Tag: چیئرمین سینیٹ

اسلام آباد: وزیراعلیٰ بلوچستان جام کمال نے کہا ہے کہ گزشتہ چند دنوں سے چیئرمین سینیٹ سے متعلق کچھ افواہیں ہیں، ان وجوہات کا تعلق کارکردگی یا سینیٹ نہیں سیاسی ہے۔

تفصیلات کے مطابق وزیراعلیٰ بلوچستان جام کمال نے بلوچستان ہاؤس میں پریس کانفرنس کرتے ہوئے کہا کہ گزشتہ چند دنوں سے چیئرمین سینیٹ کو ہٹانے کی باتیں ہورہی ہیں، صادق سنجرانی نے سینیٹ کے ایوان کو بڑے اچھے اندازمیں چلایا ہے ان کو ہٹانے کی باتیں سیاسی ہیں۔

انہوں نے کہا کہ بلوچستان کا نام لے کر چیئرمین سینیٹ کی تبدیلی کی بات ہورہی ہے، بلوچستان میں احساس محرومی ہے، بلوچستان کی سیاست اور ایشوز کو یہاں بیٹھ کر سمجھنا درست نہیں ہے۔

مزید پڑھیں: آصف زرداری سے تحریک عدم اعتماد سے متعلق کوئی بات نہیں ہوئی، صادق سنجرانی

جام کمال نے کہا کہ تمام جماعتوں سے امید ہے کہ وہ معاملے پر اپنے موقف پر غور کریں گے۔

وزیراعلیٰ بلوچستان نے کہا کہ آج سینیٹ اور قومی اسمبلی کو مضبوط اور مستحکم ہونے کی ضرورت ہے، اختر مینگل کے چھ نکات کسی پارٹی کی نہیں ہم سب کی آواز ہیں۔

واضح رہے کہ چند روز قبل شریک چیئرمین پیپلزپارٹی آصف علی زرداری کی عیادت کی تھی، صادق سنجرانی کا کہنا تھا کہ تحریک عدم اعتماد سے متعلق کوئی بات نہیں ہوئی، ان کی عیادت کے لیے آیا تھا۔

چیئرمین سینیٹ کا مزید کہنا تھا کہ وزیر اعظم عمران خان سے بھی اس معاملے پر ابھی تک کوئی بات نہیں ہوئی، جب اے پی سی ہوگی تب دیکھ لیں گے۔

اسلام آباد: بلوچستان عوامی پارٹی کے رہنماؤں نے پیپلز پارٹی کے شریک چیئرمین آصف زرداری سے ملاقات کرتے ہوئے مطالبہ کیا ہے کہ چیئرمین سینیٹ سے متعلق فیصلے پر نظر ثانی کی جائے۔

تفصیلات کے مطابق بی اے پی کے رہنماؤں نے آج اسلام آباد میں سابق صدر آصف زرداری سے ملاقات کی، یہ ملاقات ڈپٹی چیئرمین سینیٹ سلیم مانڈوی والا کے چیمبر میں ہوئی۔

وفد کی سربراہی سابق وزیر اعلیٰ بلوچستان صالح بھوتانی نے کی، سابق ڈپٹی چیئرمین سینیٹ جان محمد جمالی، رہنما بلوچستان عوامی پارٹی خالد مگسی اور سینیٹر نصیب اللہ بازائی بھی وفد میں شامل تھے، فاٹا کی طرف سے نمایندگی سینیٹر مرزا آفریدی نے کی۔

وفد نے آصف زرداری سے مطالبہ کیا کہ چیئرمین سینیٹ سےمتعلق فیصلے پر نظر ثانی سے کی جائے، وفد نے اس موقع پر کہا کہ بلوچستان سے چیئرمین سینیٹ کا انتخاب خوش آیند اقدام تھا، تاہم اس فیصلے سے بلوچستان کی محرومیوں میں اضافہ ہوگا۔

وفد کے جواب میں آصف علی زرداری نے کہا کہ چیئرمین سینیٹ کے ہٹانے کے حوالے سے فیصلہ اے پی سی میں ہوا ہے، اور اس سلسلے میں حتمی فیصلہ رہبر کمیٹی کرے گی۔

سابق آصف زرداری نے وفد سے کہا کہ فیصلے سے متعلق پارٹی مشاورت کے بعد آگاہ کروں گا۔

خیال رہے کہ چیئرمین سینیٹ کی تبدیلی سے متعلق رہبر کمیٹی تشکیل دے دی گئی ہے، ن لیگ نے شاہد خاقان عباسی اور احسن اقبال کے نام رہبر کمیٹی کے لیے تجویر کر دیے ہیں، یہ کمیٹی چیئرمین سینیٹ سے متعلق ناموں کو حتمی شکل دے گی۔

