Tag: چیئرمین نیب

اسلام آباد: قومی احتساب بیورو (نیب) نے وفاقی دار الحکومت اسلام آباد میں فرانزک سائنس لیبارٹری قائم کرلی۔

تفصیلات کے مطابق نیب کے چیئرمین جاوید اقبال نے کہا ہے کہ ملک سے بد عنوانی کا خاتمہ نیب کی اوّلین ترجیح ہے، جس کے لیے نیب نے نیشنل اینٹی کرپشن اسٹریٹجی بنا لی ہے۔

[bs-quote quote=”اشتہاری ملزمان کو قانون کے کٹہرے میں لایا جائے گا۔” style=”style-7″ align=”left” color=”#dd3333″ author_name=”جاوید اقبال” author_job=”چیئرمین نیب”][/bs-quote]

چیئرمین نیب کا کہنا تھا کہ احتساب کا ادارہ اشتہاری اور مفرور ملزمان کو کٹہرے میں کھڑا کرنے پر یقین رکھتا ہے، اشتہاری ملزمان کو قانون کے کٹہرے میں لایا جائے گا۔

جاوید اقبال نے کہا کہ نیب سارک ممالک کے لیے رول ماڈل کی حیثیت رکھتا ہے، پاکستان سارک اینٹی کرپشن فورم کا پہلا چیئرمین ہے، بد عنوانی کے خاتمے کے لیے چین سے مفاہمتی یادداشت پر دستخط کیے گئے ہیں۔

نیب کے چیئرمین جاوید اقبال نے کہا ’2017 کے مقابلے میں 2018 میں دوگنا شکایات موصول ہوئیں، نیب نے شکایات نمٹانے کے لیے وقت کا تعین کر لیا ہے، ہر ماہ کی آخری جمعرات کو عوام کی شکایات سنی جائیں گی۔‘

یہ بھی پڑھیں:  عالمی اقتصادی فورم کے کرپشن انڈیکس میں پاکستان 107 ویں نمبر پر آ گیا

انھوں نے مزید کہا ’منی لانڈرنگ اور آمدن سے زائد اثاثوں کی تحقیقات قانون کے مطابق ہو رہی ہے۔‘

یاد رہے کہ گزشتہ روز چیئرمین نیب نے ایک اجلاس میں کہا تھا کہ کرپشن کو جڑ سے اکھاڑ پھینکنا انتہائی ضروری ہے، میگا کرپشن کے وائٹ کالر مقدمات کو منطقی انجام تک پہنچانا نیب کی ترجیح ہے کیوں کہ بد عنوانی دیمک سے بڑھ کر ناسور کی شکل اختیار کر چکی ہے۔

اسلام آباد: وفاقی وزیرِ اطلاعات فواد چوہدری نے وزیرِ اعظم عمران خان کے خلاف ہیلی کاپٹر استعمال کیس پر نیب پر تنقید کی ہے، دوسری طرف انھوں نے ملک میں گیس بحران کا ذمہ دار ن لیگی حکومت کو قرار دے دیا۔

تفصیلات کے مطابق فواد چوہدری نے اے آر وائی نیوز کے پروگرام پاور پلے میں گفتگو کرتے ہوئے کہا کہ ملک کے وزیرِ اعظم کے خلاف ڈیڑھ سال سے کیس لٹکانا نیب کی توہین ہے۔

[bs-quote quote=”پچاس ارب کی گیس چوری نہ ہو رہی ہوتی اور معاملات ٹھیک ہوتے تو گیس بحران نہ ہوتا۔” style=”style-7″ align=”left” color=”#dd3333″ author_name=”فواد چوہدری” author_job=”وفاقی وزیرِ اطلاعات”][/bs-quote]

انھوں نے کہا کہ نیب نے وزیرِ اعظم پر 27 لاکھ روپے کا ہیلی کاپٹر استعمال کرنے پر کیس بنا رکھا ہے، عمران خان منصوبوں کے افتتاح کے لیے گئے تو نیب نے ریفرنس بنا دیا۔ 

فواد چوہدری کا مؤقف تھا کہ نیب ڈیڑھ سال تک کیس رکھ کر بیٹھے گا تو اس سے پاکستان کی بےعزتی ہوگی، نیب کی ترجیح درست ہونی چاہیے۔‘

گیس بحران پر وفاقی وزیر اطلاعات نے کہا کہ 2013 میں گیس پر کوئی بھی قرضہ نہیں تھا، شاہد خاقان آئے تو گیس پر قرضہ چڑھ گیا، اب حال یہ ہے کہ سالانہ 57 ارب گیس چوری کا سامنا ہے، محمد زبیر شاہد خاقان عباسی سے پوچھیں کہ گیس کیوں نہیں آرہی؟

یہ بھی پڑھیں:  کراچی کو پھر گیس بحران نے جکڑ لیا، چولھے ٹھنڈے پڑ گئے

انھوں نے کہا ’سوئی گیس میں لگائے گئے دونوں ایم ڈیز انھی کے لگائے ہوئے تھے، ن لیگ 5 سال میں نظام خراب کر کے 157 ارب کا قرضہ چھوڑ کر گئی، اربوں کی گیس چوری نہ ہو رہی ہوتی اور معاملات ٹھیک ہوتے تو گیس بحران نہ ہوتا۔‘

فواد چوہدری نے مزید کہا کہ ہمیں ن لیگ کی حکومت سے جان چھوٹنے کا شکر ادا کرنا چاہیے، موجودہ دورِ حکومت میں ہر ماہ حالات بہتر ہوں گے۔