Tag: چوہدری شجاعت

پاکستان میں کئی سال سے جاری سیاسی افراتفری اور اختلافات کو ختم کرنے کے لیے سینئر سیاستدان چوہدری شجاعت میدان میں آ گئے ہیں۔

پاکستان میں کئی ساقل سے جاری سیاسی افراتفری جاری ہے اور سیاسی جماعتوں کے اختلافات انتہا پر پہنچے ہوئے ہیں۔ اس صورتحال میں عروج پر پہنچی سیاسی کشیدگی کم کرنے اور حکومت واپوزیشن جماعتوں کو قریب لانے کے لیے سینئر سیاستدان اور سابق وزیراعطم چوہدری شجاعت حسین میدان میں آ گئے ہیں۔

اے آر وائی نیوز کے مطابق پاکستان مسلم لیگ (ق) کے سربراہ چوہدری شجاعت نے سیاسی جماعتوں سے رابطوں کے لیے پولیٹیکل کوآرڈینیشن کمیٹی قائم کر دی۔ میر نصیر خان مینگل کو چیئرمین اور غلام مصطفیٰ ملک کو وائس چیئرمین مقرر کیا ہے۔

یہ کمیٹی سیاسی اور سماجی حلقوں کے درمیان ہم آہنگی اور نیشنل ڈائیلاگ کے فروغ کے لیے کام کرے گی۔ معاشی اور سیاسی استحکام کے لیے تمام اسٹیک ہولڈرز سے مشاورت کرے گی۔

چوہدری شجاعت کی قائم کردہ پولیٹیکل کوآرڈینشین کمیٹی حکومت اور اپوزیشن جماعتوں کو بھی قومی معاملات پر اکٹھا چلنے پر آمادہ کرے گی اور کمیٹی بلوچستان میں احساس محرومی کے خاتمے کے لیے تجاویز بھی مرتب کرے گی۔ یہ کمیٹی ملک میں پبلک سیکٹر کی بہتری کے لیے بھی کردار ادا کرے گی۔

https://urdu.arynews.tv/ahsan-iqbal-imran-khan-army-chief-military-in-politics/

گجرات: چوہدری شجاعت حسین نے ظہور پیلس کی تقسیم کیلئے سول کورٹ سے رجوع کرلیا ہے۔

تفصیلات کے مطابق مسلم لیگ ق کے سربراہ چوہدری شجاعت حسین نے زمین میں حصہ لینے کے لیے عدالت میں درخواست دائر کی ہے۔ انھوں نے ظہورپیلس کی تقسیم کیلئے عدالت سے رجوع کیا ہے۔

اس سلسلے میں سول جج نے پرویز الہٰی سمیت قیصرہ الہٰی، سمیرالہٰی اور کشورسلطانہ کو 19 جنوری کو طلب کرلیا ہے۔

دائر درخواست میں مؤقف اختیار کیا گیا ہے کہ پرویزالہٰی اور ان کی بہنیں 5 کنال 17 مرلے کا گھر پرویز الٰہی کے نام کرانا چاہتے ہیں۔

درخواست میں عدالت سے اپیل کی گئی ہے کہ فریقین کو پراپرٹی تقسیم کرکے حصہ دینے کا حکم دیا جائے۔

لاہور : مسلم لیگ ق کے سربراہ چوہدری شجاعت نے سابق صدر آصف زرداری سے ملاقات میں پنجاب میں سیٹ ایڈجسٹمنٹ کی وعدہ خلافی کا شکوہ کیا۔

تفصیلات کے مطابق الیکشن کمیشن کی جانب سے انتخابات کی تاریخ کے اعلان کے بعد سیاسی سرگرمیوں میں بھی تیزی آگئی، سابق صدر آصف زرداری نے مسلم لیگ ق کے سربراہ چوہدری شجاعت سے اہم ملاقات کی۔

چوہدری شجاعت اور آصف زرداری کی ملاقات ایک گھنٹہ جاری رہی ، دونوں رہنماؤں میں اہم سیاسی سمیت معاشی صورتحال پر تبادلہ خیال کیا اور م آئندہ انتخابات میں انتخابی تعاون بڑھانے میں بھی غور کیا گیا۔

ا ملاقات میں سابق وفاقی وزیر چوہدری سالک حسین اور شافع حسین بھی موجود تھے، ملاقات میں الیکشن کمیشن کی جانب سے انتخابات کی تاریخ کے اعلان کے بعد کی صورتحال پر بھی غور کیا گیا۔

چوہدری شجاعت نے آصف زرداری سے پنجاب میں سیٹ ایڈجسٹمنٹ کی وعدہ خلافی کا شکوہ کرتے ہوئے کہا کہ پی ڈی ایم نے سیٹ ایڈجسٹمنٹ کا وعدہ کیا تھا، ن لیگ سےرابطےکی کوششیں کی گئیں لیکن ابھی تک جواب نہیں آیا۔

