Tag: چیف الیکشن کمشنر

  • اپوزیشن لیڈرنے چیف الیکشن کمشنر کے لیے 3 نام تجویز کر دیے

    اپوزیشن لیڈرنے چیف الیکشن کمشنر کے لیے 3 نام تجویز کر دیے

    لندن: قومی اسمبلی میں قائد حزب اختلاف شہباز شریف نے چیف الیکشن کمشنرکے لیے تین نام تجویز کر دیے۔

    تفصیلات کے مطابق لیڈر آف اپوزیشن میاں شہباز شریف نے وزیراعظم عمران خان کو خط لکھا ہے جس میں انہوں نے چیف الیکشن کمشنرکے لیے تین نام تجویز کیے ہیں۔

    قائد حزب اختلاف شہباز شریف کی جانب سے لکھے گئے خط میں ناصرمحمود کھوسہ،اخلاق احمد تارڑ اور عرفان قادر کے نام تجویز کیے گئے ہیں۔

    خیال رہے کہ گزشتہ ہفتے وزیراعظم عمران خان نے لیڈر آف اپوزیشن میاں شہباز شریف کو خط لکھا تھا جس میں چیف الیکشن کمشنر کے لیے 3 نام تجویز کیے تھے۔

    وزیراعظم کی جانب سے لکھے گئے خط میں 3 سابق وفاقی سیکرٹریوں کے نام چیف الیکشن کمشنر کے لیے تجویز کیے گئے تھے۔ تجویز کردہ ناموں میں جمیل احمد، فضل عباس، سکندرسلطان راجہ شامل تھے۔

    وزیراعظم عمران خان کا لیڈرآف اپوزیشن شہبازشریف کو خط

    خط میں وزیراعظم عمران خان کا کہنا تھا کہ با معنی مذاکرات کے لیے آپ کو خط لکھ رہا ہوں، چیف الیکشن کمشنر کی تعیناتی کا عرصہ، زیر التوامعاملہ حل کرنا چاہتا ہوں، آپ کو ازسرنو تشکیل کیا گیا پینل بھیج رہا ہوں۔

  • وزیراعظم عمران خان کا لیڈرآف اپوزیشن شہبازشریف کو خط

    وزیراعظم عمران خان کا لیڈرآف اپوزیشن شہبازشریف کو خط

    اسلام آباد: وزیراعظم عمران خان نے اپوزیشن لیڈر شہباز شریف کو خط لکھا ہے جس میں انہوں نے چیف الیکشن کمشنر کے لیے 3 نام تجویز کیے ہیں۔

    تفصیلات کے مطابق وزیراعظم عمران خان نے لیڈر آف اپوزیشن میاں شہباز شریف کو خط لکھا ہے جس میں چیف الیکشن کمشنر کے لیے 3 نام تجویز کیے گئے ہیں۔

    وزیراعظم کی جانب سے لکھے گئے خط میں 3 سابق وفاقی سیکرٹریوں کے نام چیف الیکشن کمشنر کے لیے تجویز کیے گئے۔ تجویز کردہ ناموں میں جمیل احمد، فضل عباس، سکندرسلطان راجہ شامل ہیں۔

    اپوزیشن لیڈر شہباز شریف کو لکھے گئے خط میں وزیراعظم عمران خان نے کہا کہ با معنی مذاکرات کے لیے آپ کو خط لکھ رہا ہوں، چیف الیکشن کمشنر کی تعیناتی کا عرصہ، زیر التوامعاملہ حل کرنا چاہتا ہوں، آپ کو ازسرنو تشکیل کیا گیا پینل بھیج رہا ہوں۔

    واضح رہے کہ چیف الیکشن کمشنر اور ممبران کی تقرری کے معاملے پر پارلیمانی کمیٹی کا اجلاس پھر بے نتیجہ ختم ہوگیا، اجلاس پیرکو دوبارہ طلب کیا گیا ہے۔

    حکومت کی جانب سے پہلے چیف الیکشن کمشنر اور ارکان کے تجویز کردہ نام اپوزیشن کو بھیجے جائیں گے، اپوزیشن اس کے بعد نام بھجوائے گی۔

  • وزیر خارجہ اور اسپیکر قومی اسمبلی کی ملاقات

    وزیر خارجہ اور اسپیکر قومی اسمبلی کی ملاقات

    اسلام آباد: وزیر خارجہ شاہ محمود قریشی اور اسپیکر قومی اسمبلی اسد قیصر کے درمیان ملاقات میں چیف الیکشن کمشنر کی تعیناتی کے معاملے پر افہام و تفہیم سے مسئلہ حل کرنے اور تمام سیاسی جماعتوں سے مشاورت جاری رکھنے کا فیصلہ کیا گیا۔

