ARYNews.tv | Urdu – Har Lamha Bakhabar

Tag: چیرمین پاکستان پیپلز پارٹی بلاول بھٹو

  • بلاول بھٹو نے مزدوروں کے عالمی دن پر ’مزدور پالیسی‘ کا اعلان کردیا

    بلاول بھٹو نے مزدوروں کے عالمی دن پر ’مزدور پالیسی‘ کا اعلان کردیا

    کراچی: پاکستان پیپلز پارٹی کے چیئرمین بلاول بھٹو زرداری نے لیبر ڈے پر پارٹی کی طرف سے مزدور پالیسی کا اعلان کردیا، انھوں نے کہا کہ پیپلزپارٹی نے ہمیشہ مزدوروں کے حقوق پر توجہ دی۔

    بلاول بھٹو نے کہا کہ پیپلزپارٹی حکومت میں آکر میٹرنٹی لیو کا دائرہ کار بڑھائے گی، انفرادی طورپر مزدوری کرنے والوں کو بھی سوشل سیکورٹی فراہم کی جائے گی اور اس کا دائرہ کار زراعت میں کام کرنے والوں تک بڑھایا جائے گا۔

    ان کا کہنا تھا کہ اسمبلیوں میں مزدوروں اور کسانوں کو نمائندگی ہمارے منشورمیں شامل ہے، مزدور کئی جگہ پر اپنی جانوں کو بھی خطرے میں ڈالتے ہیں، ان کی حفاظت کے لیے قانون سازی کریں گے۔

    مزدوروں کے عالمی دن کے موقع پر انھوں نے اپنے بیان میں کہا کہ ملازمین کی پنشن میں بیس فیصد اضافہ کرنا چاہتے ہیں، پیپلزپارٹی ملک کے مزدوروں کے لیےانقلابی اقدامات کرے گی۔

    کے ایم سی کے بارے میں انھوں نے کہا کہ اس ادارے میں گھوسٹ ملازمین کا ہونا ایک بڑا مسئلہ ہے، یہ میرے پاس نہیں کہ ان کے خلاف کارروائی کرسکوں، کے ایم سی نہ کام کر رہی ہے نہ تنخواہیں دے رہی ہے، پتا نہیں اس کے پیسے کہاں جاتے ہیں۔

    انھوں نے کہا کہ ن لیگ نے پی آئی اے اور اسٹیل مل کی نج کاری کی سازش کی، کے الیکٹرک کی نج کاری کو ہم سب برداشت کررہے ہیں۔ پیپلزپارٹی اداروں کی مزید نج کاری روکنا چاہتی ہے۔ پی آئی اے میں زیادہ بھرتیاں نج کاری کے لیے بہانہ ہے، اگر ایسا ہے تو مزید جہاز خرید کرادارے کو بہتر بنایا جائے۔

    ایم کیو ایم کو ڈر ہے کہ کراچی سے اس کا صفایا نہ ہوجائے، بلاول بھٹو

    کراچی میں ایم کیو ایم کے ساتھ بیانات کی جنگ کے حوالے سے بلاول بھٹو نے کہا کہ ایم کیو ایم سیاسی بیان بازی کی بجائے سانحہ بلدیہ پر جواب دے، وہ فکر نہ کرے پیپلزپارٹی ہر ضلع میں جلسہ کرےگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نوازشریف قوم کو پاناما کیس میں الجھائے رکھنا چاہتے ہیں، بلاول بھٹو

    نوازشریف قوم کو پاناما کیس میں الجھائے رکھنا چاہتے ہیں، بلاول بھٹو

    لاہور : چیئرمین پاکستان پیپلز پارٹی بلاول بھٹو نے کہا ہے کہ نوازشریف کو قوم کو پاناما کیس میں الجھائے رکھنا چاہتے ہیں لیکن ملک میں کیا ہو رہا ہے اسے عوام بہت اچھی طرح جانتے ہیں.