آصف زرداری نے چوہدری شجاعت کو ن لیگ سے سیٹ ایڈجسٹمنٹ پر بات کرنے کی یقین دہانی کرادی۔

لاہور : سابق صدر آصف علی زرداری اور قاف لیگ کے سربراہ چوہدری شجاعت حسین نے آئندہ انتخابات میں مل کر چلنے پر اتفاق کرلیا۔

تفصیلات کے مطابق سابق صدر آصف علی زرداری کی لاہور میں ملاقاتوں کا سلسلہ جاری ہے، گزشتہ شب قاف لیگ کے سربراہ چوہدری شجاعت حسین کی رہائش گاہ پربیٹھک لگی۔

سابق صدر آصف علی زرداری اور قاف لیگ کے سربراہ چوہدری شجاعت حسین کے درمیان ہونے والی ملاقات میں چوہدری سالک حسین، چوہدری شافع حسین اور ‏چوہدری محمد سرور بھی موجود تھے۔

ملاقات میں نو مئی واقعات کے بعد ملک میں پیدا ہونے ‏والی صورتحال پرگفتگو کی گئی، دونوں رہنماؤں نے آئندہ الیکشن میں سیٹ ایڈجسٹمنٹ کے امکانات کا بھی جائزہ بھی لیا۔

دونوں رہنماؤں نے اس بات پر اتفاق کیا کہ آئندہ انتخابات میں ہم خیال سیاسی جماعتوں کو آپس میں اتحاد کرنا چاہیے تاکہ ووٹ ضائع نہ ہو۔

ملاقات کے دوران چوہدری شجاعت نے گفتگو کرتے ہوئے کہا کہ سیاسی رنجش کو ذاتی رنجش نہ بنائیں اور ملک کا سوچیں، پاکستان ہے تو سب ہیں۔

اس سے قبل آصف زرداری نے وفاقی وزیر ‏سردار ایازصادق کے بھائی کی وفات پر ان کے گھر جا کر تعزیت بھی کی۔

لاہور: مسلم لیگ ق کے سربراہ چوہدری شجاعت حسین نے کہا ہے کہ پرویز الٰہی کے معاملے پر جو طریقہ کار اپنایا گیا وہ قابل قبول نہیں۔

مسلم لیگ ق کے سربراہ چوہدری شجاعت حسین نے ایک بیان میں کہا کہ پرویز الہٰی کے ساتھ اس رات کو پیش آنے والے واقع پر روشنی ڈالوں گا۔

چوہدری شجاعت نے بتایا کہ اس رات پولیس پرویزالٰہی کے گھرپرگئی تو انھیں بتایاگیا وہ چوہدری شجاعت کےگھر ہیں، پولیس والے پرویزالٰہی کے گھر کو چھوڑ کر میرے گھر کی طرف دوڑ پڑے، جہاں میرے دونوں بیٹے دروازے کی دوسری طرف موجود تھے۔

انہوں نے کہا کہ جب پولیس والے آگے بڑھ رہے تھے تو دونوں بیٹوں نے انھیں روکا، پولیس نے دروازے کو توڑنے کی کوشش کی، دروازے کے شیشے تو ٹوٹ گئے مگر دروازہ نہ ٹوٹ سکا، اس دوران میرے دونوں بیٹے زخمی ہو گئے، چوہدری سالک حسین کے ہاتھ پر ٹانکے بھی لگے۔

چوہدری شجاعت حسین کی رہائشگاہ پر رینجرز تعینات

چوہدری شجاعت نے بتایا کہ 2 گھنٹے کوشش کے بعد پولیس دروازے سے واپس چلی گئی، جب پولیس سے سوال کیاگیاکہ کس کیس میں یہ سب کچھ کیا جارہا ہے، تو پولیس نے بتایا سڑکوں کے ٹھیکوں میں کمیشن کا الزام ہے، انٹرنیشنل فرم سےکمیشن کے طور پر اربوں وصول کرنےکا الزام ہے، پولیس نے کہا اس سے زیادہ تفصیلات ہمارے پاس نہیں ہے۔

چوہدری شجاعت نے مزید بتایا کہ میرا یا میرے بیٹوں کا ایسے کسی معاملے سے کبھی کوئی تعلق نہیں رہا، سارے معاملے پر جو طریقہ کار اپنایا گیا وہ قابل قبول نہیں ہے۔

ان کا کہنا تھا کہ جس طرح بکتر بند سے گیٹ توڑا گیا اس عمل کی سختی سے مذمت کرتا ہوں، حکام بالا سے کہنا چاہتا ہوں اس کے پیچھے جو بھی ہے کیفر کردار تک پہنچایا جائے۔