ARYNews.tv | Urdu – Har Lamha Bakhabar

Tag: چوری کی واردات

  • گھریلو ملازمین نے برطانیہ سے آئے شہری کے گھر کا صفایا کر دیا

    گھریلو ملازمین نے برطانیہ سے آئے شہری کے گھر کا صفایا کر دیا

    لاہور : برطانیہ سے آئے شہری کے گھر سے گھریلو ملازمین سوا 3کروڑ روپے لے اڑے، پولیس نے مقدمہ درج کرلیا ہے۔

    تفصیلات کے مطابق صوبائی دارلحکومت لاہور میں تھانہ ڈیفنس اے کی حدود میں برطانیہ سے آئے شہری کے گھر میں سوا 3 کروڑ روپے کی چوری کی واردات ہوئی۔

    پولیس نے بتایا کہ چوری کی واردات شہری ڈاکٹر فیصل کے گھر پر گھریلوملازمین نے کی، جس میں چور شہری کے گھر سے ڈھائی کروڑ کے زیورات اور 2ہزار پاؤنڈز بھی لے گئے۔

    پولیس نے درخواست کے بعد شہری کی مدعیت میں تھانہ ڈیفنس میں مقدمہ درج کرلیا ہے۔

    مقدمے میں 3گھریلو ملازمین کو نامزدکیاگیا ہے تاہم پولیس نے ایک نامزد ملزم کو گرفتار بھی کر لیا۔

    یاد رہے گذشتہ ماہ کے آخر میں پنجاب کے دارلحکومت لاہور میں دوسری بڑی وارداتیں ہوئیں تھیں، جس میں ملزمان 5 کروڑ روپے لے کر فرار ہوگئے تھے۔

    ایک گھر میں ڈھائی کروڑ روپے کی چوری ہوئی تھی ، جہاں گھریلو ملازمہ ساتھیوں کےہمراہ غیرملکی کرنسی ، سونا،لاکھوں روپے چوری کرکے فرار ہوئی۔

    دوسری بڑی واردات میں بھی ایک گھر سے ڈھائی کروڑ روپے کی ڈکیتی ہوئی ، جہاں 2 ڈاکوؤں نے گھرسے غیر ملکی کرنسی ، سونا لاکھوں روپے لوٹے۔

  • کراچی میں رواں سال کی دوسری بڑی واردات، چور سوا کروڑ کا سونا اور 85 لاکھ کیش لے اڑے

    کراچی میں رواں سال کی دوسری بڑی واردات، چور سوا کروڑ کا سونا اور 85 لاکھ کیش لے اڑے

    کراچی : کلفٹن تین تلوار پررواں سال کی دوسری بڑی چوری کی واردات میں چور سوا کروڑ کا سونا اور 85 لاکھ کیش لے اڑے، پولیس کا کہنا ہے کہ مجموعی طور سوا 2کروڑ روپے کی واردات ہوئی۔

    تفصیلات کے مطابق کراچی کے علاقے کلفٹن میں تین تلوار پررواں سال کی دوسری بڑی چوری کی واردات ہوئی ، واردات میں چور سوا کروڑ کا سونا اور 85 لاکھ کیش لے کر فرار ہوگئے۔

    ذرائع کا کہنا ہے کہ مجموعی طور سوا 2کروڑ روپے کی واردات ہوئی، ملزمان نے تجوری توڑنے کے بعد واردات کی، تجوری میں ڈیڑھ کلو سونا اور 85 لاکھ روپے تھے۔

    واردات کے بعد ایس پی کلفٹن توحید رحمان سنار کی دکان پر پہنچ گئے اور بتایا کہ دکان کا مکمل طور پر معائنہ کیا ہے،دکاندار کے ابتدائی بیان سے معاملہ مشکوک لگ رہا ہے، سب سے پہلا سوال یہ ہے کہ چور اندر گیا کیسے؟ جیولر شاپ کے شٹر کے چاروں تالے غائب ہیں۔

    توحید رحمان کا کہنا تھا کہ چور کبھی تالے ساتھ لے کر جاتا ہے، شیشہ ٹوٹا نا تالہ، چور اندر گیا کیسے، شیشے کا مرکزی دروازہ الیکٹرانک آپریٹنگ سسٹم سے منسلک ہے، شیشے کے درواز پر لاک بدستور لگا ہوا ہے۔

    ایس پی کلفٹن نے بتایا کہ سنار کے مطابق سی سی ٹی وی کیمرے بھی خراب ہیں، چور نے پہلے چابی سےتجوری کھولنے کی کوشش کی، چابی سے کامیابی نہ ہوئی تو تجوری توڑ دی گئی، توحید رحمان

    توحید رحمان کا کہنا تھا کہ سنار کے مطابق ڈیڑھ کلو سونا 85 لاکھ کیش چوری کیا گیا، دکان سے مزید شواہد جمع کر رہے ہیں۔

