نئی دہلی: بھارت میں انکم ٹیکس نے کاروبای شخصیت کےگھر پرچھاپے کےدوران غیرقانونی طریقے سےحاصل کی گئی کروڑوں روپے مالیت کی کرنسی برآمد کرلی۔
تفصیلات کےمطابق ایک طرف پورا بھارت نئے نوٹوں کےلیے لائن میں لگا ہوا ہے تو دوسری جانب صرف ایک کاروباری شخص کے گھر سےایک کروڑ پچاس لاکھ مالیت کے نئے نوٹ برآمد کیے گئے۔
آسام پولیس نے پیرکوگوہاٹی میں ایک کاروباری شخصیت کے گھر پر چھاپہ مار کر ایک کروڑ پچاس لاکھ روپے کی نقد رقم ضبط کی جو نئے 2000 اور 500 کے نوٹوں میں ہے۔
کراچی: شہر قائد کے علاقے اورنگی ٹاؤن میں رینجرز نے چھاپہ مار کارروائی کے دوران زیر زمین چھپایا ہواسلحہ بھاری مقدار میں برآمد کرلیا۔
تفصیلات کے مطابق رینجرز نے خفیہ اطلاع پر اورنگی ٹاﺅن میں واقع علی گڑھ سیکٹر کے قریب چھاپا مارا جہاں سے زیر زمین چھپایا گیا اسلحہ برآمد ہوا۔چھاپہ پہلے سے گرفتار ملزم کی نشاندھی پر مارا گیا تھا۔
رینجرز ذرائع کے مطابق اہلکاروں نے علاقے کو گھیرے میں لے کر مکان میں کھدائی کے بعد سیاسی جماعت کا بڑی تعداد میں مدفن اسلحہ برآمد کر لیا۔
برآمد ہونے والے اسلحے میں کلاشنکوف،ایٹ ایم ایم،سیون ایم ایم رائفل،تیس بور،نائن ایم ایم پستول اور بڑی تعداد میں گولیاں برآمد ہوئیں۔
ذرائع کا کہنا ہے کہ مذکورہ اسلحہ بڑی دہشت گردی کی کاروائی کے لیے ڈمپ کیا ہوا تھا۔
ذرائع کے مطابق اسلحہ کاشف ڈیوڈ،اجمل پہاڑی اور رئیس ماما نے چھپایا تھا۔اسلحہ شہر میں بڑی کارروائی کے لئے چھپایا گیا تھا۔
کراچی: پولیس نے ایم کیو ایم کے رہنما اور اپوزیشن لیڈر خواجہ اظہار الحسن کو گرفتار کرلیا جس کا فوری طور پر نوٹس لیتے ہوئے وزیر اعلیٰ سندھ نے ایس ایس پی ملیر راؤ انوار کو معطل کردیا۔
تفصیلات کے مطابق ایم کیو ایم کے رہنما خواجہ اظہار الحسن کے گھر پر پولیس پارٹی نے دوبارہ چھاپہ مارا اور اظہار الحسن کو حراست میں لے لیا۔
پولیس پارٹی کی قیادت ایس ایس پی ملیر راؤ انوار کر رہے تھے۔ خواجہ اظہار کو ہتھکڑی لگا کر پولیس اپنے ساتھ لے گئی۔
اس سے قبل بھی آج ہی کے روز ان کے گھر پر چھاپہ مارا گیا اور ان کے گھر کی تلاشی لی گئی۔ اس دوران کسی کو حراست میں نہیں لیا گیا۔
پہلے چھاپے کے وقت خواجہ اظہار الحسن سندھ اسمبلی میں موجود تھے۔ انہیں جیسے ہی اپنے گھر میں چھاپے کا فون موصول ہوا انہوں نے فوری طور پر وزیر اعلیٰ سندھ کو اس سے مطلع کیا۔ وزیر اعلیٰ سندھ نے واقعہ کا نوٹس لیتے ہوئے واقعہ کی تحقیقات کا حکم دے دیا۔
