Tag: چیئرمین این ڈی ایم اے

اسلام آباد: چیئرمین این ڈی ایم اے لیفٹیننٹ جنرل محمد افضل کا کہنا ہے کہ کرونا وائرس کی تشخیص کے لیے سندھ سمیت صوبوں کو ٹیسٹ کٹس دی گئی ہیں۔

تفصیلات کے مطابق چیئرمین این ڈی ایم اے لیفٹیننٹ جنرل محمد افضل نے پریس کانفرنس کے دوران کہا کہ ہماری اولین ترجیح میڈیکل ٹیمز کے لیے سامان کی فراہمی ہے، آزاد کشمیر اورگلگت بلتستان کو 5 ہفتے کے لیے ضروری سامان کی فراہمی کردی۔

انہوں نے کہا کہ لیباٹریوں کی تعداد اور ٹیسٹ کرنے کی استعداد بڑھانے کے لیے 7 مشینیں نیشنل انسٹی ٹیوٹ آف ہیلتھ کے تعاون سے پاکستان کے مختلف حصوں میں دے دی گئی ہیں۔

لیفٹیننٹ جنرل محمد افضل کا کہنا تھا کہ ایبٹ آباد اور کے پی میں لیبارٹریز کام کرنا شروع کر دیں گی، پنجاب میں لیبارٹریز بھی جلد کام کرنا شروع کر دیں گی، فیصل آباد اور سرگودھا کی لیبارٹریزکو اپ گریڈ کیا جا رہا ہے۔

چیئرمین این ڈی ایم اے نے کہا کہ سندھ میں ایس آئی یو ٹی اور جے پی ایم سی میں ٹیسٹنگ شروع ہوجائےگی، بلوچستان حکومت کو بھی 2 مزید جگہوں کی نشاندہی کی گئی ہے۔

انہوں نے کہا کہ سندھ حکومت کو 20 ہزار، پنجاب کو 5 ہزار، بلوچستان کو7ہزار 800 ٹیسٹنگ کٹس دی گئی ہیں، آئندہ3 دنوں میں 4 سے 5 فلائٹس چین جائیں گی اور ضروری سامان لائیں گی،سامان میں پی پی آئی کے 5 ہزار سیٹ اور وینٹی لیٹرز شامل ہوں گے۔

لیفٹیننٹ جنرل محمد افضل کا کہنا تھا کہ سامان میں میڈیکل سامان اور فیومیگیشن کے لیے کیمیکل شامل ہوگا، بیجنگ سے کل100واک تھرو تھرمل گیٹس بھی پہنچ رہے ہیں۔

انہوں نے بتایا کہ 6 اپریل سے پہلے ایک لاکھ پی پی آئی سیٹس ہمارے پاس پہنچ جائیں گے،اب تک ہم 3 ہزار وینٹی لیٹر بُک کر چکے ہیں،اپریل کے آخر تک 1200 وینٹی لیٹر ہمارے پاس موجود ہوں گے۔

اسلام آباد : چیئرمین این ڈی ایم اے لیفٹیننٹ جنرل محمد افضل کا کہنا ہے کہ لوگ منافع خوری چھوڑیں اور اپنی قوم کی مدد کریں۔

تفصیلات کے مطابق چیئرمین این ڈی ایم اے لیفٹیننٹ جنرل محمد افضل نے سینئر صحافیوں سےگفتگو کرتے ہوئے کہا کہ وسائل کو دیکھتے ہوئے فیصلے کر رہے ہیں۔

انہوں نے کہا کہ دنیا بھر میں وینٹی لیٹر سمیت دیگر سامان کی خریداری کے لیے گئے، بدقسمتی سے چین کے علاوہ کہیں بھی ہمیں سامان نہیں ملا، چین نے 800 وینٹی لیٹر فوری طور پر دینے کا کہا۔

چیئرمین این ڈی ایم اے کا کہنا تھا کہ کل چین سے ابتدائی طور پر این 95 ماسک پاکستان آئیں گے، ہمارا اصل کام جمعے سے شروع ہوگا، طبی سامان آنا شروع ہوگا۔

لیفٹیننٹ جنرل محمد افضل نے کہا کہ ڈاکٹرز پروٹیکشن کٹ، 50 ہزار ٹیسٹنگ کٹس اور دیگر سامان چین دے گا۔انہوں نے کہا کہ 28 مارچ کو ایک دن کے لیے ہوسکتا ہے ہم سرحد کھول دیں، 27 مارچ کو ہم چین میں آرڈرز لکھوا دیں گے، 28 مارچ کو سامان آئے گا، پاکستان میں ڈیڑھ ماہ میں6 آرڈر بُک کرائے ہیں۔