    یاد رہے رواں ماہ کے آغاز میں کراچی کے علاقے کلفٹن میں رواں سال کی سب سے بڑی نقب زنی کی واردات ہوئی، نامعلوم ملزمان دکان سے کئی کلو سونا لوٹ کر فرار ہوگئے۔

  • چوروں کی واردات کا منفرد انداز، پولیس حیران

    چوروں کی واردات کا منفرد انداز، پولیس حیران

    نیویارک: امریکی شہر نیویارک کے اسٹور میں چوری کے لیے کروڑوں روپے مالیت کی گاڑیوں میں آنے والے چوروں کی ویڈیو سوشل میڈیا پر وائرل ہوگئی۔

    تفصیلات کے مطابق نیویارک کے گنجان آباد علاقے مین ہیٹن میں چوری کی انوکھی واردات پیش آئی، جس میں چوروں نے واردات کے لیے دو رولس راائس گاڑیوں کا استعمال کیا، واقعے کی ویڈیو سوشل میڈیا پر وائرل ہوگئی۔

    چوری کی یہ انوکھی واردات مین ہیٹن میں جارج فلائیڈ کی ہلاکت پر مشتعل مظاہرین کو روکنے کے لیے لگائے گئے کرفیو کے دوران پیر کی رات 11 بجے پیش آئی۔

    جسٹن ملر اور کیتھ فیلڈ مین کی جانب سے بنائی جانے والی ویڈیو میں دیکھا جاسکتا ہے کہ دو مہنگی گاڑیوں میں سے ماسک پہنے چور باہر نکلے اور اسٹور کے اندر داخل ہوئے، ویڈیو میں چوروں کو سامان کے باکسسز کے ساتھ باہر نکلتے بھی دیکھا جاسکتا ہے۔سوشل میڈیا پر وائرل ہونے والی ویڈیو میں ایک چور چلاتے ہوئے اپنے ساتھیوں سے کہہ رہا ہے جلدی کرو جلدی کرو۔

    مین ہیٹن میں واردات میں استعمال ہونے والی رولس راائس گاڑیوں کی قیمت 3 سے 5 لاکھ ڈالر تک بتائی جاتی ہے۔

  • چوری شدہ فن پارہ جو بیس سال بعد کچرے کے ڈھیر سے ملا

    چوری شدہ فن پارہ جو بیس سال بعد کچرے کے ڈھیر سے ملا

    میکسیکو کے مشہور مصور روفینو تومایو نے جب 1970 میں اپنی ایک پینٹنگ مکمل کی تو اس کے وہم و گمان میں بھی نہیں تھا کہ یہ ایک روز گندگی کے ڈھیر پر پڑی ہو گی!

    یہ آئل پینٹنگ اس مصور کے مُو قلم کا شاہ کار تھی جسے کینوس پر اترنے کے صرف سات سال بعد یعنی 1977 میں نیلام کر دیا گیا۔ اسے نیلام گھر سے ایک قدر دان ساڑھے چھبیس ہزار پاؤنڈ میں لے گیا تھا۔

    چند برس بعد یہ پینٹنگ اس کے گودام سے کسی نے چوری کرلی اور لگ بھگ 20 سال بعد یہ کچرے کے ڈھیر سے برآمد ہوئی۔ اس کا مالک اتنے برسوں میں یقینا اس پینٹنگ کا دکھ فراموش کر چکا تھا۔ تاہم الزبتھ گبسن نامی خاتون کے ہاتھ لگنے کے بعد جب اس کی خبر عام ہوئی تو چوری کا بیس برس پرانا وہ واقعہ کئی ذہنوں میں تازہ ہو گیا۔

    اس خاتون نے پینٹنگ کچرے کے ڈھیر سے اٹھائی تو وہ یہ جانتی تک نہ تھی کہ یہ کوئی شاہ کار ہے جسے منہگے داموں فروخت کیا جاسکتا ہے۔

    الزبتھ گبس آرٹ کو نہیں سمجھتی تھی اور اس کا خیال تھا کہ اس تصویر کو بس دیوار پر سجایا جاسکتا ہے، مگر ایک سہیلی نے کہا کہ شاید یہ کوئی قیمتی فن پارہ ہے، تم اس حوالے سے معلوم کرو۔

    اس فن پارے کے چوری ہونے کی رپورٹ 1988 میں کی گئی جس پر متعلقہ امریکی ادارے نے اس چوری کا کھوج لگانے کی کوشش کی تھی۔

