ARYNews.tv | Urdu – Har Lamha Bakhabar

Tag: چوہدری نثار

  • سیو دی چلڈرن پر پابندی واپس لینے کا فیصلہ نہیں کیا ،چوہدری نثار

    سیو دی چلڈرن پر پابندی واپس لینے کا فیصلہ نہیں کیا ،چوہدری نثار

    اسلام آباد: وفاقی وزیرداخلہ چوہدری نثارنے کہا ہے کہ سیو دی چلڈرن این جی اوز پر عائد پابندی واپس لینے کا فیصلہ نہیں کیا گیا۔

    کچھ این جی اوز کا دائرہ کار ملکی مفاد سے متصادم ہے۔ ان خیالات کا اظہارانہوں نے پارلیمنٹ ہاؤس کے باہر میڈیا سے گفتگو کرتے ہوئے کیا۔

    وزیر  داخلہ نے کہا کہ کوئی غلط فہمی میں نہ رہے کہ غیر سرکاری تنظیموں کی آڑ میں کوئی پاکستان میں غلط کام کر سکے گا۔

    کچھ غیرسرکاری تنظیموں کی انٹیلی جنس رپورٹ آ چکی ہے۔غیر سرکاری تنظیموں کے لئے وفاقی سطح پر قانون لانے کی تجویز زیرغور ہے۔

    انہوں نے کہا کہ مستقبل میں این جی اوز کے معاملات کو وزارت داخلہ خود دیکھے گی تین ماہ میں این جی اوز سے متعلق تمام کام مکمل کر لیں گے۔

    سیو دی چلڈرن کے خلاف 2012 میں ایکشن ہونا چاہیئے تھا۔ وزیر داخلہ نے کہا کہ ملک میں ایک ہزار این جی اوز میں سے چالیس فیصد غیررجسٹرڈ ہیں۔

    متعدد این جی اوز کو امریکا اور افریقہ کی غیر سرکاری تنظیموں کو بھارت اور اسرائیل فنڈنگ کر رہے ہیں۔

  • آصف زرداری کا بیان انتہائی غیرمناسب اور ہتک آمیز ہے، چوہدری نثار

    آصف زرداری کا بیان انتہائی غیرمناسب اور ہتک آمیز ہے، چوہدری نثار

    اسلام آباد: وفاقی وزیر داخلہ چوہدری نثار علی خان نے کہا ہےکہ آصف زرداری کا بیان انتہائی غیرمناسب اور ہتک آمیز ہے۔

     پیپلزپارٹی کے شریک چیئرمین کے خطاب پر تبصرہ کرتے ہوئے چودھری نثار علی خان نے کہا کہ پیپلزپارٹی کی گرتی ہوئی ساکھ کی وجہ کوئی ادارہ نہیں انکی اپنی سابقہ حکومت کی کارکردگی ہے۔

    وفاقی وزیر داخلہ چوہدری نثار علی خان نے کہا کہ یہ طرزسیاست خطرناک ہونے کے ساتھ ساتھ قابل مذمت بھی ہے۔

    چوہدری نثار نے کہا کہ زرداری صاحب کچھ بھی کہہ لیں مسلح افواج اوراسکی قیادت کی عزت عوام کے دل میں ہے۔

    ان کا کہنا تھا کہ اپنی کوتاہیاں اورکمزوریاں چھپانےکیلئےاہم قومی ادارے کو نشانہ بنانے کی کوشش کی گئی۔

  • بھارت خوش فہمی میں نہ رہے ، منہ توڑ جواب دینگے، چوہدری نثار

    بھارت خوش فہمی میں نہ رہے ، منہ توڑ جواب دینگے، چوہدری نثار

    اسلام آباد : وزیرد اخلہ چوہدری نثارعلی خان نے کہا ہے بھارت کسی خوش فہمی میں نہ رہے ، پاکستان میانمار نہیں مسلح افواج کسی بھی مہم جوئی کا منہ توڑ جواب دیں گی۔

