Tag: چڑیا گھر

امریکی ریاست سان ڈیاگو کے چڑیا گھر میں نومولود زیبرا کو رونمائی کے شہریوں کے سامنے پیش کردیا گیا۔

امریکہ کے قدیمی چڑیا گھر سان ڈیاگو میں پیدائش کے بعد رونمائی کے لیے شہریوں کے سامنے پیش کیے جانے والے ننھے زیبرے کا وزن ایک ہزار پاونڈ ہے، اپنی لمبی گردن قد آور جسم ہونے کی وجہ سے یہ نایاب نسل شہریوں کے لیے زو انتظامیہ کی جانب سے نئے سال کا تحفہ قرار دیا جا رہا ہے۔

غیر ملکی میڈیا کے مطابق گرووی زیبرا کی یہ نسل انیس سو ستر میں پندرہ ہزارتک تھی، جو اب صرف بائیس سو تک پہنچ چکی ہے، معدومی کے خطرے سے دوچار گروی زیبرا کی زیادہ تعداد کینیا اور ایتھوپیا میں پائی جاتی ہے۔

میکسیکو کے چڑیا گھر میں اوریکس کے بچے کی پیدائش نے چڑیا گھر کا کئی سالہ ریکارڈ توڑ دیا کیونکہ ننھے اوریکس کی چڑیا گھر میں یہ پہلی پیدائش ہے۔

میکسیکو کے چڑیا گھر میں ننھا اوریکس آگیا، کیونکہ انیس سو چوبیس کے بعد کسی بھی نایاب اوریکس کی چڑیا گھر میں یہ پہلی پیدائش ہے، ستائیس دسمبر دو ہزار تیرہ کو چڑیا گھر میں جنم لینے والے اوریکس کی آمد کے ساتھ ہی چڑیا گھر کی رونقوں میں اضافہ ہوگیا۔

بچے بڑے سب ہی اوریکس کی ننھی شرارتوں سے لطف اندوز ہونے چڑیا گھر کا رخ کر رہے ہیں، چڑیا گھر کی انتظامیہ کے مطابق پیدائش کے وقت اوریکس کا وزن سات کلو تھا، جو اب اپنی تین سالہ ماں کے زیر سایہ پروان چڑھ رہا ہے۔
       

پیرس کے چڑیا گھر میں زرافہ کے خاندان کے بچھڑنے کا وقت آگیا، کیونکہ ان کے گھروں یعنی سرسبز و شاداب، بلند وبالا پنجروں کی صفائی کی جارہی ہے ۔

پانچ سال کے لمبے عرصے کے بعد پیرس کے وینسینز چڑیا گھر کی صفائی کا پروگرام ترتیب دیا گیا ہے،  دو ہزار آٹھ میں جب کی گئی تھی ایک سو تیس جانوروں سے زائد پنجروں کی صفائی تو لمبی گردن والے مسٹر زرافہ اور ان کے خاندان کے گھر کی صفائی نہیں کی گئی تھی، وجہ زرافہ کی لمبی گردنیں اور ایک دوسرے سے پیار ومحبت بنے۔

جس کے باعث چڑیا گھر کی انتظامیہ نے ان کے گھر کی صفائی کا پروگرام ملتوی کردیا لیکن اب دوبارہ زرافہ کے خاندان کے بچھڑنے کی گھڑی آگئی کیونکہ چڑیا گھر میں زرافہ کے گھر یعنی سرسبز وشاداب رہائش گاہوں کی صفائی ستھرائی کی جارہی ہے۔

    لندن کے چڑیا گھر میں بولیویا کے سیاہ سر والے گلہری نما بندروں کی کرسمس ٹری سے تواضع کی گئی اس دوران بارہ سنگھا میڈیا کو پوز دیتے رہے۔

   جب چڑیا گھر میں گلہری بندروں کی خاطر تواضع کیلئے کرسمس ٹری لگائی گئی اور ان کی تواضع بھی کی جائے تو بھلا گلہری بندر کیوں نہ لطف اندوز ہونگے، یہ سیاحوں کیلئے ایسی دلچسپ تفریح ہے، جس میں سیاہ سر والے گلہری بندر درخت پر دھاوا بول کر چڑیا گھر میں جنگل کا منگل کر دیتے ہیں۔

اسی کھیل کود کے درمیان کرسمس ٹری کو اپنے ارد گرد پاکر جہاں بندر اچھل کود میں مصروف تھے تو وہیں بندروں کی کوریج پر آنے والی میڈیا ٹیم کی موجودگی پرقطبی بارہ سنگھا بھی حیرت میں نظر آئے اور وقتا فوقتا کیمرے کے سامنے پوز دیتے رہے، ایک بارہ سنگھا تو کیمرے کو چارہ سمجھ بیٹھا اور اس پر ناک رکھ کر منہ مارتا رہا۔