کراچی : اے آر وائی نیوز کو شوکاز نوٹس جاری کرنے کے کیس میں چیئرمین پیمرا نے سندھ ہائیکورٹ میں پیش ہوکر غیر مشروط معافی مانگ لی‌۔

تفصیلات کے مطابق سندھ ہائی کورٹ میں سماعت کے بعد اےآروائی نیوز کے وکیل ایان میمن نے میڈیا سے گفتگو کرتے ہوئے بتایا چیئرمین پیمرا نے آج توہین عدالت کیس میں سندھ ہائیکورٹ میں اپناجواب جمع کرادیا۔

ایان میمن کا کہنا تھا کہ چیئرمین پیمرا نےعدالت سےغیرمشروط معافی مانگی ہے اور استدعا کی کہ میرے خلاف چارج فریم نہ کیا جائے۔

اے آروائی نیوز کے وکیل نے بتایا کہ جواب میں کہا گیا ہے کہ چینل کوپیمرا نےنہیں کیبل آپریٹرزنے بند کیا، انہیں شوکاز نوٹس بھی جاری کئے۔

ان کا کہنا تھا کہ جس پر عدالت نے استفسار کیا کہ مؤقف تھا، تو اس پر پیمرا نے کوئی جواب نہیں دیا، بعد ازاں عدالت نے کیس کی سماعت7نومبرتک ملتوی کردی۔

اس سے قبل سندھ ہائی کورٹ میں اے آر وائی نیوز کو شوکاز جاری کرنے اور چیئرمین پیمرا کے خلاف توہین عدالت کی درخواست کی سماعت میں وکیل پیمرا نے عدالت کو بتایا تھا کہ چینل بحال ہوچکا ہے، توہین عدالت کی کارروائی کا جواز نہیں ، جس پر جسٹس عدنان اقبال چوہدری نے کہا کہ کیا پتہ چل سکا کہ چینل بند کیوں ہوا تھا۔

اے آر وائی نیوز کے ہر معاملے میں سی ای او کو طلب کرنے پر عدالت نے حیرت کااظہار کرتے ہوئے استفسار کیا تھا کہ یہ کیا بات ہوئی کہ صرف سی ای او پیش ہو، نمائندوں کو کیوں نہیں سنا جاتا۔

بیرسٹرایان میمن نے عدالت کو بتایا تھا کہ سندھ ہائی کورٹ نے اے آر وائی نیوز کی بحالی کے پانچ احکامات جاری کیے، کسی ایک حکم پر عملدرآمد نہیں ہوا۔

وکیل کا کہنا تھا کہ کیبل آپریٹر نے تسلیم کیا ہے کہ انھوں نے پیمرا کی ہدایت پر چینل بند کیا لیکن اسلام آباد ہائیکورٹ کے حکم پر ایک گھنٹے میں چینل کھولنے کا حکم دیا۔

کراچی : سندھ ہائی کورٹ میں اے آر وائی نیوز کیس میں چیئرمین پیمرا کی مستقل حاضری سے استثنیٰ کی درخواست مسترد کردی۔

تفصیلات کے مطابق سندھ ہائی کورٹ میں اے آر وائی نیوز کو شوکاز جاری کرنے اور چیئرمین پیمرا کے خلاف توہین عدالت کی درخواست کی سماعت ہوئی۔

وکیل پیمرا نے عدالت کو بتایا کہ چینل بحال ہوچکا ہے، توہین عدالت کی کارروائی کا جواز نہیں ، جس پر جسٹس عدنان اقبال چوہدری نے کہا کہ کیا پتہ چل سکا کہ چینل بند کیوں ہوا تھا۔

اے آر وائی نیوز کے ہر معاملے میں سی ای او کو طلب کرنے پر عدالت نے حیرت کا اظہار کرتے ہوئے استفسار کیا کہ یہ کیا بات ہوئی کہ صرف سی ای او پیش ہو، نمائندوں کو کیوں نہیں سنا جاتا۔

بیرسٹرایان میمن نے عدالت کو بتایا کہ سندھ ہائی کورٹ نے اے آر وائی نیوز کی بحالی کے پانچ احکامات جاری کیے، کسی ایک حکم پر عملدرآمد نہیں ہوا۔

