ARYNews.tv | Urdu – Har Lamha Bakhabar

Tag: چھلانگ

  • کراچی: خاتون نے بچے کے ہمراہ چلتی ٹرین سے کیوں چھلانگ لگائی؟

    کراچی: خاتون نے بچے کے ہمراہ چلتی ٹرین سے کیوں چھلانگ لگائی؟

    کراچی (29 جولائی 2025): کالا پل کے قریب چلتی ٹرین سے خاتون اور بچے کے چھلانگ لگانے کے واقعہ پر ریلوے حکام کا موقف بھی سامنے آیا ہے۔

    اے آر وائی نیوز کے مطابق کراچی کے علاقے کالا پل کے قریب خاتون اور بچے نے گزشتہ دنوں چلتی ٹرین سے چھلانگ لگائی تھی۔ خوش قسمتی سے دونوں محفوظ رہے، تاہم ان کی شناخت نہ ہو سکی۔ مذکورہ واقعہ پر ریلوے حکام کا موقف بھی سامنے آ گیا ہے۔

    ریلوے حکام کا کہنا ہے کہ خاتون اور بچےکا چلتی ٹرین سے چھلانگ لگانے کا واقعہ کالا پل کے قریب اس وقت پیش آیا، جب ٹرین انتہائی کم رفتار سے گزر رہی تھی۔

    ریلوے حکام کا کہنا ہے کہ خاتون خود ٹرین سے اترنے کی نیت سے کھڑی تھیں۔ ٹرین کی رفتار کم ہوتے ہی خاتون اور بچے نے چھلانگ لگائی۔

    ریلوے حکام کے مطابق خوش قسمتی سے خاتون اور بچہ دونوں محفوظ رہے اور ٹرین سے زمین پر گرنے کے بعد دونوں خود ہی اٹھے اور آگے بڑھ گئے۔

    ریلوے حکام نے عام افراد بالخصوص ٹرین میں سفر کرنے والوں کو متنبہ کیا ہےکہ چلتی ٹرین سے اترنے کی کوشش انتہائی خطرناک اور جان لیوا ثابت ہو سکتی ہے۔

  • جہاز سے چھلانگ لگاتے ہی اسکائی ڈائیور کے ساتھ کیا عجیب واقعہ ہوا؟ دلچسپ ویڈیو دیکھیں

    جہاز سے چھلانگ لگاتے ہی اسکائی ڈائیور کے ساتھ کیا عجیب واقعہ ہوا؟ دلچسپ ویڈیو دیکھیں

    اسکائی ڈائیونگ بہت سے مہم جو لوگوں کا شوق ہے لیکن ایک اسکائی ڈائیور کے لیے ایک بار یہ شوق کافی دلچسپ اور مہنگا ثابت ہوا۔

    زمین سے ہزاروں فٹ بلندی پر جہاز سے چھلانگ لگا کر زمین تک کا پیراشوٹ میں سفر کرنا بہت سارے مہم جو لوگوں کا شوق ہے اور کبھی کبھار اسکائی ڈائیور اس مہم جوئی کے دوران اپنی جانوں سے بھی ہاتھ دھو بیٹھے۔

    تاہم حال ہی میں ایک اسکائی ڈائیور کے ساتھ زمین سے 14 ہزار فٹ بلندی پر ایسا دلچسپ واقعہ پیش آیا جس کی ویڈیو دیکھ کر لوگ بھی حیران ہیں۔

    غیر ملکی میڈیا کےمطابق 37 سالہ کیسی فلے نامی تجربہ کار اسکائی ڈائیور جو اس سے قبل کئی بار ہوائی جہاز سے چھلانگ لگا چکے ہیں تاہم اس بار جب انہوں نے 14 ہزار فٹ بلندی پر جہاز سے چھلانگ لگائی تو ان کے ساتھ ایسا کچھ ہوا، جو اس سے قبل کبھی بھی نہیں ہوا تھا۔

