ARYNews.tv | Urdu – Har Lamha Bakhabar

Tag: چیئرمین نیب

  • گیلپ سروے کے مطابق 59 فی صد افراد کا نیب پر بھرپور اعتماد ہے: چیئرمین نیب

    گیلپ سروے کے مطابق 59 فی صد افراد کا نیب پر بھرپور اعتماد ہے: چیئرمین نیب

    اسلام آباد: چیئرمین نیب جسٹس (ر) جاوید اقبال نے کہا ہے کہ گیلپ سروے کے مطابق 59 فی صد افراد کا نیب پر بھرپور اعتماد ہے۔

    تفصیلات کے مطابق چیئرمین نیب جسٹس (ر) جاوید اقبال کی زیرِ صدارت نیب ہیڈ کوارٹرز میں اجلاس منعقد ہوا، اجلاس سے خطاب کرتے ہوئے چیئرمین نیب نے کہا کہ میگا کرپشن کیسز کو قانون کے مطابق منطقی انجام تک پہنچانے کا عمل جاری ہے۔

    اجلاس میں انھوں نے نیب کے آپریشن ڈویژن، پراسیکیوشن ڈویژن اور میگا کرپشن کیسز کا جائزہ لیا، جاوید اقبال کا کہنا تھا کہ نیب میں میگا کرپشن کیسز سالہا سال تک نہیں چلیں گے۔

    میگا کرپشن کیسز کی تفصیلات بتاتے ہوئے چیئرمین نیب نے کہا کہ 179 میگا کرپشن کیسز کو قانون کے مطابق منطقی انجام تک پہنچایا جائے گا، ان کیسز میں سے 105 بد عنوانی ریفرنس کے تحت احتساب عدالت میں جمع کرائے جا چکے ہیں۔

    انھوں نے اجلاس کو بریفنگ میں کہا کہ 15 کیسز میں انکوائریاں جاری ہیں جب کہ 18 کیسز انویسٹی گیشن کے مراحل میں ہیں، 41 مقدمات کو قانون کے مطابق منطقی انجام تک پہنچایا جا چکا ہے۔

    یہ بھی پڑھیں:  ارکان پارلیمنٹرین کے اثاثوں کی چھان بین کے لیے حکمت عملی تیار

    قبل ازیں، چیئرمین نیب جاوید اقبال سے بلوچستان کے وکلا کے وفد نے ملاقات کی، جس میں انھوں نے وکلا کو درپیش مسائل حل کرنے کی یقین دہانی کرائی، بلوچستان کے وکلا کے وفد نے بھی نیب کو مکمل تعاون کا یقین دلایا۔

    چیئرمین نیب نے کہا کہ ملک سے بد عنوانی کا خاتمہ نیب کی اولین ترجیح ہے، نیب احتساب سب کے لیے کی پالیسی پر عمل پیرا ہے، بد عنوان عناصر کو منطقی انجام تک پہنچایا جا رہا ہے، اس کا اعتراف معتبر ملکی و غیر ملکی اداروں نے رپورٹس میں کیا ہے۔

  • کرپشن تمام برائیوں کی ماں ہے، چیئرمین نیب

    کرپشن تمام برائیوں کی ماں ہے، چیئرمین نیب

    لاہور : چیئرمین نیب جسٹس(ر)جاوید اقبال نے کہا کرپشن تمام برائیوں کی ماں ہے، کرپشن کے خاتمے کیلئے آہنی ہاتھوں سے نمٹا جائے گا۔

    تفصیلات کے مطابق چیئرمین نیب جسٹس(ر)جاوید اقبال کی زیرصدارت نیب ہیڈکوارٹرمیں اجلاس ہوا، اجلاس میں نیب کی کارکردگی کا جائزہ لیا گیا۔

    اس موقع پر چیئرمین نیب نے کہا کرپشن تمام برائیوں کی ماں ہے، کرپشن کو جڑ سے اکھاڑ پھیکنا نیب کی ترجیحات ہے، کرپشن کے خاتمے کیلئے آہنی ہاتھوں سے نمٹا جائے گا۔

