ARYNews.tv | Urdu – Har Lamha Bakhabar

Tag: چھالیہ

  • کراچی میں پولیس نے اسمگلنگ کی کوشش ناکام بنا دی، 3 ٹن چھالیہ ضبط

    کراچی میں پولیس نے اسمگلنگ کی کوشش ناکام بنا دی، 3 ٹن چھالیہ ضبط

    کراچی(16 جولائی 2025): کیماڑی پولیس نے تین ٹن چھالیہ اسمگل کرنےکی کوشش ناکام بنادی۔

    تفصیلات کے مطابق کراچی میں پولیس نے ایک بڑی بین الصوبائی اسمگلنگ کی کوشش کو ناکام بناتے ہوئے تین ٹن چھالیہ ضبط کرلی ہے، چھالیہ سیمنٹ کی بوریوں میں چھپا کر حب سےکراچی لائی جا رہی تھی۔

     موچکو پولیس نے دوران چیکنگ ٹرک سے تین سو چالیس بوری چھالیہ اور ایک سوترانوے بوری سیمنٹ برآمد کی، ایس ایس پی کیماڑی کے مطابق اسمگل شدہ مال سے بھرا ٹرک کسٹم حکام کے حوالےکردیا گیا۔

    پولیس کی ابتدائی تحقیقات کے مطابق کھیپ گٹکا، ماوا اور دیگر غیر قانونی اشیا کی تیاری اور فروخت کے لیےلائی جارہی تھی، جو صحت کے سنگین خطرات کا باعث بنتی ہے اور شہری آبادیوں، خاص طور پر نوجوانوں کے سماجی و طبی بگاڑ میں حصہ ڈالتی ہے۔

    ٹرک کے ڈرائیور کی شناخت محمد نصیر کے نام سے ہوئی ہے، جسے موقع پر ہی گرفتار کر لیا گیا، جبکہ ضبط شدہ گاڑی اور ممنوعہ سامان کو تحویل میں لے کر مزید قانونی کارروائی کے لیے پاکستان کسٹمز کے حوالے کیا جا رہا ہے۔

    https://urdu.arynews.tv/karachi-attempt-to-stockpile-sugar-worth-millions-in-before-ramadan-fails/

  • سیمنٹ کی بوریوں میں چھپا کر چھالیہ اسمگل کی کوشش ناکام

    سیمنٹ کی بوریوں میں چھپا کر چھالیہ اسمگل کی کوشش ناکام

    کراچی (13 جولائی 2025): پولیس نے چھالیہ کی بڑی کھیپ پکڑ لی یہ چھالیہ ایک ٹرک کے ذریعہ سیمنٹ کی بوریوں میں چھپا کر لائی جا رہی تھی۔

    اے آر وائی نیوز کے مطابق کراچی کے ضلع کیماڑی میں موچکو پولیس نے کامیاب کارروائی کرتے ہوئے چھالیہ اسمگل کرنے کی کوشش ناکام بنا دی اور چھالیہ کی بڑی کھیپ پکڑ لی۔

    کارروائی کے حوالے سے ایس ایس پی کیماڑی فیضان علی نے بتایا ہے کہ ٹرک سے تین ہزار کلو سے زائد چھالیہ برآمد کر کے ایک ملزم کو بھی گرفتار کیا گیا ہے۔

    انہوں نے مزید کہا کہ یہ چھالیہ سیمنٹ کی بوریوں میں چھپا کر کراچی لائی جا رہی تھی اور سیمنٹ لے جانے کی آڑ میں اس چھالیہ کو اسمگل کیا جا رہا تھا۔

    ایس ایس پی کیماڑی کا کہنا تھا کہ چھالیہ اسمگلنگ کے اس نیٹ ورک کے مزید کارکنوں کی تلاش جاری ہے۔

    واضح رہے کہ چھالیہ کو پان میں استعمال کرنے کے ساتھ اس کا بڑا استعمال مضر صحت گٹکا بنانے میں بھی ہوتا ہے، جو شہریوں میں منہ کا کینسر پھیلانے کا سب سے بڑا سبب ہے۔

    اس کے مضر استعمال کے باعث ہی حکومت نے اس پر عرصہ دراز سے پابندی عائد کی ہوئی ہے اور متعدد کارروائیوں میں کروڑوں روپے کی چھالیہ ضبط اور درجنوں ملزمان کو گرفتار بھی کیا۔

    رواں برس مئی میں انسداددہشت گردی عدالت نے چھالیہ اسمگلرز کو 35 سال قید کی سزا کا حکم سناتے ہوئے ان پر جرمانہ بھی عائد کیا تھا۔

    چھالیہ اسمگل کرنے والوں کو 35 سال قید کی سزا کا حکم

    انٹرنیشنل ایجنسی فار ریسرچ آن کینسر کا 2022 میں کی جانے والی ایک تحقیق میں انکشاف کیا گیا تھا کہ ایک سال میں ایک لاکھ 20 ہزار افراد منہ کے کینسر کا شکار ہوئے اور ایک تہائی کینسر کی وجہ تمباکو اور چھالیہ ہے۔