    وہ جہانگیر بدر کی برسی کے موقع پر منعقد کی گئی تقریب سے خطاب کر رہے تھے، بلاول بھٹو نے جہانگیر بدر کو خراج تحسین پیش کرتے ہوئے کہا کہ ایسے سیاسی کارکنان کم ہیں جو وفاداریاں تبدیل نہیں کرتے اور جہانگیر بدر نے اپنے پورے سیاسی کیریئر ایک وفادار سیاسی کارکن رہے.

    بلاول بھٹو نے کہا کہ جہانگیر بدر کارکنان میں بیٹھنے کو ترجیح دیتے تھے اور یہی وجہ ہے جہانگیر بدر اپنے کردار کی وجہ سے ہر جیالے کے دل میں زندہ ہیں اور جہانگیر بدر کا کردار ہر جیالے کی میراث ہے، جہانگیربدرکی ثابت قدمی ہرسیاسی کارکن کے لئے مشعل راہ ہیں.

    ایک سوال کے جواب میں چیئرمین پیپلزپارٹی بلاول بھٹو نے کہا کہ کراچی میں سیاست کے نام جو کچھ کیا جا رہا ہے اور جس طرح ایک جماعت بنائی گئی ہے وہ نہایت افسوسناک ہے، پیپلز پارٹی کراچی کو خصوصی توجہ دیتی ہے اور اسی مناسبت سے کراچی میں کئی ترقیاتی پروجیکٹس شروع کیے ہیں.

    انہوں نے کہا کہ عمران خان کا حق ہے کہ کراچی آئیں اور سیاست کریں لیکن وہ یہاں کامیاب نہیں ہو سکیں گے کیوں کہ وہ ایک کٹھ پتلی ہیں اور قرار کراچی کی دوسری کٹھ پتلیوں کی طرح یہ کٹھ پتلی بھی ناکام ہو جائے گی.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انیس ہزار میگاواٹ بجلی پیدا ہورہی ہے تو لوڈ شیڈنگ کیوں ہے؟ بلاول

    انیس ہزار میگاواٹ بجلی پیدا ہورہی ہے تو لوڈ شیڈنگ کیوں ہے؟ بلاول

    ملتان: پیپلز پارٹی کے چیئرمین بلاول بھٹو نے کہا ہے کہ صوبوں کو این ایف سی ایوارڈ میں حق نہیں دیا جارہا، 19 ہزار میگا واٹ بجلی کی پیداوار ہو رہی ہے تو لوڈ شیڈنگ کیوں ہے؟

    ملتان میں ایک تقریب سے خطاب کرتے ہوئے بلاول بھٹو زرداری نے کہا کہ میاں صاحب عوام سڑکوں پر احتجاج کیوں کررہی ہے؟ میاں صاحب کی ترقی صرف اشتہارات تک محدود ہے،میاں صاحب اب آپ عوام کو بے وقوف نہیں بناسکتے۔

    انہوں نے کہا کہ تخت رائے ونڈ نے صوبوں کا برا حال کردیا ہے،یہ غریب دشمن اور کسان دشمن حکومت ہے،میاں صاحب عوام اب آپ سے تنگ آچکے ہیں،یہ حکمران حکومت کے ساتھ کاروبار بھی کرتے ہیں۔

    انہوں نے کہا کہ صوبوں کو این ایف سی ایوارڈ میں حق نہیں دیا جارہا، 19 ہزار میگا واٹ بجلی کی پیداوار ہو رہی ہے تو لوڈ شیڈنگ کیوں ہے؟بجلی بند ہونے سے بے روزگاری عروج پر ہے، صنعتیں بند ہونے سے مزدور بے روزگار ہو رہے ہیں لیکن میاں صاحب کو ملک کی نہیں صرف اپنے خاندان کی فکر ہے۔

