Tag: چوہدری نثار

لاہور: وفاقی وزیر برائے ہوا بازی غلام سرور خان کا کہنا ہے کہ عوام نے چوہدری نثار کو ٹھکرا دیا،اب ان کے آرام کا وقت ہے۔

تفصیلات کے مطابق لاہور میں میڈیا سے گفتگو کرتے ہوئے وفاقی وزیربرائے ہوا بازی غلام سرور خان نے کہا کہ تمام ائیر پورٹس پر اسکرینگ کی سہولیات فراہم کر دی گئیں۔

غلام سرور خان کا کہنا تھا کہ جس مریض میں علامت ہے اس کو چیک کیا جاتا ہے صورت حال قابو میں ہے، ملتان میں جو مریض رپورٹ ہوئے ان کی تحقیق جاری ہے۔

وفاقی وزیر کے مطابق ایوی ایشن پالیسی کے مطابق نئی ائیر لائنز آنا چاہ رہی ہیں، گلف، آذربائیجان سمیت لفتھنزا ائیر لائن سے بات چیت جاری ہے، ہم نے اپنی ائیر لائن کو بحال کرنا ہے اسی سال 5 جہاز آ رہے ہیں۔

غلام سرور خان کا کہنا تھا کہ نہ چوہدری نثار آ رہے ہیں نہ میں کہیں جا رہا ہوں، عوام نے انہیں ٹھکرا دیا ہے اب ان کے آرام کا وقت ہے وہ آرام کریں۔

انہوں نے کہا کہ حکومت نہیں جا رہی یہ سیاسی بیان نہیں اتحادی ہمیں چھوڑ کر نہیں جا رہا ہے، یہ سال 2019 سے بہتر سال ہوگا،سیاسی ومعاشی بہتری آئے گی۔

وفاقی وزیر کا مزید کہنا تھا کہ ہماری پارٹی میں یہ روایت موجود ہے کھل کر ہر ایشو پر بات کی جاتی ہے، ٹرانسپیرنسی انٹرنیشنل کی رپورٹ کو پڑھناچاہئیے تھا، جنہوں نے اعتراض اٹھایا وہ رپورٹ تو پڑھ لیتے۔

اسلام آباد: سابق وزیر داخلہ چوہدری نثار نے کہا ہے کہ ایف اے ٹی ایف کو ایک سیاسی ادارہ سمجھتا ہوں، چند طاقتیں پاکستان کو بلیک لسٹ کرنے کی سازشیں کررہی ہیں۔

تفصیلات کے مطابق سابق وزیر داخلہ چوہدری نثار میڈیا سے گفتگو کرتے ہوئے کہا کہ ملک رہے گا تو یہ سیاست بھی رہے گی، ایسے بیانات نہ دیں جس سے پاکستان کا موقف کمزور ہو، سیاسی استحکام کی ذمہ داری سب سے پہلے حکومت پر ہوتی ہے۔

انہوں نے کہا کہ قرضوں کے دلدل سے نکلنے کے لیے کئی سال لگیں گے، جس ملک کا دارومدار قرضوں پر ہو اس کا مستقبل کیا ہوگا۔

چوہدری نثار نے کہا کہ مودی حکومت سے کسی قسم کی کوئی خیر کی توقع نہیں ہے، کوئی جنگ نہیں چاہتا، بھارت سے مذاکرات ہونے چاہئیں۔

مزید پڑھیں: سابق وزیر داخلہ چوہدری نثار کا وزیراعظم عمران خان کو مشورہ

سابق وزیر داخلہ نے کہا کہ میں نے آج سے 6 ماہ پہلے عمران خان کی تعریف کی تھی تاہم اپوزیشن کی سخت زبان کا مطلب یہ نہیں کہ حکومت بھی وہی کرے، پیش گوئیاں شیخ رشید کا کام ہے میرے پاس غیب کا علم نہیں ہے۔

ان کا کہنا تھا کہ مناسب وقت میں سیاسی لائحہ عمل کا فیصلہ کروں گا، ایک جماعت سے 35 سال تک بہت قریبی رابطہ رہا ہے، ن لیگ سے تعلق کی وجہ سے مخالف جماعت میں نہیں گیا، میاں صاحب پر کچھ نہیں کہہ سکتا معاملہ عدالت میں ہے۔

چوہدری نثار نے کہا کہ ملک کو اس وقت سیاسی استحکام کی ضرورت ہے، جب کوئی گرفتار ہوتا ہے تو حکومت کہتی ہے نہیں چھوڑیں گے، ایسا لگتا ہے کہ گرفتاری نیب کے بجائے حکومت کرراہی ہے، احتساب کے خلاف نہیں مگر شفافیت چاہتے ہیں۔

اسلام آباد: وفاقی وزیر فیصل واوڈا نے کہا ہے کہ آنے والے دنوں میں چوہدری نثار ن لیگ کا فارورڈ بلاک بنائیں گے، پی ٹی آئی فارورڈ بلاک کا حصہ نہیں ہے۔

تفصیلات کے مطابق اے آر وائی نیوز کے پروگرام ’پاور پلے‘ میں گفتگو کرتے ہوئے وفاقی وزیر فیصل واوڈا کا کہنا تھا کہ آنے والے دنوں میں چوہدری نثار مسلم لیگ ن میں فارورڈ بلاک بنائیں گے ہم تو خود ان کو تاش کے پتوں کی طرح بکھرتے دیکھ رہے ہیں۔

فیصل واوڈا نے کہا کہ پیپلزپارٹی کے سارے لوگ بے ایمان اور چور نہیں ہیں، بہت سے لوگوں کو اندر جانا، بہت سے لوگوں کو باہر آنا ہے۔

انہوں نے کہا کہ نئے سال کے تحت بہت ساری خوشخبریاں آئیں گی، پنجاب میں پی ٹی آئی مضبوط ہوگیی یہ سوچ بھی نہیں سکتے ہیں۔

فیصل واوڈا کا کہنا تھا کہ وزارت کے ماتحت کسی بھی معاملے پر سمجھوتہ نہیں کروں گا، اپنی وزارت میں خود بھی میں کوئی کنٹریکٹ نہیں دے سکتا، میری وزارت سے متعلق کوئی بھی کنٹریکٹ تھرڈ پارٹی کے ذریعے ہوگا۔

مزید پڑھیں: سندھ میں پیپلز پارٹی میں فارورڈ بلاک یقینی ہے: فیصل واوڈا کا دعویٰ

واضح رہے کہ چند روز قبل فیصل واوڈا کا کہنا تھا کہ سندھ میں پیپلزپارٹی کا فارورڈ بلاک یقینی ہے، پیپلزپارٹی کے فارورڈ بلاک میں 20 سے 26 ارکان جاسکتے ہیں۔

ان کا کہنا تھا کہ سندھ حکومت بچ بھی گئی تو نئے وزیراعلیٰ کا نام بھی شاہ ہی ہوگا، جو لوگ وزیر اعلیٰ بن سکتے ہیں وہ شاہ ہیں اور میرے دوست ہیں۔