجیت سکیں ‘ سرفرازاحمد

    یاد رہے کہ نیوزی لینڈ پاکستان کو مسلسل نو میچز میں شکست دے چکا ہے۔ ناکامی کے اس بھنور سے نکلنے کے لئے قومی ٹیم میں کچھ تبدیلیاں‌ متوقع ہیں، حارث سہیل اور عامر یامین کا پلینگ الیون میں شمولیت کا امکان ہے۔

    نیوزی لینڈ سے شکست: انضمام سرفراز الیون کی ناقص کارکردگی پر برہم

    سیریز کا واحد ڈے اینڈ نائٹ میچ پاکستانی وقت کے مطابق صبح چھ بجے شروع ہوگا۔ نیوزی لینڈ کو پانچ میچوں کی سیریز میں 0-3کی برتری حاصل ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان اورسری لنکا کےدرمیان چوتھا ون ڈے میچ آج کھیلا جائے گا

    پاکستان اورسری لنکا کےدرمیان چوتھا ون ڈے میچ آج کھیلا جائے گا

    شارجہ : پاکستان اور سری لنکا کے درمیان چوتھا ون ڈے انٹرنیشنل آج شارجہ میں کھیلا جائے گا، پاکستان کو پانچ میچوں کی سیریز میں 0-3 کی فیصلہ کن برتری حاصل ہے۔

    تفصیلات کے مطابق پاکستان اور سری لنکا کے درمیان پانچ ایک روزہ میچوں کی سیریز کا چوتھا میچ آج شارجہ کرکٹ اسٹیڈیم میں کھیلا جائے گا، میچ پاکستانی وقت کے مطابق دوپہر 3 بجے شروع ہوگا۔

    پاکستان کرکٹ ٹیم پہلے ہی تین ایک روزہ میچز میں جیت کرسیریزاپنے نام کرچکی ہے اور اب ٹیم کی کوشش ہوگی کہ اگلے دونوں میچز جیت کر کلین سوئپ کرے۔

    قومی کرکٹ ٹیم کے کپتان سرفرازاحمد کا کہنا ہے کہ اس بات کی خوشی ہے کہ ٹیسٹ سیریز ہارنے کے بعد کھلاڑیوں نے ون ڈے سیریز میں زبردست کم بیک کیا ہے اور تینوں میچوں میں عمدہ کارکردگی کا مظاہرہ کیا۔

    خیال رہے کہ پاکستان کرکٹ ٹیم مسلسل 7 ون ڈے میچز میں کامیابی حاصل کر چکی ہے جبکہ سری لنکا کو مسلسل دس ون ڈے میچوں میں شکست کا سامنا کرنا پڑا ہے۔

    تیسرا ون ڈے: پاکستان نے سری لنکا کوشکست دے کرسیریز جیت لی

    یاد رہے کہ دوروز قبل ابو ظہبی میں پاکستان نے تیسرے ون ڈےمیچ میں سری لنکن ٹیم کوسات وکٹوں سے شکست دے کر 5 میچوں کی ون ڈے سیریز 0-3 سے اپنے نام کی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چوتھا ون ڈے: ویسٹ انڈیز نے بھارت کو شکست دے دی

    چوتھا ون ڈے: ویسٹ انڈیز نے بھارت کو شکست دے دی

    اینٹیگا: ویسٹ انڈیز نے بھارت کو چوتھے ون ڈے میں شکست دے دی، کوہلی الیون190رنز کا ہدف بھی حاصل نہ کرسکی، بھارت کی پوری ٹیم صرف 178رنز پر ڈھیر ہوگئی۔

    تفصیلات کے مطابق بھارت کی ٹیم چیمپیئنز ٹرافی میں پاکستان سے بد ترین شکست کے بعد تاحال تنزلی کا شکار ہے۔ اسے نویں نمبر کی ٹیم ویسٹ انڈیز نے بھی ہرا دیا، اینٹیگا میں بھارت کی ٹیم جیتا ہوا میچ ہارگئی۔

