راولپنڈی : آئی ایس پی آر کا کہناہےکہ خیبرایجنسی میں ایف سی چیک پوسٹ پر دہشت گردوں کےحملے کوناکام بناتے ہوئے2اہلکار شہید جبکہ 6دہشت گرد مارے گئے۔
تفصیلات کےمطابق وفاق کے زیر انتظام قبائلی علاقے خیبرایجنسی میں دہشت گردوں کے سرحد پار سے ایف سی چیک پوسٹ پرحملے کاپاک فوج نے منہ توڑ جواب دیتے ہوئے 6دہشت گردوں کوہلاک کردیا۔
پاک فوج کے شعبہ تعلقات عامہ آئی ایس پی آر کےمطابق دہشت گردوں سے فائرنگ کے تبادلے میں 2ایف سی اہلکار شہید ہوئے۔
مزیدپڑھیں:شبقدر میں ایف سی سینٹرپردہشتگردوں کاحملہ ناکام ‘2خودکش بمبارہلاک
خیال رہےکہ اس سے قبل خیبرپختونخواہ کےعلاقےشبقدر میں ایف سی سینٹر پردہشت گردوں کےحملے کو سیکورٹی فورسز نے ناکام بناتے ہوئےدوخودکش بمبارں کو ہلاک کیاتھا۔
ڈی پی اوسہیل خالدکے مطابق دہشت گردوں کےساتھ فائرنگ کے تبادلے میں ایک اہلکار شہیدجبکہ 2 زخمی ہوگئےجنہیں طبی امداد کے لیے اسپتال منتقل کردیاگیاہے۔
مزید پڑھیں:چارسدہ دھماکے: 7 افراد شہید،13زخمی، 3 خودکش حملہ آور ہلاک
یاد رہےکہ گزشتہ ماہ خیبرپختونخواہ کے ضلع چارسدہ کے علاقے تنگی میں کچہری گیٹ کے قریب 2 دھماکے ہوئےتھےجس کے نتیجے میں 3 دہشت گرد ہلاک اور 7 افراد جاں بحق ہوئےتھے۔
مزید پڑھیں:مہمندایجنسی میں دہشتگردوں کاحملہ ناکام،4دہشتگردہلاک
واضح رہےکہ گزشتہ سال نومبرمیں سیکیورٹی فورسز نے مہمند ایجنسی میں ایف سی کیمپ پر خود کش حملے کی کوشش ناکام بناتے ہوئے 4 دہشت گردوں کو ہلاک کردیاتھا۔