    تفصیلات  کے مطابق بھارتی وزیر درھن راٹھورکی جانب سے پاکستان کو دی جانے والی کھلی دھمکی پر وزیر داخلہ کا کہنا تھا کہ منفی عزائم رکھنے والے کان کھول کرسن لیں، پاکستانی افواج کسی بھی قسم کی مہم جوئی کا منہ توڑ جواب دینے کی صلاحیت رکھتی ہیں۔

    انہوں نے کہاکہ بھارتی وزراء کے دھمکی آمیز بیانات سے پاکستان مرعوب نہیں ہوگا،ان کاکہنا تھا کہ پاکستان نے ہمیشہ خطے میں حالات اچھے رکھنے کی کوشش کی جس کے لئے وزیراعظم نواز شریف نے نریندرمودی کی حلف برداری میں شرکت کی۔

    چوہدری نثارعلی خان نے کہا کہ وزیراعظم نے پاک بھارت امن اورڈائیلاگ کے راستے کااعادہ کیا۔اس کے بدلے پاکستان کوکیا ملا؟ مذاکرات کے تمام دروازے بند کردیئے گئے۔

    انھوں نے کہا کہ ایل اوسی پربمباری کی بھارت افواج کی پالیسی بن گئی ہے ۔ پاکستانی عوام امن چاہتے ہیں،بھارت کی کاتسلط اوراجارہ داری کبھی قبول نہیں کریں گے۔

  • میاں افتخارکی گرفتاری پر وزیراعظم اوروزیرداخلہ کااظہارتشویش

    میاں افتخارکی گرفتاری پر وزیراعظم اوروزیرداخلہ کااظہارتشویش

    اسلام آباد : وزیراعظم نوازشریف اوروزیرداخلہ چوہدری نثار نے اے این پی کے رہنما میاں افتخارحسین کی گرفتاری پراظہارتشویش کردیا۔ پولیس اورخفیہ اداروں سےرپورٹ طلب کرلی۔

    تفصیلات کے مطابق وزیراعظم نےکہا کہ سیاسی شخصیات سےقانون کےدائرےمیں رہتےہوئےاحترام سےپیش آیا جائے،انہوں نے میاں افتخار کی گرفتاری پر آئی جی پولیس،آئی بی اورخفیہ اداروں سے رپورٹ بھی طلب کرلی۔

    دوسری جانب وزیرداخلہ چوہدری نثار احمد خان نے بھی وفاقی سیکٹریری داخلہ کو خیبرپختونخوا کےآئی جی سے رپورٹ لینے کی ہدایت کی ہے،چوہدری نثارنےامیدظاہرکی کہ تفتیش میرٹ پر کی جائےگی۔

    واضح رہے کہ اے این پی کے جنرل سیکریٹری اورسابق صوبائی وزیراطلاعات میاں افتخارکومحافظ سمیت پی ٹی آئی کے کارکن کے قتل کے الزام میں گرفتارکرلیا گیا ہے۔

    ابتدائی تفتیش کے بعد پولیس نے مزید کارروائی کے لئے میاں افتخار کو پولیس اہلکاروں کی تحویل میں نوشہرہ کی کچہری میں پیش کیا جہاں ان کے خلاف مقدمہ درج کیا گیا۔

    مقدمہ تحریک انصاف سے تعلق رکھنے والے شیر خان نامی شخص نے درج کرایا ہے۔

  • سمز کی بائیومیٹرک تصدیق کی مدت میں پندرہ مئی تک توسیع

    سمز کی بائیومیٹرک تصدیق کی مدت میں پندرہ مئی تک توسیع

    اسلام آباد :  پاکستانی عوام کو موبائل سموں کی بائیومیٹرک تصدیق کرانے کا ایک اور موقع دے دیا گیا،