    بلاول کا کہنا تھا کہ یہ وہ ہیں جنہیں سپریم کورٹ کی جے آئی ٹی بلائے تو شان میں گستاخی ہوتی ہے،یہ وہ حکمران ہیں جو روزانہ اداروں کو دھمکیاں دیتے ہیں،جے آئی ٹی میں پیش ہوتے ہیں تو پوری فوج کے ساتھ جاتے ہیں،حکمرانوں کا بجٹ اورنج لائن سے شروع ہو کر میٹرو بس پر ختم ہوتا ہے،ان لوگوں نے پورے پنجاب کو پولیس اسٹیٹ بنادیا ہے،یہ لوگ پہلے خریدنےکی کوشش کرتے ہیں ورنہ حملےکرتے ہیں۔

    چیئرمین پیپلز پارٹی بلاول کا مزید کہنا تھا کہ الیکشن قریب ہیں،کارکنان بھرپور تیاری شروع کردیں،عوام کی مدد سے ایک مرتبہ پھر عوام دشمن قوتوں کو شکست دیں گے، پاکستان پیپلز پارٹی عوام دوست اور عوام کی ہی پارٹی ہے۔

  • ویسٹ انڈیز لاہور میں ٹی ٹوئنٹی میچز کھیلے گی، نجم سیٹھی

    ویسٹ انڈیز لاہور میں ٹی ٹوئنٹی میچز کھیلے گی، نجم سیٹھی

    لاہور : پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی نے کہا ہے کہ 9 فروری سے شروع ہونے والی پی ایس ایل کا فائنل لاہور میں ہو گیا تو پاک ویسٹ انڈیز سیریز پاکستان میں یقینی ہو جائے گی۔

    لاہور میں پاکستان کرکٹ بورڈ کی ایگزیکٹو کمیٹی کے چیئرمین نجم سیٹھی کا کہنا تھا کہ وہ انتظار کر رہے ہیں کہ شاہد آفریدی ان کے ساتھ ایک کپ چائے پی لیں، پھر وہ دونوں ایسی پریس کانفرنس کریں گے کہ واہ واہ ہو جائے گی۔


    PCB invites West Indies to play two T20s in… by arynews

    انہوں نے کہا کہ بھارت کے خلاف کیس کے لیے وکلاء سے مشاورت جاری ہے، اگر کیس مضبوط ہوا تو بھارت کے خلاف دنیا کی بڑی سے بڑی عدالت میں جائیں گے چاہے جتنا پیسہ لگ جائے۔

    نجم سیٹھی کا کہنا تھا کہ بھارت کے ساتھ بائی لیٹرل سیریز کی بات بھی ہو رہی ہے، پی ایس ایل کے بعد شاید تیسری بار چھٹی ٹیم بھی شامل کر لی جائے، پی ایس ایل فرینچائزز نے پاکستان اور کرکٹ سے محبت کا ثبوت دیا ہے۔

    انہوں نے کہا کہ اگر پی ایس ایل کا فائنل لاہور میں ہو گیا تو پاک ویسٹ انڈیز سیریز پاکستان میں یقینی ہوجائے گی۔

    ایک سوال کے جواب میں نجم سیٹھی نے کہا ان کی چڑیا کی خبر ہے کہ چار فرینچائز اسلام آباد یونائیٹڈ کو ہرانے کی بھرپور کوشش کر رہی ہیں۔

  • بلاول کی باتوں کو بچکانہ سمجھ کر نظر انداز کیا جاتا ہے، مریم اورنگزیب

    بلاول کی باتوں کو بچکانہ سمجھ کر نظر انداز کیا جاتا ہے، مریم اورنگزیب

    اسلام آباد : وزیر مملکت برائے اطلاعات و نشریات مریم اورنگزیب نے کہا ہے کہ بلاول بھٹو کے غیر اخلاقی بیان نے آکسفورڈ کی تعلیم کو شرمندہ کردیا ہے، ان کی باتوں لوگ بچہ سمجھ کر نظر انداز کریں گے

    وزیر مملکت برائے اطلاعات و نشریات مریم اورنگزیب میڈیا سے گفتگو کرتے ہوئے چیئرمین بلاول بھٹو زرداری کے بیان پر رد عمل دے رہی تھیں، انہوں نے کہا کہ بلاول کے سیاسی استاد شاید ان کی بھلائی نہیں چاہتے ،اس لیے انہیں یہ نہیں بتایا جا رہا ہے کہ پاناما پیپرز میں وزیر اعظم نواز شریف کا نہیں بلکہ بھٹو خاندان کا نام آیاہے،