چیئرمین این ڈی ایم اے کا کہنا تھا کہ کرونا وائرس ختم ہوگیا تو بہت پیسے آجائیں گے یہ وقت مدد کا ہے، لوگ منافع خوری چھوڑیں اور اپنی قوم کی مدد کریں۔

انہوں نے کہا کہ پاکستانی امپورٹرز کو کہا ہے ایک دن کے لیے بارڈر کھل رہا ہے، ایک دن کے لیے بارڈر کھلنےکی صورت میں چیزیں منگوا لیں۔

اسلام آباد : چیئرمین این ڈی ایم اے لیفٹیننٹ جنرل محمد افضل کا کہنا ہے کہ چین نے فوری ایک ہزار وینٹی لیٹر دینے کا کہا ہے۔

تفصیلات کے مطابق وفاقی دارالحکومت اسلام آباد میں سینئر صحافیوں سے گفتگو کرتے ہوئے چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل نے کہا کہ ہر بڑے اسپتال میں ایک وارڈ کو آئسولیشن کے لیے مختص کر دیا۔

انہوں نے کہا کہ چھوٹے اسپتالوں میں 4،6 بیڈز کو آئسولیشن کے لیے مختص کر دیا، طبی عملے کی حفاظت کے لیے سامان کی فراہمی کی پوری کوشش کر رہے ہیں، ہمارے پاس اسٹاک میں15 ہزار ماسک موجود ہیں۔

چیئرمین این ڈی ایم اے کا کہنا تھا کہ ہمارے پاس آج رات 50 ہزار مزید ماسک پہنچ جائیں گے، علی بابا ڈاٹ کام کی جانب سے بھی15 ہزار ماسک جلد آجائیں گے۔

لیفٹیننٹ جنرل محمد افضل نے کہا کہ عالمی سطح پر وینٹی لیٹر کی دستیابی بہت مشکل ہوگئی ہے، چین میں دیگر ممالک نے ایک ایک سال کی پروڈکشن بک کرالی ہے۔

انہوں نے کہا کہ پاکستان میں چینی سفیر کی کوششوں سے پاکستان کو ایک ہزار وینٹی لیٹر مل جائیں گے، چین نے ہمیشہ کی طرح پاکستان کی مدد کی ہے، چین نے فوری ایک ہزار وینٹی لیٹر دینے کا کہا ہے۔

چیئرمین این ڈی ایم اے کا کہنا تھا کہ ملک بھر میں 9 بڑے اسپتالوں کو تیار کرلیاگیا ہے، 1600بستروں پر مشتمل اسپتال کا بندوبست ہوچکا ہے۔

میرپور: وزیر اعظم عمران خان کل میرپور آزاد کشمیر جا کر زلزلے سے متاثرہ علاقوں کا دورہ کریں گے۔

تفصیلات کے مطابق وزیر اعظم عمران خان کل بذریعہ ہیلی کاپٹر زلزلہ متاثرہ علاقوں کا دورہ کریں گے، اور ڈویژنل ہیڈ کوارٹر اسپتال میں زلزلہ متاثرین سے ملیں گے۔

آج چیئرمین این ڈی ایم اے لیفٹیننٹ جنرل محمد افضل نے میرپور آزاد کشمیر میں زلزلے سے متاثرہ علاقوں کا دورہ کیا۔

چیئرمین این ڈی ایم اے نے کہا کہ زلزلے کے باعث 5 ہزار گھر بری طرح متاثر ہو چکے ہیں، سب سے زیادہ تباہی ساہنگ کے قریب گاؤں میں ہوئی۔

یاد رہے کہ اسلام آباد اور پنجاب کے متعدد شہروں سمیت آزاد کشمیر میں منگل کی سہ پہر کو 5.8 کی شدت کا زلزلہ آیا تھا جس کے باعث 25 افراد جاں بحق جب کہ 452 افراد زخمی ہوئے۔

یہ بھی پڑھیں:  آزاد کشمیر زلزلہ، قدرت کا معجزہ، تین روز بعد لڑکی زندہ سلامت ملبے سے برآمد

زلزلے کے باعث آزاد کشمیر میں میرپور، بھمبر اور جاتلاں کے علاقے زیادہ متاثر ہوئے جہاں زلزلے نے زبردست تباہی پھیلائی، جہاں بڑی تعداد میں مکانات، عمارتیں اور دیواریں منہدم ہوئیں۔