چیئرمین سینیٹ کا نام تا حال فائنل نہیں کیا گیا ہے، مسلم لیگ ن کی جانب سے میر حاصل بزنجو کے نام پر غور کیا گیا۔

اسلام آباد: نیب کی ٹیم سابق صدر آصف علی زرداری اور خواجہ سعد رفیق کو پارلیمنٹ ہاؤس سے لے کر روانہ ہوگئی، سارجنٹ ایٹ آرمز نے پی پی شریک چیئرمین اور سعد رفیق کو نیب ٹیم کے حوالے کیا۔

دریں اثنا، آصف زرداری سے صحافی نے سوال کیا کہ کیا چیئرمین سینیٹ توازن برقرار رکھ پائیں گے۔

سابق صدر نے مسکراتے ہوئے جواب دیا کہ یہ تو سیاسی باتیں ہیں، سیاسی لوگوں سے پوچھیں، ہمیں کیا پتا۔ چیئرمین سینیٹ کے خلاف تحریک عدم اعتماد پر انھوں نے کہا کہ اگر تحریک آئی تو کیا بتا کرآئے گی؟

صحافی نے سوال کیا کہ کیا یہ معاملہ اے پی سی میں زیر غور آئے گا، جس پر آصف زرداری نے جواب دیا کہ جو اے پی سی بلا رہے ہیں یہ وہی بتائیں گے۔

یہ بھی پڑھیں:  آصف زرداری سے تحریک عدم اعتماد سے متعلق کوئی بات نہیں ہوئی، صادق سنجرانی

خیال رہے کہ چیئرمین سینیٹ صادق سنجرانی کے خلاف اپوزیشن کی عدم اعتماد کی ممکنہ تحریک کے پیشِ نظر آج آصف زرداری سے چیئرمین سینیٹ نے خصوصی ملاقات کی۔

ذرایع کا کہنا تھا کہ صادق سنجرانی نے آصف زرداری سے غلط فہمیاں دور کرنے کی کوشش کی ہے۔ واضح رہے کہ چیئرمین سینیٹ صادق سنجرانی چھٹی کے دن پارلیمنٹ ہاؤس پہنچے تھے۔

تاہم چیئرمین سینیٹ صادق سنجرانی نے کہا ہے کہ آصف زرداری سے تحریک عدم اعتماد سے متعلق کوئی بات نہیں ہوئی، ان کی عیادت کے لیے آیا تھا۔

اسلام آباد: چیئرمین سینیٹ صادق سنجرانی نے کہا ہے کہ پاکستان نے دہشت گردی کے خلاف جنگ جیت لی ہے، پاکستان نے ہمیشہ اپنی سرحدوں کا بھرپور دفاع کیا ہے۔

تفصیلات کے مطابق چیئرمین سینیٹ صادق سنجرانی نے پیغام اسلام کانفرنس سے خطاب کرتے ہوئے کہا کہ مذہبی ہم آہنگی و باہمی برداشت کے فروغ کی ضرورت ہے، موجودہ حالات میں علمائے کرام کی رہنمائی مشعل راہ ہے، اسلام امن و برداشت کا مذہب ہے۔

چیئرمین سینیٹ نے کہا کہ اسلام اخوت، مساوات، برداشت اور مذہبی و سماجی اتحاد کی تعلیم دیتا ہے، پاکستان صرف ایک ریاست کا نام نہیں ہے، پاکستان بے پناہ شہداء کی قربانیوں کا مظہر ہے۔

انہوں نے کہا کہ پارلیمان کو اپنی ذمہ داریوں کا مکمل ادارک ہے، ہم سب کو مل کر ریاست کی مضبوطی اور استحکام کے لیے کام کرنا ہوگا۔

مزید پڑھیں: پوری پارلیمنٹ مسلح افواج کے شانہ بشانہ کھڑی ہے، صادق سنجرانی

صادق سنجرانی نے کہا کہ دہشت گردی کو کسی خاص مذہب سے منسلک کرنا درست نہیں ہے، مسلم امہ کو جارحیت، تعصب اور دہشت گردی کا سامنا ہے، مسلم امہ کو درپیش چیلنجز سے نمٹنے کے لیے متحد ہونا ہوگا۔

واضح رہے کہ رواں سال فروری میں پاک بھارت کشیدگی کے حوالے سے چیئرمین سینیٹ صادق سنجرانی کا کہنا تھا کہ پوری پارلیمنٹ اپنی مسلح افواج کے شانہ بشانہ کھڑی ہے۔

صادق سنجرانی کا کہنا تھا کہ اوآئی سی کے ممبر ممالک کو تحفظات سے آگاہ کردیا ہے، پارلیمانی ڈپلومیسی پربھی کام کررہے ہیں، پوری پارلیمنٹ اپنی افواج کے ساتھ کھڑی ہے۔