Tag: چوہدری شجاعت حسین

لاہور : مسلم لیگ (ق) کے صدر چوہدری شجاعت حسین نے ایک بار پھر ق لیگ میں اختلافات کی تردید کرتے ہوئے کہا کہ نظریاتی اختلافات توباپ بیٹےمیں بھی ہوجاتےہیں۔

تفصیلات کے مطابق سابق وزیر اعظم اور مسلم لیگ ق کے سربراہ چوہدری شجاعت حسین سے صدر آزاد کشمیر بیرسٹر سلطان محمود نے ان کی رہائش گاہ پر ملاقات کی، ملاقات میں ،مسئلہ کشمیر اور ملکی سیاسی صورتحال پر بات چیت کی گئی۔

چوہدری شجاعت نے کہا کہ میرا چوہدری صاحب سے پرانا تعلق ہے، میرے اور پرویز الٰہی کے درمیان کوئی اختلاف نہیں ہیں، سیاسی مخالفت کو ذاتی مخالفت میں نہیں بدلنا چائیے۔

ان کا کہنا تھا کہ ق لیگ میں کوئی اختلاف نہیں ہے ، ہمارے درمیان اختلافات کی باتیں غلط چلائی جا رہی ہیں، نظریاتی اختلافات ہوتے رہتے ہیں، باپ بیٹے میں بھی نظریاتی اختلاف ہو سکتا ہے ہمیں نئی نسل کے نظریات کا احترام کرنا چاہیے۔

مسلم لیگ ق کے سربراہ نے کہا کہ ہماری سیاست سے برداشت ختم ہو چکی ہے آئیے روز نئی نئی ویڈیو سامنے آرہی ہیں بیرون ممالک میں ہماری سیاست کا کیا تاثر جاتا ہوگا، میں اور پرویز الٰہی عید پر بھی اکھٹے ہوں گے۔

چوہدری شجاعت حسین کا کہنا تھا کشمیر کو آزادی ملنی چائیے اور ہم سب کو ذاتی اختلافات کو ایک طرف رکھ کر کشمیر کے لیے سب کو ایک ہوناچائیے ،کشمیر میں جو ظلم وبربریت ہو رہی ہے یہ انسانیت کا معاملہ ہے اس کو پیش نظر رکھا جائے۔

اس موقع پر صدر آزاد کشمیر بیرسٹر سلطان محمود چوہدری نے کہا کہ کشمیر میں بھارت کی جانب سے ظلم وبربریت کی جا رہی ہے، بھارت نے یسین ملک کو عمر قید کی سزا دی کشمیر کی ڈیموگرافی کو تبدیل کیا جا رہا ہے۔

ان کا کہنا تھا کہ آئے روز وہاں نوجوانوں کا قتل عام کیا جا رہا ہے ،عالمی سطح پر ہماری آواز کمزور ہے، جس پر چوہدری شجاعت نے کہا کہ کشمیر کےحوالے سے ہماری کمزری کا تاثر پیدا گیا حقیقت میں ہم کمزور نہیں ہیں۔

لاہور: سربراہ مسلم لیگ ق چوہدری شجاعت حسین نے وزیر اعظم سے مطالبہ کیا ہے کہ وہ اسپیکر قومی اسمبلی کی سربراہی میں بننے والی کمیٹی کو عوامی مسائل ترجیحی بنیادوں پر حل کرنے کا کہیں، اور اختلافات بھلا کر عوام کے بنیادی مسائل حل کرنے پر توجہ دی جائے۔

چوہدری شجاعت نے بیان میں کہا ہے کہ عوام کے بنیادی مسائل میں مہنگائی، بے روزگاری اور قیمتوں پر کنٹرول شامل ہے، حکومت اپنی تجاویز میں پہلے یہ دیکھے کہ مہنگائی اور بے روزگاری کی وجہ کیا ہے، کیسے پیدا ہوئی اور کس نے پیدا کی۔

ق لیگ کے سربراہ کا کہنا تھا کہ کمیٹی یہ دیکھے کہ مہنگائی کو دور کرنے کے لیے کیا اقدامات اٹھائے جائیں، باقی مسائل میں ووٹوں کو نوٹوں سے بچانے کے لیے اقدامات بھی شامل ہیں۔

چوہدری شجاعت حسین نے کہا بے شک مارشل لا سے اختلافات ہو سکتے ہیں، مگر پچھلے چاروں مارشل لا کی مثالیں دی جا سکتی ہیں، مارشل لا دور میں قیمتوں پر کنٹرول اور مہنگائی کے خاتمے کے لیے پہلے دو ہفتوں میں اقدامات کیے تھے، مارشل لا دور کے وہ اقدامات آج بھی عوام کو یاد ہیں۔

انھوں نے کہا کمیٹی کو چاہیے مہنگائی، بے روزگاری اور عوام کے دوسرے مسائل کے حل کے لیے تجویز پیش کرے، ساری میٹنگوں میں سیاسی مسائل کی طرف توجہ دے کر وقت ضائع نہ کیا جائے، ووٹ کو نوٹ سے بچانے کے لیے اور منصفانہ الیکشن کروانے کے لیے بھی تجاویز دیں۔

چوہدری شجاعت کا کہنا تھا کمیٹیاں ہمارے دور میں بھی بنتی رہی ہیں، کمیٹیوں کی رپورٹس آج بھی سرد خانے میں پڑی ہوئی ہیں، رپورٹس محنت سے تیار کی جاتی ہیں لیکن ان پر عمل درآمد کروانے کے لیے مصلحتوں سے کام لیا جاتا ہے۔

سربراہ ق لیگ نے کہا عمران خان کو چاہیے کہ وہ وقت کا تعین کریں ورنہ یہ کمیٹی بھی کارپوریشن کمیٹی بن کے رہ جائے گی۔