قاہرہ : مصری صدر جنرل عبدالفتح السیسی نے چیئرمین جوائنٹ چیفس آف اسٹاف کمیٹی جنرل ندیم رضا سے ملاقات میں دہشت گردی کیخلاف جنگ میں پاکستان کی قربانیوں کا اعتراف کیا۔
پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے مصر کا دورہ کیا ، دورے کے دوران جنرل ندیم رضا نے مصری صدرجنرل عبدالفتح السیسی سے ملاقات کی ، ملاقات میں فوجی تعاون، سیکیورٹی، انسداد دہشت گردی اور علاقائی صورتحال پربات چیت کی گئی۔
آئی ایس پی آر کا کہنا تھا کہ مصری صدر نے پاکستان کی مسلح افواج کیلئے نیک جذبات کااظہار کرتے ہوئے کہا مصرپاکستان کےساتھ تعلقات کو خصوصی اہمیت دیتا ہے۔
جنرل ندیم رضا نے کہا پاکستان مصرسےفوجی تعاون کومزیدفروغ دینےکاخواہاں ہے، جس پر مصری صدر نے دہشتگردی کیخلاف جنگ میں پاکستان کی قربانیوں کا اعتراف کیا۔
دوسری جانب جنرل ندیم رضاکی مصری وزیردفاع اور تینوں مسلح افواج کےسربراہان سے بھی ملاقاتیں ہوئیں، جنرل ندیم رضانےدفاع اور سیکیورٹی امورپر گفتگو کے دوسرے راؤنڈ کی قیادت کی اور انتہاپسندی کےخاتمے سمیت علاقائی استحکام کیلئے پاکستان کےکردار پر روشنی ڈالی۔