    اسی سے متعلق : آصف زرداری 23 دسمبر کو کراچی پہنچیں گے،میرے خاندان کا نام پاناما پیپرز میں نہیں، بلاول بھٹو

    انہوں نے مزید کہا کہ اپنے دورِ حکومت میں پاکستان پیپلز پارٹی کوئی جلسہ نہ کرسکی تھی آج وہ اگر کھلے عام جلسے کر رہے ہیں تو اس کا کریڈٹ نواز شریف کی حکومت کو جاتا ہے۔

    یہ بھی پڑھیں : بلاول کو شاید پتہ نہیں کہ پاناما پیپرز میں ان کی والدہ کا نام بھی آیا ہے، چوہدری نثار

    واضح رہے کہ بلاول بھٹو زرداری نے وفاقی وزیر داخلہ چوہدری نثار کے بیان کہ ’ پاناما پیپرز میں بے نظیر بھٹو کا نام بھی آیا ہے‘ پر تبصرہ کرتے ہوئے کہا تھا کہ اپنے ایک بیان میں کہا تھا کہ ان کی والدہ کا نام یا ان کے خاندان کے کسی بھی فرد کا نام پاناما اسکینڈل میں نہیں آیا ہے۔

  • آصف زرداری 23 دسمبر کو کراچی پہنچیں گے، بلاول بھٹو

    آصف زرداری 23 دسمبر کو کراچی پہنچیں گے، بلاول بھٹو

    کراچی : چیئرمین پاکستان پیپلز پارٹی بلاول بھٹو زرداری نے کہا ہے کہ سابق صدر آصف زرادی 23 دسمبر کو کراچی پہنچ رہے ہیں جس کے بعد پارٹی کی سرگرمیاں مزید عروج پر پہنچیں گی۔

    بلاول بھٹو کراچی میں میڈیا سے گفتگو کر رہے تھے، انہوں نے اعلان کیا کہ پاکستان پیپلز پارٹی کے’ کو چیئرمین‘ اور سابق صدر آصف علی زرداری 23 دسمبر کو کراچی پہنچ رہے ہیں اور پارٹی کی سرگرمیوں میں بڑھ چڑھ کر حصہ لیں گے۔

    انہوں نے اپنی جماعت کے چار مطالبات کو دہراتے ہوئے کہا کہ اگر ہمارے مطالبات نہ مانیں گے تو حکومت کے خلاف بھرپور احتجاجی مہم چلائیں گے اور آصف زرداری کی موجودگی سے اس احتجاج میں مزید تیزی آئے گی اور پارٹی ایک نئے جوش اور ولولے کے ساتھ میدان میں آئے گی۔

    ایک سوال کےجواب میں بلاول بھٹو نے کہا کہ پاناما لیکس میں شہید بے نظیر بھٹو سمیت ہماری پارٹی کے کسی رہنما کا نام نہیں ہے جسے شک ہے وہ ویب سائیٹ پر جا کر معلوم کرسکتا ہے، پاناما کی تمام معلومات ان کی ویب سائیٹ پر ہر خاص و عام کے لیے دستیاب ہے۔

    انہوں نے مزید کہا کہ پیپلز پارٹی حکومت کو بتائے گی کہ اصل اپوزیشن کیا ہوتی ہے، حکومت چاہتی ہے کہ اپوزیشن کو کام کرنے نہ دیا جائے لیکن ہم ہر کسی قسم کے دباؤ کا سامنا کرتے ہوئے اپنے چار مطالبات کی منظوری کے لیئے بھرپور احتجاجی مہم چلائیں گے۔

  • بلاول بھٹو کی شادی: سیاست دانوں اور عوام کے مشورے

    بلاول بھٹو کی شادی: سیاست دانوں اور عوام کے مشورے

    اسلام آباد : بلاول بھٹو کی جانب سے اپنی شادی کے لیے لڑکی کے انتخاب کی ذمہ داری بہنوں کو تفویض کرنے پر سیاست دانوں اور عوام الناس کی جانب سے ملے جلے مگر دلچسپ ردعمل سامنے آرہے ہیں۔

