Tag: چیئرمین پاکستان تحریک انصاف بیرسٹر گوہر

بونیر: چیئرمین پاکستان تحریک انصاف بیرسٹر گوہر نے کہا ہے کہ سینیٹ، خیبر پختونخوا، پنجاب، سندھ اسمبلیوں سے استعفے نہیں دے رہے۔

تفصیلات کے مطابق چیئرمین پی ٹی آئی بیرسٹر گوہر نے اے آر وائی نیوز سے گفتگو کرتے ہوئے کہا کہ قومی اسمبلی کی قائمہ کمیٹیوں سے استعفے دے رہے ہیں، تاہم سینیٹ، کےپی، پنجاب اور سندھ اسمبلیوں سے فی الحال استعفے نہیں دے رہے ہیں، ہمارے کسی سے مذاکرات نہیں ہورہے۔

پاکستان تحریک انصاف کے چیئرمین بیرسٹر گوہر نے کہا کہ قائمہ کمیٹیوں سے 25 ممبران مستعفی ہوئے، باقی پیر تک استعفیٰ جمع کرادیں گے۔

انھوں نے کہا کہ قومی اسمبلی کی قائمہ کمیٹیوں سے استعفے دینےکے فیصلے مشکل ہوتے ہیں، مذاکرات کے حامی ہیں لیکن انھوں نے دروازے بند کیے ہیں۔

بیرسٹر گوہر کا مزید کہنا تھا کہ 91 نشستوں میں بھی کئی ارکان نااہل کرکے 76 تک محدود کردیا گیا، ہمیں جلسے کرنے اور ریلی نکالنے کی بھی اجازت نہیں دی جاتی۔

https://urdu.arynews.tv/pti-chairman-barrister-gohar-resigns-all-four-committees/

چیئرمین پاکستان تحریک انصاف بیرسٹر گوہر نے کہا ہے کہ بانی پی ٹی آئی کی بہنوں کوحراست میں لینا غیرقانونی اور غیرآئینی ہے۔

بانی پی ٹی آئی عمران خان سے ملنے کے لیے آنے پر علیمہ خانم اور دیگر بہنوں کو حراست میں لینے پر چیئرمین تحریک انصاف بیرسٹر گوہر نے کہا کہ علیمہ خانم کو حراست میں لینے کی مذمت کرتاہوں، عدالتی حکم ہے کہ بانی پی ٹی آئی سے فیملی کی ملاقات ہونی چاہیے۔

پی ٹی آئی چیئرمین بیرسٹر گوہر نے کہا کہ جیل انتظامیہ کی شرائط پر ملاقات کا کوئی آرڈر نہیں، ہماری جانب سےکوئی پتھراؤنہیں کیا گیا۔

ان کا کہنا تھا کہ ہم نے دھرنے کی کوئی کال نہیں دی تھی، ہم صرف بانی پی ٹی آئی کی بہنوں کی حمایت میں یہاں آئے تھے۔

خیال رہے کہ اڈیالہ جیل کے باہر پی ٹی آئی رہنماؤں اورکارکنان کو گرفتار کرلیا گیا، بانی پی ٹی آئی کی تینوں بہنوں کو حراست میں لے لیاگیا، پولیس نے علیمہ خانم، نورین خان، عظمیٰ خان کو وین میں بٹھا دیا۔

صاحبزادہ حامد رضا، حامدخان سمیت 11 کارکنوں کو حراست میں لیا گیا، پی ٹی آئی رہنماعالیہ حمزہ، شفقت اعوان بھی زیرحراست ہیں۔

نیاز اللہ نیازی، راجہ یاسر حسنین، حامد خان کو بھی حراست میں لے لیاگیا، پی ٹی آئی رہنما اور کارکنان اڈیالہ جیل کے باہراحتجاج کےلئے جمع ہوئے تھے۔

بیرسٹر گوہر نے کہا ہے کہ ایسی قانون سازی کی جارہی ہے کہ پی ٹی آئی کو مخصوص نشستیں نہ ملیں، سپریم کورٹ اپنے فیصلے پرعمل کرائے۔

پاکستان تحریک انصاف کے چیئرمین بیرسٹر گوہر نے کہا کہ ہم حکومت کے اس اقدام کو سپریم کورٹ میں چیلنج کریں گے، سپریم کورٹ کی آئینی ذمداری ہے کہ وہ اپنے فیصلے پرعمل کرائے، پی ٹی آئی نے کُل ووٹوں کا پچاس فیصد لیا۔

انھوں نے کہا کہ سپریم کورٹ کے فیصلے پر عملدرآمد کروانا لازمی ہے، امید ہے سپریم کورٹ اپنے فیصلے پر عمل کرائے گی۔

بیرسٹر گوہر خان نے کہا کہ آج پارلیمنٹ میں پہلی بار پی ٹی آئی کی حیثیت سے شرکت کی، پہلی بار کوشش کی جارہی ہے کہ سپریم کورٹ کے فیصلوں کو اوور رول کیا جائے۔

چیئرمین تحریک انصاف کا کہنا تھا کہ سپریم کورٹ سے استدعا ہے کہ 41 ایم این ایز نے بیان حلفی جمع کرائے ہیں، بیان حلفی کے باوجود ایم این ایز کیخلاف ایکشن لیے جارہے ہیں۔

انھوں نے کہا کہ سپریم کورٹ سے مطالبہ ہے کہ 41 ممبران کے نوٹس جاری کرائے، الیکشن کمیشن سے مطالبہ ہے باقی ایم پی ایز کے نوٹیفکیشن جاری کرے، سپریم کورٹ سے درخواست ہے ہمارے ممبران کو تحفظ فراہم کرے۔

چیئرمین پاکستان تحریک انصاف بیرسٹر گوہر نے کہا ہے کہ ہمارے ارکان اسمبلی کو اغوا کرنے کا سلسلہ شروع کر دیا گیا ہے۔

بیرسٹر گوہر نے کہا کہ ہم ایم این ایز کے بیان حلفی الیکشن کمیشن میں جمع کرا رہے ہیں، 20 ارکان کے بیان حلفی جمع کیے باقی کے کل جمع کرائیں گے، سپریم کورٹ کے فیصلے سے حقداروں کو ان کا حق ملا ہے۔

انھوں نے کہا کہ سپریم کورٹ کے فیصلے پر عدلیہ کاشکریہ ادا کرتے ہیں، بشریٰ بی بی کی توشہ خانہ میں گرفتاری کی مذمت کرتےہیں، بشریٰ بی بی کا توشہ خانہ سے دور دور تک تعلق نہیں تھا۔

بیرسٹر گوہر نے کہا کہ سپریم کورٹ کے قانونی اور آئینی فیصلے کو تاریخ میں یاد رکھا جائےگا، سپریم کورٹ نے حکم دیا 41 ایم این ایز الیکشن کمیشن میں حلف نامےجمع کرائیں۔

چیئرمین پی ٹی آئی کا کہنا تھا کہ ہمیں 41 میں سے 25 حلف نامے مل چکے ہیں، ہم سپریم کورٹ میں حلف نامے بھی جمع کرائیں گے۔

انھوں نے کہا کہ سپریم کورٹ سے درخواست کرتے ہیں حلف نامے پرعمل درآمد کرایا جائے، ہمارے ایم این اے صاحبزادہ امیر سلطان کو اٹھایا گیا۔

بیرسٹرگوہر نے کہا کہ ہمارے ایم این اے کے بھائی اور 16 سالہ بیٹے کو اٹھایا گیا، سپریم کورٹ کارکنان کو بازیاب کرائے۔