    تفصیلات کے مطابق وزیر داخلہ چوہدری نثار کی زیر صدارت  اسلام آباد میں اعلی سطح کا اجلاس ہوا، جس میں سموں کی بائیومیٹرک تصدیق کی مدت میں پندرہ مئی تک توسیع کا فیصلہ کیا گیا۔

    وزیر داخلہ کا کہنا تھا کہ پندرہ مئی کے بعد کسی سم کی تصدیق نہیں ہوگی۔ اجلاس میں چئیرمین پی ٹی اے نے بریفنگ دیتے ہوئے کہا کہ اب تک سات کروڑ سے زائد سموں کی تصدیق کی ہوچکی ہے اور غیر تصدیق شدہ دوکروڑ سموں کو بلاک کردیا گیا۔

    وزیر داخلہ چوہدری نثار نے کہا کہ دہشت گردی میں استعمال غیر تصدیق شدہ سم پر کمپنی کے خلاف ایف آئی آر کاٹی جائے گی۔ان کا کہنا تھا کہ ملک کی سیکیورٹی پر کوئی سمجھوتہ نہیں کیا جائے گا۔عوام کا تحفظ اولین ترجیح ہے۔

  • برطانیہ کومطلوب ملزم دینگے تو ان سے بھی اپنا ملزم لینگے، چوہدری نثار

    برطانیہ کومطلوب ملزم دینگے تو ان سے بھی اپنا ملزم لینگے، چوہدری نثار

    اسلام آباد : وفاقی وزیرداخلہ چوہدری نثارنےکہا ہے کہ برطانیہ کوان کامطلوب ملزم دیں گے توجواب میں ان سےبھی اپنا ملزم لیں گے۔

    یہ بات انہوں نے اسلام آباد میں میڈیا سے گفتگو کرتے ہوئے کہی انہوں نے کہا کہ عمران فاروق قتل کیس کا ملزم معظم علی خان ساڑھےتین سال سےروپوش تھا،ٹیلی فون مانیٹرنگ سے اس کا سراغ ملا۔

    انہوں نے مزید کہا کہ ڈاکٹرعمران فاروق لندن میں قتل ہوئےلیکن ان کےمبینہ قاتلوں کو لندن بھجوانےکاذمہ دارکراچی میں چھپابیٹھاتھا،رینجرزنے نائن زیروکےقریب سےمعظم علی خان کوگرفتارکرلیا۔

    وزیرداخلہ چوہدری نثارنے ملزم معظم علی خان کی گرفتاری کااعلان کیا تھا لیکن وہ بی بی سی سے بھی ناراض ہیں جس کی وجہ سےملزم روپوش ہوگیا تھا اوراس کی گرفتاری میں اتنا وقت لگا۔

    ، چوہدری نثارنے کہاکہ برطانیہ کوواضح طورپربتادیا ہے کہ ان کامطلوب ملزم اس صورت میں حوالے کریں گےاگروہ بھی پاکستان کومطلوب ملزم حوالے کرنےکاوعدہ کریں۔

      چوہدری نثارنےواضح کیا کہ الطاف حسین کی لندن پولیس اسٹیشن میں پیشی اوربرطانوی ہائی کمشنرسےان کی ملاقات کاوقت ایک ہونا اتفاقی بات ہے۔

    برطانوی ہائی کمشنرکومعلومات وزیراعظم کےفیصلے کےتحت فراہم کیں  چوہدری نثارنےکہا کہ عمران فاروق قتل کیس بلائنڈکیس ہوچکا تھا ،ملکی ایجنسیوں نےحقائق کاسراغ لگایا،کارکردگی کااعتراف خود اسکاٹ لینڈیارڈ نے بھی کیا۔

