Tag: چوہدری شوگرملز.

اسلام آباد :مسلم لیگ ن کی نائب صدر مریم صفدر شوگرملز کے ایک کروڑ چوبیس لاکھ شئیرزکی مالک نکلی ،  شہزاداکبر کا کہنا ہے کہ نیب دیکھے گا کہ چوہدری شوگر ملز کیس میں شیئرز کیسے منتقل ہوئے ۔

تفصیلات کے مطابق اے آر وائی نیوز کے پروگرام پاور پلے میں چوہدری شوگرملز کا کیس سے متعلق بڑا انکشاف ہوا کہ مریم صفدر شوگرملز کے ایک کروڑ چوبیس لاکھ شئیرزکی مالک، غیر ملکی شئیر ہولڈرز نے مریم صفدر کو کروڑوں کے شئیرز کیوں منتقل کیے ، اس پر سوال اٹھ گئے۔

وزیراعظم کے معاون خصوصی برائے احتساب شہزاد اکبر نے پروگرام میں گفتگو کرتے ہوئے کہا دیکھا جائےگا مریم نواز کو طلب نیب نے کیا ہے وہی بتا سکتا ہے ، ایس ای سی پی نے برطانیہ کی ایس ای سی کو ایک خط لکھا تھا۔

،شہزاداکبر کا کہنا تھا مریم نوازکےشیئرزمنتقلی،خریدوفروخت کےمعاملےکودیکھاجائے گا، دوہزار آٹھ میں مریم نواز نے شیئرز خریدے تو کتنی رقم ادا کی گئی ،نیب دیکھے گا کہ چوہدری شوگر ملز کیس میں شیئرز کیسے منتقل ہوئے ۔

معاون خصوصی نے کہا چوہدری شوگر ملز کیس نیا نہیں پرانا کیس ہے ، یوسف عباس شریف اور دیگر کو نوٹس منی لانڈرنگ پرنیب نے نوٹس بھیجا ہے، مشکوک ٹرانزکشنز کو مدنظر رکھ کر ہی نیب نے نوٹس بھیجا ہوگا۔
تنی رقم ادا کی گئی، نیب دیکھے گا کہ چوہدری شوگر ملز کیس میں شیئرز کیسے منتقل ہوئے۔

دوسری جانب پی ٹی آئی رہنما عثمان ڈار کا کہنا تھا قوم کوجلد پتہ چلےگاکروڑو روپے شیئرز کی سیٹلمنٹ کیسےکی گئی تھی اور غیرملکیوں نےمریم کوکروڑوں کےشئیرزکیوں منتقل کیے۔

مزید پڑھیں : شوگر ملز کیس ، مریم نواز ، حسن نواز، حسین نواز کو 31 جولائی کو طلب

یاد رہے قومی احتساب بیورو (نیب) نے شوگر ملز کیس میں کوٹ لکھپت جیل میں قید نواز شریف کے بچوں مریم نواز، حسن نواز، حسین نواز کو 31 جولائی کو طلب کیا ہے۔

نیب لاہور میں طلب کیے گئے تمام افراد چوہدری شوگر ملز میں کروڑوں روپے کے شیئر ہولڈرز ہیں، اس کیس میں ان کے بھتیجے عبدالعزیز کو بھی طلبی کا نوٹس جاری کیا گیا تھا۔