ARYNews.tv | Urdu – Har Lamha Bakhabar

Tag: چیف آف آرمی اسٹاف جنرل قمر باجوہ

  • کشمیراہم تصفیہ طلب ایجنڈا ہے، عظیم اور تاریخی مؤقف پر کشمیریوں کے ساتھ ہیں: آرمی چیف

    کشمیراہم تصفیہ طلب ایجنڈا ہے، عظیم اور تاریخی مؤقف پر کشمیریوں کے ساتھ ہیں: آرمی چیف

    راولپنڈی: آرمی چیف جنرل قمر جاوید باجوہ نے لائن آف کنٹرول کا دورہ کیا، ایل او سی پر پاک فوج کے جوانوں سے خطاب کرتے ہوئے انھوں نے کہا کہ ہم مادرِ وطن کے دفاع کے لیے ہر وقت تیار ہیں۔

    تفصیلات کے مطابق آرمی چیف نے ایل او سی کا دورہ کیا، فوج کے جوانوں سے خطاب کرتے ہوئے انھوں نے کہا کہ پاک فوج خطے میں امن و استحکام کے لیے مؤثر کردار ادا کر رہی ہے۔

    [bs-quote quote=”پاک فوج کسی بھی جارحیت کا بھرپور جواب دینے کے لیے تیار ہے” style=”style-7″ align=”left” color=”#dd3333″][/bs-quote]

    ڈی جی آئی ایس پی آر کے مطابق آرمی چیف جنرل قمر جاوید باجوہ نے ایل او سی پر جوانوں کی صلاحیتوں اور حوصلے کے بلند معیار کو سراہا۔

    آئی ایس پی آر کے مطابق آرمی چیف نے سرپیر اور پانڈو سیکٹرز کا دورہ کیا، آرمی چیف نے اس موقع پر کہا کہ پاک فوج کسی بھی جارحیت کا بھرپور جواب دینے کے لیے تیار ہے۔

    جنرل قمر جاوید باجوہ کا کہنا تھا کہ کشمیر ایک تفصیہ طلب ایجنڈا ہے، کشمیریوں کے عظیم، تاریخی مؤقف پر ان کے شانہ بشانہ کھڑے ہیں۔

    یہ بھی پڑھیں:  آرمی چیف سے امریکی ناظم الامورپال جونز کی ملاقات

    یاد رہے کہ تین دن قبل آرمی چیف جنرل قمر جاوید باجوہ سے امریکی ناظم الامور پال جونز نے ملاقات کی، اس ملاقات میں پڑوسی ملک افغانستان کی موجودہ صورت ِحال پر تفصیلی تبادلۂ خیال کیا گیا۔

  • آرمی چیف جنرل قمر جاوید باجوہ 3 روزہ سرکاری دورے پر لندن پہنچ گئے

    آرمی چیف جنرل قمر جاوید باجوہ 3 روزہ سرکاری دورے پر لندن پہنچ گئے

    لندن: پاک فوج کے سربراہ جنرل قمر جاوید باجوہ تین روزہ سرکاری دورے پر لندن پہنچ گئے، جہاں وہ برطانوی عسکری قیادت سے ملاقاتیں کریں گے۔

    ڈی جی آئی ایس پی آر کے مطابق آرمی چیف جنرل قمر جاوید باجوہ سرکاری دورے پر لندن پہنچ گئے ہیں، وہ تین دن تک برطانیہ میں قیام کریں گے اور وہاں فوجی سیاسی قیادت کے ساتھ ملاقاتیں کریں گے۔

    ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر  پر بتایا کہ آرمی چیف برطانوی دورے میں عسکری اور سیاسی قیادت کے ساتھ ملاقات میں دو طرفہ پیشہ ورانہ امور پر تبادلہ خیال کریں گے۔

    آرمی چیف جنرل قمر جاوید باجوہ نے اس سے قبل چین کا بھی تین روزہ کام یاب دورہ کیا، جہاں انھوں نے چین کے اعلیٰ سول و عسکری قیادت کے ساتھ ملاقاتیں کیں۔ آرمی چیف کی چینی صدر شی جن پنگ سے بھی ملاقات ہوئی۔

    یہ بھی پڑھیں:  نئے ڈی جی آئی ایس آئی سمیت کسی افسرکا سوشل میڈیا پر کوئی اکاؤنٹ نہیں: آئی ایس پی آر