  • برطانوی ہائی کمشنرکی چوہدری نثارسےملاقات، اہم امور پر تبادلہ خیال

    برطانوی ہائی کمشنرکی چوہدری نثارسےملاقات، اہم امور پر تبادلہ خیال

    اسلام آباد : برطانوی ہائی کمشنر کی وزیر داخلہ سے ملاقات، عمران فاروق قتل کیس پر تبادلہ خیال،تفصیلات کے مطابق  اسلام آباد میں وفاقی وزیرداخلہ چوہدری نثارسے برطانوی ہائی کمشنرفلپ بارٹن نے ملاقات کی۔

    اس موقع پر وزیر داخلہ نے ہا ئی کمشنرکوعمران فاروق کے قتل اور منی لانڈرنگ کیس سے متعلق شواہد سے آگاہ کیا،اس کے علاوہ معظم علی خان کی گرفتاری پربھی بات چیت ہوئی۔

    ذرائع کےمطابق ملاقات کےفوراًبعد برطانوی ہائی کمشنر نے ٹیلی فون کرکے برطانیہ کی اعلیٰ شخصیت سے رابطہ کیا اورمیٹنگ کی تفصیلات سے آگاہ کیا۔

    برطانوی ہائی کمشنر نےاعلٰی برطانوی شخصیت کو پاکستانی حکومت کی اس خواہش سےآگاہ کیا کہ عمران فاروق قتل کیس میں برطانیہ کی مدد کردی گئی ہے۔

    امید ہے برطانیہ اپنے قانون کے مطابق جلداز جلد اپنا کام مکمل کرے گا،دوسری جانب اہم شخصیت نے بھی اس بات کا یقین دلایا کہ جلد ازجلد ان معاملات کو منطقی انجام تک پہنچایاجائےگا۔

    برطانیہ کی پولیس آزاد ہےاس پرکوئی دباؤ نہیں،جوکچھ ہوگاقانون کےمطابق ہوگا۔

  • گرفتارمعظم علی خان کا ایم کیوایم رہنما محمد انورسے قریبی رابطہ تھا، ذرائع

    گرفتارمعظم علی خان کا ایم کیوایم رہنما محمد انورسے قریبی رابطہ تھا، ذرائع

    کراچی: کراچی سےگرفتارمعظم علی خان کاایم کیوایم رہنمامحمد انورسےقریبی رابطہ رہا،لندن پولیس کےمطابق عمران فاروق قتل کیس حل ہونے کی طرف جارہا ہے۔

    کراچی سے بابر چغتائی اور معظم علی کی گرفتاری،لندن میں عمران فاروق قتل کیس حل کی طرف جانے لگا گرفتاریاں اس وقت ہوئیں جب اگلےروزلندن میں الطاف حسین کی ضمانت ختم ہورہی ہیں۔

     ذرائع کا کہنا تھا کہ الطاف حسین کی صحت کو دیکھتے ہوئے انہیں بُلائے بنا ضمانت میں تو سیع کر دی جائے گی لیکن لندن میں زرائع کا کہنا ہے کہ موجودہ صورتحال میں پیشی یقینی ہوگی۔

    ذرائع کے مطابق بابر چغتائی اور معظم علی کا محمد انور سے قریبی تعلق ہے جنہیں چند روز قبل لندن پولیس نے گرفتار کیا تھا بابر چغتائی کومنی لانڈرنگ اور معظم علی کو عمران فاروق قتل کیس میں گرفتار کیا گیا۔

    لندن پولیس کے مطابق کیس میں تیزی سے پیشرفت ہورہی ہے اوراسےجلد حل کر لیں گے۔

    واضح رہے کہ 16ستمبر2010 :لندن میں ایم کیوایم کے رہنما عمران فاروق کا قتل ہوا۔

    ۔ 8 دسمبر 2012: لندن پولیس کا ایم کیوایم کے دفتر پرچھاپہ

     ۔ 18 جون 2013 :لندن پولیس کی الطاف حسین کے گھر کی تلاشی

    ۔ 24 جون 2013:عمران فاروق قتل کیس میں پہلی گرفتاری ہیتھرو ایئرپورٹ سےالطاف حسین کےبھتیجے افتخار حسین کی گرفتاری