    کیسی فلے نے جیسے ہی جہاز سے چھلانگ لگائی تو ان کے ٹراؤزر کی جیب سے موبائل فون نکل گیا۔ تاہم حیرت انگیز بات یہ ہے کہ جب وہ زمین پر اترے تو 14 ہزار فٹ کی بلندی سے گرنے کے باوجود وہ انہیں بالکل درست حالت میں مل گیا۔

    رپورٹ کے مطابق پہلے تو وہ اپنی جیب میں سے موبائل گر جانے سے لاعلم تھے۔ تاہم جب زمین پر اترنے کے بعد انہوں نے موبائل فون نکالنے کے لیے جیب میں ہاتھ ڈالا تو وہاں فون نہیں تھا۔

    کیسی فلے نے اس بارے میں جہاز میں موجود دیگر لوگوں سے معلوم کیا اور پھر ایک ایپ کے ذریعہ اپنا فون اس جگہ سے چار میل دور جنگل میں ٹریک کیا جہاں وہ اسکائی ڈائیونگ کے بعد اترے تھے۔

    وہ جب وہاں پہنچے تو انہیں اپنا فون بالکل درست حالت میں ملا، جس کو دیکھ کر وہ بھی حیران رہ گئے۔

     

  • خاتون نے فلائی اوور سے چھلانگ لگا کر زندگی کا خاتمہ کرلیا

    خاتون نے فلائی اوور سے چھلانگ لگا کر زندگی کا خاتمہ کرلیا

    بھارت میں حیدرآباد کے پرانے شہر کے علاقے دبیرپورہ میں آج رات ایک انتہائی دلخراش واقعہ رونما ہوا، خاتون نے فلائی اوور سے چھلانگ لگا کر زندگی کا خاتمہ کرلیا۔

    بین الاقوامی خبر رساں ادارے کی رپورٹ کے مطابق خاتون کی شناخت طحہٰ کے نام سے ہوئی ہے جبکہ ان کا تعلق ناگاباولی علاقہ سے بتایا جارہا ہے۔

    پولیس کا کہنا ہے کہ خاتون نے قریب ساڑھے 9 بجے کے بعد یہ انتہائی اقدام اُٹھایا، خاتون نے ایسا کیوں کیا اس حوالے سے ابھی معلوم نہیں ہوسکا ہے۔

    ذرائع کا کہنا ہے کہ خاتون کی حال ہی میں شادی ہوئی تھی۔ پولیس نے تحقیقات کا آغاز کردیا ہے، نعش کو پوسٹ مارٹم کیلئے اسپتال منتقل کردیا گیا ہے۔

    اس سے قبل بھارت کے سکندر آباد میں ایک انتہائی افسوسناک واقعہ رونما ہوا، ٹرین میں اکیلے سفر کرنے والی لڑکی سے نوجوان نے عصمت ریزی کی کوشش کی۔

    رپورٹ کے مطابق عصمت ریزی سے بچنے کی جدوجہد کے دوران لڑکی نے چلتی ٹرین سے چھلانگ لگادی۔

    پولیس کا اس حوالے سے کہنا ہے کہ 23 سالہ متاثرہ لڑکی کا تعلق اننت پور ضلع سے ہے اور وہ میڈچل میں ایک خانگی کمپنی میں ملازمت کرتی ہے۔ لڑکی اپنا موبائل فون ٹھیک کرانے کے لئے سکندر آباد گئی تھی بعد میں ایم ایم ٹی ایس ٹرین کے ذریعے میڈچل واپس جا رہی تھی۔

    متاثرہ لڑکی ابتداء میں خواتین کے ڈبے میں سوار ہوئی تھی، مگر خواتین جلدی دوسرے اسٹیشن پر اتر گئیں، جس کے بعد وہ ڈبے میں تنہا رہ گئی۔

    25سالہ نوجوان نے موقع غنیمت جانتے ہوئے لڑکی کو زیادتی کا نشانہ بنانے کی کوشش کی، خود کو بچانے کے لیے متاثرہ لڑکی چلتی ٹرین سے کود گئی اور کومپلی کے قریب ایک ریلوے پل کے نیچے گر کر شدید زخمی ہوگئی۔

