Tag: چکوال

الیکشن میں ایک دن تو دُور، ایک گھنٹے کی بھی تاخیر نہیں ہونی چاہیے: نواز شریف

چکوال: سابق وزیراعظم میاں نوازشریف نے کہا ہے کہ انھیں پاکستان کی خدمت کی سزا دی جارہی ہے، مگر عوام کے ووٹ اس فیصلے کو بدل سکتے ہیں.

ان خیالات کا اظہار انھوں نے چکوال کے علاقے میانی میں ورکرز کنونشن سے خطاب کرتے ہوئے کیا. ان کا کہنا تھا کہ انتخابات میں ایسی مہریں لگیں گی، جو ہمیشہ یاد رکھی جائیں گی.

انھوں نے کہا کہ نوازشریف آج 80 ویں پیشی بھگت کرآرہا ہے، اس کیا وجہ ہے؟ کیا نوازشریف پر لوڈشیڈنگ ختم کرنے کا مقدمہ ہے یا نوازشریف نے ملک سے دہشت گردی ختم کی، اس پرمقدمہ درج کیا گیا.

سابق وزیر اعظم نے کہا کہ بیٹے سے تنخواہ نہ لینے پر مجھے نکالا گیا اورمقدمہ درج کیا گیا، عوام مانتے ہیں کہ نوازشریف کے ساتھ ظلم وزیادتی ہورہی ہے.

انھوں نے کہا کہ اسپتال بنے، کالج بنے، یونیورسٹیاں بنیں، شہبازشریف کا شکریہ ادا کرو، کے پی کے لوگ عمران خان کو کوستے ہیں. جھوٹے خان نے کے پی میں کوئی کام نہیں کیا.

[bs-quote quote=”انتخابات میں ایسی مہریں لگیں گی، جوہمیشہ یاد رکھی جائیں گی” style=”style-2″ align=”left” author_name=”نواز شریف”][/bs-quote]

انھوں نے کہا کہ سب جانتے ہیں کہ بلوچستان کی حکومت کا تختہ کس نے الٹا، بلوچستان اسمبلی میں انتخابات میں تاخیر کی قرارداد پاس کرائی گئی، بلوچستان حکومت کس کی زبان بول رہی ہے.

نوازشریف نے کہا کہ الیکشن میں ایک دن تو دور ایک گھنٹے کی بھی تاخیر نہیں ہونی چاہیے، عوام نے انتخابات میں تاخیر کی بلوچستان اسمبلی کی قرارداد کو مسترد کردیا.

انھوں نے کہا کہ جھوٹا خان اور دیگر جماعتیں الیکشن میں شکست سے ڈرے ہوئے ہیں، عوام الیکشن والے دن ن لیگ کو کامیاب کرائیں، ن لیگ کی کامیابی تک عوام گھروں میں واپس نہ جائیں.

انھو‌ں نے کہا کہ وزیراعظم اور وزیراعلیٰ پنجاب نے یومیہ منصوبوں کا افتتاح کیا، کے پی اور سندھ میں ایسے منصوبوں کا افتتاح نہیں ہورہا.

انھوں نے کہا کہ ہماری حکومت آئی تو انصاف کا بول بالا ہوگا، گھر کی دہلیر پر انصاف ملے گا، پچھلے 70 برس سے ووٹ کو عزت نہیں ملی، اب صرف نعرہ نہیں لگانا، ووٹ کو عزت مل کر رہے گی.

نوازشریف کوغدارکہنے والے اب اسد درانی کی کتاب پرکیا کہیں گے: مریم نواز

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جون 1, 2018
چکوال : بس اور ٹرالرمیں تصادم‘ 4 افراد جاں بحق

چکوال: صوبہ پنجاب کے شہر چکوال میں مسافر بس اور ٹرالر کے درمیان تصادم کے نتیجے میں 4 افراد جاں بحق جبکہ 20 افراد زخمی ہوگئے۔

تفصیلات کے مطابق چکوال کے علاقہ تلہ گنگ میانوالی روڈ پر بدھڑ کے قریب مسافر بس اور ٹرالر کے درمیان ٹکر کے نتیجے میں 4 مسافر جاں بحق جبکہ 20 زخمی ہو گئے۔

