Tag: چیئرمین پی ٹی آئی بیرسٹر گوہر

چیئرمین پی ٹی آئی بیرسٹر گوہر نے کہا ہے کہ اندرونی اختلافات پبلک فورم پر نہیں آنے چاہئیں، ٹکٹس دینے کا فیصلہ بانی پی ٹی آئی کا تھا۔

تفصیلات کے مطابق پارٹی میں اندرونی اختلافات کی خبریں سامنے آنے کے بعد بیرسٹر گوہر کا کہنا ہے کہ پارلیمانی پارٹی کو ٹکٹس کی تقسیم پر اعتماد میں لیا گیا ہے، صوبوں میں ٹکٹوں کی تقسیم کیسے ہوئی سب کو بتایا گیا۔

چیئرمین پی ٹی آئی بیرسٹرگوہر نے کہا کہ ٹکٹس دینے کا فیصلہ بانی پی ٹی آئی کا تھا کسی کو 2، 2 ٹکٹس نہیں ملے، بانی پی ٹی آئی کا خیال تھا ان کے پاس مرکز میں آپشن کم ہو جائیں گے۔

صحافی نے ان سے سوال کیا کہ سازش کا لفظ کیوں استعمال ہوا؟ بیرسٹر گوہر نے جواب دیا کہ ساتھیوں میں آپس میں ہوتا رہتا ہے کوئی بڑی بات نہیں۔

دریں اثنا اپوزیشن لیڈر عمر ایوب نے کہا کہ پارٹی افیئرز چلتے رہتے ہیں جہاں برتن ہوں وہاں کھٹکتے بھی ہیں، پارٹی کے معاملات پر میڈیا کو تشویش نہیں ہونی چاہیے یہ ہمارا اپنا معاملہ ہے۔

عمرایوب نے کہا کہ یہ ہمارےگھر کا ایشو ہے ہم خود اسے حل کر لیں گے، ہم جانیں ہمارا کام جانیں، چیئرمین اور سیکریٹری جنرل حل کر لیں گے، سارے ساتھی ہمارے دل کا ٹکڑا ہیں اس پر کوئی کمنٹ نہیں کروں گا۔

https://urdu.arynews.tv/barrister-gohar-imran-khan-parliamentary-committee-national-security-18-03-2025/

اسلام آباد: بیرسٹر گوہر نے کہا ہے کہ مہنگائی میں کمی ہو رہی ہے تو ایوان میں بیٹھے لوگوں کی تنخواہوں میں اضافے کی کیا ضرورت ہے۔

چیئرمین پی ٹی آئی بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا کہ ایوان میں کروڑپتی لوگ بیٹھے ہیں، تنخواہوں میں اضافہ نہیں ہونا چاہیے، پارلیمنٹ کےآخری اجلاس میں تنخواہیں بڑھانے کی بات کی گئی تھی، پی ٹی آئی ارکان اسمبلی کی تنخواہوں میں اضافے کو مسترد کرتی ہے۔

رہنما پی ٹی آئی کا کہنا تھا کہ سپریم جوڈیشل کونسل اجلاس میں 2 ججز نہیں آئے، لیٹر لکھا ہے، جوڈیشل کونسل اجلاس میں ہم بھی شریک نہیں ہوئے۔

بیرسٹرگوہر نے کہا کہ 26ویں ترمیم کیخلاف سپریم کورٹ میں پٹیشن پرفیصلہ ہوناباقی ہے، بانی پی ٹی آئی مقبول رہنماہیں انکی باتوں کوسنجیدہ لینا چاہیے۔

انھوں نے کہا کہ حکومت نےوعدہ کیا تھا ریفارمز لے کر آئیں گے،حکومت ایک بھی قانون نہیں لاسکی جس سے ریفارمز آتیں، حکومت نے آج تک غزہ سےمتعلق ایک لفظ پارلیمنٹ میں نہیں کہا۔

بیرسٹرگوہر نے کہا کہ پی ٹی آئی سمجھتی ہےجمہوریت کی بنیاد ووٹ ہے، قومی اسمبلی کا13واں اجلاس ہورہاہے،حکومت کسی اجلاس میں بھی کورم پورانہ کرسکی۔

مولانا فضل الرحمان ہمارے ساتھ ضرور ہیں لیکن الائنس کاحصہ نہیں بنے، اسمبلی کے پہلے اجلاس میں کہا تھا ایوان نامکمل ہے، سپریم کورٹ نے ہمارےحق میں فیصلہ دیا اس پرعمل نہیں کیاجا رہا، وزیراعظم نےالیکشن کمشنر سےمتعلق کوئی خط نہیں لکھا۔

