Tag: چوری کی واردات

میلسی : چور تاجر کے گھر سے ایک کروڑروپےمالیت سے زائد کے زیورات اور نقدی لے اڑا تاہم پولیس نے واقعے کی تحقیقات شروع کردی ہے۔

پنجاب کے ضلع وہاڑی کی تحصیل میلسی کے نواحی علاقے میں مقامی تاجر کے گھر ایک کروڑ روپے سے زائد کی چوری کی واردات ہوئی۔

چور ایک کروڑ روپے مالیت سے زائدکےزیورات اورنقدی لے اڑا، پولیس نے بتایا کہ چور بغیر کپڑوں کے گھر میں داخل ہوا اور 30 تولہ زیورات اور 15 لاکھ روپے لوٹ لیے۔

علاقہ مکین کا کہنا ہے کہ یہ چور اسی طرح پہلے بھی علاقے میں کئی چوریاں کرچکا ہے۔

مزید پڑھیں : گھر میں 1 کروڑ روپے، 80 تولہ سونے کی چوری میں سابق ڈرائیور ملوث نکلا

پولیس نے کہا کہ پولیس اور فرانزک ٹیم موقع پر پہنچ گئی ہے اور واقعے کی تحقیقات جاری ہے۔

یاد رہے پنجاب کے شہر لاہور میں ایک گھر میں چوری کی واردات ہوئی تھی، جس میں گھر کا سابق ڈرائیور ملوث نکلا ہے۔

بقر عید کے دنوں میں ماڈل ٹاؤن میں ایک گھر میں چوری کی بڑی واردات ہوئی تھی، جس میں چور نے ایک کروڑ روپے اور 80 تولہ سونا چرا لیا تھا، پولیس نے ملزم کو اوکاڑہ سے ٹریس کر کے گرفتار کر لیا تھا۔

راولپنڈی : شادی والے گھر سے چور ڈھائی کروڑ سے زائد کا زیور اور پانچ ہزار ڈالر لوٹ کر فرار ہوگئے۔

تفصیلات کے مطابق راولپنڈی کے تھانہ موگاہ کی حدود میں شادی والے گھر سے ڈھائی کروڑ سے زائد کا زیور چوری کر لیا گیا۔

واردات کے دوران چور گھرسے پانچ ہزار ڈالر بھی لے اڑے، اہل خانہ نے بتایا کہ مہندی کے سلسلہ میں گھر کو تالا لگا کر اسلام آباد گئے تھے، واپس لوٹے تو تالے ٹوٹے پڑے تھے اور زیور اورنقدی چوری ہو چکی تھی۔

اہل خانہ نے گھرکے ملازمین پر چوری کا شبہ ظاہر کیا۔

مزید پڑھیں : راولپنڈی : چور آسٹریلیا میں مقیم خاندان کے گھر کا صفایا کرگئے

رواں سال جنوری میں راولپنڈی کی نجی ہاؤسنگ سوسائٹی میں چور آسٹریلیا میں مقیم خاندان کے گھر کا صفایا کرگئے اور گھر سے زیورات، غیر ملکی کرنسی و دیگرسامان لوٹ لیا تھا۔

پولیس نے بتایا تھا کہ اہل خانہ کی عدم موجودگی پر نامعلوم چور گھر گھس گئے اور گھنٹوں تک لوٹ مار کی، ملزم گھر سے ملکی غیر ملکی کرنسی طلائی زیورات لیپ ٹاپ اور دیگر ق الیکٹرانک کا قیمتی سامان لوٹ کر فرار ہوئے تھے۔

مقامی پولیس نے موقع پر پہنچ کر تحقیقات شروع کر دی ہیں علاقے کی سی سی ٹی وی فوٹیج سے بھی ملزمان کی شناخت شروع کر دی گئی ہے، نجی ہاؤسنگ سوسائٹی میں واقع گھر کے مقیم بیرون ملک مقیم ہیں۔

کراچی : خیابان محافظ میں رنگساز مبینہ طور پر گھر میں رنگ کرتے کرتے لاکھوں مالیت کا سونااور غیرملکی کرنسی لے اُڑے۔