مسافر بس ڈیرہ غازی خان سے راولپنڈی جا رہی تھی کہ بدھڑ کے مقام پر مخالف سمت سے آنے والے ٹرالر سے ٹکرا گئی، حادثے میں زخمی ہونے والے مسافروں کو تلہ گنگ اور چکوال منتقل کیا جا رہا ہے جن میں سے چند زخمیوں کی حالت تشویش ناک ہے۔

گوجرخان میں مسافر بس کو حادثہ‘ 9 افراد جاں بحق

خیال رہے گزشتہ رات گوجرخان میں جی ٹی روڈ پر بائی خان پل کے قریب مسافر بس تیز رفتاری کے باعث حادثے کا شکار ہوئی تھی جس کے نتیجے میں بچوں اور خواتین سمیت 9 افراد جان کی بازی ہار گئے تھے۔

ریسکیو ذرائع کے مطابق حادثے میں زخمی ہونے والے بعض افراد کی حالت تشویش ناک ہے جس کے باعث اموات میں اضافے کا خدشہ ہے۔

چکوال میں تیزرفتار کار الٹ گئی‘ 3 افراد جاں بحق

یاد رہے کہ گزشتہ روز صوبہ پنجاب کے شہر چکوال میں تیزرفتار گاڑی بے قابو کر الٹ گئی تھی جس کے نتیجے میں 3 افراد جاں بحق جبکہ 2 افراد زخمی ہوگئے تھے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 5, 2018
چکوال پی پی 20 ضمنی انتخاب، شیر بازی لے گیا

چکوال : پنجاب اسمبلی کے حلقہ 20 کے ضمنی انتخاب میں غیر سرکاری اور غیر حتمی نتیجے کے مطابق مسلم لیگ (ن) کے امیدوار حیدر سلطان نے 75655 ووٹ لیکر میدان مارلیا ہے جب کہ تحریک انصاف کے امیدوار طارق افضل 44702 ووٹ حاصل کرسکے.

تفصیلات کے مطابق چکوال کے حلقہ پی پی 20 میں ہونے والے ضمنی الیکشن میں تمام پولنگ اسٹیشن میں ووٹوں کی گنتی کا عمل ہوگیا ہے جس کے تحت غیر سرکاری اور غیر حتمی طور پر مسلم لیگ (ن) اپنی سیٹ بچانے میں کامیاب ہو گئی ہے جب کہ تحریک انصاف کے امیدوار کو 30 ہزار سے زائد ووٹوں کے فرق سے شکست کا سامنا کرنا پڑا۔

ضمنی الیکشن کے تمام پولنگ اسٹیشن سے موصول ہونے والے غیر سرکاری اور غیر حتمی نتائج کے بعد مسلم لیگ (ن) کے کارکنان کامیابی کا جشن مناتے ہوئے سڑکوں پر نکل آئے اور پارٹی ترانوں پر دھمال ڈالے جب کہ کارکنان کی بڑی تعداد مرکزی دفتر پہنچ چکی ہے جہاں مٹھائی تقسیم کی جا رہی ہے۔

قبل ازیں چکوال کے حلقہ پی پی 20 میں ضمنی انتخاب کے لیے صبح 8 بجے پولنگ کا آغاز ہوا تھا جو بغیر کسی وقفے کے شام 5 بجے تک جاری رہنے کے بعد پُر امن طور پر اختتام پزیر ہوگیا تھا جس کے بعد الیکشن کمیشن کے عملے کی نگرانی میں ووٹوں کی گنتی کا عمل شروع کیا گیا۔

خیال رہے پی پی 20 کے ضمنی الیکشن میں مسلم لیگ ن کے امیدوار چوہدری سلطان حیدر اور پاکستان تحریک انصاف کے امیدوار طارق افضل کے درمیان کانٹے کا مقابلے کے لیے مردوں کے لیے 421 اور خواتین کے لیے 393 پولنگ بوتھ بنائے گئے ہیں۔

ذرائع کے مطابق چکوال کے حلقہ پی پی 20 میں کل رجسٹرڈ ووٹرز کی تعداد 2 لاکھ 79 ہزار530 ہے جس میں مرد ووٹرز کی تعداد ایک لاکھ 44 ہزار اور خواتین ووٹرز کی تعداد ایک لاکھ 45 ہزار سے زائد ہے۔