    اسپیکر قومی اسمبلی سردار ایاز صادق کہتے ہیں کہ شادی سے متعلق بلاول بھٹو کی بات سُن کر خوشی ہوئی وہ جوان ہیں، خوبصورت ہیں،اچھے خانوادے سے تعلق رکھتے ہیں ایک جماعت کے سربراہ ہیں ان کے لئے لڑکیوں کی کمی نہیں ہوگی بلکہ مشکل یہ ہو گی کہ کس سے شادی کریں اور کس سے نہ کریں۔

    اسی سے متعلق : شادی بہنوں کی پسند سے کروں گا،بلاول بھٹو زرداری

    ایاز صادق نے کہا کہ اس کے باوجود بلاول بھٹو کا اپنی شادی کے لیے لڑکی ڈھونڈنے میں بہنوں کی رائے کو فوقیت دینا نہایت اعلیٰ طرفی اور فرمانبرداری کی علامت ہے،میں بلاول کے لیے دعا گو ہوں اللہ انہیں صحت اور لمبی عمر عطا فرمائے اور وہ اپنی ازدواجی زندگی میں بھی کامیاب رہیں۔

    ایم کیو ایم پاکستان سے تعلق رکھنے والے رکن سندھ اسمبلی رؤف صدیقی نے بلاول بھٹو کی شادی کے حوالے سے تبصرہ کرتے ہوئے کہا کہ بلاول کی بات اپنی جگہ درست تاہم انہیں چاہیے کہ ارینج میرج کے بجائے اپنی پسند سے محبت کی شادی کریں جس سے ذہنی ہم آہنگی ہو اور وہ ایک سیاست دان کی مصروف زندگی سے بھی آگاہ ہو ورنہ بلاول کے لیے زندگی گزارنا مشکل ہو جائے گا۔

    مسلم لیگ (ن) سے تعلق رکھنے والے وزیر مملکت عابد شیر علی نے بلاول بھٹو کی ازدواجی زندگی کے لیے نیک تمناؤں کا اظہار کرتے ہوئے کہا کہ چاہے بلاول ارینج میرج کریں یا پسند کی شادی کریں، یہ ان کی صوابدید پر ہے لیکن میرا بس اتنا مشورہ ہے کہ عمران خان اور شیخ رشید سے دور رہیں ان دونوں کے سائے بلاول کی ازدواجی زندگی پر نہ پڑیں تو خوشگوار زندگی گزاریں گے۔

    سیاست دان تو سیاست دان عوام الناس میں بھی بلاول بھٹو کی شادی کی خبر پر دلچسپ تبصروں اور ردعمل کا سلسلہ جاری ہے، عوام کی کثیر تعداد نے نیک تمناؤں کا اظہار کرتے ہوئے بلاول بھٹو کے بہنوں کی پسند سے شادی کرنے کے فیصلے کو سراہا ہےایک صاحب نے تو یہاں تک کہہ دیا کہ پہلے شیخ رشید کی شادی کرائیں(دیکھیں ویڈیو)۔

  • مطالبات نہ مانےتوقبل ازوقت انتخابات کے لیے مہم چلائیں گے،بلاول بھٹو

    مطالبات نہ مانےتوقبل ازوقت انتخابات کے لیے مہم چلائیں گے،بلاول بھٹو

    کوئٹہ : چیرمین بلاول بھٹو زرداری نے کہا کہ ہمارے مطالبات نہیں مانے گئے تو قبل از وقت انتخابات کے لیے مہم چلائیں گےعمران خان کو مسئلہ ہے امپائر کی انگلی اٹھے بغیر ان کا کام نہیں بن سکتاجب کہ نوازشریف اسی کمزوری کا فائدہ اٹھا رہے ہیں۔