    خیال رہے کہ آج پاک فوج میں اعلیٰ سطح پر تقرر و تبادلے کیے گئے ہیں، لیفٹیننٹ جنرل عاصم منیر کو ڈی جی آئی ایس آئی تعینات کیا گیا۔

    دوسری طرف ڈائریکٹر جنرل آئی ایس پی آر میجر جنرل آصف غفور نے ٹویٹ‌ کیا ہے کہ کہ آج ڈی جی آئی ایس آئی کا عہدہ سنبھالنے والے لیفٹیننٹ جنرل عاصم منیر کا کوئی سوشل میڈیا اکاؤنٹ نہیں۔

  • دنیا کی بہادر ترین فوج کا سربراہ ہونے پر فخر ہے، آرمی چیف

    دنیا کی بہادر ترین فوج کا سربراہ ہونے پر فخر ہے، آرمی چیف

    ملتان : آرمی چیف جنرل قمر جاوید باجوہ کا کہنا ہے کہ دنیا کی بہادر ترین فوج کا سربراہ ہونے پر فخر ہے جو دنیا کی بہترین فوج ہے اور بڑی سے بڑی طاقت کا مقابلہ کرنے کی صلاحیت رکھتی ہے۔

    پاک فوج کے تعلقات عامہ کے ادارے آئی ایس پی آر کے ترجمان کے مطابق آرمی چیف کا کہنا تھا کہ پاک فوج کا شمار دنیا کی بہترین فورسز میں ہوتا ہے اور دنیا کی بہادر ترین فوج کی سربراہی میرے لیے قابلِ فخر بات ہے۔

    آرمی چیف قمر جاوید باجوہ نے کہا کہ انسداد دہشت گردی آپریشنز نے فوج کی تیاریوں میں مدد کی اور دہشت گردی کے خلاف آپریشنز کے تجربات نے فوج کو سخت جان بنا دیا ہے۔

    آرمی چیف نے دورہ کور ہیڈ کوارٹر ملتان کے موقع پر فوجی افسران اور جوانوں سے گفتگو کے دوارن ان کی جواں مردی اور بہادری کو سراہتے ہوئے ہدایات جاری کیں کہ ہرطرح کے خطرات کو شکست دینے کے لیے ہرقسم کی تیاری مکمل رکھیں اور خود کو جدید تقاضوں سے ہم آہنگ رکھیں۔

    ڈی جی آئی ایس پی آر میجر جنرل آصف غفور کا کہنا تھا کہ آرمی چیف آج ملتان ہیڈ کوارٹرز کے دورے پر پہنچے تھے جہاں ان کا استقبال کور کمانڈر ملتان نے کیا جنہوں نے آرمی چیف کو آپریشن سے متعلق بریفنگ دی قبل ازیں آرمی چیف نے شہدائے یادگار پر حاضری دی اور پھول چڑھائے۔

  • پارہ چناردھماکہ: آرمی چیف کا دورہ‘ اے پی ایس کے قیام کا اعلان

    پارہ چناردھماکہ: آرمی چیف کا دورہ‘ اے پی ایس کے قیام کا اعلان

    پشاور: آرمی چیف جنرل قمرجاوید باجوہ نے کہا ہے دہشت گردوں کو کیفرکردارتک پہنچائیں گے دہشت گردی کے خلاف جنگ میں مستقل مزاجی، ہمت اور حوصلے کے زریعے کامیابی یقینی ہے‘ آرمی چیف نے پارہ چنار میں آرمی پبلک اسکول کے قیام کا اعلان بھی کیا۔

    پاک فوج کے تعلقات عامہ کے ادارے آئی ایس پی آر کے ترجمان کے مطابق چیف آف آرمی اسٹاف جنرل قمر باجوہ نے آج پارا چنارکا دورہ کیا، انہوں نے اسپتال میں موجود زخمیوں کی عیادت کی اور دھماکے میں جاں بحق ہونے والے افراد کے لواحقین سے دلی تعزیت کا اظہار کیا۔

    اسی سے متعلق : پاراچناردھماکا، جاں‌ بحق افراد کی تعداد 24 ہوگئی

    اس موقع پر کور کمانڈر پشاور لیفٹیننٹ جنرل نذیر احمد بٹ نےآرمی چیف کو علاقے کی مجموعی صورت حال سے آگاہ کیا اور آرمی چیف کو امدادی کارروائیوں اور دہشت گردوں کی سرکوبی اور دہشت گردی کے واقعات سے نمٹنے کے لیے اُٹھائے گئے اقدامات کے حوالے سے بریفنگ بھی دی۔