    بی جے پی رہنما نے بیوی بچوں کو گولی ماردی

    مقامی افراد کی اطلاع پر پولیس موقع پر پہنچی اور زخمی لڑکی کو فوری طور پر گاندھی اسپتال منتقل کیا۔ پولیس نے مقدمہ درج کر کے حملہ آور کی تلاش شروع کر دی ہے۔

  • برطانوی شہری نے پہاڑ سے چھلانگ لگا کر نیا ریکارڈ بنا لیا

    برطانوی شہری نے پہاڑ سے چھلانگ لگا کر نیا ریکارڈ بنا لیا

    کھٹمنڈو : برطانوی شہری نے نیپال میں ہمالیہ کی چوٹی سے 18ہزار753 فٹ کی چھلانگ لگا کر نیا گینیز ورلڈ ریکارڈ قائم کردیا، اس معرکے کا مقصد انسانی اسمگلنگ کا تدارک تھا۔

    تفصیلات کے مطابق34 سالہ جاشوا بریگمین نے نیپال کی میرا چوٹی سے چھلانگ لگائی اور پیراشوٹ کی مدد سے زمین پر پہنچے، جس سے پچھلےریکارڈ کا فاصلہ 4ہزار فٹ سے زیادہ بڑھ گیا۔

    غیر ملکی خبر رساں ادارے کی رپورٹ کے مطابق اس سے پہلے یہ ریکارڈ فرانسیسی کھلاڑی میتھیاس گیراڈ کے پاس تھا، جنہوں نے2019 میں 14,301فٹ سے چھلانگ لگائی تھی۔ تاہم اب اس کارنامے کو دنیا کی سب سے اونچی اسکائی بیس جمپ قرار دیا جارہا ہے۔

    ’اسکی‘بیس جمپنگ ایک انتہائی خطرناک کھیل ہے جس میں کھلاڑی کسی پہاڑ یا چٹان سے اسکی کرکے چھلانگ لگاتے ہیں، آزادانہ ہوا میں گرتے ہیں اور پھر پیراشوٹ کا استعمال کرتے ہوئے زمین پر اترتے ہیں۔

    بریگمین نے اپنی اس کوشش کے لیے دو ہفتے میرا چوٹی پر گزارے، جہاں وہ اونچائی کے مطابق خود کو ڈھالنے کے لیے ہائیکنگ، اسکیئنگ اور کیمپنگ کرتے رہے۔

    انہیں اور ان کی ٹیم کو آکسیجن کی کمی اور مسلسل سردرد جیسی مشکلات کا سامنا کرنا پڑا۔ انہیں ایک موزوں چھلانگ لگانے کی جگہ تلاش کرنے اور وہاں سے ملبہ ہٹانے کی بھی ضرورت پیش آئی۔

    بریگمین نے بتایا کہ ان کا پہلا انتخاب کردہ مقام مناسب نہیں تھا اور وہ تقریباً ہار ماننے والے تھے،تاہم اگلے دن انہیں ایک بہتر جگہ ملی، جہاں سے انہوں نے چھلانگ لگانے کی تیاری کی۔

    "اس رات ہمیں تقریباً 2 سینٹی میٹر برف ملی، زیادہ نہیں، لیکن یہ مددگار ثابت ہوئی،” بریگمین نے کہا کہ خواب یہ تھا کہ ہم خوبصورت انداز میں کچھ ایس ٹرنز کریں اور پھر چٹان سے خوبصورتی سے چھلانگ لگائیں لیکن حقیقت میں ہمارے پاس صرف ایک چھوٹی چٹان بھری پٹی تھی جو تقریباً 6,000 میٹر کی بلندی پر تھی۔

    بریگمین نے یہ اسٹنٹ مکمل کیا، جس کا مقصد نیپال میں انسانی اسمگلنگ کے مسئلے کے بارے میں شعور بیدار کرنا تھا تاکہ اس سے حاصل شدہ رقم سے ہزاروں متاثرہ بچوں کی مدد کی جا سکے۔