    پاکستان سے ہارنے کے بعد سے اس کا غرور کم اور کھیل مزید خراب ہو رہا ہے۔ سر ویوین رچرڈز اسٹیڈٰیم میں کھیلے گئے چوتھے میچ میں ویسٹ انڈیز کے کپتان جیسن ہولڈرز نے ٹاس جیت کر پہلے بیٹنگ کا فیصلہ کیا۔

    ویسٹ انڈیز کی ٹیم بھارت کو صرف 190رنز کا ہدف دے سکی تھی۔ اس کا کوئی کھلاڑی نصف سنچری بھی نہ بناسکا تھا۔ امیش یادو، پانڈیا اور کلدیپ یادو نے تین تین وکٹیں حاصل کیں۔

    جواب میں بھارتی ٹیم آخری اوور میں ایک سو اٹھتر رنز پر ڈھیر ہوگئی۔ بیٹنگ کے بڑے بڑے بھارتی سورما کچھ نہ کرسکے۔

    دنیا کے بہترین بلے باز سمجھے جانے والے انڈین کھلاڑی کیربین باؤلرز کا سامنا کرنے میں ناکام رہے۔ جیسن ہولڈر نے پہلی بار ون ڈے میں27رنز دے کر پانچ وکٹیں حاصل کیں۔

  • سڈنی ون ڈے : آسٹریلیا کا پاکستان کو 354 رنز کا ہدف

    سڈنی ون ڈے : آسٹریلیا کا پاکستان کو 354 رنز کا ہدف

    سڈنی : پاکستان اور آسٹریلیا کے درمیان پانچ ایک روزہ میچز کی سیریز پر مشتمل سیریز کے چوتھے میچ میں آسٹریلیا نے پاکستان کو جیت کے لیے354رنز کا ہدف دیا ہے۔

    تفصیلات کےمطابق پاکستان اور آسٹریلیا کے درمیان ون ڈے سیریز کے چوتھے میچ میں آسٹریلیا نےپاکستان کے خلاف ٹاس جیت کر پہلے بیٹنگ کرنے کا فیصلہ کیا۔

    میزبان ٹیم آسٹریلیا کی جانب سے 48اوورز پر 324 رنز بنالیے ہیں جبکہ میربان ٹیم کی پہلی وکٹ عثمان خواجہ کی تھی جو30رنز کے انفرادی اسکور پر حسن علی کی گیند پر آؤٹ ہوئے۔

    s3

    پاکستانی فاسٹ باؤلرحسن علی نے وارنر کو بھی آؤٹ کیا لیکن اس وقت تک وہ 11 چوکے اور دو چھکوں کی مدد سے 130 رنز بنا چکے تھے۔ تیسری وکٹ کپتان اسمتھ کی تھی جو49 رنز پر آؤٹ ہو گئے۔

    s4

    پاکستان کی جانب سے کپتان اظہر علی ٹیم میں واپس آ گئے ہیں اور اس لیے اسد شفیق حتمی 11 کھلاڑیوں میں جگہ نہیں بنا پائے۔

    s1

    پانچ ایک روزہ میچوں کی سیریز کے پہلے ميچ میں آسٹریلیا نے جیت حاصل کی تھی تو دوسرے میچ میں پاکستان کو فتح نصیب ہوئی تھی۔ جبکہ تیسرے میچ میں ایک بار پھر آسٹریلیا فاتح ٹھہری۔

    s2

    واضح رہےکہ آسٹریلیا کی جانب سے مچل سٹارک ایک بار پھر ٹیم میں واپس آ گئے ہیں جبکہ اسپنر ایڈم زیمپا کو سیریز میں پہلی بار کھیلنے کا موقع ملا ہے۔