    جسٹس(ر)جاوید اقبال کا کہنا تھا نیب 16ماہ میں590 بدعنوانی کے ریفرنس دائر کرچکا ہے جبکہ 567 افرادگرفتار اور 4200 ملین روپے بھی ریکور کیے۔

    مزید پڑھیں : کفن میں جیب نہیں ہوتی: چیئرمین نیب

    یاد رہے دو روز قبل چیئرمین نیب (ر) جسٹس جاوید اقبال کا کہنا تھا ہم نے ڈبل شاہ کو سنگل شاہ بنا دیا، امیر ہونے کا خواب دیکھنے والوں کو پتا ہونا چاہیے کہ کفن میں جیب نہیں ہوتی۔

    اس سے قبل ان کا کہنا تھا میگا کرپشن کے مقدمات کو منطقی انجام تک پہنچانا سب کی اولین ترجیح ہے اور نیب ملک سے بدعنوانی کے خاتمے کی پالیسی پر قانون کے مطابق بلا تفریق عمل پیرا ہے، بدعنوانی تمام برائیوں کی جڑ ہے اور نیب افسران قومی فریضہ سمجھ کر فرائض سرانجام دے رہے ہیں۔

    جاوید اقبال نے کہا تھا نیب آپ سب کا ادارہ ہے، ایسا قدم نہیں اٹھائے گا ، جس سے ملکی معیشت کو نقصان ہو، ایک بات طے ہے کہ نیب احتساب کا عمل نہیں روکے گا اور جس کسی نے بھی کرپشن کی ہے اسے کسی صورت رعایت نہیں دی جائےگی ۔

  • کفن میں جیب نہیں ہوتی: چیئرمین نیب

    کفن میں جیب نہیں ہوتی: چیئرمین نیب

    اسلام آباد: چیئرمین نیب (ر) جسٹس جاوید اقبال نے کہا ہے کہ ہم نے ڈبل شاہ کو سنگل شاہ بنا دیا، امیر ہونے کا خواب دیکھنے والوں کو پتا ہونا چاہیے کہ کفن میں جیب نہیں ہوتی.

    ان خیالات کا اظہار انھوں نے فیروز پور سٹی کے متاثرین سے خطاب کرتے ہوئے کیا. انھوں نے کہا کہ اپنے دور سے لے کراب تک 303 ارب کرپٹ لوگوں سے وصول کئے.

    نیب کے 900 ارب کے1210 ریفرنس زیر سماعت ہیں، نجی ہاؤسنگ سوسائٹی کے پرکشش اشتہاروں کا متعلقہ اداروں کو نوٹس لینا چاہیے، بعض سوسائٹیز ملی بھگت سے اربوں کی زمین فروخت کردیتے ہیں، بدعنوانی برائیوں کی جڑ ہے، ترقی اورخوشحالی کی راہ میں بڑی رکاوٹ ہے.

    مزید پڑھیں: نیب نے حمزہ شہباز کی ضمانت خارج کرانے کی تیاری کرلی

    ٹرانسپیرنسی انٹرنیشنل سمیت مختلف فورم پرکارکردگی کوسراہا گیا، ایک سال میں پیشہ واریت شفافیت اور میرٹ کے ساتھ کام کیا، ہمارے افسران نےبہترین صلاحیتوں کا استعمال کیا.

    چیئرمین نیب جاوید اقبال کورٹ میں مجموعی سزاکی شرح 70 فیصد ہے، 2008 سے دیگر اداروں کی نسبت نیب کارکردگی شان دار رہی.

  • آئندہ نیب میری اجازت کےبغیرگریڈ 19 یااس سےاوپر کےافسرکوازخود گرفتارنہ کرے، چیئرمین نیب

    آئندہ نیب میری اجازت کےبغیرگریڈ 19 یااس سےاوپر کےافسرکوازخود گرفتارنہ کرے، چیئرمین نیب

    لاہور : چیئرمین نیب جاویداقبال کا کہنا ہے ایک بات طے ہے کہ نیب احتساب کا عمل نہیں روکے گا اور جس کسی نے بھی کرپشن کی ہے اسے کسی صورت رعایت نہیں دی جائےگی، ملک کاہم پرکچھ قرض ہےجوہم نےاتارناہے، آئندہ نیب کا ریجنل آفس گریڈ 19 یا اس سے اوپر کے افسر کو از  خود گرفتار نہیں کر ےگا ،مجھ سے پیشگی اجازت لی جائےگی۔

