اسلام آباد: چیئرمین قومی احتساب بیورو قمرزمان چوہدری اچانک چین روانہ ہوگئے،چیئرمین نیب کو آج دو اہم کیسوں میں سپریم کورٹ میں پیش ہونا تھا۔

تفصیلات کےمطابق چیئرمین نیب پی آئی اے کی پرواز سے دیگردوارکان کے ہمراہ چین روانہ ہوئے،ذرائع کے مطابق چیئر مین نیب کو نو نومبر کو چین میں سیمینار میں شرکت کرنا تھی لیکن حکومتی دباؤ کے باعث وہ دو روز پہلے ہی چین روانہ ہوگئے۔

چیئرمین نیب کوآج دو اہم کیسز پانامالیکس اور رضاکارانہ ریکوری کیس میں پیش ہونے کے نوٹس جاری ہوئےتھے،پانامالیکس کیس کی پہلی سماعت پرعدالت نےنیب کاجواب مستردکرکے آج جواب جمع کرانےکاحکم دیا تھا۔

مزید پڑھیں:نیب کی پلی بارگیننگ کے تحت 20ارب روپےکی وصولی

یاد رہے کہ گزشتہ روز قومی احتساب بیورو نے سپریم کورٹ کو آگاہ کیا تھاکہ2006 سے 2016 کے دوران نیب نے پلی بارگیننگ کی تحت 20 ارب روپے وصول کیےہیں۔

مزید پڑھیں:سپریم کورٹ نے نیب کو پلی بارگینگ کا اختیار استعمال کرنے سے روک دیا

واضح رہے کہ 24 اکتوبر کو چیف جسٹس آف پاکستان انور ظہیر جمالی کی سربراہی میں تین رکنی بینج نے نیب کی پلی بارگیننگ اسکیم پر سماعت کی تھی جس میں نیب کو ہدایت کی گئی تھی کہ وہ گزشتہ دہائی کے دوران رضاکارانہ اسکیم کے تحت جمع کی جانے والی رقم کی تفصیلات پیش کرے۔

اسلام آباد: قومی احتساب بیورو کے چیئرمین قمر الزمان چوہدری نے کہا ہے کہ نیب بدعنوانی سے پاک پاکستان کےلیے قوم کی توقعات پر پورا اترنے کےلیے پرعزم ہے.

تفصیلات کے مطابق چیئرمین نیب نے کہا کہ نیب بنیادی طور پر شکایت پر کارروائی کرنے والا ادارہ ہے جسے بدعنوانی کے خاتمہ اور لوٹی ہوئی دولت کی واپسی کیلئے قائم کیا گیا.

انہوں نے کہا کہ نیب کے تفتیشی افسران کوڈ آف کنڈکٹ پر سختی سے عمل کرتے ہیں اور قانون کے مطابق شہادتوں کی بنیاد پر زیرو ٹالرنس پر عمل پیرا ہیں.

چیئرمین نیب کے مطابق نیب نے اپنے قیام سے لے کر اب تک 277.909 ارب روپے کی ریکوری کی ہے. نیب کو تین لاکھ 21 ہزار 318 شکایات موصول ہوئیں جنہیں قانون کے مطابق نمٹا دیا گیا.

قمر الزمان چوہدری نے کہا کہ 16 سال کے مختصر وقت میں نیب کی کارکردگی دنیا کی کسی بھی تفتیشی ایجنسی سے کہیں زیادہ بہتر ہے یہی وجہ ہے کہ ٹرانپرنسی انٹرنیشنل نے 2014ء میں پاکستان کو 175ویں سے 126 پر ریٹ کیا جبکہ 2015ء میں مزید کم ہوکر یہ 126سے 117پر آگیا.

انہوں نے کہاکہ انسداد بدعنوانی کی موثر حکمت عملی کی وجہ سے نیب کو پولیس اور ایف آئی اے کے مقابلے میں پلڈاٹ اور مشال پاکستان کے سروے میں 42 فیصد عوام کے اعتماد کا حامل ادارہ قرار دیا گیا ہے.

واضح رہےکہ چیئرمین نیب کا کہنا تھا کہ نوجوان پاکستان کا مستقبل ہیں اور نیب نے نوجوانوں کو بدعنوانی کی مضر اثرات سے متعلق اگاہی کےلیے نوجوانوں کی شمولیت کو خصوصی توجہ مرکوز کی ہے.