الیکشن کمیشن نے ضمنی الیکشن کے لیے ایک ہزار 855 افراد پرمشتمل پولنگ عملہ تعینات کیے گئے تھے جب کہ قانون نافذ کرنے والے اداروں نے حلقے میں سیکیورٹی کے بھی سخت انتظامات کررکھے تھے جس کے باعث کوئی ناخوشگوار واقعہ پیش نہیں آیا۔

یاد رہے کہ یہ نشست مسلم لیگ ن کے رکن صوبائی اسمبلی چوہدری لیاقت علی خان کے انتقال کے باعث خالی ہوئی تھی جنہوں نے 2013 کے عام انتخابات میں 62088 ووٹ لے کر کامیابی حاصل کی تھی جب ان کے مد مقابل آزاد امیدوار چوہدری اعجاز نے 35570 ووٹ حاصل کیے تھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 9, 2018
نوازشریف کا چکوال آنے پرجعلی نوٹوں سے استقبال

چکوال : نوازشریف کی چکوال آمد کے موقع پر کارکنوں نے اپنے قائد میاں نوازشریف کو ہی چکمہ دے دیا،استقبال کے لئے جعلی نوٹوں کی بارش کردی گئی، نواز شریف اصلی سمجھ کر نوٹ لٹانے سے منع کرتے رہے۔

تفصیلات کے مطابق نااہل سابق وزیراعظم میاں نوازشریف چکوال میں کارکنان سے خطاب کرنے کے لیے پنڈال پہنچے تو کارکنان نے ان کا استقبال نوٹ نچھاور کر کے کیا مگر وہ نوٹ اصلی نہیں جعلی نکلے۔

نوٹ لٹانے کا سلسلہ کافی دیر تک جاری رہا، مذکورہ نوٹوں پر جملہ ’’ بچوں کا کھیل ‘‘ تحریر تھا، متوالوں نے اپنے لیڈر کے استقبال کو ہی کھیل بنالیا، میاں صاحب کارکنوں کو نوٹ نچھاور کرنے سے روکتے رہ گئے لیکن کسی نے ایک نہ سنی۔

یاد رہے کہ نواز شریف نے اپنی تقریر میں ایک بار پھر وہی سوال دہرایا کہ مجھے کیوں نکالا؟ بتاؤ الزام کیا ہے؟ چکوال میں کارکنوں سے خطاب کرتے ہوئے انہوں نے کہا کہ اگر مجھے کرپشن کے الزام میں نکالا جاتا تو کسی کو منہ دکھانے کے قابل نہ رہتا۔

مزید پڑھیں: مجھے نااہل کر کے ملک میں انتشار پھیلایا گیا، نوازشریف

ان کا کہنا تھا کہ فخر سے کہتا ہوں کہ میں نے ایک دھیلے کی بھی کرپشن نہیں کی، ملک میں دہشت گردی نے پھر سر اٹھایا ہے تو یہ اسی فیصلے کا قصور ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

جنوری 8, 2018
مجھے نااہل کر کے ملک میں انتشار پھیلایا گیا: نوازشریف

چکوال: سابق وزیر اعظم نواز شریف نے کہا ہے کہ مجھے نااہل کر کے ملک میں انتشار پھیلایا گیا، بتایا جائے، میں نے کون سی کرپشن کی، فقط خیالی تنخواہ پر نواز شریف کو نکال دیا گیا۔

ان خیالات کا اظہار سابق نااہل وزیر اعظم نے چکوال میں چوہدری لیاقت علی خان کے تعزیتی ریفرنس سے خطاب کرتے ہوئے کیا۔

ان کا کہنا تھا کہ معاملہ پاناما کا تھا اور ختم اقامہ پر ہوا، عوام جاننا چاہتے ہیں کہ نوازشریف نے کون سی کرپشن کی، آج تک یہی پتا نہیں چلا کہ نوازشریف پرالزام کیا ہے۔

ان کا کہنا تھا کہ 2013 میں‌ ملک میں‌ بجلی نہیں‌ تھی، ملک کو اندھیروں‌ میں ڈبونے والوں میں‌ کچھ سیاسی لوگ تھے، کچھ ڈکٹیٹر تھے، ووٹرز ان کے چہرے یاد رکھیں، ہم نے چار سال میں‌ لوڈشیڈنگ کو ختم کر دیا۔

