منفرد فیشن سینس اور بولڈ شخصیت کی وجہ سے مشہور بھارتی اداکارہ و ماڈل عرفی جاوید کو سرجری کرانا مہنگا پڑگیا۔
سوشل میڈیا کی فیشن آئیکن عرفی جاوید ایک بار پھر سرخیوں میں آگئیں لیکن اس بار ان کے فیشن کے انتخاب کے لیے نہیں، بلکہ ان کے پھولے ہوئے چہرے کی وجہ سے جس کی ویڈیو سوشل میڈیا پر وائرل ہورہی ہے۔
ویڈیو میں عرفی جاوید کا نمایاں طور پر سوجا ہوا چہرہ دکھایا گیا ہے، عرفی جاوید نے اتوار کو اپنے انسٹاگرام اکاؤنٹ پر ایک ویڈیو شیئر کی ویڈیو میں انہیں ایک اسپتال میں دکھایا گیا ہے، جو ہونٹوں کی سرجری سے گزر رہی ہے۔
View this post on Instagram
ویڈیو میں دکھایا گیا ہے کہ ایک ڈاکٹر ماڈل کے ہونٹوں پر انجکشن لگا رہا ہے اور عرفی درد سے سر جھکا کر بیٹھی ہیں، اس سرجری کے بعد اداکارہ کے ہونٹ اور چہرہ سوج گئے تاہم وہی ویڈیو میں مسکرا رہی ہے اور یہ ویڈیو سوشل میڈیا پر تیزی سے وائرل ہو رہا ہے۔
ویڈیو کے کیپشن میں عرفی نے لکھا "نہیں، یہ کوئی فلٹر نہیں ہے میں نے اپنے فلرز کو ہٹانے کا فیصلہ کیا ہے کیونکہ یہ غلط جگہ پر فل کیا گیا تھا، میں انہیں دوبارہ کرواؤں گی۔ میں فلرز کے بالکل خلاف نہیں ہوں لیکن فلر ہٹانا تکلیف دہ ہے۔
عرفی جاوید نے فلرز کروانے والوں کو ایک مشورہ بھی دیا ہے انہوں نے کہا کہ یہ بھی بہت ضروری ہے کہ آپ فلرز کے لیے کسی اچھے ڈاکٹر کے پاس جائیں یہ فینسی کلینک کے ڈاکٹروں کو کچھ معلوم نہیں ہوتا ہے۔”
دوسری جانب سوشل میڈیا صارفین نے اداکارہ عرفی جاوید کی ویڈیو دیکھنے کے بعد اپنی ناپسندیدگی کا اظہار کیا جس میں ان کا چہرہ نمایاں طور پر سوجا ہوا نظر آ رہا ہے۔