    تفصیلات کے مطابق لاہور میں چیئرمین نیب جاویداقبال نے سول سیکرٹریٹ میں افسران سےخطاب کرتے ہوئے کہا بیورو کریسی ملک کےلیےریڑھ کی ہڈی ہے، بلا خوف و خطر قانون کے تحت فرائض انجام دے، اگر وہ فیصلے نہیں کرے گی تو ہم آگے کیسے بڑھیں گے، حکومت پالیسی بناتی ہے اور عملدرآمد بیورو کریسی کا کام ہے۔

    بیورو کریسی ملک کےلیےریڑھ کی ہڈی ہے

    چیئرمین نیب کا کہنا تھا پروپیگنڈاکیاگیانیب کی وجہ سے بیورو کریسی نے کام چھوڑ دیا، جائزہ لیا تو بیورو کریسی کے مقدمات نہ ہونے کے برابر تھے، پروپیگنڈے کا مقصد نیب پر الزام، بیوروکریسی کی حوصلہ شکنی تھا، بدعنوان عناصرسے330ارب قومی خزانےمیں جمع کرائے۔

    جسٹس (ر) جاوید اقبال نے کہا آج ہم اگرعہدوں پرفائزہیں توپاکستان کی وجہ سےہیں، ملک کاہم پرکچھ قرض ہےجوہم نےاتارناہے، بیوروکریسی سیاسی دباؤ بالائےطاق رکھے، عدالت بیوروکریسی کےقانونی اقدامات کاتحفظ کررہی ہے، بیوروکریسی قانون کےمطابق کام کرےتونیب کیوں بلائےگا۔

    ان کا کہنا تھا کسی سیکرٹری کیخلاف شکایت آئی توذاتی طورپر جائزہ لوں گا، آئندہ نیب کا ریجنل آفس گریڈ 19 یا اس سے اوپر کے افسر کو از خود گرفتار نہیں کر ےگا ،مجھ سے پیشگی اجازت لی جائےگی اور کرپشن کے الزام میں گرفتار کسی افسر کو ہتھکڑی بھی نہیں لگائی جائےگی۔

    کرپشن کے الزام میں گرفتار کسی افسر کو ہتھکڑی بھی نہیں لگائی جائےگی

    چیئرمین نیب نے کہا کہ گزشتہ برس پنجاب میں میگا کرپشن کیسز سامنے آئے اور ہم نے جن بیورو کریٹس کے خلاف کارروائی کی ان کے خلاف ٹھوس شواہد موجود ہیں اور شواہد سے ثابت کروں گا نیب جوکام کر رہا ہے وہ درست ہے۔

    ان کا کہنا تھا میگا کرپشن کے مقدمات کو منطقی انجام تک پہنچانا سب کی اولین ترجیح ہے اور نیب ملک سے بدعنوانی کے خاتمے کی پالیسی پر قانون کے مطابق بلا تفریق عمل پیرا ہے، بدعنوانی تمام برائیوں کی جڑ ہے اور نیب افسران قومی فریضہ سمجھ کر فرائض سرانجام دے رہے ہیں۔

    جسٹس (ر) جاوید اقبال نے کہا کہ جائز معاملات میں افسران کے ساتھ مکمل تعاون کیا جائے گا، کوئی بھی افسر کسی وقت بھی مجھ سے مل سکتا ہے، افسران کرپشن کے خاتمے کے لئے کلیدی کردار ادا کریں۔

    جس کسی نے بھی کرپشن کی ہے اسے کسی صورت رعایت نہیں دی جائےگی

    چیئرمین نیب کا کہنا تھا کہ بیورو کریسی مکمل ذمہ داری اور اعتماد کے ساتھ فرائض انجام دے اور دیکھے کہ کام کرنے کے لیے ماحول سازگار ہے یا نہیں، بیوروکریسی دیکھے تقرری کی مدت اور تقرر و تبادلے میرٹ پر اور درست ہو رہے ہیں یا نہیں۔

