Tag: چوہدری سرور

اسلام آباد: سابق گورنرپنجاب چوہدری سرورکی بنی گالہ میں عمران خان سےملاقات ہوئی، جس میں پی ٹی آئی میں مشروط شمولیت کی باقاعدہ دعوت بھی دی گئی ہے۔

ذرائع کے مطابق چوہدری محمد سرور کو عمران خان کی جانب سے کہا گیا ہے کہ ہمارے مقاصد ایک ہے اس لیے آپ ہماری جماعت میں شمولیت اختیار کریں جبکہ چوہدری سرور کی جانب سے بھی جلد تحریک انصاف میں شمولیت کا امکان ظاہر کیا جا رہا ہے۔

ذرائع کے مطابق چوہدری محمد سرور تحریک انصاف کے صدر یا پنجاب کا انچارج بننے کے خواہشمند ہیں، جبکہ اس ضمن میں وہ تحریک انصاف کی قیادت سے تحریری یقین دہانی بھی چاہتے ہیں۔

واضح رہے  اس ملاقات میں تحریک انصاف کے سیکرٹری جنرل جہانگیر ترین بھی موجود تھے جبکہ ملاقات میں آئندہ کے سیاسی لائحہ عمل پر بھی تفصیلی تبادلہ خیال کیا گیا ہے۔

تاہم پاکستان تحریک انصاف کے رہنما نعیم الحق نے ملاقات کی تصدیق کردی، ان کا کہنا تھا کہ پارٹی میں شمولیت کاعلم نہیں ہے، نعیم الحق کا کہنا ہے کہ چوہدری سرور تحریک انصاف میں شامل ہوتے ہیں تو ان کو خوش آمدید کہہ گے۔