    ڈی جی آئی ایس پی آر میجرجنرل آصف غفور کے مطابق آرمی چیف قبائلی عمائدین سے ملاقات کی ۔ آرمی چیف کا کہنا تھا دہشتگردی کےخاتمےکیلئےسیکیورٹی ادارےکام کررہےہیں۔

    ان کا یہ بھی کہنا تھا کہ مذہب ،صوبائیت‘ زبان اورفرقےسےبالا سب پاکستانی ہیں دہشت گردی کے خلاف قبائلیوں کےتعاون سے کامیابیاں مل رہی ہیں ۔

    آرمی چیف نے اس موقع پر پاراچنار کے طلبہ کے لیے آرمی پبلک اسکول کےقیام کااعلان بھی کیا۔

    یاد رہے گزشتہ روز پاراچنار کے بازار میں دھماکے سے 26 افراد جاں بحق اور متعدد زخمی ہوگئے تھے۔

  • پاکستان کا کروز میزائل’بابر تھری‘ کا کامیاب تجربہ

    پاکستان کا کروز میزائل’بابر تھری‘ کا کامیاب تجربہ

    راولپنڈی : پاکستان نے آبدوزسے فائر کئے جانیوالے پہلے کروز میزائل ’’ بابر تھری‘‘ کا کامیاب تجربہ کیا ہے، یہ میزائل 450 کلومیٹر تک کے ہدف کو کامیابی سے نشانہ بنانے کی اہلیت رکھتا ہے۔

    ڈی جی آئی ایس پی آر میجر جنرل آصف غفور کی طرف سے جاری بیان کے مطابق پاکستان نے آبدوز سے فائر کئے جانیوالے پہلے کروز میزائل ’’ بابر تھری‘‘ کا کامیاب تجربہ کیا ہے جو 450 کلو میٹر تک ہدف کو کامیابی سے نشانہ بنا سکتا ہے۔

    آئی ایس پی آر کے مطابق میزائل کا تجربہ پاکستان کے سمندری حدود میں کیا گیا اور زیر آب موبائل پلیٹ فارم سے داغے گئے میزائل نے انتہائی کامیابی سے اپنے ہدف کو نشانہ بنایا۔

    یاد رہے ’’ بابر تھری‘‘ میزائل زمین سے مار کرنیوالے کروز میزائل ’’ بابر ٹو‘‘ کا نیا ورژن ہے جو سمندر سے ہدف کو نشانہ بناتا ہے یاد رہے کہ بابر ٹو کا گزشتہ برس دسمبر میں کامیاب تجربہ کیا گیا تھا۔

    ذرائع کے مطابق ’’ بابر تھری‘‘ میزائل اسٹیٹ آف دی آرٹ ٹیکنالوجیز سے لیس ہے جس میں انتہائی جدید گائیڈینس اینڈ نیوی گیشن فیچرز موجود ہیں،یہ میزائل مختلف اقسام کے ہتھیار لے جانے کی صلاحیت رکھتا ہے۔

    اس صلاحیت کا حصول پاکستان کی جانب سے ایک بڑے سنگ میل تک پہنچنے کا ثبوت اورپڑوس میں اپنائی جانیوالی نیوکلیئر اسٹریٹیجز کے موزوں ردعمل کی حکمت عملی کا اظہار ہے۔

    آئی ایس پی آر کے مطابق چیئرمین جوائنٹ چیفس آف اسٹاف کمیٹی جنرل زبیر محمود حیات ،ڈی جی اسٹرٹیجک پلانز ڈویژن لیفٹیننٹ جنرل مظہر جمیل ، کمانڈر نیول اسٹرٹیجک فورس کمانڈ ، سائنسی اسٹرٹیجک اداروں کے افسروں اور سائنسدانوں نے میزائل تجربہ دیکھا۔

    دوسری جانب سے چیئرمین جوائنٹ چیفس آف اسٹاف کمیٹی جنرل زبیر محمود حیات ، چیف آف آرمی اسٹاف جنرل قمر جاوید باجوہ چیف آف ایئر اسٹاف اور چیف آف نیول اسٹاف نے بھی اس غیر معمولی کامیابی پر قوم اور ٹیم کو مبارکباد دی ہے۔

    اس کے علاوہ صدر مملکت ممنون حسین اور وزیراعظم پاکستان نواز شریف نے بھی بابر تھری کے کامیاب تجربے پر قوم کو مبارک باد اور میزائل تیار کرنے والی پوری ٹیم کو خراج تحسین پیش کیا ہے۔