وزیر اعلیٰ کے حکم پر ایس ایچ او سہراب گوٹھ کو بھی فوری طور پر معطل کردیا گیا۔ انہوں نے آئی جی سندھ سے واقعہ کی فوری رپورٹ طلب کرلی۔
تاہم اس کے کچھ ہی دیر بعد ایس ایس پی ملیر راؤ انوار نے چھاپے کی ذمہ داری قبول کرتے ہوئے بتایا کہ خواجہ اظہار کے گھر میں 12 مئی کے ملزمان کی موجودگی کی اطلاع تھی اور ان کی گرفتاری کے لیے چھاپہ مارا گیا۔ روپوش شدہ ملزمان میں ایک بدنام زمانہ ٹارگٹ کلر کی موجودگی کی بھی اطلاع تھی۔
انہوں نے بتایا کہ ملیر انویسٹی گیشن اور آپریشن پولیس کے 8 سے 10 اہلکاروں نے چھاپہ مارا اور گھر کی تلاشی لی۔ ’یہ ایک معمول کی کارروائی تھی اور اس کا زیادہ واویلا کرنے کی ضرورت نہیں‘۔
بعد ازاں پولیس پارٹی ایس ایس پی ملیر راؤ انوار کی قیادت میں دوبارہ ان کے گھر پہنچی۔ اس وقت خواجہ اظہار کے گھر پر ایم کیو ایم کے متعدد رہنما اور کارکنان بڑی تعداد میں جمع تھے۔ پولیس نے ان سب کو پیچھے کرتے ہوئے خواجہ اظہار کو حراست میں لے لیا۔
اس دوران خواجہ اظہار الحسن اور فاروق ستار سمیت ایم کیو ایم کے رہنما پولیس سے دریافت کرتے رہے کہ خواجہ اظہار کو کیوں گرفتار کیا جارہا ہے۔
:فاروق ستار کی میڈیا سے گفتگو
خواجہ اظہار کی گرفتاری کے بعد میڈیا سے گفتگو کرتے ہوئے ڈاکٹر فاروق ستار نے کہا کہ خواجہ اظہار الحسن کو بغیر وارنٹ کے گرفتار کیا گیا ہے۔ ’میں راؤ انوار سے وارنٹ گرفتاری دکھانے کو کہتا رہا لیکن نہ تو وارنٹ گرفتاری دکھایا گیا اور نہ ان کی گرفتاری کی وجہ بتائی گئی‘۔
فاروق ستار نے کہا، ’بغیر لیڈی سرچرز کے خواجہ اظہار کے گھر کی ایسے وقت میں تلاشی لی گئی جب گھر پر کوئی مرد نہیں تھا اور صرف خواتین موجود تھیں۔ ان خواتین کو ہراساں کیا گیا‘۔
انہوں نے کہا، ’جس طرح دن دیہاڑے خواجہ اظہار کو گرفتار کیا گیا ہے اس سے زیادہ پاکستان کے سیاسی اور جمہوری نظام کی بے توقیری نہیں ہوسکتی، اس سے زیادہ ذلت و رسوائی نہی ہوسکتی۔ اس ذلت و رسوائی سے بہتر ہے کہ ہم سب اجتماعی طور پر گرفتاریاں دے دیں‘۔
فاروق ستار نے راؤ انوار اور ان کی ٹیم کی اس کارروائی کی سخت ترین الفاظ میں مذمت کرتے ہوئے کہا کہ ’میں سمجھتا ہوں کہ یہ بات واضح ہو رہی ہے کہ معاملہ لندن سے پارٹی چلانے کا نہیں، نہ ہی معاملہ وہاں سے پاکستان مخالف نعرے لگانے کا ہے، بلکہ یہ معاملہ ایم کیو ایم دشمنی کا ہے، یہ مہاجر دشمنی ہے اور اس کا مقصد ایم کیو ایم کو دیوار سے لگا کر ختم کرنا ہے‘۔