    انہوں نے کہا نیب آپ سب کا ادارہ ہے، ایسا قدم نہیں اٹھائے گا ، جس سے ملکی معیشت کو نقصان ہو، نیب صوبائی حکومتوں سے مکمل تعاون کرے گا،صوبائی محکمے اپنا ایک فوکل پرسن تعینات کریں جو نیب کے ساتھ مل کر کام کرے ، ایک بات طے ہے کہ نیب احتساب کا عمل نہیں روکے گا اور جس کسی نے بھی کرپشن کی ہے اسے کسی صورت رعایت نہیں دی جائےگی ۔

  • نیب کا کوئی سیاسی ایجنڈا نہیں، چیئرمین نیب

    نیب کا کوئی سیاسی ایجنڈا نہیں، چیئرمین نیب

    لاہور: چیئرمین نیب جسٹس ریٹائرڈ جاوید اقبال کا کہنا ہے کہ نیب میرٹ پر کام کرنے کا خواہاں ہے، نیب کا کوئی سیاسی ایجنڈا نہیں ہے۔

    تفصیلات کے مطابق لاہور میں چیئرمین نیب جسٹس (ر) جاوید اقبال نے بیوروکریسی سے خطاب کرتے ہوئے کہا کہ نیب کسی کے خلاف انتقامی کارروائی نہیں کرے گا۔

    چیئرمین نیب نے کہا کہ نیب کا کوئی سیاسی ایجنڈا نہیں ہے، نیب میرٹ پر کام کرنے کا خواہاں ہے۔

    جسٹس ریٹائرڈ جاوید اقبال نے کہا کہ افسران بلا جھجک پوری دلجمعی سے کام کریں، ایماندار افسران سرمایہ ہیں۔

    میگا کرپشن کے مقدمات کو منطقی انجام تک پہنچانا اولین ترجیح ہے، چیئرمین نیب

    یاد رہے کہ گزشتہ ماہ چیئرمین نیب جاوید اقبال کا کہنا تھا میگا کرپشن کے مقدمات کو منطقی انجام تک پہنچانا اولین ترجیح ہے، بدعنوانی تمام برائیوں کی جڑ ہے، بدعنوان عناصر کے خلاف بلاتفریق کارروائی کی جائے

    چیئرمین نیب کا کہنا تھا کہ احتساب سب کے لیے کی پالیسی پر گامزن ہے، بدعنوانی کے خاتمے کے لیے بلاتفریق عمل پیرا ہیں۔

    جاوید اقبال کا کہنا تھا نیب خیبرپختونخواہ کی کارکردگی کا نیب کی مجموعی کارکردگی میں کلیدی کردار ہے، نیب نے بدعنوان عناصر سے 303 ارب قومی خزانے میں جمع کرائے۔

  • چیئرمین نیب  نے شریف خاندان کی خواتین کوجاری طلبی کے نوٹسز منسوخ کردیئے

    چیئرمین نیب  نے شریف خاندان کی خواتین کوجاری طلبی کے نوٹسز منسوخ کردیئے

    لاہور :چیئرمین نیب  نے شریف خاندان کی خواتین کو جاری طلبی کے نوٹسز منسوخ کرتے ہوئے کہا  نیب خواتین کی حرمت، چادر و چار دیواری کے تقدس پریقین رکھتاہے، خواتین کوطلبی کی بجائے آج ہی سوالنامےارسال کئے جائیں۔

    تفصیلات کے مطابق قومی احتساب بیورو ( نیب ) نے شریف خاندان کی خواتین کو جاری طلبی کے نوٹسز منسوخ کرنے کا فیصلہ کرلیا، نوٹسزچیئرمین نیب جسٹس (ر) جاویداقبال کےحکم پرمنسوخ کیےگئے۔

    چیئرمین نیب نے شریف خاندان کے تمام کیسز کی براہ راست نگرانی کا فیصلہ کرتے ہوئے کہا خواتین کوطلبی کی بجائےآج ہی سوالنامےارسال کیےجائیں، نیب خواتین کی حرمت،چادروچاردیواری کےتقدس پریقین رکھتاہے۔