معیشت کی زبوں حالی کا سوال نااہل کرنے والوں سے پوچھیں، نواز شریف

ہم نے دہشت گردی کا خاتمہ کر دیا تھا، نواز شریف کو نااہل قرار دینے والوں سے پوچھا جائے کہ دہشت گردی پھر کیوں‌ سر اٹھا رہی ہے ووٹ کےتقدس کا فیصلہ عوام کو کرنا ہے، عوام کو ناانصافی کےآگے کھڑے ہو کر ملک کو بچانا ہے۔

انھوں‌ نے کارکنوں‌ سے مخاطب کرتے ہوئے کہا کہ آپ کےجذبات دیکھ کرخوشی ہوتی ہےاورسکون ملتا ہے دل چاہتا ہےآپ کے اور ملک کے لیے نواز شریف لڑمرجائے۔ آج آپ کاجذبہ دیکھ کرامید ہےہم آئندہ بھی کامیاب ہوں گے، انھوں‌ نے امید ظاہر کی کہ چکوال کے ضمنی انتخابات میں‌ مسلم لیگ ن کا امیدواار جیت کر عوامی خدمت کا سلسلہ جاری رکھے گا۔

قبل ازیں انھوں نے چوہدری لیاقت علی خان کے اہل خانہ سے ان کی رہائش گاہ پہنچ کر تعزیت کی. اس موقع پر ان کا کہنا تھا کہ چوہدری لیاقت علی خان ایک مخلص انسان تھے، انھوں نے اپنےحلقےکی بہت خدمت کی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 8, 2018
عمران خان کی شادی ہوئی تو مبارک باد دوں گا، شیخ رشید

راولپنڈی : سربراہ عوامی مسلم لیگ شیخ رشید نے کہا ہے کہ عمران خان اپنی شادی سے متعلق خبروں کا جواب خود دے سکتے ہیں میرا اُن سے سیاسی تعلق ہے ذاتی نوعیت کا نہیں ہے.

شیخ رشید میڈیا کے سوالوں کے جواب دے رہے تھے، اُن کا کہنا تھا کہ عمران خان کی شادی کے حوالے سے اتنا شورمچا ہوا ہے تو کوئی نہ کوئی بات تو ہوگی لیکن میرے علم میں ایسی کوئی بات نہیں ہے.

انہوں نے کہا کہ میرا عمران خان سے تعلق خالص سیاسی نوعیت کا ہے اس لیے ان کی نجی زندگی پر کوئی تبصرہ کرنے سے قاصر ہوں تاہم اگرعمران خان کی شادی کی خبر درست ہے تو میں انہیں مبارک باد دوں گا.

خیال رہے بعض اخبارات میں چیئرمین تحریک انصاف عمران خان کی تیسری شادی کے حوالے سے خبریں گردش کر رہی ہیں تاہم عمران خان کے قریبی ذرائع اور جن خاتون کا تذکرہ کیا جا رہا ہے اُن کے صاحبزادے نے بھی تردید کردی ہے.

قبل ازیں چکوال میں تحریک انصاف کے جلسے سے خطاب کرتے ہوئے شیخ رشید کا کہنا تھا کہ 9 جنوری کو چکوال کی عوام پی ٹی آئی کے انتخابی نشان بلے پر مہر لگا کر کرپشن کی سیاست کو ہمیشہ کے لیے شکست دے دی گی جس پر میں ابھی سے مبارک باد دیتا ہوں.

انہوں نے کہا کہ امریکی دباؤ مودی کی وجہ سے آیا ہے اور نواز شریف مودی کا یار ہے اس لیے مودی کے یار کو ووٹ دینے والا بھی مودی کا یار ہوگا اور میں جانتا ہوں کہ چکوال کی عوام ایسی نہیں.

شیخ رشید نے کہا کہ سی پیک پاکستان کی معیشت کی ریڑھ کی ہڈی ہے جس کے باعث چین 45 کے بجائے 13 دن میں مشرق وسطیٰ پہنچے گا جس کا پورا فائدہ پاکستان کو ہوگا.