:راؤ انوار کی معطلی
واقعہ کے فوری بعد وزیر اعلیٰ سندھ مراد علی شاہ نے ایس ایس پی ملیر راؤ انوار کو معطل کردیا۔ مشیر اطلاعات سندھ مولا بخش چانڈیو نے ان کی معطلی کی تصدیق کرتے ہوئے ان کے ’غلط قدم‘ کو اس کی وجہ قرار دیا۔
خواجہ اظہار کا نام کئی مقدمات میں شامل ہے تاہم اب تک یہ واضح نہیں ہوسکا کہ خواجہ اظہار کی گرفتاری کی وجہ کیا ہے۔
واضح رہے کہ کسی بھی رکن اسمبلی کی گرفتاری یا ان کے گھر پر چھاپہ سے قبل مذکورہ رکن کو آگاہ کیا جاتا ہے یا اسپیکر اسمبلی سے اجازت طلب کی جاتی ہے۔
حیدر آباد : رینجر ز اور پولیس کا قاسم آباد کے علاقے میں کارروائی کے دوران کالعدم جماعت کے دفتر کی تلاشی تاہم کوئی گرفتاری عمل میں نہیں آئی۔
تفصیلات کے مطابق حیدرآباد میں 14 اگست کی شب سخی عبدالوہاب پل کے نیچجے ہونے والے کریکر دھماکے کی تفتیش کے لیے قانون نافذ کرنے والے اداروں کی جانب سے شہر کے مختلف مقامات پر سرچ آپریشن کا سلسلہ جاری ہے۔
اس ضمن میں پولیس اور رینجرز کی بھاری نفری نے حیدرآباد کے علاقے قاسم آباد میں واقع عبد اللہ سینٹر پہنچی اور سرچ آپریشن کیا گیا، دورانِ آپریشن علاقے کو سیل کرتے ہوئے آمد و رفت پر پابندی لگا دی تھی۔
قانون نافذ کرنے والے اداروں کی جانب سے عبداللہ سینٹر میں واقع قوم پرست جماعت کے دفتر کی تلاشی لی گئی تاہم کوئی گرفتاری عمل میں نہیں لائی گئی جبکہ قاسم آباد کے علاقے میں مختلف مقامات پر چھاپوں کے دوران ایک مشکوک شخص کو گرفتار کرکے تفتیش کے لیے نامعلوم مقام پر منتقل کرکے تفتیش کا آغاز کردیا گیا ہے۔
واضح رہے 14 اگست کی شب سخی عبدالوہاب پل فلائی اوور کے قریب ٹھیلے کے نیچے دستی بم کا دھماکہ ہوا تھا جس میں 5 افراد زخمی ہوئے تھے جنہیں طبی امداد کے لیے حیدرآباد کے سرکاری اسپتال منتقل کیا گیا تھا، جس کے بعد دھماکے کے خلاف مقامی تھانے میں سرکار کی مدعیت میں مقدمہ درج کرکے تفتیش کے عمل کا آغاز کردیا گیا ہے۔
یاد رہے کہ گزشتہ روز وزیر اعلیٰ سندھ مراد علی شاہ کی زیر صدارت کراچی میں صفائی کی ناقص صورت حال پر اجلاس میں وزیراعلیٰ سندھ کا کہنا تھا کہ کراچی کو صاف دیکھنا چاہتاہوں.
ان کا مزید کہنا تھا کہ کراچی کی صاف ستھرائی کے حوالے سے مجھے فوری حل چاہیے،شہر کو صاف ستھرا دیکھنا چاہتا ہوں.
