ویڈیو رپورٹ: جام فرید لاکھو
حیدرآباد سمیت سندھ کے مختلف علاقوں میں پانی کی قلت نے کسانوں کی زندگی مشکل بنا دی ہے، نہری پانی کی کمی اور زیر زمین پانی کے ختم ہو جانے سے کاشتکاری بری طرح متاثر ہو رہی ہے۔
پانی کی شدید قلت کے باعث کاشتکاروں نے پانی ذخیرہ کرنے کا انوکھا حل نکال لیا ہے، حیدرآباد کے تعلقہ دیہات میں زمینداروں نے تالاب نما چھوٹے ڈیم بنا لیے ہیں۔
اس کام میں سندھ حکومت بھی مدد کر رہی ہے، سندھ حکومت کے آن فارم واٹر منیجمنٹ اتھارٹی نے محکمہ زراعت کے تحت چھوٹے ڈیم بنانا شروع کر دیے ہیں، تاکہ بارش، نہری و زیرِ زمین پانی کو محفوظ کیا جا سکے، اس پانی کو سولر پینل پر چلنے والی موٹر سے کھیتوں تک پہنچایا جاتا ہے۔
ویڈیو رپورٹ: باکسر رابعہ کی متاثر کن کہانی
کاشتکاروں کو چھوٹے چھوٹے ڈیمز سے ریلیف ملا ہے، کہتے ہیں ان تالاب نما ڈیموں سے واٹر کورس، ڈرپ ایریگیشن اور کچن گارڈن سے سبزیوں، کیلے، آم، گندم و دیگر فصلوں کے لیے ضرورت کے مطابق وقت پر پانی میسر ہوگا۔