    الزبتھ کو یہ معلوم ہوا تو وہ مالکان تک پہنچ گئی اور انھیں پینٹنگ لوٹا دی۔ کئی برس تک اس فن پارے کی جدائی کا غم سہنے والے مالکان نے الزبتھ کو خالی ہاتھ جانے نہ دیا اور سات ہزار پاؤنڈ بطور انعام دیے۔ بعد ازاں اس پینٹنگ کو نیویارک میں نیلام کر دیا گیا۔

  • کراچی، کورنگی میں چوری کی واردات، ملزمان 2 کروڑ 25 لاکھ لے اڑے

    کراچی، کورنگی میں چوری کی واردات، ملزمان 2 کروڑ 25 لاکھ لے اڑے

    کراچی: شہر قائد کے علاقے کورنگی میں چوری کی بڑی واردات میں ملزمان 2 کروڑ 25 لاکھ لے اُڑے۔

    تفصیلات کے مطابق کراچی کے علاقے کورنگی میں زیر تعمیر فیکٹری کا مالک فیکٹری بننے سے پہلے ہی لٹ گیا، ملزمان فیکٹری سے 2 کروڑ 25 لاکھ روپے لوٹ کر فرار ہوگئے۔

    رپورٹ کے مطابق چوری کے واقعے کا مقدمہ کورنگی انڈسٹریل ایریا تھانے میں درج کرلیا گیا۔

    فیکٹری مالک زین العابدین کا کہنا ہے کہ میں کچھ دیر کے لیے اپنے گھر گیا تھا، زیر تعمیر فیکٹری کے کاموں کے لیے رقم رکھی ہوئی تھی، چور نے پہلے چابیاں چرائی پھر لاکر کھول کر رقم لے کر فرار ہوگیا۔

    فیکٹری مالک کا کہنا ہے کہ زیر تعمیر فیکٹری میں ہر لاکر کی تین، تین چابیاں موجود تھیں، ہر لاکر کی ایک، ایک چابی ایک ہفتے پہلے گم ہوگئی تھی، ملزمان نے جاتے جاتے لیپ ٹاپ کور اور دیگر سامان بھی چوری کیا۔

    مزید پڑھیں: کراچی میں موٹرسائیکل چوری کی وارداتوں میں بچہ گینگ ملوث نکلا

    ڈی آئی جی ایسٹ عامر فاروقی کا کہنا ہے کہ پولیس نے پہنچ کر تفتیش شروع کردی ہے، بظاہر چوری کی واردات میں فیکٹری کا ہی ملازم ملوث ہے۔

    دوسری جانب سعید آباد موچکو میں مبینہ چور پر تشدد کا ایک اور واقعہ سامنے آیا ہے، مبینہ چور ریحان ممتاز کے گھر میں گھس کر چوری کرتے ہوئے پکڑا گیا، مبینہ چور پر چوری کے الزام میں تشدد کیا گیا۔

    پولیس کا کہنا ہے کہ چور کو برہنہ کرکے تشدد کیا گیا اور پیٹرول چھڑکا گیا، پولیس نے واقعے میں ملوث 2 افراد کو حڑاست میں لے لیا، مزید ملزمان کی گرفتاری کے لیے چھاپے جاری ہیں۔

  • لاہور : چورجیولر شاپ سے کروڑ روپے مالیت کا سونا،چاندی اور نقدی لے کر فرار

    لاہور : چورجیولر شاپ سے کروڑ روپے مالیت کا سونا،چاندی اور نقدی لے کر فرار

    لاہور : رنگ محل صرافہ بازار میں جیولری شاپ میں نقب زنی کی واردات میں چور2کروڑ روپےسے زائد مالیت کا سونا،چاندی اور نقدی لے اڑے، ملزمان نے سی سی ٹی وی کیمروں کا رخ موڑدیا تھا۔

    تفصیلات کے مطابق لاہور کے معروف کاروباری علاقے رنگ محل صرافہ بازار میں واقع جیولری شاپ میں چوری کی واردات ہوئی ہے، چوروں نے دکان میں گھس کر پہلے کنکشن کاٹ کر سی سی ٹی وی کیمروں کا رخ موڑا اور پھر واردات کی، جس میں چور دو کروڑ روپے سے زائد مالیت کا سونا، چاندی اور نقدی لے کر فرار ہوگئے۔

    دکان مالک محمد آصف کا کہنا ہے کہ اتوار کی چھٹی کے باعث جیولری شاپ بند تھی، ملزمان 70 تولہ سونا،7 کلو چاندی چوری کر کے لے گئے۔

    اس کے علاوہ دکان سے ایک کروڑ60لاکھ روپے اور بانڈز بھی چوری ہوئے ہیں، لاہور پولیس نے دکان مالک کی درخواست وصول کر لی جلد مقدمہ درج کر لیا جائے گا، پولیس کے مطابق چور دکان کی چھت کی جانب سے گرل کاٹ کر سیڑھی سے اندر داخل ہوئے۔