کراچی : قانون نافذ کرنے والے اداروں کی بفرزون میں کارروائی 2 مبینہ ٹارگٹ کلر، بھتہ خور گرفتار ، تفتیش کے لیے نامعلوم مقام پر منقتل کردیا۔
تفصیلات کے مطابق قانون نافذ کرنے والے اداروں نے علی الصباح کراچی کے علاقے بفرزون میں کارروائی کرتے ہوئے سیاسی جماعت سے تعلق رکھنے والے مبینہ بھتہ خوری اور ٹارگٹ کلنگ میں ملوث 2 افراد کو حراست میں لے لیا۔
قانون نافذ کرنے والے اداروں نے دعویٰ کیاہے کہ ’’دونوں ملزمان قانون نافذ کرنے والے اداروں کو بھتہ خوری اور ٹارگٹ کلنگ میں مطلوب تھے، ملزمان کا تعلق ایک سیاسی جماعت کے عسکری وننگ سے بتایا گیا ہے۔
ملزمان کی شناخت جاوید اور سلمان منّا کے نام سے ہوئی ہے جنہیں گھروں سے حراست میں لینے کے بعد تفتیش کے لیے نامعلوم مقام پر منتقل کردیا گیا ہے، قبل ازاں قانون نافذ کرنے والے اداروں نے لیاقت آباد میں سیاسی جماعت کے دفتر پر چھاپہ مار کر 3 کارکنان کو حراست میں لے لیا، گرفتار ہونے والے ملزمان میں یوسی آرگنائزر محمد ایوب قریشی اور نومنتخب جنرل کونسلر کو شاہد کو حراست میں لے لیا۔
قبل ازیں پولیس نے ماڑی پور میں کارروائی کرتے ہوئے دو منشیات فروشوں شاہ جہاں واصف خان اور علی رضا کو گرفتار کرلیا، پولیس حکام کے مطابق علی رضا جیل سے 5 سال جیل کاٹ کر کچھ عرصے قبل رہا ہوا ہے، علاوہ ازیں پولیس نے کھارادر سے مقابلے کے بعد ملزم کو زخمی حالت میں گرفتار کرلیا جبکہ بلدیہ ٹاؤن کے علاقے سعید آباد میں بھی پولیس نے مقابلے کے بعد ایک ملزم کو گرفتار کیا ہے۔
کراچی : رینجرزنے کراچی کے علاقے گلستان جوہر بلاک سترہ میں ایک سیاسی جماعت کے دفترپر چھاپہ مار کر متعدد افراد کو حراست میں لے لیا،جنہیں بعد میں رہا کر دیا گیا۔
تفصیلات کے مطابق کراچی کے مختلف علاقوں میں قیام امن کے لئے رینجرز کا آپریشن جاری ہے۔ رینجرزنے کراچی کے علاقے گلستان جوہر بلاک سترہ میں ایک رہائشی عمارت میں کارروائی کرتے ہوئے ایک سیاسی جماعت کے دفترپر چھاپہ مار کر متعدد افراد کو حراست میں لے لیا ۔جنہیں بعد میں چھوڑ دیا گیا۔
آپریشن کے دوران داخلی اور خارجی راستوں کو مکمل طور پر بند کردیا گیا اور کسی شخص کو عمارت کے اندر آنے یا باہر جانے کی اجازت نہیں دی گئی تھی۔
علاوہ ازیں رکن صوبائی اسمبلی ایم کیوایم ارتضیٰ فاروقی نے میڈیا سے گفتگو کرتے ہوئے کہا ہے کہ رینجرزنے تلاشی کے بعد عمارت کو کلئیر قرار دے دیا اورکسی شخص کو بھی حراست میں نہیں لیا گیا۔
کراچی: سی پی ایل سی چیف احمد چنائے نے کہا ہے کہ شہر میں امن و امان رینجرز کی وجہ سے قائم ہے جبکہ رینجرز نے میرے گھر پر کوئی چھاپہ نہیں مارا۔
کراچی میں پریس کانفرنس کرتے ہوئے سی پی ایل سی چیف احمد چنائے کا کہنا تھا کہ رینجرز اہلکار علی الصبح ان کے گھر معلومات شیئر کرنے کے لیے آئے تھے، چھاپہ مارنے نہیں۔