چیئرمین پی ٹی آئی نے کہا کہ سینیٹ میں آج بھی خیبر پختونخوا کی نمائندگی نہیں ہے، سسٹم کا حصہ رہتے ہوئے اسےتبدیل کریں گے، ہماری طرف سےعلی ظفر نے جوڈیشل کمیشن کو خط لکھا کہ اجلاس مؤخر کیا جائے۔

وزیراعظم شہباز شریف کی جانب سے مذاکرات کی پیشکش کے بعد چیئرمین پی ٹی آئی بیرسٹر گوہر کا ردعمل بھی سامنے آگیا ہے۔

چیئرمین پی ٹی آئی بیرسٹرگوہر کا اس پیشکش پر کہنا تھا کہ وزیراعظم کی آفر کو قبول نہیں کیا جاسکتا، وزیراعظم کا بیان ہمارے مطالبات سے ہٹ کر ہے، حکومت کے خلاف ہماری چارج شیٹ بہت لمبی ہے، ہم نے اسیران کی رہائی، 2 واقعات پر جوڈیشل کمیشن کا مطالبہ کیا۔

بیرسٹر گوہر نے کہا کہ ہم نےمینڈیٹ کی تو ابھی بات بھی نہیں کی ہے، وزیراعظم شہباز شریف کی باتیں غیرمتعلقہ ہیں۔

وزیراعظم شہباز شریف کی تحریک انصاف کو مذاکرات کی پیشکش

دریں اثنا حکومت سے مذاکرات کے حوالے سے پی ٹی آئی کا اعلان سامنے آیا تھا کہ جوڈیشل کمیشن کا اعلان کریں، مذاکراتی کمیٹی بحال ہو جائے گی۔

سینیٹ میں قائد حزب اختلاف شبلی فراز کا گفتگو کرتے ہوئے کہنا تھا کہ بانی پی ٹی آئی حکومت اور اپوزیشن کے معاملات سے باخبر ہیں، بانی نے مذاکراتی کمیٹی کو تحلیل کرنے کا فیصلہ حکومتی رد عمل کو دیکھ کر کیا۔

اسلام آباد : پاکستان تحریک انصاف (پی ٹی آئی) نے اراکین پارلیمنٹ کو کسی بھی سیاسی احتجاج میں شامل ہونے سے روک دیا۔

تفصیلات کے مطابق چیئرمین پی ٹی آئی بیرسٹر گوہر  نے اراکین پارلیمنٹ کوہدایات جاری کر دیں ، جس میں پی ٹی آئی اراکین پارلیمنٹ کو کسی بھی سیاسی احتجاج میں شامل ہونے سے روک دیا گیا ہے۔

اس حوالے سے پاکستان تحریک انصاف کی جانب سےباقاعدہ نوٹیفکیشن جاری کر دیا ہے ، جس میں چیئرمین پی ٹی آئی نے کہا ہے لپ حالیہ دنوں میں کسی بھی مظاہرےاورجلسےمیں تاحکم ثانی شامل نہ ہوں۔

خیال رہے پی ٹی آئی کو خدشہ ہے کہ حکومت آئینی ترمیم کے لیے اپنے نمبر پورے کرنے کی خاطر ان کے اراکین کو خریدنے کی کوشش کی جائے گی۔

چیئرمین پاکستان تحریک انصاف بیرسٹر گوہر خان نے اے آر وائی نیوز کے پروگرام ’آف دی ریکارڈ‘ گفتگو کرتے ہوئے کہا تھا کہ آئینی ترامیم کیلیے ہمارے بندے ان کے ہاتھ نہیں آئیں گے۔

ان کا کہنا تھا کہ اس ملک میں جتنی آئینی ترامیم ہوئیں کسی حکومت کے پاس دوتہائی اکثریت نہیں تھی، 1984 کے بعد کسی جماعت کے پاس دوتہائی اکثریت نہیں آئی۔

بیرسٹر گوہر خان نے کہا تھا کہ آئینی ترامیم کیلیے حکومت کی ٹائمنگ درست نہیں، یہ ججز کے تبادلے کیلیے جو آئینی ترامیم لانا چاہتے ہیں عدلیہ پر حملہ ہوگا، آئینی ترامیم کے ذریعے یہ عدلیہ کو آئسولیٹ کرنا چاہتے ہیں، آئینی ترامیم کیلیے اس حکومت کے پاس مینڈیٹ نہیں ہے۔