  • دل دہلا دینے والا واقعہ: ماں نے کمسن بیٹی کو دریا میں پھینک دیا

    دل دہلا دینے والا واقعہ: ماں نے کمسن بیٹی کو دریا میں پھینک دیا

    حیدرآباد: بھارت میں دل دہلادینے والا ایک واقعہ پیش آیا، ماں نے اپنی 4 سالہ بیٹی کو دریا میں پھینکنے کے بعد خود بھی چھلانگ لگادی۔

    بھارتی میڈیو رپورٹ کے مطابق بھارتی ریاست تلنگانہ کے ضلع سنگاریڈی میں ایک خاتون نے دریائے مانجرا میں اپنی چار سالہ بیٹی کو بھینک کر خود بھی چھلانگ لگادی۔

     مقامی پولیس کے مطابق 32 سالہ وجیا اور اس کی بیٹی گوری کی لاشوں کو نکال کر پوسٹ مارٹم کے لیے سرکاری اسپتال منتقل کردیا گیا۔

    پولیس کا بتانا ہے کہ خاتون کے اس اقدام کی وجہ معلوم نہیں ہوسکی ہے تاہم اس واقعے کا مقدمہ درج کرکے تحقیقات شروع کردی ہے۔

    دوست نے دوست کا گلا کاٹ کر خون پی لیا

    واضح رہے کہ بھارت میں خودکشی کرنے یا کسی کی جان لینے کے متعدد واقعات رونما ہوتے ہیں، گزشتہ روز ایک دوست نے اپنے ہی دوست کا گلا کاٹ کر اس کا خون پی لیا تھا۔

  • نیاگرافال میں‌ چھلانگ لگانے والا شخص‌ معجزاتی طور زندہ بچ گیا

    نیاگرافال میں‌ چھلانگ لگانے والا شخص‌ معجزاتی طور زندہ بچ گیا

    اوٹاوا : کینیڈین پولیس نے مؤقف اختیار کیا ہے کہ نیاگرافال میں گرنے والے شخص کی تاحال شناخت نہیں ہو سکی ہے،مذکورہ شخص نیاگرا فال کے امریکی سرحد سے پانی میں کودا تھا۔

    تفیلات کے مطابق امریکا اور کینیڈا کی سرحد پر واقع مشہور اور انتہائی خطرناک سمجھی جانے والی نیاگرا آبشار میں ایک شخص نے چھلانگ لگا دی تاہم وہ معجزانہ طور پر محفوظ رہا۔

    کینیڈین پولیس نے بتایاکہ نیاگرا فال میں کودنے والے شخص کو معمولی چوٹیں آئی ہیں اور اسے کودنے کے بعد دریا کے زیریں حصے میں ایک چٹان پر بیٹھے پایا گیا۔

    غیر ملکی خبر رساں ادارے کا کہنا تھا کہ نیاگرا پارک پولیس کو اطلاع ملی کہ ایک شخص 57 میٹر بلند حصے ھارس شو فالز کے کنارے پر کھڑا ہے۔

    پولیس نے موقع پر پہنچ کر دیکھا تو ایک شخص آبشار کے اطراف میں لگی رکاوٹیں عبور کر کے آبشار میں کودنے کی کوشش کر رہا ہے۔

    پولیس کے روکنے سے قبل ہی اس شخص نے پانی میں چھلانگ لگا دی۔ بعد زاں پولیس نے آبشار کے نچلے حصے میں کودنے وال شخص کی تلاش شروع کی تو اسے ایک چٹان پر بیٹھے پایا۔

    پولیس کا کہنا ہے کہ نیاگرا فال میں گرنے کے باعث اسے معمولی زخم آئے، پولیس نے اسے نکال کر اسپتال منتقل کردیا تھا، نیاگرا فال میں گرنے والے شخص کی شناخت تاحال نہیں ہو سکی، یہ شخص نیاگرا فال کے امریکی سرحد سے پانی میں کودا تھا۔

