Tag: چکن

اگر آپ آج کے کھانے میں چکن بنانے جارہے ہیں تو یقیناً اسے دھویں گے بھی ، لیکن ماہرین کا ماننا ہے کہ پکانے سے پہلے چکن کو دھونا آپ کی صحت کے لیے نقصان دہ ہے ۔

کچی چکن میں جراثیم کی شرح بہت زیادہ ہوتی ہے اور ان میں سے زیادہ تر انسانوں میں امراض ِ معدہ ، فوڈ پوائزننگ سمیت اور کئی طرح کے امراض کا سبب بن سکتا ہے۔

برطانیہ کی نیشنل ہیلتھ سروس کے کے مطابق چکن کو نلکے سے بہتے ہوئے پانی میں دھونا جراثٰمن کے پھیلاؤ کا سبب بنتا ہے ۔ جب نلکے سے پانی کی دھار چکن سے ٹکراتی ہے تو اس کے چھینٹے چکن سے جراثیم لے کر آپ کے سنک ، سلیب ، کپڑوں ، برتن اور ہاتھوں تک پہنچادیتی ہے ۔ یاد رہے کہ نل کے پانی کی دھار کم از کم ۵۰ سینٹی میٹر کے دائرے میں پھیلتی ہے۔

جراثیم سے چھٹکارہ پانے کا بس ایک ہی طریقہ ہے اور وہ یہ کہ چکن کو ایک مناسب درجہ حرارت پر پکایا جائے، جراثیم کشی کے لیے کم از کم 165 ڈگری سینٹی گریڈ پر چکن کو پکانا ضروری ہے۔

اگر آپ اس تحقیق سے مطمئن نہیں ہوتے تو ایک بار چکن کو ایسے پکا کر دیکھیں۔ آپ کو ذائقے میں کوئی فرق نظر نہیں آئے گا۔ بہت سے لوگوں کے لیے چکن کے ساتھ لگی گندگی ایک سنگین مسئلہ ہے ، اسے آپ کچن نیپکن یا پیپر ٹاول کی مدد سے صاف کرسکتے ہیں۔

تاہم اس کے بعد بھی اگر آپ مطمئن نہیں ہوتے تو چکن دھونے کے بعد اپنی جگہ اور ہاتھوں کو اچھی طرح دھویں۔ اور مندرجہ ذیل احتیاطی تدابیر پر عمل کریں۔

کبھی فریج میں چکن کو کھلا نہ رکھیں ورنہ وہ کھانے کی دیگر اشیا کو بھی خراب کرے گی ، اسے پیک کرکے فریز کریں۔

اپنے چوپنگ بورڈ کو، چھری اور وہ دیگر تمام آلات جو آپ نے چکن کی تیار میں استعمال کیے ہیں ، انہیں اچھی طرح دھویں ۔

کام کی تکمیل کے بعد اپنے ہاتھوں کو اچھی طرح صابن او ر گرم پانی سے دھو کر صاف کریں۔

مندرجہ بالا احتیاطی تدابیر آپ کو بہت سی ایسی بیماریوں سے بچا سکتی ہے جن کے بارے میں آپ کو خبر بھی نہیں ہوتی کہ وہ چکن کے سبب پھیل رہی ہیں۔ خود کو اور اپنے اہلِ خانہ کو محفوظ رکھیں۔