    جاویداقبال کا کہنا تھا احتساب سب کےلیےکی پالیسی پرسختی سےگامزن ہیں، نیب کی کسی سیاسی پارٹی سےوابستگی نہیں، تمام میگا کرپشن مقدمات کو میرٹ پر جلد نمٹایا جائے۔

    یاد رہے 13 اپریل کو نیب نے اثاثہ جات کیس میں شہباز شریف خاندان کے خلاف تحقیقات کا دائرہ کار مزید وسیع کرتے ہوئے شہباز شریف کے پورے خاندان کو بیان کیلئے طلب کیا تھا۔

    مزید پڑھیں : اثاثہ جات کیس : نیب نے شہباز شریف کے پورے خاندان کو بیان کیلئے طلب کر لیا

    نیب ذرائع کا کہنا تھا حمزہ شہباز کو 16 اپریل اور نصرت شہباز کو 17 اپریل کو ذاتی حیثیت میں طلب کیا گیا ہے، حمزہ شہباز کو آئندہ ہفتہ دو دن کیلئے تحقیقات کیلئے طلب کیا گیا، حمزہ شہباز کو چنیوٹ نالہ کیس میں 15 اپریل اور آمدن سے زائد اثاثہ جات میں 16 اپریل کو طلب کیا گیا۔

    اثاثہ جات کیس میں 18 اپریل کو رابعہ شریف اور 19 اپریل کو جویریہ شریف کو بھی طلب کیا گیاتھا۔

    واضح رہے کہ نیب نے گزشتہ ماہ شہباز شریف کی دو بیگمات کے اثاثوں کی تفصیلات بھی حاصل کرلی تھیں، نصرت شہباز 69 لاکھ 56 ہزار پانچ سو شیئرز کی مالک اور تہمینہ درانی کے پاس گوادر میں چار کنال کے پلاٹ اور ایک ایکڑ بیش قیمت زمین کا انکشاف ہوا تھا۔

  • چیئرمین نیب آج نیب لاہورآفس کا دورہ کریں گے

    چیئرمین نیب آج نیب لاہورآفس کا دورہ کریں گے

    لاہور: چیئرمین نیب جسٹس ریٹائرڈ جاوید اقبال آج نیب لاہور آفس کا دورہ کریں گے، اس دوران وہ میگا کرپشن مقدمات پر پیشرفت کا جائرہ لیں گے۔

    تفصیلات کے مطابق چیئرمین نیب جسٹس (ر) جاوید اقبال آج نیب لاہور آفس کے دورے کے دوران انویسٹی گیشنز،میگا کرپشن مقدمات پرپیشرفت کا جائزہ لیں گے۔

    ذرائع کا کہنا ہے کہ چیئرمین نیب حمزہ شہبازکے الزامات، تحقیقات پراثراندازہونے کا جائزہ لیں گے۔

    ذرائع کے مطابق شریف فیملی کی خواتین کو نیب میں پیشی کی بجائے سوال نامہ بھجوانے پر بھی غور کیا جائے گا۔

    یاد رہے کہ 3 روز قبل پنجاب اسمبلی میں قائد حزب اختلاف حمزہ شہباز آمدن سے زائد اثاثوں کے کیس میں نیب کے سامنے پیش ہوئے تھے۔

    حمزہ شہباز نیب دفتر میں پیش، منی لانڈرنگ اوراثاثہ جات سے متعلق پوچھ گچھ

    نیب کی تین رکنی تفتیشی ٹیم نے حمزہ شہباز سے منی لانڈرنگ اوراثاثہ جات سے متعلق سوالات کیے تھے، حمزہ شہبازسے 2 گھنٹے 45 منٹ تک تفتیش کی گئی تھی۔

    حمزہ شہباز نے سوالات کا جواب دیتے ہوئے کہا تھا کہ مالی معاملات سلمان شہباز دیکھتے ہیں، میں صرف سیاسی معاملات دیکھتا ہوں، جس کے بعد حمزہ شہبازسوالات کے جوابات ریکارڈ کراکے نیب دفتر سے روانہ ہوگئے تھے۔

