Tag: چوہدری سرور

گوجرانوالہ: گورنر پنجاب چوہدری محمد سرور نے وزیراعظم کے استعفے اور حکومت گرانے کے مطالبہ کو نوگوایریا قرار دیتے ہوئے کہا ہے کہ اپوزیشن نےاحتجاج کےلئےجووقت چناوہ مناسب نہیں۔

تفصیلات کے مطابق گوجرانوالہ میں میڈیا سے بات کرتے ہوئے گورنر پنجاب چوہدری محمدسرور نے کہا کہ اپوزیشن کوحکومت بنانے کیلئے 2023 تک انتظارکرناہوگا، اپوزیشن کےدھرنے پرحکومت ٹکراونہیں چاہتی مگر اپوزیشن نےاحتجاج کےلئے جووقت چناوہ مناسب نہیں ہے۔

گورنر پنجاب نے کہا کہ وزیر اعظم کااستعفی اور حکومت گرانےکامطالبہ نوگوایریاہے، دھرنے پرجلد مثبت پیشرفت ہوگی اور امید ہے مولاناحکومت کےساتھ کیےمعاہدہ پرقائم رہیں گے۔

یہ بھی پڑھیں: مولانا جارہے ہیں اسلام آباد پرسکون ہوگا: شیخ رشید

سابق وزیراعظم کے بیرون ملک علاج کے سوال پر گورنر پنجاب نے کہا کہ نوازشریف بیرون ملک جانےکےلیےرابطہ کریں گے تو غور کیاجائےگا۔

ان کا مزید کہنا تھا کہ کرتارپورراہدری وزیراعظم کاتاریخی فیصلہ ہے ہم عالمی دنیامیں ملک کاامیج بہترکرنےکی کوشش کررہےہیں۔

واضح رہے کہ اس سے قبل وزیر ریلوے شیخ رشید احمد نے کہا تھا کہ ایک دو روز میں قوم کو آزادی مارچ کے حوالے سے اچھی خبر ملے گی۔ان کا کہنا تھا کہ مولانا فضل الرحمان واپس جانے والے ہیں۔

لاہور: گورنر پنجاب چوہدری محمد سرور نے کہا ہے کہ صحت کے میدان میں ہم دنیا سے بہت پیچھے ہیں، ہم احتیاطی تدابیر پر یقین ہی نہیں رکھتے ہیں۔

تفصیلات کے مطابق گورنر پنجاب چوہدری سرور نے تقریب سے خطاب کرتے ہوئے کہا کہ پچھلے دو ہفتے سے پنجاب میں پینے کے صاف پانی پر کام شروع کردیا ہے، 4 سالوں میں پنجاب کا کوئی قصبہ ایسا نہیں ہوگا جہاں پینے کا صاف پانی نہ ہو۔

[bs-quote quote=”صحت کے مسائل کو اسلام کے اصولوں کو اپنا کر کم کیا جاسکتا ہے” style=”style-8″ align=”left” author_name=”گورنر پنجاب” author_job=”چوہدری سرور”][/bs-quote]

گورنر پنجاب نے کہا کہ اسپتال میں سگریٹ پینے پر پابندی ہونی چاہئے، باہر کی دنیا میں تو عوامی مقامات پر بھی سگریٹ نوشی پر پابندی ہے، یورپ میں سگریٹ کے پیکٹ پر لکھا ہوتا ہے تمباکو نوشی صحت کے لیے مضر ہے۔

انہوں نے کہا کہ دنیا میں تمام تھرڈ ورلڈ کنٹریز کے پاس وسائل کم ہوتے ہیں، ہمیں وسائل کی کمی کے ساتھ مس مینجمنٹ کا بھی سامنا ہے۔

چوہدری سرور کا کہنا تھا کہ صحت کے مسائل کو اسلام کے اصولوں کو اپنا کر کم کیا جاسکتا ہے، ورزش اور کھیلوں کے میدان آباد کرکے بیماریوں کو دور کیا جاسکتا ہے۔

گورنر پنجاب نے کہا کہ تقریب میں کھلاڑیوں کی موجودگی حوصلہ افزا ہوتی ہے، لوگ اپنے ہیروز کی بات زیادہ سنتے ہیں اور اس پر عمل بھی کرتے ہیں۔

لاہور: گورنر پنجاب چوہدری سرور نے کہا ہے کہ اشرافیہ نے ملک میں کم اور باہر زیادہ سرمایہ کاری کررکھی ہے، حکمرانوں نے عوام کی بجائے دولت سے پیار کرنا شروع کردیا ہے۔

تفصیلات کے مطابق گورنر پنجاب چوہدری محمد سرور نے لاہور میں تقریب سے خطاب کرتے ہوئے کہا کہ دولت اور جائیدادیں رکھنے والوں کو تاریخ نے کبھی یاد نہیں رکھا ہے، انسانیت کی خدمت کرنے والوں کو ہمیشہ یاد رکھا جاتا ہے، ملک کی خاطر اپنے بچوں کو چھوڑ کر وطن آیا۔

گورنر پنجاب نے کہا کہ فیلو شپ پروگرام سے نوکریاں ملنا احسن اقدام ہے، نوجوانوں کا جوش و جذبہ دیکھ کر خوشی ہوتی ہے، ہزاروں بچے ڈگریاں لے کر بھی بے روزگار رہتے ہیں، فیلو شپ اور تربیت کے ماڈل کو درسگاہوں کو اپنانا چاہئے۔