  • آرمی چیف کا افغان قیادت کو فون، نئے سال کی مبارک باد، ساتھ چلنے کا عزم

    آرمی چیف کا افغان قیادت کو فون، نئے سال کی مبارک باد، ساتھ چلنے کا عزم

    راولپنڈی: آرمی چیف آف اسٹاف جنرل قمر جاوید باجوہ نے افغان سیاسی و عسکری قیادت سے رابطہ کیا اور نئے سال کی مبارکباد دی ساتھ ہی خطے میں امن کیلئے مل کر کام کرنے کے عزم کا اظہار کیا۔

    ڈی جی آئی ایس پی آر میجر جنرل آصف غفور کے مطابق آرمی چیف جنرل قمرجاوید باجوہ نے افغان صدر اشرف غنی، چیف ایگزیکٹو عبداللہ عبداللہ اور افغان ہم منصب سے علیحدہ علیحدہ ٹیلی فون پر بات کی اور نئے سال کی مبارکباد دی۔

    آئی ایس پی آر کے مطابق آرمی چیف نےکہا کہ افغانستان میں استحکام کے لئے ملکر کام کریں گے، دونوں ملکوں میں امن خطے کے عظیم تر مفاد میں ہے۔ آئی ایس پی آر کے مطابق افغان قیادت نے آرمی چیف جنرل قمر جاوید باجوہ کو افغانستان کے دورے کی دعوت بھی دی۔

  • دہشت گردی کے خاتمے کے لیے مشترکہ مشقیں جاری رہیں گی، آرمی چیف

    دہشت گردی کے خاتمے کے لیے مشترکہ مشقیں جاری رہیں گی، آرمی چیف

    پبی: چیف آف آرمی اسٹاف جنرل قمر باجوہ نے کہا ہے کہ دہشت گردی کے خاتمے اور قیام امن کے لیے دوست ممالک کے ساتھ مشترکہ فوجی مشقوں کا سلسلہ جاری رکھا جائے گا۔

    یہ بات آرمی چیف جنرل قمر باجوہ نے نیشنل کاؤنٹر ٹیرارازم ٹریننگ سینٹر کے دورے موقع پر کہی جہاں دو ماہ پر مشتمل جنگی مشق 4 میں پاک فوج اور چینی فوج کے مشترکہ فوجی مشقوں کا آخری دن تھا۔

    پاک فوج کے تعلقات عامہ کے ادارے آئی ایس پی آر کے مطابق آرمی چیف نے پبی میں قائم انسداد دہشت گردی سینٹر کا دورہ کیا اور پاک چین فوج کی مشترکہ تربیتی مشقوں کا جائزہ لیا مشقوں میں شہری اور دیہی علاقوں میں اسپیشل فورسز کی زمینی کارروائیوں سمیت ہیلی کاپٹرز کے ذریعے کارروائیاں بھی شامل تھیں۔


    آرمی چیف نے پاک چین تربیتی مشقیں جنگجو فور کی اختتامی تقریب سے خطاب کرتے ہوئے کہا کہ مشقوں کا مقصد دیہی اور شہری علاقوں میں انسداد دہشتگردی کی مہارت بڑھانا تھا اور دہشت گردی کےخاتمے اورقیام امن کے لیے پاکستان دوست ممالک کے ساتھ مشترکہ مشقوں کا انعقاد کرتا رہے گا۔

    آرمی چیف نے کہا کہ ہمارے انسداد دہشت گردی کے تربیتی سینٹرز اپنی پیشہ ورانہ مہارت، جدید سہولیات اور موثر منصوبہ بندی کے باعث ساری دنیا میں اہمیت کے حامل ہیں اور دنیا کے کئی ممالک ہمارے سینٹرز میں تربیت کے حصول اور مشترکہ مشقوں کے خواہش مند ہیں۔

    اس موقع پر تقریب سے چینی کمانڈر نے بھی خطاب کیا انہوں نے پاک چین مشترکہ فوجی مشقوں پر پاک فوج کا شکریہ ادا کرتے ہوئے کہا کہ چینی افواج پاک فوج کے اعلیٰ تربیتی معیار سے فائدہ اٹھاتی رہے گی اور خطے میں قیام امن کے لیے چینی فوج کو اپنا مثبت کردار ادا کرنے کا موقع ملے گا۔