کراچی : ٹریفک پولیس نے شہریوں کی سہولت کے لئے چہلم شہدائے کربلا کے جلوس کے پیش نظر راستوں کی بندش سے متعلق ٹریفک پلان جاری کردیا۔
تفصیلات کے مطابق چہلم شہدائےکربلا کے مرکزی جلوس کیلئےٹریفک پولیس نےپلان جاری کردیا۔
جس میں بتایا گیا کہ مرکزی جلوس نشتر پارک سےبرآمد ہوکر حسینیہ ایرانیان امام بارگاہ پراختتام پذیرہوگا،ایم اے جناح روڈ گرومندر سے ٹاور تک بند رہےگا جبکہ ناظم آباد سےآنیوالےلسبیلہ سےنشترروڈسےمنزل کی جانب جاسکتے ہیں۔
ٹریفک پولیس کا کہنا تھا کہ لیاقت آبادسےآنیوالےتین ہٹی سےلسبیلہ اورسینٹرل جیل کی جانب جاسکتے ہیں، حسن اسکوائرسےپیپلزچورنگی جانے والےمسافرکشمیر روڈسےجاسکتے ہیں جبکہ شاہراہ قائدین اورجیل فلائی اوور سے تین ہٹی سے نشتر روڈ جاسکتے ہیں۔
ٹریفک پلان میں بتایا گیا کہ شارع فیصل سےشاہراہ قائدین،نمائش جانیوالے کشمیر روڈ سے جاسکتے ہیں جبکہ جمشید روڈ، گرومندر ایم اے،جناح روڈ کی جانب جانے والے سولجر بازار سےجاسکتے ہیں۔
گارڈن سےایم اے جناح روڈ جانیوالے گل پلازہ اور سےاپنی منزل کی جانب جاسکتے ہیں جبکہ ہیوی ٹریفک کو لیاقت آباد 10 نمبر سے ناظم آباد 2 نمبر کی طرف موڑدیا جائےگا۔
حبیب بینک فلائی اوور،اسٹیٹ ایونیو روڈ،شیرشاہ سے ماڑی پور تک جاسکے گی جبکہ ہیوی ٹریفک شارع فیصل، راشد منہاس روڈ ، اسٹیڈیم روڈ،حبیب بینک پل،شیرشاہ سےماڑی پور تک اجازت ہوگی۔
چھوٹی یابڑی ٹریفک کو گرومندرسے آگے جلوس کے روٹ پر جانےکی اجازت نہیں ہوگی اور ٹریفک کو، بہادر یار جنگ روڈ سولجر بازار کی طرف موڑ دیا جائے گا۔
ایم اے جناح روڈ پر ہر قسم کی گاڑی کا داخلہ ممنوع ہوگا اور جلوس میں اجازت نامےکی حامل گاڑیوں کو داخلےکی اجازت ہوگی۔
