Tag: چوہدری محمد سرور

لاہور: پنجاب حکومت نے صوبے میں کامیاب سکھ سیاحت کے بعد بدھ مت سیاحت کا بھی اعلان کر دیا ہے۔

تفصیلات کے مطابق لاہور میں میڈیا سے گفتگو کرتے ہوئے چوہدری محمد سرور نے کہا کہ فرانس اور جرمنی کے سفیروں سے ملاقات ہوئی ہے، دیگر ممالک سمجھتے ہیں پاکستان میں سرمایہ کاری ہونی چاہیے۔

چوہدری محمد سرور نے کہا کہ ہم نے کرتار پور کوریڈور کھولا ہے، ایک سال پہلے مذہبی سیاحت کی بات کی تھی، آج سکھ سیاحت کو فروغ دیا جا رہا ہے، اگلے سال بدھ مت سیاحت شروع کریں گے، پھر ہندو اور مسیحی سیاحت کو بھی فروغ دیا جائے گا۔ انہوں نے کہا کہ اسلامی ثقافتی ورثہ بھی پاکستان میں بہت ہے۔

گورنر پنجاب چوہدری محمد سرور نے کہا کہ فروغ نسیم آج نواز شریف کے ایشو پر پریس کانفرنس کر رہے ہیں، مناسب نہیں ہے اس معاملے پر اس پر بات کروں۔

اس سے قبل 9 نومبر کو کرتارپور راہداری کی افتتاحی تقریب سے خطاب کرتے ہوئے وزیراعظم عمران خان کا کہنا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔

کوریا کے بدھ مت پیروکاروں کی ہری پور آمد، کشمیریوں کے لیے خصوصی دعا

یاد رہے کہ گزشتہ ماہ کوریا سے آئے ہوئے بدھ مت پیروکاروں کے ایک گروپ نے ضلع ہری پور میں سیاحت کے دوران کشمیریوں کی آزادی کے لیے خصوصی دعا کی تھی۔

لاہور: گورنر پنجاب چوہدری محمد سرور کا کہنا ہے کہ پاکستان میں اقلیتوں کو آزادی اور تحفظ کی دنیا میں کوئی مثال نہیں ہے۔

تفصیلات کے مطابق سماجی رابطے کی ویب سائٹ ٹویٹر پر گورنر پنجاب چوہدری محمد سرور نے اپنے پیغام میں کہا کہ گرونانک کے جنم دن تقریبات کی تیاریوں کا ننکانہ صاحب میں جائزہ لیا۔

گورنر پنجاب نے کہا کہ یاتریوں کو سیکیورٹی سمیت تمام سہولتوں کی فراہمی یقینی بنائیں گے۔ انہوں نے مزید کہا کہ پاکستان میں اقلیتوں کو آزادی اور تحفظ کی دنیا میں کوئی مثال نہیں ہے۔

بابا گرونانک کے 550 ویں جنم دن کی تقریبات کی تیاریوں کا آج میں نے خود ننکانہ صاحب میں جائزہ لیا ہے۔سکھ یاتریوں کو سیکیورٹی سمیت تمام سہولتوں کی فراہمی یقینی بنائیں گے۔@ImranKhanPTI کی قیادت میں پاکستان میں اقلیتوں کو جتنی آزادی اور تحفظ ہے دنیا میں اس کی کوئی اور مثال نہیں ملتی pic.twitter.com/Y7VOTGN47Q

— Mohammad Sarwar (@ChMSarwar) November 2, 2019

وزیراعظم کا کرتارپور آنے والے سکھ یاتریوں کے لیے بڑا اعلان

وزیراعظم عمران خان نے گزشتہ روز ہندوستان سے آنے والے سکھ یاتریوں کے لیے 2 شرائط میں چھوٹ کا اعلان کیا تھا۔

وزیراعظم عمران خان کا کہنا تھا کہ کرتارپور آنے والے یاتریوں کو پاسپورٹ کی ضرورت نہیں ہوگی، سکھ یاتریوں کو کرتارپور آمد کے لیے صرف شناختی کارڈ درکار ہوگا۔

