Tag: چوری

کراچی: سی ٹی ڈی انٹیلیجنس ونگ کی خفیہ اطلاع پر طارق روڈ جھیل پارک کے قریب کارروائی میں ڈیوٹی کے دوران سرکاری ہتھیار اور گولیاں چوری کرنے والے 2 پولیس اہلکار گرفتار کر لیے گئے۔

انچارج سی ٹی ڈی راجہ عمر خطاب کے مطابق ناجائز اسلحے کی ترسیل روکنے کے لیے بنائے گئے ’آرمز ٹریفکنگ اینڈ مانیٹرنگ ڈیسک‘ کی جانب سے کی گئی کارروائی میں گرفتار پولیس کانسٹیبلز کے قبضے سے بڑی تعداد میں ناجائز اور سرکاری اسلحہ برآمد کیا گیا ہے، گرفتار اہلکاروں میں عبدالقادر میمن اور اویس احمد عرف باکسر عرف لمبا شامل ہیں۔

گرفتار ملزمان 2023 میں پولیس کانسٹیبل بھرتی ہوئے تھے، جو بھرتی کے بعد سے ہی غیر قانونی اسلحے کی خرید و فروخت میں ملوث رہے، ان میں سے ایک پولیس اہلکار عبدالقادر میٹھادر تھانے میں تعینات ہے، جب کہ اہلکار اویس شاہین فورس کیماڑی میں تعینات ہے۔

راجہ عمر خطاب کے مطابق پولیس اہلکار اویس نے ابتدائی انٹروگیشن میں اہم انکشافات کیے ہیں، ملزم نے دوران ڈیوٹی تھانہ مدینہ کالونی کے کوت میں چوری کی، کوت سے 3 سرکاری پستول چوری کر کے کانسٹیبل عبدالقادر کے ذریعے فروخت کیے گئے، جب کہ پولیس اہلکار عبدالقادر نے دوران ڈیوٹی کلاشنکوف اور 9 ایم ایم کی درجنوں گولیاں چوری کیں، انچارج سی ٹی ڈی کے مطابق چوری شدہ گولیوں کو فروخت کر دیا جاتا تھا۔

’ارمغان صرف امریکی شہریوں سے فراڈ کرتا تھا‘ ایف آئی اے نے اہم شواہد حاصل کر لئے

ملزمان کا تعلق خیبر پختونخوا میں بخت تاج اور سرزمین نامی اسلحہ ڈیلروں سے ہے، گرفتار کانسٹیبلز کے پی کے سے بھی اسلحہ منگوا کر فروخت کرتے تھے، سی ٹی ڈی کا کہنا ہے کہ گرفتار ملزمان سے مزید تفتیش کا عمل جاری ہے۔

کراچی: شہر قائد کے علاقے صدر میں ایمپریس مارکیٹ کے قریب دکانوں کے تالے کاٹ کر لاکھوں کی چوری کی واردات ہوئی ہے، جس پر پولیس نے شک ظاہر کر دیا ہے۔

تفصیلات کے مطابق صدر ایمپریس مارکیٹ کے قریب دکانوں میں نقب زنی کی واردات ہوئی ہے، جس میں نامعلوم ملزمان 3 دکانوں کے تالے کاٹ کر لاکھوں روپے کا سامان لوٹ کر فرار ہو گئے۔

معلوم ہوا کہ رات گئے پولیس کی جانب سے دکانوں کو سیل کیا گیا تھا، وہ تالے توڑ کر چوری کی گئی، جب کہ ایمپریس مارکیٹ یوم علی کے مرکزی جلوس کی گزر گاہ بھی ہے۔

متاثرہ دکان دار امان اللہ نے بتایا کہ سیکیورٹی کے سخت انتظامات ہونے کے باوجود دکانوں کے تالے توڑے گئے جو تشویش ناک بات ہے، پولیس نے گزشتہ رات 10 بجے دکانیں سیل کرنے کے لیے مارکیٹ بند کرا دی تھی۔ متاثرہ دکان دار نے دعویٰ کیا ہے کہ اس کی دکان سے 50 لاکھ روپے سے زائد مالیت کے موبائل فون چوری ہوئے ہیں۔

پولیس کا ابتدائی مؤقف تھا کہ ابتدائی تحقیقات کے مطابق واردات مشکوک ہے، دکان دار کی جانب سے 50 لاکھ روپے مالیت کے سامان کی چوری کے شواہد نہیں مل رہے۔

کراچی : نجی کلینک میں غلط انجکشن لگنے سے 15 سالہ لڑکی جاں بحق

پولیس کے مطابق ملزمان کے 3 دکانوں کے تالے کاٹنے کی اطلاع ملی لیکن ملزمان نے صرف ایک دکان کو لوٹا ہے، جس دکان کو لوٹا گیا وہ اتنی بڑی نہیں ہے کہ اس کے اندر 50 لاکھ روپے کا سامان موجود ہو، اس لیے سی سی ٹی وی فوٹیجز اور دیگر شواہد دیکھ کر قانونی کارروائی کی جائے گی۔

پولیس حکام کا یہ بھی کہنا ہے کہ واقعے کا مقدمہ صدر تھانے میں درج ہوگا۔ دکانوں میں نقب زنی کی واردات کی سی سی ٹی وی فوٹیج بھی پولیس کو موصول ہو گئی ہے، رات 4 بجکر 30 منٹ کے قریب چوری کی واردات ہوئی، فوٹیج میں 4 چوروں کو دکان کے تالے کاٹتے دیکھا جا سکتا ہے۔

کراچی : ڈرائیونگ لائسنس برانچ میں چوری کرنے والا ملزم گرفتار کرلیا گیا، ملزم نے چوری کیا گیا 20لاکھ مالیت کا سامان 2لاکھ روپے میں فروخت کردیا۔

تفصیلات کے مطابق کراچی میں ڈرائیونگ لائسنس برانچ میں چوری کرنے والا ملزم گرفتار کرلیا گیا، ایس پی کلفٹن نے بتایا کہ ملزم نےسب سے پہلے سی سی ٹی وی کیمرے ڈسکنیکٹ کیے، جیو فینسنگ کرائی گئی ،80 فنگرپرنٹ حاصل کیے۔

ایس پی کلفٹن کا کہنا تھا کہ برانچ میں 27 جون کوواردات ہوئی تھی ، ملزم نے پہلے سی سی ٹی وی ریکارڈ روم سے سسٹم کو منقطع کیا، ابتدا میں شبہ تھا کہ برانچ کا کوئی فرد ملوث ہے۔

انھوں نے کہا کہ انکوائری میں 80 ملازمین کے فنگر پرنٹس بھی لیے گئے، نیٹ ورک ریکارڈنگ سی سی ٹی وی کی ہمیں مل گئی اور سی سی ٹی وی میں حسن ولد محمد فاروق کی حرکات مشکوک لگی، ملزم نے پورے دفتر میں پینٹ کا کام کیا تھا اس لئے واقف تھا۔

پولیس حکام نے مزید بتایا کہ لیپ ٹاپ کمپیوٹر، کئی پروسیسر، ہارڈ ڈسک اور ریم برآمد کر لی گئی جبکہ ملزم نے جن لوگوں کو فروخت کیا تھا ان سے سامان برآمد کرلیا گیا ہے۔

ملزم نے اعتراف کیا ہے کہ واردات تنہا کی ، چوری کے سامان کی مالیت 20لاکھ روپے تھی اور ملزم نے تمام سامان 2لاکھ روپے میں فروخت کیا گیا تھا۔