Tag: چیئرمین پی ٹی آئی

راولپنڈی (26 اگست 2025): پاکستان تحریک انصاف کے چیئرمین بیرسٹر گوہر علی نے واضح کیا ہے کہ علیمہ خان کا پارٹی امور سے کوئی تعلق نہیں ہے۔

اے آر وائی نیوز کے مطابق چیئرمین پی ٹی آئی بیرسٹر گوہر بانی عمران خان سے ملاقات کی اجازت ملنے کے بعد وہ نیاز اللہ نیازی ودیگر وکلا کے ہمراہ اڈیالہ جیل پہنچے جہاں میڈیا سے گفتگو کرتے ہوئے انہوں نے واضح کیا کہ علیمہ خان کا پارٹی امور سے کوئی تعلق نہیں اور یہ تاثر غلط ہے کہ وہ پارٹی پر اثر انداز ہو رہی ہیں۔
ن

بیرسٹر گوہر نے کہا کہ پارٹی کے 100 فیصد فیصلے عمران خان خود کرتے ہیں۔ اپوزیشن لیڈر کس کو ہونا چاہیے اور کس کو نہیں، اس کا فیصلہ بانی نے کرنا ہے۔ میں نے کہیں بھی خود کو امیدوار کے طور پر پیش نہیں کیا۔ ہم نے اس معاملے پر اسٹے لے لیا ہے، لیکن اپوزیشن کے بغیر جمہوریت نہیں چل سکتی۔

چیئرمین پی ٹی آئی نے ضمنی انتخابات اور بچوں کے امتحانات ملتوی کرنے کا مطالبہ کرتے ہوئے یہ بھی کہا کہ پارٹی میں انتخابات میں حصہ لینے کی رائے ضرورہے، لیکن حتمی فیصلہ عمران خان نے ہی کرنا ہے۔ اگر ان کی ہدایات ہیں کہ حصہ نہیں لینا تو ان کی بات ہی حتمی ہوگی۔ کچھ باتوں پر ابہام ہے، لیکن بانی کی ہدایات پر 100 فیصد عمل ہوگا۔

انہوں نے کہا کہ سیکریٹری جنرل سلمان اکرم راجا نے 26 نومبر کے واقعہ کے بعد بھی استعفیٰ دیا تھا، جو بعد میں واپس ہو گیا۔ ان کے استعفے پر بانی پی ٹی آئی عمران خان خود فیصلہ کریں گے۔ تاہم ان کی واضح ہدایات ہیں کوئی پارٹی لیڈر پبلک میں استعفیٰ پیش نہیں کرے گا۔ پارٹی کے اندر سے باتیں باہر آتی ہیں تو لوگ سمجھتے ہیں اختلافات ہیں۔ سلمان اکرم راجا سمیت کسی لیڈر کو پارٹی معاملات پر ٹوئٹ نہیں کرنی چاہئیں۔

چیئرمین پی ٹی آئی نے حکومت سے مذاکرات کی تردید کرتے ہوئے کہا کہ ہمارے کسی سطح پر کوئی مذاکرات نہیں ہو رہے۔ حکومت والے صرف شوشے چھوڑ رہے اور اپنوں کو نواز رہے ہیں۔ پی پی اور ن لیگ کے پلے تو ایک ووٹ بھی نہیں ہے۔ ہمارے لیے صورتحال ٹف ہے، یہ سزائیں اور نا اہلیاں غلط ہیں، بانی کے فیملی ممبرز کو گرفتار کرنے کی کیا ضرورت تھی۔

بیرسٹر گوہر نے یہ بھی کہا کہ سیلاب سے کے پی کے 10 اضلاع متاثر ہوئے، صرف بونیر میں 236 اموات اور 120 زخمی ہوئے۔ سینکڑوں گھر اور دکانیں جب کہ 55 ہزار ایکڑ پر فصلیں تباہ ہو گئیں۔ جتنی تباہی ہوئی، اس کے مقابلے میں وفاقی حکومت نے بہت کم امداد دی ہے، اس کو دل کھول کر مدد کرنی چاہیے۔ سیلاپ متاثرین کی مدد کیلیے آرمڈ فورسز، سیاسی جماعتوں اور این جی اوز کا مشکور ہوں۔

https://urdu.arynews.tv/aleema-khanum-on-salman-akram-raja/

اسلام آباد (22 اگست 2025): چیئرمین پی ٹی آئی بیرسٹر گوہر نے بونیر میں سیلاب سے تباہی کی دل دہلا دینے والی تصویر سوشل میڈیا پر شیئر کی ہے۔

پاکستان اس وقت طوفانی بارشوں اور سیلاب کی زد میں ہے۔ گزشتہ ہفتے صوبہ خیبر پختونخوا میں کلاؤڈ برسٹ، طوفانی بارش اور سیلابی ریلوں سے تاریخ کی بدترین تباہی ہوئی۔ 350 سے زائد افراد جاں بحق ہوئے، درجنوں اب بھی لاپتہ ہیں جب کہ اربوں مالیت کا مالی نقصان ہوا ہے۔

سب سے زیادہ تباہی ضلع بونیر میں آئی جہاں سیلابی ریلوں اور بجلی گرنے سے 250 سے زائد قیمتی جانیں ضائع ہوئیں۔ آن کی آن میں پورے پورے گاؤں صفحہ ہستی سے مٹ گئے، خاندان اجڑ گئے۔

اسی بونیر سے تباہی کی ایک اور دل دہلا دینے والی تصویر پی ٹی آئی چیئرمین بیرسٹر گوہر نے سوشل میڈیا پلیٹ فارم ایکس پر شیئر کی ہے، جو وہاں ہونے والی تباہی کی شدت بیان کر رہی ہے۔