    تفصیلات کے مطابق وزیر خارجہ شاہ محمود قریشی اور اسپیکر قومی اسمبلی اسد قیصر کے درمیان ملاقات ہوئی۔ ملاقات میں چیف الیکشن کمشنر اور الیکشن کمیشن کے ارکان کی تعیناتی پر پیشرفت سے متعلق تبادلہ خیال ہوا۔

    ملاقات میں الیکشن کمیشن ارکان اور چیف الیکشن کمشنر کا معاملہ افہام و تفہیم سے حل کرنے پر اتفاق کیا گیا۔ معاملے پر تمام سیاسی جماعتوں سے مشاورت جاری رکھنے کا فیصلہ بھی کیا گیا۔

    وزیر خارجہ نے اسپیکر کو اپوزیشن سے ہونے والی ملاقات کی تفصیلات سے بھی آگاہ کیا۔ اسپیکر اسد قیصر کا کہنا تھا کہ الیکشن کمیشن کے معاملے کو پارلیمانی سطح پر حل کرنا ضروری ہے۔

    انہوں نے کہا کہ اپوزیشن اور حکومت میں معاملے پر اتفاق رائے کے لیے کردار جاری رکھوں گا، تمام سیاسی جماعتوں کو وسیع القلبی کا مظاہرہ کرنا ہوگا۔

    وزیر خارجہ نے کہا کہ حکومت الیکشن کمیشن کے معاملے کا افہام و تفہیم سےحل چاہتی ہے۔

    دونوں رہنماؤں کی ملاقات میں بھارت کے متنازعہ شہریت بل سے پیدا ہونے والی خطے کی صورتحال پر بھی گفتگو ہوئی۔ وزیر خارجہ شاہ محمود قریشی کا کہنا تھا کہ بھارت کو بے نقاب کرنے کے لیے پارلیمانی سفارت کاری اہم کردار ادا کر سکتی ہے۔

  • چیف الیکشن کمشنر کا فیصلہ بدھ تک ہوجائے گا، پرویز خٹک

    چیف الیکشن کمشنر کا فیصلہ بدھ تک ہوجائے گا، پرویز خٹک

    نوشہرہ: وزیر دفاع پرویز خٹک نےکہا ہے کہ بدھ تک چیف الیکشن کمشنر اور ممبران کی تقرریوں کا فیصلہ ہوجائےگا۔

    نوشہرہ میں جلسہ عام سے خطاب اور میڈیا سے بات کرتے ہوئے پرویز خٹک نے کہا کہ چیف الیکشن کمشنر و ممبران سےمتعلق اپوزیشن اور اتحادی جماعتوں سےرابطے ہوچکےہیں اور بدھ تک چیف الیکشن کمشنر اور ممبران کی تقرریوں کا فیصلہ ہوجائےگا۔

    انہوں نے بتایا کہ آرمی چیف کی مدت ملازمت سےمتعلق اپوزیشن سےابھی تک بات چیت نہیں ہوئی، تفصیلی فیصلہ آنے کے بعد لیگل ٹیم کے ساتھ مل کر حکومت فیصلہ کرےگی۔

    پرویز خٹک کا کہنا تھاکہ عمران خان سےکوئی رکن قومی اسمبلی نالاں نہیں، گلے شکوے ہوتےرہتےہیں ان ہاؤس تبدیلی کاکوئی امکان نہیں، عمران خان کی حکومت 5سال کی مدت پوری کرےگی۔

    وزیر دفاع کا کہنا تھا کہ جس حالت میں حکومت ملی معاشی طورپردیوالیہ ہوچکا تھا، آصف زرداری اور نوازشریف نےدولت بیرونی ملک منتقل کی ، ان لوگوں نےملک کوقرضوں کےسہارےچھوڑا، بےشک کوئی ووٹ نہ دےکرپٹ لوگوں کونہیں چھوڑیں گے۔

  • الطاف ابراہیم نے قائم مقام چیف الیکشن کمشنر کا حلف اٹھا لیا

    الطاف ابراہیم نے قائم مقام چیف الیکشن کمشنر کا حلف اٹھا لیا

    اسلام آباد: سردار رضا چیف الیکشن کمشنر کے عہدے سے ریٹائرڈ ہو گئے، جب کہ الطاف ابراہیم قریشی نے قائم مقام چیف الیکشن کمشنر کا حلف اٹھا لیا۔