  • نیب نے303ارب روپے وصول کرکے خزانے میں جمع کرائے، جسٹس (ر) جاوید اقبال

    نیب نے303ارب روپے وصول کرکے خزانے میں جمع کرائے، جسٹس (ر) جاوید اقبال

    اسلام آباد : چیئرمین نیب جسٹس (ر) جاوید اقبال نے کہا ہے کہ ہم احتساب سب کے لئے کی پالیسی پر عمل پیرا ہیں، موجودہ دور میں نیب نے4ارب10کروڑ روپے کی وصولی کرائی۔

    ان خیالات کا اظہار انہوں نے نیب ہیڈ کوارٹرز میں افسران کے اہم اجلاس سے خطاب کرتے ہوئے کیا۔ جسٹس (ر) جاوید اقبال نے کہا کہ قومی احتساب بیورو کو مجموعی طور پر مارچ2019تک 54ہزار سے زائد شکایات ملیں۔

    انہوں نے بتایا کہ کرپشن کے590ریفرنس احتساب عدالتوں میں دائر کئے گئے، موجودہ دور میں نیب نے چار ارب10کروڑ روپے کی وصولی کروائی۔

    چیئرمین نیب نے مزید کہا کہ قومی احتساب بیورو نے اب تک303ارب روپے وصول کرکے قومی خزانے میں جمع کرائے، ہم احتساب سب کے لئے کی پالیسی پر عمل پیرا ہیں۔

    مزید پڑھیں: نیب ہیڈ کوارٹرز کو بارود سے اڑانے کی دھمکی دی گئی ہے: جسٹس (ر) جاوید اقبال کا انکشاف

    چیئرمین نیب نے پراسیکیوشن کو ہدایت دی کہ ریفرنسز کی جلد سماعت کے لئے درخواستیں دیں، کرپشن کے خلاف جنگ کو قومی فریضہ سمجھتے ہیں، میگا کرپشن کیسز کو منطقی انجام تک پہنچانا ادارے کی اوّلین ترجیح ہے۔

  • چیئرمین نیب کا اسد منیر کی خود کشی کی تحقیقات خود کرنے کا فیصلہ

    چیئرمین نیب کا اسد منیر کی خود کشی کی تحقیقات خود کرنے کا فیصلہ

    اسلام آباد:‌چیئرمین نیب نے اسد منیر کے خودکشی کے معاملے کی تحقیقات خود کرنے کا فیصلہ کر لیا.

    ترجمان نیب کے مطابق چیئرمین نیب جسٹس (ر) جاوید اقبال نے نیب راولپنڈی سے تمام متعلقہ ریکارڈ بھی طلب کر لیا ہے.

    واضح رہے کہ بریگیڈیئر (ر) اسد منیر نے 14 مارچ کی شب پنکھے سے لٹک کر خودکشی کر لی تھی، پولیس نے رات کو لاش تحویل میں لے کر اسپتال منتقل کر دی۔ اسد منیر کی خود کشی کرنے کی فوری اور واضح وجہ سامنے نہیں آئی، البتہ خاندانی ذرائع نے دعویٰ‌ کیا تھا کہ اسد منیر  نیب کی تفتیش کی وجہ سے پریشان تھے.

    خاندانی ذرائع کے مطابق اسد منیر میڈیا پر چلنے والی خبروں پر کافی پریشان تھے، خودکشی سے ایک روز قبل نیب ایگزیکٹو بورڈ اجلاس میں اسد منیر کے خلاف ریفرنس دائر کرنےکی منظوری دی گئی تھی۔

    بریگیڈیئر اسد منیر کی نماز جنازہ اسلام آباد کے ایچ ایٹ فور میں ادا کی گئی، پوسٹ مارٹم نہ ہونے کی وجہ سے قانونی کارروائی عمل میں نہیں لائی گئی اور نہ ہی اہل خانہ نے کوئی مقدمہ درج کرایا۔

    مزید پڑھیں: اسد منیر کی خودکشی، معاملہ سپریم کورٹ پہنچ گیا

    بعد ازاں بریگیڈیئر (ر) اسد منیر کا خط سپریم کورٹ کو موصول ہوا، جس میں نیب کے رویے پر تنقید کی گئی تھی، چیف جسٹس آف پاکستان نے نوٹس لیتے ہوئے چیئرمین نیب سے جواب طلب کیا تھا.