موصولہ اطلاعات کے مطابق آزاد کشمیر میں آیا زلزلہ اگرچہ درمیانی شدت کا تھا لیکن احتیاطی تدابیر نہ ہونے کے سبب شہریوں کو زیادہ جانی و مالی نقصان کا سامنا کرنا پڑا۔

این ڈی ایم اے کے مطابق ضلع میرپور میں زلزلے کے باعث پندرہ سو سے زاید مکانات مکمل طور پر تباہ ہوئے جب کہ سات ہزار سے زیادہ کو جزوی نقصان پہنچا۔

اس زلزلے میں میرپور کو جاتلاں سے ملانے والی مرکزی شاہراہ بھی شدید ٹوٹ پھوٹ کا شکار ہو گئی ہے، جگہ جگہ سڑک دھنس گئی، ایک پل کو بھی نقصان پہنچا۔

اوچ شریف: دریائے ستلج میں پانی کی سطح میں مسلسل اضافہ ہو رہا ہے، پانی کے دباؤ کے باعث موضع عظمت پور میں زمیندارہ بند ٹوٹ گیا۔

تفصیلات کے مطابق بھارت کی جانب سے آبی جارحیت کے نتیجے میں دریائے ستلج میں پانی کی سطح مسلسل اونچی ہو رہی ہے، زمیندارہ بند ٹوٹنے سے عظمت پور اور مکھن بیلہ کے علاقے زیر آب گئے۔

سیلابی صورت حال سے نمٹنے کے لیے اہل علاقہ اپنی مدد آپ کے تحت بند بنانے میں مصروف ہیں۔

دوسری طرف چئیرمین این ڈی ایم اے لیفٹیننٹ جنرل محمد افضل نے تلوار پوسٹ پر دریائے ستلج میں سیلابی صورت حال کا جائزہ لیا، انھوں نے کہا کہ سیلاب متاثرین کے نقصانات کے ازالے کے لیے ٹیمیں کام کر رہی ہیں۔

[bs-quote quote=”سیلاب سے پنجاب بھر میں صرف ایک جانی نقصان ہوا ہے۔” style=”style-8″ align=”left” author_name=”چیئرمین این ڈی ایم اے”][/bs-quote]

انھوں نے کہا کہ پانی چھوڑنے سے ملکوں کو بہت بڑا نقصان ہوتا ہے، ہم نے اپنے ذرایع سے پتا کروا لیا تھا کہ بھارت پانی چھوڑے گا، سیلابی صورت حال سے نمٹنے کے لیے 16 اگست سے تیاری کر لی تھی جب کوئی سیلابی ڈیٹا نہیں آیا تھا۔

چیئرمین کا کہنا تھا کہ ہم اپنی ذمہ داری نبھانے کے لیے ہر وقت تیار ہیں، ضلعی انتظامیہ کے ساتھ مل کر ہم ہونے والے نقصانات کا جائزہ لے رہے ہیں، میں نے پورے علاقے کا فضائی دورہ کیا، تحصیل اور ڈسٹرکٹ لیول پر نقصانات کا جائزہ لے رہے ہیں۔

انھوں نے کہا کہ جب پانی نیچے جائے گا تو اس کے بعد پھیلنے والی بیماریوں سے نمٹنے کے لیے بھی تیار ہیں۔

چیئرمین کا کہنا تھا کہ بھارت کی جانب سے بغیر اطلاع پانی چھوڑا گیا، بھارت نے سندھ طاس معاہدے کی خلاف ورزی کی، اس کے بارے میں متعلقہ اداروں کو آگاہ کیا جائے گا، دریائے ستلج میں بھارت کی جانب سے جو پانی چھوڑا گیا تھا پی ڈی ایم اے نے تمام متعلقہ اداروں کو آگاہ کر دیا تھا۔

انھوں نے یہ بھی کہا کہ سیلاب سے پنجاب بھر میں صرف ایک جانی نقصان ہوا ہے، کام کرنے والی ٹیمیں لوگوں کی فصلوں کے نقصانات کا تخمینہ لگائیں گی۔

چیئرمین این ڈی ایم اے نے کہا کہ دریائے ستلج کے سیلاب سے متاثرہ 4 ہزار افراد کو صحت کی سہولیات دی گئیں اور 13 ہزار افراد محفوظ مقامات پر منتقل کیا گیا، مشکل کی اس گھڑی میں حکومت سیلاب متاثرین کی ہر ممکن مدد کرے گی۔