    میڈیا سے بات کرتے ہوئے چیرمین پاکستان پیپلز پارٹی نے بتایا کہ 4 نومبر کو سندھ پنجاب کی سرحد پر ایک بڑا جلسہ کر کے اپنے مطالبات ایک بار پھر رکھیں اور اگر ہمارے مطالبات 27 دسمبر تک پورے نہیں ہوئے تو قبل از وقت انتخابات کی مہم چلائی جا سکتی ہے۔

    بلاول بھٹو سانحہ کوئٹہ پولیس ٹریننگ کالج پر اظہار ہمدردی کے لیے کوئٹہ پہنچے تھے انہوں نے کہا کہ جب میں بلوچستان کے بارے میں سوچتا ہوں ان کا دکھ سمجھتا ہوں میرے خاندان کا دکھ اور بلوچستان کا دکھ ایک طرح کا ہے،میری ماں نے وطن واپسی کے بعد سیکیورٹی رسک کے باوجود بلوچستان میں مہم چلائی۔

    اسی سے متعلق : وزیراعظم نے چار مطالبات نہ مانے تو دما دم مست قلندر   ہوگا، بلاول بھٹو 

    انہوں نے کہا کہ میرے نانا اور اس وقت کے منتخب وزیر اعظم ذوالفقار بھٹو کو پھانسی چڑھایا گیا،بی بی کو شہید کیا گیا،میرے والد کو بلا جواز 10 سال جیل میں بند رکھا گیا تو تشدد کا نشانہ بنایا لیکن پھر بھی پاکستان مردہ باد نہیں پاکستان کھپے کا نعرہ لگایا اور یہی نعرہ لگاتے رہیں گے۔

    بلاول بھٹو اپنی والدہ اور نانا کے ذکر پر آبدیدہ ہوگئے اور اپنے خاندان اور جماعت پر کیے جانے والے مظالم بتاتے رہے اور ساتھ ساتھ پاکستان کھپے کے نعرے لگاتے رہے۔

     مزید جانیے : مطالبات منظور نہ ہوئے تو لانگ مارچ کیا جائے گا، بلاول بھٹو

    چیرمین پیپلز پارٹی نے اپنے خطاب میں حکمراں جماعت کو سخت تنقید کا نشانہ بناتے ہوئے کہا کہ جب کبھی سندھ میں کوئی دہشت گردی کا واقعہ رونما ہوتا تھا تو ن لیگ صدر آصف زرداری اور پی پی حکومت سے مستعفی ہونے کا مطالبہ کرتی تھی جب کہ پیپلز پارٹی نے کراچی ایرپورٹ پر حملے اور سانحہ صفورہ کے ملزمان کو کیفر کردار تک پہنچایا۔

    جب کہ مسلم لیگ ن کے وفاقی وزیر داخلہ دہشت گردی میں ملوث کالعدم جماعتوں سے ملاقاتیں کرتے ہیں،سانحہ کوئٹہ کے محض دو روعز بعد وہ شدت پسند جماعتوں کے سربراہان سے ملاقات کرتے ہیں،وہ ڈاکٹر عاصم اور ایان علی پر پریس کانفرنسس کرتے ہیں اور دہشت گردی کے واقعات پر چپ سادھ لیتے ہیں اس لیے ہم وزیر داخلہ سے مستعفی ہونے کا مطالبہ کرتے ہیں۔

    بلاول بھٹو نے کہا کہ دہشت گردی کے خلاف جنگ میں پیپلز پارٹی نے سب سے زیادہ قربانیاں دیں ہیں،میری والدہ نے جان دی ہے اس لیے نواز شریف سے کہتا ہوں کہ دلیرانہ فیصلہ کریں طالبان اور شدت پسندوں جماعتوں سے ہاتھ ملانے کے بجائے ان کے خلاف آپریشن کیا جائے،بتایا جائے کہ حکومت کس طرف کھڑی ہے؟