وکیل نے کہا کہ پیمرا نے سندھ ہائیکورٹ میں موقف اختیار کیا کہ بندش سے اسکا تعلق نہیں، اے آر وائی نیوز کے وکیل نے کیبل آپریٹر کے بیانات پیش کردیئے۔

ایان میمن کا کہنا تھا کہ کیبل آپریٹر نے تسلیم کیا ہے کہ انھوں نے پیمرا کی ہدایت پر چینل بند کیا لیکن اسلام آباد ہائیکورٹ کے حکم پر ایک گھنٹے میں چینل کھولنے کا حکم دیا۔

وکیل اے آر وائی نیوز نے کہا کہ معاملہ اے آر وائی کی بحالی کا نہیں سندھ ہائیکورٹ کے احکامات کی تعمیل کا ہے۔

وکیل پیمرا کا کہنا تھا کہ کہ چیئرمین پیمرا کو ذاتی طور پر عدالت طلب کرکے کیا فائدہ ہوگا، جس پربیرسٹرایان میمن نے کہا کہ اے آر وائی نیوز کو 8 شوکاز جاری ہوئے، ہر نوٹس میں سی ای او کے پیش ہونے کی شرط ہوتی ہے۔

اے آر وائی نیوز کے وکیل نے مزید کہا کہ پیمرا توہین عدالت کی درخواست واپس لینے کیلیے دباوٴ ڈال رہا ہے، کسی نمائندے یا وکیل سے موقف نہیں سنا جاتا۔

عدالت نے چیئرمین پیمرا کی مستقل حاضری سے استثنیٰ کی درخواست مسترد کرتے ہوئے آئندہ سماعت پر ایک یوم کیلیے حاضری سے مستثنیٰ دے دی۔

عدالت نے کہا آئندہ سماعت پر پہلے توہین عدالت کی درخواست کا جائزہ لیا جائے گا اور دیگر معاملات کی سماعت بعد میں ہوگی۔

عدالت نے فریقین کا موقف سننے کے بعد سماعت 7نومبر کیلئے ملتوی کردی۔

اسلام آباد : اسلام آباد ہائی کورٹ نے اے آر وائی کمیونیکیشن کی درخواست پر چیئرمین پیمرا کو توہین عدالت کا نوٹس جاری کردیا۔

تفصیلات کے مطابق اسلام آباد ہائی کورٹ میں اے آر وائی کمیونی کیشن کی درخواست پر چیئرمین پیمرا کیخلاف توہین عدالت کیس کی سماعت ہوئی ، چیف جسٹس اطہر من اللہ نے سماعت کی۔

اے آروائی کمیونیکشن کے وکیل شعیب رزاق اور احتشام اسلم عدالت میں پیش ہوئے، شعیب رزاق نے دلائل دیتے ہوئے کہا کہ عدالت کے واضح احکامات کے باجود اے آر وائی کے خلاف کارروائیاں جاری ہیں۔

اے آروائی کمیونیکشن کے وکیل کا کہنا تھا کہ عدالت نے پیمرا کو اے آروائی چینل کے خلا ف کارروائی سے روکا ہوا ہے، اس کے باجود ملک شہروں میں نمبرز کو تبدیل کیا گیا۔

عدالت نے چئیرمین پیمرا کو توہین عدالت کا نوٹس جاری کرتے ہوئے اگلی سماعت تک جواب جمع کرانے کی ہدایت کر دی اور کیس کی سماعت 16 جون تک ملتوی کر دی گئی۔

مزید پڑھیں : اے آروائی نیوز کی درخواست پر اسلام آباد ہائی کورٹ کا بڑا حکم

یاد رہے 25 مئی کو اسلام آباد ہائی کورٹ نے اےآروائی نیوز کو اپنے پرانے نمبرز پر بحال کرنے کا حکم دیتے ہوئے کہا تھا کہ چیئرمین پیمرا اے آر وائی نیوز کی شکایت دور کریں۔

بیرسٹرشعیب رزاق نے بتایا تھا کہ چند دنوں میں مختلف علاقوں سے شکایت موصول ہوئی کہ کیبل آپریٹرزنےاےآروائی کی فریکوئنسی چینج کردی ہے جبکہ کچھ علاقوں سےخبریں آرہی ہیں کہ اے آروائی نیوزکسی نمبرپربھی نہیں آرہا، اس سے قبل اے آر وائی نیوزشروع کےنمبروں پر تھا۔