تفصیلات کے مطابق کراچی کے خیابان محافظ میں رنگساز مبینہ طور پر رنگ کرتے کرتے قیمتی مال پر بھی ہاتھ صاف کرگئے۔

گھر میں رنگ کرنے والے مزدوروں نے مبینہ طور پر چوری کی، متاثرہ شہری نے پولیس کو درخواست دے دی۔

شہری نے بتایا کہ پینٹ کمپنی کے ملازمین نے 8 لاکھ کے قریب اماراتی درہم اور لاکھوں مالیت کا سونا چوری کیا ہے۔

شہری نے درخواست میں کہا کہ اپنے گھر پر رنگساز کمپنی سے کام کروا رہا تھا کہ کام کے بعد معلوم ہوا کمرے میں پیسے اور سونا چوری ہوا ہے۔

شہری کا کہنا تھا کہ میرے والٹ سے 10 ہزار اماراتی درہم چوری کیے گئے جبکہ باکس سے سونے کی 3 چوڑیاں اور کانوں کی بالیاں چوری ہوئی۔

متاثرہ شہری نے شبہ ظاہر کیا کہ چوری اس وقت ہوئی جب میرے کمرے میں کام چل رہا تھا، چوری میں ایک یا ایک سے زائد رنگساز ملوث ہونے سکتے ہیں۔

شہری کا کہنا تھا کہ میرا پرس تحویل میں لے کرانگلیوں کے نشانات اٹھائے جائیں، جیولری باکس اور دیگر جگہوں سے بھی شواہد اکٹھے کیے جائیں۔

درخواست میں کہا گیا کہ رنگساز ٹیم سے چوری کے بارے میں تحقیقات کی جائیں اور برائے مہربانی میرا چوری شدہ سامان برآمد کروایا جائے۔

وزیرآباد : پنجاب کے شہر وزیرآباد میں چوروں نےجہیز کا زیور اور نقدی چرا کر مکان کو آگ لگا دی۔

تفصیلات کے مطابق پنجاب کے شہر وزیرآباد کے علاقہ علی پورچٹھہ میں چوری کی واردات ہوئی۔

واردات میں چوروں نے جہیز کا زیور اور نقدی چرا کر گھر کو آگ لگا دی ،

محلہ بلوچاں کی رہائشی بیوہ خاتون شادی میں مندی بہاالدین گئی ہوئی تھی۔

بیوہ خاتون نے دعوی کیا ہے کہ چور گھر میں گھسے اور بیٹی کے جہیز کا زیور اور نقدی لے گئے جبکہ واردات کے بعد چور جاتے ہوئے گھر کو آگ بھی لگا گئے۔

بیوہ خاتون اپنے4بچوں اورساس کےہمراہ مکان میں رہائش پذیرہے تاہم تھانہ علی پورچھٹہ پولیس نے وقوعہ کا جائزہ لیکر تحقیقات شروع کردی ہے۔

راولپنڈی : نجی ہاؤسنگ سوسائٹی میں چور آسٹریلیا میں مقیم خاندان کے گھر کا صفایا کرگئے اور گھر سے زیورات، غیر ملکی کرنسی و دیگرسامان لوٹ لیا۔

راولپنڈی میں تھانہ روات کے علاقے میں واقع کے گھر میں چوری کی واردات ہوئی، چور گھر سے زیورات، غیر ملکی کرنسی و دیگرسامان لوٹ کر فرار ہوگئے۔

پولیس نے بتایا کہ اہل خانہ کی عدم موجودگی پر نامعلوم چور گھر گھس گئے اور گھنٹوں تک لوٹ مار کی، ملزم گھر سے ملکی غیر ملکی کرنسی طلائی زیورات لیپ ٹاپ اور دیگر ق الیکٹرانک کا قیمتی سامان لوٹ کر فرار ہوئے۔