  • میرے شہر کے میئر کو کیوں بند کیا گیا ہے؟ بلاول

    میرے شہر کے میئر کو کیوں بند کیا گیا ہے؟ بلاول

    کراچی: چیئرمین پیپلز پارٹی بلاول بھٹو زرداری نے جناح اسپتال کراچی میں زیر علاج ڈاکٹر عاصم حسین کی عیادت کی۔ بلاول بھٹو نے ڈاکٹر عاصم کو یقین دلایا کہ پیپلز پارٹی ان کے ساتھ کھڑی ہے۔ میڈیا سے گفتگو کرتے ہوئے انہوں نے سوال کیا کہ کراچی کے میئر کو آخر کیوں پابند سلاسل کیا گیا ہے؟

    تفصیلات کے مطابق پیپلز پارٹی کے چیئرمین بلاول بھٹو زرداری کراچی میں اسیر رہنما ڈاکٹر عاصم حسین سے ملاقات کے لیے پہنچے۔ بلاول بھٹو نے جناح اسپتال میں زیر علاج ڈاکٹر عاصم کی عیادت کی۔ دوران عیادت انہوں نےڈاکٹر عاصم حسین کو گلے لگایا، ان کی خیریت دریافت کی اور انہیں گلدستہ پیش کیا۔

    چیئرمین پیپلز پارٹی نے سابق سینیٹر کو یقین دلایا کہ انہیں ہر طرح کی قانونی مدد دی جائے گی۔

    واضح رہے کہ کرپشن اور دیگر مقدمات میں گرفتار ڈاکٹر عاصم حسین کو فالج کے حملے کے بعد جناح اسپتال میں داخل کیا گیا تھا جہاں گزشتہ روز ان کا تفصیلی طبی معائنہ ہوا۔ بلاول بھٹو زرداری کی ڈاکٹر عاصم سے ملاقات کے دوران پیپلز پارٹی کے رہنما قمر الزمان کائرہ، سعید غنی اور مرتضیٰ وہاب بھی وہاں موجود تھے۔

    ڈاکٹر عاصم پر فالج کا حملہ، ڈاکٹرز کا مکمل آرام کا مشورہ *

    اسپتال کے باہر میڈیا سے گفتگو کرتے ہوئے کہا کہ وزیر اعظم نواز شریف خود کو امیر المومنین کہلواتے ہیں۔ کراچی آپریشن کو سیاسی مقاصد کے لیے استعمال کیا جا رہا ہے۔

    انہوں نے کہا کہ وزیر اعظم نے اس آپریشن میں خاص طور پر صوبہ سندھ کو ٹارگٹ کیا، جہاں چاہے میئر کراچی ہوں، چاہے عاصم حسین ہوں، قادر پٹیل ہوں یا کوئی اور سیاستدان، سب کے خلاف کارروائی کی جارہی ہے۔

    انہوں نے کہا کہ انسداد دہشت گردی کے قوانین خاص طور پر شدت پسندوں کے خلاف بنائے گئے تھے لیکن اب ان کا استعمال سیاسی جماعتوں اور دیگر اداروں پر کیا جارہا ہے۔ ڈاکڑ عاصم حسین کوئی لال مسجد کے طالبان نہیں ہیں۔

    بلاول بھٹو کا کہنا تھا کہ پاکستان پیپلز پارٹی نہ صرف وہ پہلی جماعت تھی جس نے سب سے پہلے شدت پسندی کے خلاف آواز بلند کی، بلکہ محترمہ بے نظیر بھٹو کی قربانی دی۔ ’ہم خود دہشت گردی کا شکار ہیں۔ میں جاننا چاہتا ہوں کہ دہشت گردی کے خلاف جنگ میں ہم کیا کر رہے ہیں‘۔

    انہوں نے دعویٰ کیا کہ پیپلز پارٹی نے تمام سیاسی جماعتوں کو دہشت گردی کے خلاف اکٹھا کیا، اور بدلے میں ہمیں کیا ملا؟ الٹا ڈاکٹر عاصم اور کراچی کے میئر کو جیل میں ڈال دیا گیا۔ ’ میں کراچی کا شہری ہوں، میرا حق بنتا ہے کہ میں سوال کروں کہ میرے شہر کامیئر جیل میں کیوں ہے‘؟

