Tag: چیئرمین تحریک انصاف بیرسٹر گوہر

  • پی ٹی آئی آئینی ترمیم پر رضامند ہوئی یا نہیں؟ چیئرمین تحریک انصاف کا بڑا بیان

    پی ٹی آئی آئینی ترمیم پر رضامند ہوئی یا نہیں؟ چیئرمین تحریک انصاف کا بڑا بیان

    خواجہ آصف کے پی ٹی آئی کے آئینی ترمیم سے متعلق رضامندی کے بیان کے بعد چیئرمین تحریک انصاف بیرسٹر گوہر کا ردعمل بھی سامنے آگیا ہے۔

    چیئرمین پاکستان تحریک انصاف بیرسٹر گوہر خان نے کہا ہے کہ پی ٹی آئی آئینی ترمیم سے متعلق رضامند نہیں ہوئی، پی ٹی آئی نے دسمبر تک رضامندی سے متعلق کوئی گفتگو نہیں کی، تحریک انصاف نے کسی بھی آئینی ترمیم پر ساتھ دینے کا نہیں کہا۔

    بیرسٹر گوہر خان نے واضح کیا کہ خواجہ آصف سے آئینی ترمیم سے متعلق کوئی گفتگو نہیں ہوئی، خواجہ آصف پارلیمان کی خصوصی کمیٹی کا حصہ نہیں ہیں۔

    انھوں نے کہا کہ پی ٹی آئی نے ڈرافٹ یا ورکنگ پیپر مانگا تاکہ تفصیلات سامنے آئیں، پاکستان تحریک انصاف نے کسی تجویز یا پیکج پر ساتھ دینے کا نہیں کہا۔

    بیرسٹر گوہر نے کہا کہ پی ٹی آئی نے حکومت سے مطالبہ کیا کہ پہلے ترمیم کا مسودہ تو دکھائیں، جب مسودہ، تجویز یا پیکج دکھایا نہیں تو رضامندی کی بات درست نہیں۔

  • چیئرمین تحریک انصاف بیرسٹر گوہر علی خان کو رہا کردیا گیا

    چیئرمین تحریک انصاف بیرسٹر گوہر علی خان کو رہا کردیا گیا

    پاکستان تحریک انصاف کے چیئرمین بیرسٹر گوہر علی خان کو رہا کردیا گیا، پولیس نے انھیں مقدمے سے ڈسچارج کردیا ہے۔

    اے آر وائی نیوز کے مطابق پولیس نے بتایا کہ بیرسٹر گوہر کو سنگجانی کےمقدمے سے ڈسچارج کردیا گیا ہے، جس کے بعد انھیں اسلام آباد پولیس نے رہا کردیا ہے، اپنی رہائی کے بعد بیرسٹرگوہر نے بتایا کہ پولیس نے گرفتارکرکے مقدموں سے متعلق پوچھ گچھ کی۔

    چیئرمین پی ٹی آئی نے کہا کہ پولیس نے بتایا کہ مجھ پرکوئی مقدمہ نہیں، آج 10 ستمبر 2024 پاکستان کی جمہوریت کا کالا دن مانا جائیگا۔

    بیرسٹر گوہر نے کہا کہ 10 ستمبر کا دن پی ٹی آئی نہیں بھولے گی، کل نقاب پوش افراد پارلیمان میں داخل ہوئے 10 ایم این ایز کو گرفتار کیاگیا، اسمبلی کے دروازے کے باہر پولیس تعیناتی تھی، میں نے کل خود گرفتاری دے دی تھی۔

    انھوں نے کہا کہ شیر افضل مروت اور مجھے دروازے سے گرفتار کیاگیا، نقاب پوشوں نے ہمارے 10 ایم این ایز کو اسمبلی کی حدود سے گرفتار کیا۔

    بیرسٹرگوہر نے کہا کہ امید کرتے ہیں اسپیکرقومی اسمبلی اس معاملےکی تہہ تک جائیں گے، امید کرتے ہیں اس واقعے کی سی سی ٹی وی منظرعام پر آئیں گی، سختیاں کی گئیں، چادر اور چاردیواری کا تقدس پامال کیاگیا۔

    انھوں نے کہا کہ ہم نے پارلیمان میں رہتے ہوئے اپنا کردار ادا کیا، 70 فیصد عوام کی نمائندگی کرنیوالی جماعت کو اسپیس نہیں دیا جارہا۔

    چیئرمین تحریک انصاف کا کہنا تھا کہ حکومت کے ایسے کام سے غیرسیاسی لوگ زور پکڑیں گے،7 کے بجائے ساڑھے 8 بجے جلسہ ختم کرنے پر دنیا میں کہاں جرم سمجھا جاتا ہے۔

  • ’’3 کروڑ لوگوں نے پی ٹی آئی کو ووٹ دیا، کسی جماعت پر پابندی نہیں لگنی چاہیے‘‘

    ’’3 کروڑ لوگوں نے پی ٹی آئی کو ووٹ دیا، کسی جماعت پر پابندی نہیں لگنی چاہیے‘‘

    چیئرمین تحریک انصاف بیرسٹر گوہر نے کہا ہے کہ 3 کروڑ لوگوں نے پی ٹی آئی کو ووٹ دیا، کسی سیاسی جماعت پر پابندی نہیں لگنی چاہیے۔

    اے آر وائی کے مطابق میڈیا سے گفتگو کرتے ہوئے بیرسٹر گوہر نے کہا کہ بانی پی ٹی آئی نے کہا ہے ہرادارہ اپنے فرائض انجام دے، کسی ادارے کی سیات میں مداخلت نہیں ہونی چاہیے، پارلیمان میں کبھی کسی سیاسی پارٹی پر پابندی کی قرارداد نہیں آئی۔

    بیرسٹرگوہر کا کہنا تھا کہ پی ٹی آئی پارلیمنٹ میں سب سے بڑی جماعت بن کرابھررہی ہے، ہم مذمت کرتے ہیں ججز کو نشانہ نہیں بنانا چاہیے۔

    انھوں نے کہا کہ ہم نے آج بھی بھوک ہڑتالی کیمپ لگایا ہے، ہمیں امید ہے عدلیہ گرفتارسوشل میڈیا ارکان کو انصاف فراہم کرےگی۔

    چیئرمین پی ٹی آئی بیرسٹر گوہر کا کہنا تھا کہ ہم نے جو لسٹیں ہیں انھیں شائع کیا، بانی پی ٹی آئی کی منظوری سے کمیٹیاں بنائیں۔