اس سے قبل میڈیا رپورٹس کے مطابق رینجرز نے احمد چنائے کے گھر پر چھاپہ مار کر ان سے اغوا برائے تاوان کے کیسز سے متعلق تفتیش کی تھی، انہوں نے بتایا کہ مغوی نوجوان لاریب کو ان کے گھر سے بازیاب نہیں کروایا گیا اور نہ ہی ان کے گھر سے 15 لاکھ روپے کی رقم برآمد ہوئی۔
انہوں نے اس موقع پر رینجرز کے کردار کی تعریف کرتے ہوئے کہا کہ رینجرز کی کارروائیوں کے باعث بھتہ خوری اور ٹارگٹ کلنگ میں کمی آئی ہے، انہوں نے کہا کہ سی پی ایل سی اور اور رینجرز کے درمیان مکمل ہم آہنگی ہے اور دونوں اس کیس پر مل کر کام کررہے تھے۔
اس سے قبل اے آر وائی نیوز سے خصوصی گفتگو میں احمد چنائے کا کہنا تھا کہ ان کے گھر رینجرز کی آمد کو چھاپہ قرار نہیں دیا جا سکتا۔انہوں نے کہا کہ انہیں بدنام کرنے کی سازش کی جارہی ہے، پچیس سالہ خدمات کا یہ صلہ دیا گیا ہے۔
سی پی ایل سی چیف کا کہنا ہے کہ لگائے گئے الزامات کا جواب وہ عدالت میں دیں گے، واقعہ کی تحقیقات اعلیٰ عدالتوں سے کروائی جائے۔
احمد چنائے کا کہنا ہے کہ ان کے گھر سے تاوان کی رقم برآمد ہوئی نہ ہی کوئی مغوی بازیاب ہوا ہے۔ چھبیس سالہ لاریب کو رینجرز نے سپر ہائی وے سے بازیاب کیا تھا۔ ان کا یہ بھی کہنا ہے کہ اگر الزام ثابت ہو جاتا تو انہیں نہیں چھوڑا جاتا۔
احمد چنائے کے گھر چھاپے کی خبر سب سے پہلے اے آر وائی نیوز نے دی تھی۔
دوسری جانب رینجرزکی اسپیشل ٹاسک فورس نے سہراب گوٹھ میں کارروائی کرتے ہوئے سہراب گوٹھ کے علاقے سے اغوا ہونے والے لاریب کو بازیاب کروالیا ۔
ذرائع کا کہنا ہے لارریب کو سائٹ کے علاقے سے اغوا کیا گیا تھا اوراس کی رہائی کے لیے بیس لاکھ روپے تاوان مانگا جارہا تھا ، رینجرز ذرائع کا کہنا ہے رینجرز اسپیشل ٹاسک سیل نے تکنییکی اور گراؤنڈ انٹیلی جنس کی مدد سے اغوا ہونے والے لاریب کا پتہ چلایا۔
لاہور میں قانون نافذ کرنے والے ادارے نے ایک گھر پر چھاپہ مار کر خاتون سمیت 5 غیر ملکی افراد کو حراست میں لے لیا۔ قانون نافذ کرنے والے ادارے نے ایک اطلاع پر والٹن روڈ پیر کالونی میں ایک گھر پر چھاپہ مارا اور خاتون اور 2 بچوں سمیت 5 غیر ملکی افراد کو حراست میں لے لیا۔
ملزمان کی رہائشگاہ سے ایک لیپ ٹاپ اور دیگر سامان بھی قبضے میں لیا گیا ہے۔ حراست میں لئے گئے افراد کو تفتیش کیلئے نامعلوم مقام پر منتقل کر دیا گیا ہے۔ اہل علاقہ کے مطابق غیر ملکی افراد نے گھر کرایے پر لے رکھا تھا اور ان کی مشکوک سرگرمیاں تھیں۔
کراچی: ڈیفنس میں پولیس نے فلیٹ پر چھاپہ مار کر تین ہزار لیٹر سے زائد کچی شراب بر آمد کرکے میاں بیوی کو گرفتار کرلیا ہے۔
میاں بیوی گزشتہ دوسال سے اس کاروبار سے وابستہ ہیں، چند روز قبل پولیس نے کچی شراب کی فروخت میں ملوث ایک ملزم کو گرفتار کیا تھا، جس نے دوران تفتیش بتایا کہ وہ ڈیفنس فیز ٹو میں واقع رہائشی عمارت کے فلیٹ سے یہ شراب خریدتا ہے۔
جس کے بعد رات گئے پولیس نے فلیٹ پر چھاپہ مارا، پولیس کے مطابق علی نامی شخص غیر ملکی ہے جبکہ اس کی بیوی پاکستانی ہے۔