    عدالت کی وسیم اختر کو جیل سے کام کرنے کی ہدایت *

    انہوں نے سوال کیا کہ ان اقدامات سے ہم دنیا کو کیا پیغام دینا چاہتے ہیں؟

    انہوں نے مطالبہ کیا کہ میں اس بینظیر شہید کا بیٹا ہوں جس نے دہشت گردی میں اپنی جان قربان کی، ’مجھے نواز شریف سے سوال پوچھنے کا حق ہے کہ وہ دہشت گردی کے خلاف جنگ لڑ رہے ہیں یا نہیں‘؟

    انہوں نے کہا کہ نیشنل ایکشن پلان کے 20 نکات میں سے حکومت نے کتنے نکات پر عمل درآمد کیا۔

    اس سے قبل سیاسی تناؤ پر بلاول بھٹو زرداری نے سماجی رابطوں کی ویب سائٹ ٹوئٹر پر ٹوئٹ کرتے ہوئے کہا تھا کہ پیپلز پارٹی ہی ملک کو بحران سے نکال سکتی ہے۔

    اپنے ٹوئٹ میں انہوں نے مزید کہا کہ پیپلز پارٹی پاکستان کی واحد قانونی اور وفاقی جماعت ہے۔ وقت آگیا ہے کہ پارٹی اپنا مقام دوبارہ حاصل کرے۔

    بلاول بھٹو زرداری نے تیزی سے بدلتی سیاسی صورتحال پر آج سینئر رہنماؤں کا اجلاس بھی طلب کر رکھا ہے جس میں اپوزیشن لیڈر خورشید شاہ، سابق وزرائے اعظم یوسف رضا گیلانی، راجہ پرویز اشرف اور دیگر رہنما شریک ہوں گے۔

  • سوئیٹ ہوم میں 5 بچوں کی ہلاکت پر بلاول بھٹو کا اظہار افسوس

    سوئیٹ ہوم میں 5 بچوں کی ہلاکت پر بلاول بھٹو کا اظہار افسوس

    کراچی : چیرمین پاکستان پیپلز پارٹی بلاول بھٹو زرداری نے میرپورخاص میں یتیم بچوں کے لیے قائم سوئیٹ ہوم میں آگ لگنے سے پانچ بچوں کی ہلاکت پرانتہائی افسوس کا اظہار کیا ہے۔

    بلاول بھٹو زرداری نے دلخراش واقعے کے بارے میں کہنا تھا اس واقعے نے سب کو غمزدہ کردیا ہے،اس دل دہلانے بوالے واقعے سے میں ذاتی طور پر شدید مضطرب اور غم میں مبتلا ہوں۔

    انہوں نے کہا کہ اس واقعے کی تحقیقات کا حکم دیتے ہوئے کہا ہے کہ متعلقہ ملازمین کی اضافی ذمہ داریوں اور توجہ سے اس قسم کے واقعات کی روک تھام کی جا سکتی ہے،انہوں نے ملازمین کو اپنی ذمہ داریوں کو پیشہ وارانہ طور پر نہایت ذمہ داری کے ساتھ نبھانے کی ضرورت پر ذور دیا۔

    اسی سے متعلق : سوئیٹ ہوم میں آتشزدگی سے5 بچےجاں بحق

    چیرمین بلاول بھٹو زرداری نے وزیر اعلیٰ سندھ کو فون کر کے واقعہ کی تفصیلات سے مکمل آگاہی حاصل کی اور سندھ حکومت کو زخمی بچوں کو بہترین طبی امداد مہیا کرنے کی ہدایت جاری کی ہے۔

    واضح رہے گزشتہ روز میرپور خاص کے علاقے لیاقت ٹاؤں میں بیت المال کے زیر انتظام یتیم بچوں کی رہائش گاہ ’’سوئیٹ ہوم‘‘ میں الیکٹرک شارٹ سرکٹ کے باعث آگ لگنے کے باعث 5 بچے جاں بحق اور متعدد زخمی ہو گئے تھے۔