مظفرآباد: آزاد کشمیرمیں شدید بارش اورسیلاب نےتباہی مچا دی، اب تک ساٹھ سے زائد افراد جاں بحق ہو چکے ہیں، آزاد کشمیر کے وزیراعظم چوہد ری عبداُلمجید نے سیلاب زدگان کی مدد کیلئے بھارتی مدد کی پیشکش مسترد کردی۔
حالیہ شدید بارشوں، سیلاب، لینڈ سلائیڈنگ سے آزاد کشمیر کے علاقے بھی متاثر ہوئے ،شدید بارشوں کے باعث سڑکیں ٹوٹ پھوٹ کا شکار ہوگئیں اور زمینی راستے منقطع ہوگئے، سیلابی ریلے زیر آب آئےعلاقہ مکینوں نے سیلاب سے بچاؤ کے اقدامات نہ ہونے پر دہائی دی۔
وزیراعظم آزاد کشمیرچو ہدری عبدلمجید نےبارشوں سےمتا ثرہ علاقوں کا فضائی جا ئزہ لیا، وزیراعظم نےبارشوں اورلینڈ سلائیڈنگ سےجاں بحق ہو نے والےافراد کےلواحقین کوفی کس پانچ لاکھ روپےامداد دینےکا اعلان کیا، سیلاب سےمتاثرہ علاقوں کو بچانےکے لئےبند تو باندھے جارہے ہیں لیکن مٹی کے بند ،سیلاب کی رکاوٹ میں ناکام ہیں، شدید بارشوں سےبجلی کا نظام شدید متاثر ہوا۔وزیراعظم نے بجلی کی بحالی اور لینڈ سلائیڈنگ سے بند ہو نے والی شاہراہوں کوفوری طور پر کھو لنے کے احکامات دئیے۔
چوہدری عبدالمجید نے بھارتی وزیراعظم کی جانب سےکی جانے والی پیش کش کو قبول کرنے سے انکار کرتے ہوئے کہا کہ چاہے جتنی بھی آفت آجائے ہماری امیدوں کا مرکز اسلام آباد ہی ہے اوراگر بھارت کچھ دینا ہی چاہتا ہے تو مقبوضہ کشمیر کو آزادکردے۔
