چیئرمین پیمرا توہین عدالت کیس میں اسلام آباد ہائی کورٹ نے فریقین کوکل انفرادی طور پر پیش ہونے کاحکم دے دیا۔
دوران سماعت درخواست گزارکے وکیل نے کیس کی سماعت کل تک ملتوی کرنے کی استدعا کی جسے عدالت نے منظور کرلیا۔
چیئرمین پیمرا نے اپنی برطرفی معطل کئے جانےکےاحکامات پرعمل درآمد نہ کئے جانےپر اسلام آباد ہائیکورٹ سے رجوع کررکھا ہے، چئیرمین پیمرا نےعدالتی احکامات کی تعمیل نہ ہونے پرتوہین عدالت کی درخواست دائرکی تھی۔
چیئرمین پیمرا کی برطرفی کے خلاف سماعت کے لیے درخواست اسلام آباد ہائی کورٹ کے جسٹس ریاض احمد خان نے سماعت کے لیے منظور کر لی ہے, درخواست پیمرا کی جانب سے دائر کی گئی ہے ۔
درخواست میں کہا گیا ہے کہ عدالت نے چیئرمین چوہدری رشید کی برطرفی کا نوٹیفیکیشن معطل کیا مگرنئے مقرر کیے گئے چیئرمین کا نوٹیفیکیشن تاحال برقرار ہے اس طرح عملی طور پر ادارے میں دو چیرمین کام کر رہے ہیں۔
کیس کی سماعت جسٹس ریاض احمد خان نے جنوری کے دوسرے ہفتے تک ملتوی کردی۔ جسٹس ریاض احمد نے ریمارکس دیتے ہوئے کہا کہ عدالتی حکم واضح ہے۔