  • چھالیہ اسمگل کرنے والوں کو 35 سال قید کی سزا کا حکم

    چھالیہ اسمگل کرنے والوں کو 35 سال قید کی سزا کا حکم

    کراچی: انسداددہشت گردی عدالت کی جانب سے چھالیہ اسمگلرز کو 35 سال قید کی سزا کا حکم سناتے ہوئے ان پر جرمانہ بھی عائد کیا گیا۔

    تفصیلات کے مطابق انسداد دہشت گردی عدالت نے ملزم امین اللہ اور سمیع اللہ پر 2لاکھ 80 ہزار فی کس جرمانہ بھی عائد کیا، فیصلے کے فوراً بعد دونوں ملزمان کو گرفتار کرلیا گیا، ملزمان کےخلاف کسٹم حکام نے یکم اپریل 2024 کو مقدمہ درج کرایا تھا۔

    پراسیکیوٹر نے بتایا کہ حب سے کراچی چھالیہ اسمگل کرنے کی اطلاعات ملی تھیں، کسٹم حکام نے نادرن بائی پاس پر دونوں ملزمان کو گرفتار کیا۔

    ملزمان سے 70 بوری چھالیہ برآمد ہوئی، ملزمان کو لےکر حکام موچکو کے قریب پہنچی تو وہاں 25 سے 30 مسلح لوگوں نے حملہ کردیا۔

    پراسیکیوٹر نے مزید بتایا کہ فائرنگ تبادلے میں ایک ملزم زخمی ہوا، مسلح افراد اس تصادم میں ملزمان کو چھڑا کرلے گئے۔

    ملزمان کےخلاف موچکو تھانے میں مقدمہ درج کرایا گیا تھا، کچھ دن کے بعد دونوں ملزمان کو گرفتار کرلیا گیا۔

    https://urdu.arynews.tv/chhaaliya-betel-nut-karachi-dumper-truck/

  • کراچی آنے والے ڈمپر ٹرک سے 66 لاکھ روپے مالیت کی چھالیہ برآمد

    کراچی آنے والے ڈمپر ٹرک سے 66 لاکھ روپے مالیت کی چھالیہ برآمد

    کراچی: کراچی آنے والے ڈمپر ٹرک سے 66 لاکھ روپے مالیت کی مضر صحت چھالیہ برآمد کی گئی ہے۔

    تفصیلات کے مطابق کلکٹریٹ کسٹمز انفورسمنٹ نے مضر صحت چھالیہ کی اسگلنگ کی ایک کوشش ناکام بنا دی ہے، سپر ہائی وے چیک پوسٹ پر چیکنگ کے دوران اندرون سندھ سے کراچی آنے والے ڈمپر ٹرک سے بڑی مقدار میں چھالیہ پکڑی گئی۔

    مضر صحت چھالیہ ریتی بجری کے نیچے چھپا کر اسمگل کرنے کی کوشش کی جا رہی تھی، اس کارروائی میں 66 لاکھ روپے مالیت کی 6.6 ٹن چھالیہ کے 330 بیگ تحویل میں لیے گئے ہیں، اسمگلنگ میں استعمال ہونے والے 2 کروڑ روپے مالیت کے ڈمپر ٹرک کو بھی ضبط کر لیا گیا ہے۔

    ضبط شدہ چھالیہ اور ڈمپر کی کل مالیت 2 کروڑ 66 لاکھ روپے ہے، جنھیں ASO کے گودام منتقل کر دیا گیا ہے، کلکٹر کسٹمز معین الدین کے مطابق کسٹمز ایکٹ کے تحت مقدمہ درج کر کے مزید قانونی کارروائی کی جا رہی ہے۔

  • ایک سال میں 1 لاکھ 20 ہزار افراد منہ کے کینسر کا شکار، تحقیق میں وجہ سامنے آ گئی

    ایک سال میں 1 لاکھ 20 ہزار افراد منہ کے کینسر کا شکار، تحقیق میں وجہ سامنے آ گئی

    ایک نئی تحقیق سامنے آئی ہے جس میں یہ تشویش ناک حقیقت بتائی گئی ہے کہ ایک سال میں 1 لاکھ 20 ہزار افراد منہ کے کینسر کا شکار ہوئے اور ان میں بڑی تعداد تمباکو اور چھالیہ کی وجہ سے کینسر کا شکار ہوئے۔

    بین القوامی سطح پر کی گئی تحقیق میں انکشاف ہوا ہے کہ دنیا بھر میں منہ کے کینسر سے ہر سال ہزاروں افراد ہلاک ہو جاتے ہیں، 2022 میں ایک لاکھ بیس ہزار افراد اس کا شکار ہوئے، اور تشویش ناک امر یہ ہے کہ منہ کے ایک تہائی کینسر کی وجہ تمباکو اور چھالیہ ہے۔