    غیر ملکی خبر رساں ادارے کا کہنا تھا کہ خطرناک آبشار میں کودنے کے بعد بچ جانے والا یہ چوتھا شخص ہے۔

  • گھر سے جبری بے دخلی، خاتون نے بیٹے کے ہمراہ پُل سے چھلانگ دی

    گھر سے جبری بے دخلی، خاتون نے بیٹے کے ہمراہ پُل سے چھلانگ دی

    بوگوتا : خاتون نے گھر سے نکالے جانے اور خراب مالی حالات سے دل برادشتہ ہوکر دس سالہ بیٹے کے ہمراہ 100 میٹر اونچے سے پُل سے چھلانگ لگادی۔

    غیر ملکی خبر رساں ادارے کا کہنا ہے کہ جنوبی امریکی ملک کولمبیا کے شہر ایباگو میں دل دہلا دینے والے خودکشی کے واقعے میں ہلاک ہونے والی خاتون کی شناخت 32 سالہ جیسی پاؤلو مورینو کروز کے نام سے ہوئی ہے۔

    ذرائع کے مطابق خاتون کو گھر سے بے گھر کردیا گیا تھا اور وہ مالی طور بھی مستحکم نہیں تھیں جس کے باعث اپنے عمر بیٹے کے ہمراہ خودکشی کرنے پر مجبور ہوگئی۔

    سوشل میڈیا پر جاری ہونے والی ویڈیو میں دیکھا جاسکتا ہے کہ ایک مورینو کروز اپنے دس سالہ بیٹے مے کیبالوس کو تھامے پُل کے کنارے پر چھلانگ لگانے کےلیے تیار کھڑی ہے جبکہ ریسکیو اہلکار خاتون کو کسی بھی طرح خودکشی منسوخ کرنے پر راضی کررہے ہیں۔

    تاہم خاتون نے ریسکیو اہلکاروں کی منت سماجت کو نظر انداز کرتے ہوئے 330 فٹ اونچے پُل سے چھلانگ لگاکر اپنی اور اپنے بیٹے کی جان لے لی۔

    ویڈیو میں دیکھا جاسکتا ہے کہ ایک ریسکیو اہلکار چیختا ہے کہ ’او میرے خدا، اس نے خود کو گرا دیا‘ جبکہ ایک ریسکیو اہلکار دس سالہ بچے ہمراہ والدہ کی خودکشی پر صدمے میں چلاجاتا ہے۔

    واقعے کے عینی شاہد فائرفایئٹر رافیل ریکو نے میڈیا کو بتایا کہ ’اس نے خاتون کی منت کی اور اسے منانے کی کوشش کہ وہ خودکشی روک دے لیکن افسوس اس نے غلط فیصلے کا انتخاب کیا‘۔

    ریکو نے مقامی میڈیا کو بتایا کہ ریسکیو اہلکار جائے حادثہ پر مقتول بچے اور اس کی ماں کی لاشیں تلاش کرنے کی کوشش کررہے ہیں۔

    غیر ملکی میڈیا کا کہنا ہے کہ مورینو کروز اور اس کے مقتول بیٹے کو حال ہی میں زبردستی گھر سے بے دخل کیا گیا تھا اور ان کے پاس اتنی رقم بھی نہیں تھی وہ کرائے پر مکان حاصل کرسکیں۔

    ایباگو کے میئر کا کہنا ہے کہ ’کولمبیا باالخصوص ایباگو میں ہمیں اکثر ایسی افسوس ناک صورتحال کا سامنا کرنا پڑتا ہے۔

    غیر ملکی خبر رساں ادارے کا کہنا ہے کہ واقعے کی مزید تحقیقات جاری ہے۔

  • سائیکل سوار کا ہیلی کاپٹر سے برج العرب پر چھلانگ لگانے کا ناقابل یقین اسٹنٹ

    سائیکل سوار کا ہیلی کاپٹر سے برج العرب پر چھلانگ لگانے کا ناقابل یقین اسٹنٹ

    سائیکل پر کرتب دکھانا ہر کسی کے بس کی بات نہیں لیکن برطانوی نوجوان نے دبئی میں سائیکل چلاتے ہوئے خطرناک اسٹنٹ دکھا کر سب کو حیران کردیا۔

