بے ضرر جانوروں کے شرارتی پن سے تو سب ہی واقف ہیں، یہ اپنی معصومیت میں اکثر غیر معمولی جگہوں اور صورتحال میں پھنس جاتے ہیں۔
تاہم اس قسم کی شرارتیں عموماً بلیاں زیادہ کرتی ہیں جو کبھی کسی اونچی جگہ چڑھ جاتی ہیں، کہیں پھنس جاتی ہیں یا پھر ادھر سے ادھر چھلانگ لگاتے ہوئے گر جاتی ہیں۔
لیکن کیا آپ نے کبھی کسی گائے کو کسی غیر معمولی جگہ پر دیکھا ہے؟
سماجی رابطے کی ویب سائٹ ٹویٹر پر ایک گائے کی ویڈیو وائرل ہورہی ہے جو ایک گودام کی چھت پر موجود ہے۔
گائے نہ صرف وہاں موجود ہے بلکہ آرام سے چہل قدمی بھی کر رہی ہے۔
So many questions.. 😅 pic.twitter.com/dPDozPfMC2
— Buitengebieden (@buitengebieden) February 12, 2023
آس پاس کوئی شخص بھی موجود نہیں جس سے ظاہر ہوتا ہے کہ گائے نے تنہائی پا کر کھیل ہی کھیل میں خود کو مشکل صورتحال میں پھنسا لیا ہے۔
گائے وہاں کیسے چڑھی، یا بعد ازاں اسے کیسے اتارا گیا، یہ واضح نہیں ہوسکا۔
ٹویٹر پر لوگ اس ویڈیو کو دیکھ کر بے حد محظوظ ہوئے اور اس پر دلچسپ تبصرے کیے۔