    تفصیلات کے مطابق چیف الیکشن کمشنر سردار رضا مدت ملازمت پوری ہونے کے بعد اپنے عہدے سے ریٹائر ہو گئے، قائم مقام چیف الیکشن کمشنر کے طور پر حلف اٹھانے والے جسٹس (ر) الطاف ابراہیم قریشی الیکشن کمیشن کے سینئر ممبر ہیں، ممبر کے پی ارشاد قیصر نے قائم مقام چیف الیکشن کمشنر سے حلف لیا۔

    سردار رضا کی ریٹائرمنٹ کے بعد الیکشن کمیشن میں صرف 2 ممبران رہ گئے ہیں، ارکان اور چیف الیکشن کمشنر کی تقرری کے سلسلے میں حکومت اور اپوزیشن کے درمیان ڈیڈ لاک آ چکا ہے، جس کی وجہ سے اپوزیشن اس مسئلے کو سپریم کورٹ لے جا چکی ہے۔

    یہ بھی پڑھیں:  چیف الیکشن کمشنر کی تقرری ، حکومت نے 3 نام تجویز کردیئے

    عدالت کو دی گئی درخواست میں کہا گیا تھا کہ سپریم کورٹ ممکنہ آئینی بحران حل کرنے کے لیے مناسب فیصلہ کرے، ارکان کی تقرری کے لیے پارلیمانی کمیٹی کا اجلاس ناموں پر غور و فکر کے بعد ختم ہو گیا تھا، پارلیمانی کمیٹی میں اتفاق نہ ہونے کے بعد آرٹیکل 213 خاموش ہے، آرٹیکل کی خاموشی سے آئینی بحران پیدا ہو جائے گا۔

    وفاقی‌ حکومت کی جانب سے چیف الیکشن کمشنر کی تقرری کے لیے 3 نام سامنے آ چکے ہیں، جن میں بابر یعقوب، فضل عباس میکن اور عارف خان شامل ہیں۔ وفاقی وزیر فواد چوہدری نے گزشتہ روز کہا تھا کہ حکومت اور اپوزیشن میں الیکشن کمیشن پر کوئی ڈیڈ لاک نہیں، آج کل میں ناموں پر اتفاق ہو جائے گا۔

  • الیکشن کمیشن کا قومی ووٹرز ڈے 7 دسمبر کی بجائے آج منانے کا فیصلہ

    الیکشن کمیشن کا قومی ووٹرز ڈے 7 دسمبر کی بجائے آج منانے کا فیصلہ

    اسلام آباد: الیکشن کمیشن آف پاکستان نے قومی ووٹرز ڈے 7 کی بجائے آج 5 دسمبر کو منانے کا فیصلہ کیا ہے۔

    تفصیلات کے مطابق ملک میں قومی ووٹرز ڈے 7 دسمبر کو منایا جاتا ہے تاہم ایونٹ کی تقریب کی تاریخ میں تبدیلی چیف الیکشن کمشنر کی ریٹائرمنٹ کی وجہ سے کی گئی ہے۔

    چیف الیکشن کمشنر کل چھ دسمبر کو ریٹائر ہوں گے، یاد رہے کہ ماضی میں قومی ووٹرز ڈے کی مرکزی تقریب ایوان صدر میں ہوتی رہی ہے، تاہم آج قومی ووٹرز ڈے کی تقریب الیکشن کمیشن کے مرکزی دفتر میں منعقد کی جا رہی ہے۔

    پاکستان میں آج ووٹ کے قومی دن کی مناسبت سے ریجنل الیکشن کمشنر کراچی نے اپنے بیان میں کہا ہے کہ ہر شہری اپنے ووٹ کے اندراج کو یقینی بنائے، اور انتخابی عمل میں حصہ ضرور حصہ لے۔

    تازہ ترین:  چیف الیکشن کمشنر کی تقرری ، حکومت نے 3 نام تجویز کردیئے

    واضح رہے کہ الیکشن کمیشن کے چیف کی تقرری پر حکومت اور اپوزیشن کے درمیان معاملات الجھاؤ کا شکار ہو گئے ہیں، اپوزیشن کا کہنا ہے کہ سربراہ الیکشن کمیشن اور ارکان کے عدم تقرر سے آئینی بحران پیدا ہو گیا ہے، تاہم معروف قانون دان بابر اعوان نے آج کہا ہے کہ اس سے آئینی بحران پیدا نہیں ہوگا مگر ایک خلا آ جائے گا۔