اس تصویر میں دیوہیکل پتھروں تلے ایک کار دبی ہوئی ہے اور مکمل طور پر کچل چکی ہے۔ نہیں معلوم کہ کار میں کوئی سوار تھا یا نہیں۔

اس دلخراش تصویر کے ساتھ چیئرمین پی ٹی آئی نے اپنا دکھ لفظوں میں بیان کرتے ہوئے لکھا ہے کہ بونیر کے حالیہ سیلاب کی یہ تصویر ہزار لفظوں کے برابر ہے اور سیلاب کی تباہ کاریوں کی شدت بیان کرتی ہے۔

This picture of Buner Flood last Friday is worth a thousand words. This reflects on the magnitude of flood. We are trying to help our people rebuild from scratch. Please don’t leave us alone in this struggle. I request everyone to help us. May God protect us all, Aameen. pic.twitter.com/Xs4i82c1FV

— Barrister Gohar Khan (@BarristerGohar) August 22, 2025

بیرسٹر گوہر نے کہا کہ اس موقع پر ہماری مدد کرنے والوں کا شکریہ ادا کرتے ہیں۔ اپنے لوگوں کو دوبارہ سہارا دینےکی کوشش کر رہے ہیں۔ اللہ تعالیٰ ہمیں اس جدوجہد میں اکیلا نہ چھوڑے اور سب کی حفاظت فرمائے۔

https://urdu.arynews.tv/kp-flood-entire-villages-buried-in-buner-debris-turns-into-mass-graves-video-report/

اسلام اباد : چیئرمین پی ٹی آئی بیرسٹر گوہر کا سپریم کورٹ کے نیب ترامیم کیس کے فیصلے سے بانی پی ٹی آئی کے کیسز ختم ہونے سے متعلق اہم بیان آگیا۔

تفصیلات کے مطابق چیئرمین پی ٹی آئی بیرسٹرگوہر نے میڈیا سے گفتگو کرتے ہوئے کہا کہ سپریم کورٹ نےآج نیب ترامیم سےمتعلق فیصلہ دیا، نیب ترامیم سےمتعلق فیصلےکےبعدتوشہ خانہ ٹوکیس ختم ہوگیا، توشہ خانہ ٹوکیس کیس نیب کےدائرہ اختیارسےنکل چکا ہے۔

بیرسٹر گوہر کا کہنا تھا کہ القادرٹرسٹ کیس بھی اس ترمیم کےتحت نکل جائےگا جبکہ 190ملین پاؤنڈ کے معاملے پر منظوری کابینہ نےدی تھی، کابینہ سے منظور شدہ فیصلے پر نیب کادائرہ اختیارنہیں بنتا۔

چیئرمین پی ٹی آئی نے کہا کہ نئے قانون میں لکھا ہے کابینہ فیصلے کو استثنیٰ ہے، پراسیکیویشن نے خود تسلیم کہ کیابانی پی ٹی آئی نے ذاتی فائدہ حاصل نہیں کیا۔

انھوں نے بتایا کہ سپریم کورٹ فیصلے کے مطابق اب دونوں کیسز ختم ہیں، القادر میرٹ پر ختم ہونا چاہیے اور توشہ خانہ ٹو چل ہی نہیں سکتا، بشریٰ بی بی کا نام تو توشہ خانہ فہرست میں تھا ہی نہیں، بانی پی ٹی آئی پر دباؤ ڈالنے کیلئےبشریٰ بی بی کا نام شامل کیا گیا۔

ان کا مزید کہنا تھا کہ سپریم کورٹ کے فیصلے میں اب قانون بالکل واضح ہو گیا ہے، کابینہ فیصلے کا کیس نیب میں نہیں چل سکتا، ہم پارلیمنٹ میں موجود ہیں بے شک وہاں پر مشکوک لوگ بیٹھے ہیں۔

اسلام آباد : نگراں وزیرداخلہ سرفراز بگٹی نے چیئرمین پی ٹی آئی کو عدالتوں کا لاڈلہ قرار دے دیا اور کہا کہ جیل قید میں ایسی سہولت کسی سابق وزیراعظم کو نہیں ملی۔

تفصیلات کے مطابق گراں وزیرداخلہ سرفراز بگٹی نے چیئرمین پی ٹی آئی کو عدالتوں کا لاڈلہ قرار دیتے ہوئے کہا کہ جیل میں انھیں ملنےوالی سہولتوں کا عام شہری سوچ بھی نہیں سکتا، قید میں ایسی سہولت ماضی میں کسی سابق وزیر اعظم کو نہیں ملی۔

ن لیگ کے حوالے سےسرفراز بگٹی کا کہنا تھا کہ ن لیگ کو کوئی ’’فیور‘‘ نہیں دی جارہی، نوازشریف پر زیادہ کیسز بے بنیاد تھے، نگراں حکومت کیلئے سب برابر ہیں، بلاول اور نواز دونوں قابل احترام ہیں۔

پی پی کے لیول پلیئنگ فیلڈ کے مطالبے پر نگراں وزیرداخلہ نے مزید کہا کہ ذکااشرف پی پی کےلاڈلےہیں اور اب بھی کرسی پرموجودہیں، لیول پلیئنگ فیلڈ نہ ہوتی تو ذکااشرف کوہٹاچکے ہوتے۔

وزیر اعظم کی اسلام آباد ہائی کورٹ طلبی کے سوال پر ان کا کہنا تھا کہ ہر عدالت اگر چھوٹے معاملات پر انہیں بلائے گی تو یہ ایک مناسب عمل نہیں، پاکستان میں لاپتہ افراد کی تعداد دنیا میں سب سے کم ہے۔