    ۔ 27 مئی2014: دو مطلوب افراد کی تصویریں جاری

    ۔ 13 مارچ2015:ملزم لندن بھجوانےوالا کراچی سےگرفتار

  • عمران فاروق کے قاتلوں کو باہربھجوایا، گرفتارملزم کا اعترافی بیان

    عمران فاروق کے قاتلوں کو باہربھجوایا، گرفتارملزم کا اعترافی بیان

    کراچی: گرفتارملزم معظم علی خان نے ابتدائی تفتیش میں ایم کیوایم رہنما حماد صدیقی کانام لیا ہے،معظم علی خان نے بتایا کہ حماد صدیقی نے ہی عمران فاروق قتل کےلیےبریفنگ دی تھی۔

    زرائع کےمطابق ملزم معظم علی کوکل صبح عزیزآبادسے گرفتارکیا گیا، ملزم نے اعترافی بیان دے دیا جس کی رپورٹ وزارت داخلہ کو بھجوادی گئی۔

    ملزم کا کہنا تھا کہ وہ حماد صدیقی کے احکامات پرعمل کرتاتھا، حماد صدیقی کے کہنے پر دونوں افراد کےلندن کے ویزے لگوائے ۔

     معظم علی کا کہنا ہے کہ حماد صدیقی نے دونوں افراد کی مالی معاونت کی اور مشن پورا کرنے کو کہا تھا،ملزم نے کہا کہ عمران فاروق قتل سے متعلق انہیں معلومات دی گئیں تھیں،دونوں افراد کو بھجوانے کے لئے اسپانسر شپ لندن سے منگوائی گئی ۔

    ؎ذرائع کے مطابق ملزم کے پاس سے اہم دستاویزات ملے ہیں، تمام تر تفصیلات کی انوسٹی گیشن رپورٹ تیار کرلی گئی ہے جو ڈی جی رینجرز نے اپنے پاس رکھی ہے،ملزم پر باقاعدہ طور مقدمہ درج کیا جایا گا۔

    دوسری جانب ایم کیوایم نے ڈاکٹر عمران فاروق قتل کیس کے ملزم معظم علی خان سے لاتعلقی کا اعلان کردیا۔

  • ایم کیوایم نےمعظم علی خان سے لاتعلقی کااظہارکردیا

    ایم کیوایم نےمعظم علی خان سے لاتعلقی کااظہارکردیا

    کراچی: ایم کیوایم نے ڈاکٹر عمران فاروق قتل کیس کے ملزم معظم علی خان سے لاتعلقی کا اعلان کردیا۔

    متحدہ قومی مومنٹ کا کہنا ہے وزیر داخلہ چوہدری نثار نے جو بیان دیا ہے اس پر قانونی اورآئینی ماہرین سے صلاح مشورہ کررہے ہیں، مشورے کے بعد چودھری نثار کے بیان پر موقف دیں گے ۔

     ایم کیوایم کا کہنا ہے عمران فاروق قتل کیس میں ایم کیوایم اسکاٹ لینڈ یارڈپولیس کی بھرپورمعاونت کررہی، عمران فاروق کا قتل کیس عدالت میں ہےایم کیوایم عدالتوں کا احترام کرتی ہے۔

     دوسری جانب معظم علی کی اہلیہ نے سندھ ہائی کورٹ میں درخواست دائر کردی ہے، درخواست میں صوبائی وزارت داخلہ، ڈی جی رینجرز، آئی جی سندھ اور ایس ایچ او عزیز آباد کو فریق بنایا گیا ہے۔

    درخواست میں موقف اختیار کیا گیا ہے کہ بارہ اپریل کی صبح چھاپہ مار کر رینجرز اہلکار معظم علی کو اپنے ساتھ لے گئے۔