    تفصیلات کے مطابق متحدہ عرب امارت میں برطانیہ کے ماہر سائیکل سوار نوجوان نے سائیکل پر سوار ہوکر ہیلی کاپٹر نے دبئی کے عالی شان ہوٹل برج العرب کے ہیلی پیڈ پر چھلانگ لگانے کا ناقابل یقین اسٹنٹ پیش کیا، سائیکل سوار کافی دیر سے چھلانگ لگانے کےلیے مناسب وقت کا انتظار کررہا تھا۔

    یوٹیوب پر جاری ہونے والی ویڈیو میں دیکھا جاسکتا ہے کہ پروفیشنل بی ایم ایکس سائیکلسٹ کریس کائل نے سائیکل پر سواری کرتے ہوئے دبئی کے تمام مشہور مقامات پر خطرنات اسٹنٹ کرکے سب کو حیران کردیا، کریس نے سائیکل پر ناقابل یقین کرتب دکھانے کا آغاز برج العرب سے کیا۔

    یوٹیوب پر شائع ہونے والی ویڈیو میں دیکھا جاسکتا ہے کہ کریس کائل دبئی کا دلکش ٹور سائیکل پر کرتے ہوئے دبئی کے معروف واٹر پارک وائلڈ وادیز کی انتہائی پُرخطر سلایڈز اور جمیرہ کے ساحل پر بنائے گئے انتظار گاہ کی چھت پر سائیکل چلانے کا اسٹنٹ پیش کیا۔

    اماراتی خبر رساں ادارے کا کہنا تھا کہ دلچسپ و خوفناک اسٹنٹ کرنے والے کریس کائل نے دنیا کی بلند ترین عمارت برج الخلیفہ کی بلندی پر بھی سائیکل چلاکر دیکھنے والوں کو حیرت زدہ کردیا۔

    برطانوی سائیکلسٹ نے دبئی کی گلیوں اور معروف شاہراوں پر سائیکل کے ذریعے کرتب دکھاتے ہوئے اپنے ناقابل یقین اسٹنٹ کا اختتام سمندر میں چلتی ہوئی کشتی پر کیا۔

  • اگر زمین پر موجود تمام افراد بیک وقت چھلانگ لگائیں تو کیا ہوگا؟

    اگر زمین پر موجود تمام افراد بیک وقت چھلانگ لگائیں تو کیا ہوگا؟

    یہ زمین جس پر ہم رہتے ہیں اپنے اندر بے انتہا وسعت رکھتی ہے تاہم تیزی سے بڑھتی ہوئی آبادی اس زمین کو نقصان پہنچانے اور اس کے وسائل وقت سے پہلے ختم ہونے کا سبب بن رہی ہے۔

    دنیا میں اس وقت ساڑھے 7 ارب سے زائد افراد آباد ہیں۔ کیا آپ نے کبھی سوچا کہ اگر یہ تمام افراد مل کر بیک وقت زمین پر چھلانگ لگائیں تو کیا ہوگا؟

    ماہرین کے مطابق اتنی بڑی آبادی کا ایک ساتھ چھلانگ لگانا زمین پر کچھ نہ کچھ اثر مرتب کرسکتا ہے۔

    سب سے پہلے تو تمام افراد کو کسی ایک مقام پر جمع ہونا ہوگا۔ اگر ہر شخص اپنے موجودہ مقام پر رہتے ہوئے چھلانگ لگائے تو شاید اس کا کوئی اثر نہ ہو۔

    کسی ایک مقام پر جمع ہونے کے بعد یہ ساڑھے 7 ارب افراد مل کر چھلانگ لگائیں گے تو سب سے پہلے زمین پر ایک واضح لرزش محسوس ہوگی۔

    اتنی بڑی تعداد میں لوگوں کے اچھلنے سے بے تحاشہ توانائی خارج ہوگی جو زمین اور ہوا میں جذب ہوجائے گی۔