اس سے قبل حکومت پاکستان نے سکھوں کے مذہبی پیشوا بابا گرونانگ کا 550 واں جنم دن کے موقع پر 50 روپے مالیت کا یادگاری سکہ جاری کیا تھا۔

سکے کے ایک رُخ پر اسلامی جمہوریہ پاکستان اور قومی نشان ہے جبکہ دوسرے رُخ پر سکھوں کی عبادت گاہ کی تصویر کندہ ہے۔ 50 روپے مالیت کے یادگاری سکے پر گرونانک دیو جی 1469-2019 کے الفاظ کندہ ہیں۔

واضح رہے کہ حکومت پاکستان بابا گرونانک کے 550ویں یوم پیدائش کے موقع پر نومبر میں کرتارپور راہداری کھولنے کے لیے پُرعزم ہے جس کا باضابطہ افتتاح 9 نومبر کو وزیراعظم عمران خان کریں گے۔

لاہور: گورنر پنجاب چوہدری محمد سرور کا کہنا ہے کہ کسی بین الاقوامی میڈیا یا مشاہدہ کاروں کو کشمیر جانے کی اجازت نہیں ہے۔

تفصیلات کے مطابق لاہور میں میڈیا سے گفتگو کرتے ہوئے چوہدری محمد سرور نے کہا کہ مولانا فضل الرحمان کے دھرنے سے کوئی پریشانی نہیں ہے۔

چوہدری محمد سرور نے کہا کہ میرے یا وزیراعظم عمران خان کے چہرے سے کوئی پریشانی نظر آتی ہے؟۔ انہوں نے کہا کہ عوام جانتی ہے یہ وقت دھرنے کا نہیں کشمیریوں سے اتحاد کا ہے۔

گورنر پنجاب نے کہا کہ بھارت نے کشمیر کی خصوصی اہمیت ختم کرکے کرفیو لگایا، کسی بین الاقوامی میڈیا یا مشاہدہ کاروں کو کشمیرجانے کی اجازت نہیں ہے۔

انہوں نے کہا کہ مولانا کے دھرنے کو تمام سیاسی جماعتوں نے مسترد کردیا، اپوزیشن جماعتیں بھی کہہ رہی ہیں یہ وقت دھرنے کا نہیں ہے۔

چوہدری محمد سرور نے کہا کہ ایک سال ضائع ہوا ،صاف پانی اہم مسئلہ ہے، ملک میں وسائل کی کمی نہیں ہے، صاف پانی کی فراہمی میرا جذبہ ہے۔

یاد رہے کہ دو روز قبل گورنر پنجاب چوہدری سرور کا کہنا تھا کہ کسی کے احتجاج سے حکومت کو کوئی خطرہ نہیں، فضل الرحمان کا احتجاج عوام دشمنی ہے اور وہ اس میں ناکام ہوں گے۔

لاہور: گورنر پنجاب چوہدری محمد سرور کا کہنا ہے کہ نریندرمودی آرٹیکل 370 ختم کرنے کی بھاری قیمت چکائے گا۔

تفصیلات کے مطابق لاہورمیں میڈیا سے گفتگو کرتے ہوئے گورنر پنجاب چوہدری محمد سرور نے کہا کہ حکومت نے ہرپلیٹ فارم پر کشمیر ایشو کو سامنے رکھا۔

چوہدری محمد سرور نے کہا کہ دنیا کو معلوم ہوگیا ہے 45 دن سے کشمیرمیں کرفیو ہے، بھارتی آبزرورز،اسمبلی ممبرزکو بھی کی اجازت نہیں ہے۔

گورنر پنجاب نے کہا کہ نریندرمودی آرٹیکل 370 ختم کرنے کی بھاری قیمت چکائے گا۔ انہوں نے کہا کہ آج پوری قوم کو کشمیر کی جدوجہد کے لیے اتحاد قائم کرنا چاہیے۔

مقبوضہ کشمیرمیں 46ویں روز بھی کرفیو

واضح رہے کہ مقبوضہ کشمیر میں آج مسلسل 46ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