    s5

    مزید پڑھیں:سیریز میں کامیابی کے لیے معمولی غلطیوں کی بھی گنجائش نہیں‘مکی آرتھر

    واضح رہےکہ گزشتہ روز پاکستانی کرکٹ ٹیم کے ہیڈ کوچ مکی آرتھر کا کہناتھاکہ سیریز میں کامیابی کے لیے معمولی غلطیوں کی بھی کنجائش نہیں ہے۔

    s6

  • سڈنی : پاکستان اورآسٹریلیا کے درمیان چوتھا ون ڈے آج ہوگا

    سڈنی : پاکستان اورآسٹریلیا کے درمیان چوتھا ون ڈے آج ہوگا

    سڈنی : پاکستان اور آسٹریلیا کے درمیان سیریز کا چوتھا ون ڈے آج سڈنی میں ہوگا۔ میچ گرین شرٹس کے لئے فائنل کی حیثیت اختیار کرچکا ہے۔ ہیڈ کوچ مکی آرتھر نے آخری دو میچز میں ٹیم سے امیدیں لگالیں۔

    تفصیلات کے مطابق پاکستان اور آسٹریلیا کے درمیان پانچ ایک روزہ میچز کی سیریز پر مشتمل سیریز کا چوتھا میچ آج کھیلا جائے گا جب کہ سڈنی میں کھیلا جانے والا میچ گرین شرٹس کے لئے فائنل کی حیثیت اختیار کرچکا ہے۔

    پاکستانی وقت کے مطابق 8 بجکر 20 منٹ پر دونوں ٹیمیں سڈنی کرکٹ گراؤنڈ میں مدمقابل ہوں گی، پرتھ میں پاکستان نے برتری کا موقع ہاتھ سے گنوادیا تھا۔ ہیڈ کوچ مکی آرتھر نے امید نہیں چھوڑی۔ ان کا کہنا ہے کہ آسٹریلیا کو شکست دینے کے لئے مواقعوں سے فائدہ اٹھانا ہوگا۔ آخری دو میچ کے گراؤنڈز پاکستان ٹیم کو سوٹ کرتے ہیں۔ امید ہے نتائج توقعات کے مطابق ہوں گے۔

    ون ڈے میں اسد شفیق کی فارم مینجمنٹ کیلئے تشویش کا باعث بنی ہوئی ہے۔ سڈنی میں پاکستان ٹیم کے پاس ہار کا کوئی آپشن نہیں ہوگا۔ ٹیم کو خسارے سے نکلنے کے لئے غیر مستقل مزاج بیٹنگ اور ناقص فیلڈنگ کے مسائل پر قابو پانا ہوگا۔

    سیریز بچانے کے لئے جیت ضروری ہوگی۔ پاکستان نے آسٹریلیا کے خلاف سڈنی میں آخری کامیابی بیس سال قبل حاصل کی تھی۔ دونوں ٹیمیں اب دوہزار دس کے بعد اس گراؤنڈ میں ایکشن میں ہوں گی۔

  • چوتھا ون ڈے: نیوزی لینڈ نے بھارت کو 19رنز سے شکست دے دی

    چوتھا ون ڈے: نیوزی لینڈ نے بھارت کو 19رنز سے شکست دے دی

    رانچی: چوتھے ون ڈے انٹرنیشنل میچ میں نیوزی لینڈ نے انڈیا کو 19رنز سے شکست دے دی۔ پانچ میچوں کی سیریز 2-2 سے برابر ہوگئی۔ نیوزی کے لینڈ بیٹسمین مارٹن گپٹل کو شاندار اننگز کھیلنے پر میچ کا بہترین کھلاڑی قراردیا گیا۔

    تفصیلات کے مطابق جھاڑکھنڈ اسٹیٹ کرکٹ ایسوسی ایشن اسٹیڈیم میں کھیلے گئے چوتھے ون ڈے میچ میں بھارت کے خلاف نیوزی لینڈ کے کپتان ولیم سن نے ٹاس جیت کر پہلے بیٹنگ کا فیصلہ کیا اور مقررہ اوورز 260رنز بنائے۔