    مزید پڑھیں: اگر انسان زمین سے غائب ہوجائیں تو کیا ہوگا؟

    یہ توانائی اور لوگوں کی چھلانگ مل کر 4 سے 8 شدت کا زلزلہ پیدا کرسکتا ہے۔ 4 شدت کا زلزلہ تو برداشت کیا جاسکتا ہے، تاہم 8 شدت کا زلزلہ اس مقام پر موجود عمارتوں، پلوں اور الیکٹرک پولز کو منہدم کرسکتا ہے۔

    علاوہ ازیں اس مقام پر سونامی بھی آسکتا ہے جس میں 100 فٹ تک بلند لہریں ہر شے کو بہا لے جائیں گی۔

    اس کے ساتھ ساتھ ساڑھے 7 ارب افراد کے پیروں کی دھمک ایک زوردار آواز بھی پیدا کرے گی جس سے سماعت بھی متاثر ہوسکتی ہے۔

    تاہم اس انوکھے تجربے کے تحت جو اثرات ظاہر ہوں گے وہ صرف اسی مقام اور اس کے آس پاس تک محدود رہیں گے۔ مجموعی طور پر زمین کی گردش پر کوئی فرق نہیں پڑے گا۔

    زمین تمام انسانوں کے وزن سے دس کھرب گنا زیادہ بھاری ہے لہٰذا یہ ساڑھے 7 ارب افراد بھی زمین کو اس کے مقررہ محور اور گردش سے نہیں ہٹا سکتے۔

  • گھوڑے کی طرح چھلانگ لگانے والی گائے

    گھوڑے کی طرح چھلانگ لگانے والی گائے

    ویلنگٹن: آپ نے مختلف جانوروں کو مختلف اور عجیب و غریب حرکات کرتے تو ضرور دیکھا ہوگا۔ کچھ جانور دوسرے جانوروں کی نقل کرتے ہوئے انہی کی طرح کام کرنے کی کوشش کرتے ہیں۔

    لیکن شاید آپ نے کسی گائے کو گھوڑے کی طرح چھلانگ لگاتے ہوئے نہیں دیکھا ہوگا۔

    نیوزی لینڈ میں ایک 18 سالہ لڑکی ہنا سمپسن نے اپنے سماجی رابطوں کی ویب سائٹ پر ایک ویڈیو شیئر کی ہے جس میں اس کی گائے گھوڑے کی طرح چھلانگ لگاتی ہوئی نظر آرہی ہے۔

    مزید پڑھیں: بھارت میں ایک بیل خود کو ’ویرو‘ سمجھنے لگا

    ہنا کی گائے جو براؤن سوئس گائے کہلاتی ہے ویڈیو میں کسی گھوڑے کی طرح درخت کے ٹوٹے ہوئے تنے سے چھلانگ لگاتی دکھائی دے رہی ہے۔

    ہنا کا کہنا ہے کہ یہ گائے اس کے گھر کے فارم پر ہی پیدا ہوئی اور بچپن سے ہنا کے ساتھ اس کی خوب دوستی ہے۔ ہنا شروع سے ہی، جب یہ گائے ایک بچھڑا تھی، اس کی پیٹھ پر سواری کرتی آرہی ہے۔

    ہنا نے بتایا کہ اسے ہمیشہ سے گھوڑے پر سواری کا بہت شوق تھا لیکن اس کے والدین گھوڑا نہیں پال سکتے تھے لہٰذا اس نے اپنی دوست گائے کو ایسی تربیت دی کہ اس پر بیٹھ کر اسے گھوڑے کی سواری کا لطف آنے لگا۔

    ہنا نے بتایا کہ اس نے اپنے فارم پر موجود دوسری گائیوں کو بھی ایسی تربیت دینے کی کوشش کی لیکن وہ ناکام رہی اور گائے چھلانگ لگاتے ہوئے نہ صرف خود گر پڑتیں بلکہ اپنے اوپر سوار ہنا کو بھی گرا دیتیں۔