    انٹرنیشنل ایجنسی فار ریسرچ آن کینسر کا کہنا ہے کہ تمباکو اور چھالیہ منہ کے کینسر سمیت متعدد بیماریوں کی وجہ ہے، محققین کا کہنا ہے کہ اس تحقیق کے نتائج ان مصنوعات کے استعمال کو کم کرنے اور بچاؤ کی حکمت عملی کے لیے مدد گارثابت ہو سکتے ہیں۔

    انٹرنیشنل ایجنسی فار ریسرچ آن کینسر کی رپورٹ کے مطابق ہونٹوں اور اورل کیوٹی (منہ کے اندر) کا کینسر دنیا بھر میں کینسر کے کیسز اور ان سے ہونے والی اموات میں 16 ویں نمبر پر ہے، اور جنوب مشرقی ایشیا میں مردوں میں اموات عام طور پر اسی کینسر کی وجہ سے ہوتی ہیں۔

  • کراچی اسمگل کی جانے والی کروڑوں روپے کی چھالیہ ضبط

    کراچی اسمگل کی جانے والی کروڑوں روپے کی چھالیہ ضبط

    کراچی: صوبہ سندھ کے دارالحکومت کراچی میں 6 کروڑ روپے سے زائد مالیت کا اسمگل کیا جانے والا سامان ضبط کرلیا گیا۔

    تفصیلات کے مطابق کسٹم انٹیلی جنس انسداد اسمگلنگ ٹیم کراچی نے مختلف کارروائیاں کرتے ہوئے 6 کروڑ 40 لاکھ سے زائد مالیت کا اسمگل شدہ سامان پکڑلیا۔

    ترجمان کسٹم کا کہنا ہے کہ موچکو کے علاقے میں کراچی داخل ہونے والے ڈمپر کو روکا گیا، ڈمپر میں بھاری مقدار میں اسمگل شدہ مضر چھالیہ ضبط کی گئی، ضبط شدہ چھالیہ اور گاڑی کی مالیت تقریباً 2 کروڑ روپے ہے۔

    ترجمان کے مطابق سپر ہائی وے اور گھگر پھاٹک پر بھی مختلف گاڑیوں کو روکا گیا، دونوں گاڑیوں سے مضر صحت چھالیہ اور گٹکا برآمد ہوا، ضبط کی گئی گاڑیوں اور سامان کی مالیت 1 کروڑ 40 لاکھ روپے ہے۔

    دیگر کارروائیوں میں مختلف اسمگل کیے جانے والے ٹرک، ڈیزل، سگریٹ، گٹکا، غیر ملکی ٹائر، کپڑے، دودھ اور کھانے کی اشیا پکڑی گئیں۔ ضبط شدہ سامان کی کل مالیت 6 کروڑ 40 لاکھ روپے ہے۔

  • بلوچستان سے ایمبولینس میں گٹکا کراچی منتقل کیے جانے کا انکشاف

    بلوچستان سے ایمبولینس میں گٹکا کراچی منتقل کیے جانے کا انکشاف

    کراچی: بلوچستان سے ایمبولینس میں گٹکا کراچی منتقل کیے جانے کا انکشاف ہوا ہے۔

    اے آر وائی نیوز کے مطابق گٹکا بنانے والوں نے لاک ڈاؤن کے دوران اخلاقیات کی حدیں پار کر دیں، گٹکے کی ترسیل کے لیے ایمبولینس کا استعمال کرنے لگے۔

    نیپئر پولیس نے بلوچستان سے مریض کی منتقلی کا جھانسہ دے کر کراچی میں گٹکا اسمگل کرنے والے ملزمان کو گرفتار کر لیا، پولیس نے یہ کارروائی کشتی چوک پر کی اور 3 ملزمان کو ایمبولینس سمیت پکڑا۔

    ملزمان کے قبضے سے بھارتی گٹکا برآمد کیا گیا، گرفتار ملزمان کا کہنا تھا کہ انھوں نے مجبوری میں یہ کام کیا، ہمیں مال کو سہراب گوٹھ کراچی پہنچانے کے لیے کہا گیا تھا۔

    پولیس کا کہنا ہے کہ ملزمان کرونا بیماری کا جھانسہ دے کر گٹکا سپلائی کر رہے تھے، گٹکا چھپانے کے لیے ایک ملزم کو مریض بنا کر ایمبولینس میں لٹایا گیا تھا، پولیس سے بچنے کے لیے ملزمان نے ایمبولینس کے روٹر بھی آن رکھے ہوئے تھے۔

    ادھر کراچی میں موچکو پولیس نے کارروائی کرتے ہوئے ایک ایمبولینس سے بڑی مقدار میں چھالیہ برآمد کر لیا ہے، اس کارروائی کے دوران ڈرائیور کو بھی گرفتار کیا گیا، ایس ایس پی مقدس حیدر کا کہنا تھا کہ ملزم ایمبولینس میں چھالیہ سپلائی کر رہا تھا، ملزم ناکوں سے بچنے کے لیے ایمبولینس کا استعمال کرتا تھا۔