    اب ترجمان نیب نے اعلان کیا ہے کہ اس معاملے کی تحقیقات چیئرمین نیب جسٹس (ر) جاوید اقبال خود کریں گے.

  • نیب کی جانب سے آغا سراج کے خلاف مشتبہ رقوم کی منتقلی کی نئی تحقیقات شروع

    نیب کی جانب سے آغا سراج کے خلاف مشتبہ رقوم کی منتقلی کی نئی تحقیقات شروع

    اسلام آباد: اسپیکر سندھ اسمبلی آغا سراج درانی کے خلاف مشتبہ رقوم کی منتقلی کی نئی تحقیقات شروع کر دی گئی ہیں، چیئرمین نیب نے نئی تحقیقات کے لیے منظوری دے دی۔

    تفصیلات کے مطابق چیئرمین نیب جاوید اقبال کی زیرِ صدارت نیب ایگزیکٹو بورڈ کا اجلاس منعقد ہوا، جس میں اسپیکر آغا سراج درانی کے خلاف مشتبہ رقوم کی منتقلی کی نئی تحقیقات کی منظوری دی گئی۔

    [bs-quote quote=”میئر کراچی وسیم اختر اور سابق وزیر لیاقت جتوئی کے خلاف بھی مشتبہ رقوم کی منتقلی کی تحقیقات ہوں گی۔” style=”style-8″ align=”left” author_name=”نیب اعلامیہ”][/bs-quote]

    اجلاس کے بعد نیب کی جانب سے جاری اعلامیے میں کہا گیا ہے کہ آغا سراج درانی، میئر کراچی وسیم اختر اور لیاقت جتوئی کے خلاف نئی تحقیقات شروع کر دی گئی ہیں۔

    اعلامیے کے مطابق میئر کراچی وسیم اختر کے خلاف بھی مشتبہ رقوم کی منتقلی کی نئی تحقیقات کی جائیں گی، سابق وزیر لیاقت جتوئی کے خلاف بھی مشتبہ رقوم کی منتقلی کی تحقیقات ہوں گی۔

    چیئرمین نیب نے سابق چیئرمین سی ڈی اے کامران قریشی و دیگر کے خلاف بد عنوانی کے ریفرنس کی منظوری بھی دی۔

    نیب اعلامیے میں کہا گیا ہے کہ سابق مشیر ہوا بازی مہتاب عباسی، سابق سیکریٹری سی اے اے عرفان الہٰی، سابق چیئرمین پی آئی اے مشرف رسول، سابق چیئرمین محمد علی ٹبہ و دیگر کے خلاف بد عنوانی کے ریفرنسز کی منظوری بھی دی گئی ہے، نیب کا کہنا ہے کہ ملزمان پر اختیارات سے تجاوز، خلاف قواعد چیئرمین پی آئی اے لگانے کا الزام ہے۔

    یہ بھی پڑھیں:  بلاول بھٹوزرداری کی آغا سراج درانی سے ملاقات

    اعلامیے کے مطابق سابق وزیر صحت گلگت بلتستان حاجی گلبار، سابق کنزرویٹر گلگت فاریسٹ زمرد خان و دیگر کے خلاف بھی کرپشن ریفرنس کی منظوری دی گئی ہے، ملزمان پر خلاف قانون جنگلات کٹائی اور نقل و حمل کے پاسز جاری کرنے کا الزام ہے۔

    چیئرمین نیب جسٹس جاوید اقبال نے اجلاس میں کہا کہ بد عنوانی تمام برائیوں کی جڑ ہے، نیب بد عنوانی کے خاتمے کے لیے زیرو ٹالرنس پالیسی پر عمل پیرا ہے، میگا کرپشن مقدمات کو منطقی انجام تک پہنچانا اولین ترجیح ہے۔

    انھوں نے کہا ’بد عنوانی کے خاتمے کے لیے ’احتساب سب کے لیے‘ کی پالیسی پر عمل پیرا ہیں، قومی احتساب بیورو کی پہلی اور آخری وابستگی پاکستان سے ہے۔‘