جنوری 6, 2018
نواز شریف اپنی چوری کا جواب دینے کے بجائے اداروں پرتنقید کر رہے ہیں: عمران خان

چکوال: عمران خان نے کہا ہے کہ نوازشریف کو 300 ارب روپے کی چوری میں پکڑا گیا، مگر وہ جواب دینے کے بجائے ہر جگہ کہتے ہیں کہ مجھے کیوں نکالا۔

ان خیالات کا اظہار انھوں‌ نے چکوال میں‌ ہونے والے پی ٹی آئی کے جلسے میں‌ تقریر کرتے ہوئے کیا۔

پی ٹی آئی رہنما کا کہنا تھا کہ نواز شریف اپنی کرپشن کا جواب دینے کے بجائے پاکستانی اداروں پرتنقید کر رہے ہیں، وہ سعودی عرب جا کر کہتے ہیں مجھے بچا لو۔

عمران خان کا کہنا تھا کہ یہ لوگ پیسہ چوری کرکے باہر لےجاتے ہیں، تو ملک کو امریکا سے قرضہ لینا پڑتا ہے، اگر امریکا سےقرضے یا امداد نہ لیتے، تو وہ آج ہمیں اس طرح طعنے نہ دیتا۔

ہم پہلےامریکا کی جنگ لڑیں اور بعد میں ان کےطعنے بھی سنیں، امریکا افغانستان میں کامیاب نہ ہوسکا اور 16 سال بعد ہمیں ذمہ دارٹھہرا رہا ہے۔

پاکستان تحریک انصاف آج چکوال میں عوامی طاقت کا مظاہرہ کرے گی

ان کا کہنا تھا کہ ٹرمپ نے پاکستان کے 25 ارب روکے ہیں، مگر نوازشریف کےتو 300 ارب روپے بیرون ملک پڑے ہیں. چار سال میں پاکستانیوں نےدبئی میں 800 ارب کی پراپرٹی خریدی اور ایسے میں ہمیں 25 ارب پر ذلیل کیا جارہا اہے۔

ان کا کہنا تھا کہ ہمیں پاکستان کیلئے200 اہلیت رکھنے والے ایمان دار لوگ چاہییں، ہم ملک بھرمیں بہترین اسپتال، یونیورسٹی، کالجز بنا سکتے ہیں، انھوں نے سوال کیا کہ اورنج ٹرین یا میٹرو بس آپ کو نوکری دے گی۔

ہم اپنے ایف بی آر کو ٹھیک کرکے ان چوروں کا راستہ روکیں گے، اقتدار میں‌ آکر کر لوٹا ہوا پیسہ واپس لائوں گا، قوم کو طاقتور بناؤں گا، دنیا ہماری عزت کرے گی۔

انھوں‌ نے کہا کہ 30 سال سے ڈرامے کرنےوالوں کوچکوال کےضمنی الیکشن میں سبق سکھانا ہے۔ یاد رہے کہ چکوال کے حلقہ پی پی 20 میں 9 جنوری کو ضمنی انتخاب منعقد ہورہا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

جنوری 6, 2018
کالج جانے پر چچا زاد بھائی نے اپنی کزن کو گولیوں سے بھون ڈالا

چکوال : چچا زاد نے تعلیم ادھوری نہ چھوڑنے پر غصہ میں آکر اپنی کزن کو فائرنگ کر کے قتل کردیا اور خود گھر چھوڑ کر فرار ہو گیا ہے.

تفصیلات کے مطابق دور جاہلیت سے ملتے جلتے واقعے کی یاد چکوال کے رہائشی نے اُس وقت تازہ کردی جب اپنی کزن ملائیکہ کو تعلیم حاصل کرنے کے لیے کالج جانے سے منع کیا اور ملائیکہ کے انکار پر طیش میں آکر اسے گولیوں سے بھون ڈالا.

ذرائع کے مطابق چکوال کے علاقے مکھیال کی فرسٹ ایئر کی طالبہ کو اس کے کزن نے کالج جانے سے روکا تھا جس پر ملائیکہ صاف انکار کرتے ہوئے تعلیم جاری رکھنے کا فیصلہ کیا اور باقاعدگی سے کالج جاتی رہی.

چچا زاد بھائی کو ملائیکہ کی یہ بات پسند نہیں آئی اور جب ملائیکہ کالج سے واپس لوٹی تو اس نے ایک بار پھر شور شرابہ شروع کردیا اور طیش میں آکر اپنی کزن پر فائرنگ کر کے اسے ہلاک کردیا اور خود فرار ہوگیا.

پولیس نے جائے وقوعہ پر پہنچ کر گولیوں کے خالی خول اپنی تحویل میں لے لیے اور مقتولہ کے والدین کا بیان قلم بند کرلیا ہے جب کہ مفرور ملزم کی تلاش میں قریبی گاؤں میں چھاپے مارے جا رہے ہیں.