مزید پڑھیں: اتحاد بنتے رہتے ہیں، سنجیدہ نہیں لیتے: گورنر پنجاب چوہدری سرور

چوہدری سرور نے کہا کہ ہماری یوتھ اور نوجوانوں میں بھرپور ٹیلنٹ موجود ہے، والدین اور اساتذہ کی عزت کرنے سے ہی کامیابیاں ملتی ہیں، 2 کروڑ بچوں کے اسکول میں داخلے سے وزیراعظم کا وژن پورا ہوگا۔

انہوں نے کہا کہ ہمیں سری لنکا ماڈل کو اپنانے کی ضرورت ہے، اکثر درسگاہوں میں 80 فیصد گولڈ میڈل بچیوں کو ملتے ہیں۔

گورنر پنجاب نے کہا کہ اگلے 15 سال میں خواتین نے پاکستان کو ٹیک اوور کرلینا ہے، پاکستان کا مستقبل خواتین کے ہاتھ میں دکھائی دیتا ہے، ہمارے ملک کی ورکنگ کلاس انتہائی ایماندار ہے۔

لاہور: گورنر پنجاب چوہدری محمد سرور نے کہا ہے کہ پاکستان کو اب ایف اے ٹی ایف میں بلیک لسٹ نہیں کیا جا سکتا۔

تفصیلات کے مطابق گورنر پنجاب چوہدری سرور نے ٹویٹ کرتے ہوئے کہا ہے کہ ایف اے ٹی ایف میں اب پاکستان کو بلیک لسٹ کرنا ممکن نہیں ہے۔

چوہدری سرور کا کہنا تھا کہ ایسا وزیر اعظم عمران خان کی بہترین سفارتی مہارت کی وجہ سے ممکن ہوا ہے۔

گورنر پنجاب نے ٹویٹ کے ذریعے کہا کہ ملایشیا نے ایف اے ٹی ایف میں پاکستان کا ساتھ دینے کی یقین دہانی کرائی ہے جس کا سہرا وزیر اعظم کی مثالی سفارت کاری کے سر ہے۔

Pakistan can no longer be blacklisted in FATF due to outstanding diplomatic skills of PM @ImranKhanPTI. Malaysia has assured its support due to PM IK exemplary diplomacy. It's a blatant set back for our enemies…

— Mohammad Sarwar (@ChMSarwar) June 17, 2019

چوہدری سرور نے مزید کہا کہ ملایشیا کا ساتھ ہمارے دشمنوں کے لیے ایک بہت بڑا دھچکا ہے۔

یہ بھی پڑھیں: بھارت ایف اے ٹی ایف کے تکنیکی فورم کو سیاست زدہ کر رہا ہے: دفتر خارجہ

واضح رہے کہ پاکستان کو گزشتہ برس جون میں ایف اے ٹی ایف کی گرے لسٹ میں اس وقت شامل کیا گیا تھا جب پاکستان اس عالمی ادارے کو دہشت گردی کی مالی معاونت کے خلاف اٹھائے گئے اقدامات سے متعلق مطمئن نہ کر سکا تھا۔

اس سے قبل پاکستان 2012 تا 2015 تک گرے لسٹ کا حصہ رہ چکا ہے۔

گزشتہ سال پیرس میں منعقدہ اجلاس میں امریکا اور اس کے یورپی اتحادیوں نے پاکستان کا نام واچ لسٹ میں شامل کرنے کی قرارداد پیش کی تھی۔

لاہور: گورنر پنجاب چوہدری محمد سرور نے کہا ہے کہ احتجاج اپوزیشن کا حق ہے، ہم اپوزیشن کے راستے میں رکاوٹ نہیں ڈالیں گے۔

تفصیلات کے مطابق گورنر پنجاب نے اپوزیشن کی جانب سے احتجاج کے فیصلے پر کہا ہے کہ اپوزیشن والے خود تقسیم ہیں اور عوام ان کے ساتھ نہیں، انھیں احتجاج کا حق ہے، رکاوٹ نہیں ڈالیں گے۔

چوہدری محمد سرور کا کہنا تھا کہ اپوزیشن کا یہ اتحاد نظریاتی نہیں بلکہ مفاداتی ہے، یہ سب اپنے مفاد کے لیے جمع ہو رہے ہیں، اگر اپوزیشن سچ مچ متحد ہوتی تو الگ الگ احتجاج کی بات نہ کرتی۔

گورنر پنجاب نے مزید کہا کہ عمران خان عوام کے ووٹوں سے آئے ہیں، اور 5 سال حکومت کریں گے، عوام نے تحر یک انصاف کو 5 سال کا مینڈیٹ دیا ہے۔

یہ بھی پڑھیں:  اپوزیشن جماعتوں کا عید کے بعد علیحدہ علیحدہ احتجاج کا فیصلہ

انھوں نے سعودی عرب کی جانب سے مؤخرادائیگی پر تیل کی فراہمی کے اعلان پر کہا کہ سعودی عرب نے ہمیشہ پاکستان کا ساتھ دیا ہے، پاکستان کو تیل دینے کا فیصلہ خوش آئند ہے۔

یہ بھی پڑھیں:  سعودی عرب تین سال تک پاکستان کو سالانہ 3 ارب 20 کروڑ ڈالرکا تیل ادھار دے گا

چوہدری محمد سرور نے کہا کہ وزیر اعظم عمران خان کی قیادت میں ملک ترقی کی راہ پر گام زن ہے، اپوزیشن احتجاج کرتی رہے عوام ان کے ساتھ نہیں۔

خیال رہے کہ پیپلز پارٹی کے چیئرمین بلاول بھٹو زرداری نے کہا تھا کہ عید الفطر کے بعد اپوزیشن جماعتیں ایوان کے اندر اور باہر حکومت کے خلاف علیحدہ علیحدہ احتجاج کریں گی۔