    مارٹن گپٹل اور کپتان ولیم سن نے شاندار بیٹنگ کا مظاہرہ کیا۔ گپٹل نے 72رنز کی اننگز کھیلی جبکہ ولیم سن 41رنز بنا کر آؤٹ ہوئے۔

    newzealand-post-1

    انڈیا کی جانب سے مشرا نے دو جبکہ یادیو اور پانڈدیا نے ایک ایک کھلاری کو پویلین کی راہ دکھائی، 261 رنز کے ہدف کے تعاقب میں بھارتی ٹیم 241 رنز پر ڈھیر ہوگئی۔

    تیسرے ون ڈے میچ میں شاندار سنچری اسکور کرنے والے ویرات کوہلی 45 رنز بنا کر آؤٹ ہوئے جبکہ کپتان دھونی 11رنز بنا کر نیشم کی گیند پر بولڈ ہوئے۔

    newzealand-post-2

    اجنکیا رہانے نے نصف سنچری اسکور کی انہوں نے 57 رنز بنائے جو ٹیم کے کام نہ آسکے۔ نیوزی لینڈ کی جانب سے ٹم سائوتھی نے تین جبکہ نیشم اور بولٹ نے دو دو کھلاڑیوں کو پویلین کی راہ دکھائی۔

    مارٹن گپٹل کو شاندار کارکردگی میچ کا بہترین کھلاڑی قرار دیا گیا۔ سیریز کا آخری اور فیصلہ کن ون ڈے مییچ ہفتہ 29 اکتوبر کو وشاکا پٹنم میں کھیلا جائے گا۔

     

  • انگلینڈ نے پاکستان کو چار وکٹوں سے شکست دے دی

    انگلینڈ نے پاکستان کو چار وکٹوں سے شکست دے دی

    لیڈز: انگلینڈ نے چوتھے ون ڈے میچ میں بھی پاکستان کو چار وکٹوں سے شکست دے دی جس کے بعد گرین شرٹس پر وائٹ واش کا خطرہ منڈلانے لگا.

    تفصیلات کے مطابق انگلینڈ کے شہر لیڈز میں پاکستان نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 247 رنز بنائے.
    پاکستان کی جانب سے سمیع اسلم 24، بابراعظم اور سرفراز احمد 12،12 جب کہ محمد رضوان 6 رنز بنا کر آؤٹ ہوئے.

    اس دوران اظہر علی سست روی سے بیٹنگ کرتے رہے اور 102 گیندوں پر 80 رنز بنا کر پویلین لوٹے.محمد نواز بھی صرف 13 رنز بنا سکے تاہم عماد وسیم نے آٹھویں نمبر پر شاندار بیٹنگ کا مظاہرہ کیا اور 41 گیندوں پر 57 رنز کی اننگز کھیل کر ٹیم کا اسکور مستحکم کیا.

    دوسری جانب 247 رنز کے جواب میں انگلینڈ نے ہدف 48 اوورز میں 6 وکٹوں کے نقصان پر باآسانی حاصل کیا.

    انگلینڈ کی جانب سے بین اسٹوک 69، جونی بریسٹو 61 اور معین علی نے 45 رنز کی ناقابل شکست اننگز کھیلی جب کہ دیگر بلے بازوں میں جیس روئے نے 14، الیکس ہیلز 8، جوئے روٹ 30 اور کپتان این مورگن نے 11 رنز بنائے.

    *انگلینڈ نے ون ڈے سیریز جیت لی، پاکستان کو 169رنز سے شرمناک شکست

    پاکستان کی جانب سے محمد عرفان نے 2، عمرگل، حسن علی اور عماد وسیم نے ایک ایک وکٹ حاصل کی.

    واضح رہے کہ کپتان اظہر علی پرامید ہیں کہ پانچویں اور آخری میچ میں اچھا کھیل پیش کرنے کی کوشش کریں گے اور انگلینڈ کو سیریز کے آخری میچ میں جیتنے کا موقع نہیں دیں گے.