دسمبر 8, 2017
چکوال: مسافر بس پل سے گر گئی، 27 افراد جاں بحق

چکوال: ڈھوک پٹھان کے مقام پر بس پل سے نیچے گر گئی جس کے نتیجے میں 27 افراد جاں بحق اور 40 سے زائد زخمی ہوگئے۔

تفصیلات کے مطابق چکوال کے علاقے ڈھوک پٹھان پر مسافروں سے بھری بس پل کے نیچے گر گئی جس کے نتیجے میں 27 افراد جاں بحق اور 40 سے زائد زخمی ہوگئے ہیں۔

حادثے کی اطلاع ملتے ہی ریسکیو اداروں نے موقع پر پہنچ کر امدادی کارروائیوں کا آغاز کردیا تاہم رات ہونے اور لائٹوں کے انتظام نہ ہونے پر امدادی کاموں میں رکاوٹ کا سامنا ہے۔

ذرائع کے مطابق مسافر بس میں 60 سے زائد مسافر سوار تھے اور تبلیغی جماعت کے مرکز رائے ونڈ جا رہے تھے کہ ڈھوک پٹھان کے مقام پر حادثے کا شکار ہوگئے، جاں بحق ہونے والوں میں ایک ہی خاندان کے افراد بھی شامل ہیں۔

قبل ازیں ایمبولینس نہ ہونے کے باعث لوگوں نے اپنی مدد آپ کے تحت امدادی کاموں کا آغاز کیا تاہم اس دوران کئی زخمی اسپتال پہنچنے سے قبل ہیدم توڑ گئے۔

پولیس کا کہنا ہے کہ حادثے کی وجہ کا فی الحال تعین نہیں ہوسکا، ہماری پہلی ترجیح حادثے کا شکار لوگوں کوطبی امداد مہیا کرنا ہے جس کے لیے رات ہوجانے کے باعث مشکل کا سامنا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نومبر 9, 2017
آصف زرداری بھی نوازشریف کی طرح بڑا ڈاکو ہے، عمران خان

چکوال : چیئرمین تحریک انصاف عمران خان نے کہا ہے کہ آصف زرداری بھی نوازشریف کی طرح ملک کا بڑا ڈاکو ہے، لیکن اب ملک لوٹنے والوں کے دن ختم ہوچکے ہیں، مجھے ایک نیا پاکستان بنتا ہوا نظر آرہا ہے۔

ان خیالات کا اظہار انہوں نے چکوال میں تحریک انصاف کے زیر اہتمام جلسے سے خطاب کرتے ہوئے کیا، عمران خان نے کہا کہ پہلے مک مکا کرکے ملک کو لوٹا جاتا تھا اب ایسا نہیں کیونکہ یہ نیا پاکستان ہے، ملک لوٹنے والوں کےدن ختم ہوچکے۔

انہوں نے چیئرمین نیب کو مخاطب کرتے ہوئے کہا کہ چیئرمین صاحب آپ کو نظرنہیں آیا؟ آصف زرداری کو کیسے بچالیا گیا، چیئرمین نیب بڑے ڈاکو کو چھوڑ کر چھوٹے چور کو پکڑتا ہے،چھوٹے چوروں نے ملک کا اتنا نقصان نہیں کیا جتنا اس ملک کو بڑے چوروں نے لوٹا اور مقروض بنایا ہے۔

عمران خان نے کہا کہ اب شہبازشریف کے خلاف نیب میں کیس لے کرجائیں گے، ملتان کی میٹرو ٹرین منصوبے میں پونے دو کروڑ روپے کی کرپشن کی گئی۔

شہبازشریف نے پیسہ چوری کرکے چین بھیجا، نیب کے چیئرمین تیار ہوجائیں شہبازشریف کا کیس لے کر آرہے ہیں۔ ان کا کہنا تھا کہ کرپشن کے گاڈ فادر نے اپنے لوگ اپنے اداروں میں بٹھائے ہوئے ہیں۔

عمران خان نے ریلی سےخطاب میں کہا کہ اب گو نواز گو ہوگیا ہے، پہلی بار کسی بڑے کااحتساب ہواہے، این اے120میں پتہ چل جائےگا جکہ قوم عدلیہ کے ساتھ ہے یا ڈاکو کے ساتھ؟

اگست 29, 2017