مقامی پولیس نے موقع پر پہنچ کر تحقیقات شروع کر دی ہیں علاقے کی سی سی ٹی وی فوٹیج سے بھی ملزمان کی شناخت شروع کر دی گئی ہے، نجی ہاؤسنگ سوسائٹی میں واقع گھر کے مقیم بیرون ملک مقیم ہیں۔

مزید پڑھیں : چور گھر سے 38 لاکھ روپے اور 30 تولے سونا لے اڑے

گذشتہ ہفتے راولپنڈی میں افشاں کالونی میں گھر میں چوری کی واردات ہوئی تھی، جہاں تالا توڑ کر چور گھر میں داخل ہوئے اور نقدی اور زیورات لیکر فرار ہوگئے۔

سی سی ٹی وی فوٹیج میں ملزمان کو مین گیٹ کا تالہ توڑتے دیکھا جاسکتا تھا کہ گھر میں واردات کے بعد موٹر سائیکل سوار ملزمان باآسانی فرار ہوئے۔

متاثرہ افراد کا کہنا تھا کہ چور گھر سے 38 لاکھ روپے اور 30 تولے زیورات لیکرفرار ہوئے، واردات صبح ہوئی،اطلاع کےباوجودپولیس شام کوجائے وقوعہ پہنچی۔

راولپنڈی : افشاں کالونی میں گھر سے 38 لاکھ روپے اور 30 تولے سونا لوٹ کر فرار ہوگئے ، پولیس کا کہنا ہے کہ سی سی ٹی وی فوٹیج کا جائزہ لے رہے ہیں اور تحقیقات جاری ہیں۔

تفصیلات کے مطابق راولپنڈی میں افشاں کالونی میں گھر میں چوری کی واردات ہوئی، جہاں تالا توڑ کر چور گھر میں داخل ہوئے اور نقدی اور زیورات لیکر فرار ہوگئے۔

سی سی ٹی وی فوٹیج میں ملزمان کو مین گیٹ کا تالہ توڑتے دیکھا جاسکتا ہے اور گھر میں واردات کے بعد موٹر سائیکل سوار ملزمان باآسانی فرار ہوئے۔

متاثرہ افراد کا کہنا ہے کہ چور گھر سے 38 لاکھ روپے اور 30 تولے زیورات لیکرفرار ہوئے، واردات صبح ہوئی،اطلاع کےباوجودپولیس شام کوجائے وقوعہ پہنچی۔

پولیس نے کہا ہے کہ سی سی ٹی وی فوٹیج کاجائزہ لےرہےہیں،تحقیقات جاری ہیں۔

مزید پڑھیں : نامعلوم چور گھر کے تالے توڑ کر 45 تولے سونا، ڈائمنڈ سیٹ اور ہزاروں ڈالرز لے اڑے

یاد رہے راولپنڈی میں تھانہ روات کے علاقے نجی ہاؤسنگ سوسائٹی میں چوری کی بڑی واردات ہوئی تھی ، جس میں نامعلوم چور گھر سے 45 تولے طلائی زیورات اور ڈائمنڈ سیٹ، 10 ہزار ڈالرز اور 2300 ہزار سری لنکن کرنسی لے کر فرار ہوگئے تھے۔

کراچی: اورنگی ٹاؤن سیکٹرون سی میں چوری کی واردات میں چور نقدی ،زیورات کیساتھ فریج میں رکھا گوشت بھی لے گئے۔

تفصیلات کے مطابق کراچی کے علاقے اورنگی ٹاؤن سیکٹرون سی کے گھر کے تالے کاٹ کر چوری کی واردات ہوئی۔

متاثرین نے دعویٰ کیا چور نقدی،زیورات کیساتھ فریج میں رکھاگوشت بھی لےگئے، پولیس نے واردات کا مقدمہ تھانہ اورنگی ٹاؤن میں درج کرلیا ہے۔

پولیس حکام کا کہنا ہے کہ متاثرہ خاندان ٹھٹھہ گیا تھا،2 روز بعد واپس آیا تو واردات کاعلم ہوا تاہم واردات میں ملوث ملزمان کی تلاش جاری ہے۔