کشمیر میڈیا سروس کے مطابق وادی میں کرفیو کے باعث 3 ہزار 9 سو کروڑ کا نقصان ہو چکا ہے، وادی میں کھانا میسر ہے اور نہ ہی دوائیں۔ سرینگر اسپتال انتظامیہ کے مطابق کرفیو کے باعث روزانہ 6 مریض لقمہ اجل بن جاتے ہیں۔

لاہور: گورنر پنجاب چوہدری محمد سرور کا کہنا ہے کہ نریندر مودی کی حکومت اور اس کی فوج مظالم میں ہٹلر سے بھی آگے جا چکی ہے۔

تفصیلات کے مطابق لاہور میں میڈیا سے گفتگو کرتے ہوئے چوہدری محمد سرور نے کہا کہ مقبوضہ وادی کے مظلوموں کی چیخیں اب دنیا میں پہنچ گئی ہیں، دنیا بھرکے حکمرانوں سے اپیل ہے مودی کو جواب دیا جائے۔

چوہدری محمد سرور نے کہا کہ خدا کے لیے انسانی حقوق کی خلاف ورزی پر آواز اٹھائیں، کشمیر میں جو ظلم و بربریت ہے اس کی مثال نہیں ملتی۔

گورنرپنجاب نے کہا کہ نریندر مودی کی حکومت اور اس کی فوج مظالم میں ہٹلر سے بھی آگے جا چکی ہے۔

مقبوضہ کشمیر میں آج مسلسل 13 ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

عیدالاضحیٰ کے موقع پر بھی مقبوضہ وادی میں کرفیو نافذ رہا جس کے باعث مسلمان عید کی نماز اور سنت ابراہیمی علیہ اسلام ادا کرنے سے محروم رہے۔

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

لاہور: گورنر پنجاب چوہدری محمد سرور کا کہنا ہے کہ نریندر مودی کی کسی بھی سازش کو کامیاب نہیں ہونے دیں گے۔

تفصیلات کے مطابق گورنرپنجاب چوہدری محمد سرور نے کشمیر بنے گا پاکستان کانفرنس سے خطاب کرتے ہوئے کہا کہ بھارت اوربین الاقوامی دنیا کو ہمارے اتحاد کا پیغام جانا چاہیئے۔

گورنر پنجاب نے کہا کہ پاکستان نے سفارتی اورعسکری محاذ پربھارت کو شکست دی، مودی کی کسی بھی سازش کو کامیاب نہیں ہونے دیں گے۔

چوہدری محمد سرور نے کہا کہ مقبوضہ کشمیرمیں بھارتی ایکشن کے خلاف دنیا کوایکشن لینا چاہیئے، کشمیر کا جذبہ آزادی ختم نہیں بلکہ بڑھ رہا ہے، ہم کشمیر کے مسئلے پر آخری حد تک جائیں گے۔

آرٹیکل 370 کا خاتمہ: گورنر پنجاب نے برطانوی پارلیمنٹ کو خط لکھ دیا

واضح رہے کہ گورنر پنجاب چوہدری محمد سرور نے آرٹیکل 370 سے متعلق برطانوی پارلیمنٹ کو خط لکھ کر زور دیا ہے کہ برطانوی پارلیمنٹ اور یورپی یونین بین الاقوامی مسائل کے حل میں اپنا کردار ادا کریں۔

گورنر پنجاب کی جانب سے خط میں کہا گیا ہے کہ آرٹیکل 370 کو ختم کرنا خطے میں امن کو نقصان پہنچانے کا راستہ ہے، نریندر مودی نے کشمیر میں گھسنے کے لیے ایک اور چال چلی ہے۔

گورنر پنجاب کا کہنا تھا کہ پلوامہ اٹیک کو بھی پاکستان سے منسوب کرنے کی ناکام کوشش کی گئی، وزیر اعظم نے بھارتی پائلٹ کو واپس کر کے امن کاپیغام بھیجا۔ پاکستان کی امن کے فروغ کی کوشش کو کمزوری نہ سمجھا جائے۔