    دوسری طرف آج وفاقی‌ حکومت کی جانب سے چیف الیکشن کمشنر کی تقرری کے لیے 3 نام سامنے آ گئے ہیں، جن میں بابر یعقوب، فضل عباس میکن اور عارف خان شامل ہیں۔

    خیال رہے چیف الیکشن کمشنر سردار رضا 6 دسمبر کو ریٹائرڈ ہو جائیں گے، الیکشن کمشنر کی ریٹائرمنٹ کے بعد الیکشن کمیشن غیر فعال ہو جائے گا، سردار رضا نے 6 دسمبر 2014 کو عہدہ سنبھالا تھا۔

  • شبلی فراز نے الیکشن کمشنر کی تقرری کا معاملہ سپریم کورٹ لے جانا غیر ضروری قرار دے دیا

    شبلی فراز نے الیکشن کمشنر کی تقرری کا معاملہ سپریم کورٹ لے جانا غیر ضروری قرار دے دیا

    اسلام آباد: چیف الیکشن کمشنر کی تقرری کا معاملہ قائد ایوان سینیٹ شبلی فراز نے سپریم کورٹ لے جانا غیر ضروری قرار دے دیا۔

    تفصیلات کے مطابق سینیٹ میں قائد ایوان شبلی فراز نے کہا ہے کہ ہر معاملے کو عدالت لے جانا پارلیمنٹ کو کم زور کرنے کے مترادف ہے، ای سی پی چیف کے معاملے کو عدالت لے جانا غیر ضروری ہوگا۔

    قائد ایوان سینیٹ کا کہنا تھا کہ آئینی معاملات عدالتوں میں لے جانے سے سیاسی نظام کم زور ہوگا، ہم پارلیمانی مسائل کو عدالت کی بہ جائے پارلیمان میں زیر بحث لانا چاہتے ہیں۔ انھوں نے مزید کہا کہ 4 ممبرز میں سینئر ترین ممبر قائم مقام چیف الیکشن کمشنر ہوگا۔

    یہ بھی پڑھیں:  اپوزیشن چیف الیکشن کمشنر کی تقرری کا معاملہ سپریم کورٹ لے گئی

    خیال رہے کہ اپوزیشن چیف الیکشن کمشنر کی تقرری کا معاملہ سپریم کورٹ لے گئی ہے، عدالت میں دی گئی درخواست میں کہا گیا ہے سپریم کورٹ ممکنہ آئینی بحران حل کرنے کے لیے مناسب فیصلہ کرے، ارکان کی تقرری کے لیے پارلیمانی کمیٹی کا اجلاس ناموں پر غور و فکر کے بعد ختم ہو گیا، پارلیمانی کمیٹی میں اتفاق نہ ہونے کے بعد آرٹیکل 213 خاموش ہے، جس کی وجہ سے آئینی بحران پیدا ہو جائے گا۔

    اسلام آباد ہائی کورٹ میں الیکشن کمیشن آف پاکستان کے ممبران کی تعیناتی کے حوالے سے درخواست کی سماعت آج ہوگی۔

  • خواتین معاشرے کا اہم حصہ ہیں‘ سردار رضا

    خواتین معاشرے کا اہم حصہ ہیں‘ سردار رضا

    اسلام آباد: چیف الیکشن کمشنر سردار رضا خان کا کہنا ہے کہ صنفی برابری کی وجہ سے خواتین کومین اسٹریم میں شامل کیا جا رہا ہے۔

    تفصیلات کے مطابق چیف الیکشن کمشنر سردار رضا خان نے خواتین کےعالمی دن کی تقریب سے خطاب کرتے ہوئے کہا کہ یہ دن ہمیں یاد دلاتا ہے خواتین معاشرے کا اہم حصہ ہیں۔

    انہوں نے کہا کہ 2018 جنرل الیکشن میں خواتین کی شرکت خوش آئند ہے، پاکستان 2030 کے ایجنڈے کی طرف تیزی سے گامزن ہے۔

    چیف الیکشن کمشنر نے کہا کہ صنفی برابری کی وجہ سے خواتین کو مین اسٹریم میں شامل کیا جا رہا ہے، مرد وخواتین کی تعداد میں فرق ختم کرنے کے اقدامات کررہے ہیں۔

    سردار رضا خان نے کہا کہ سول سوسائٹی کے ساتھ صنفی برابری کی تجاویزپرکام کررہے ہیں۔

    چیف الیکشن کمشنر نے مزید کہا کہ خواتین ووٹرزکی رجسٹریشن نادرا، اسٹیک ہولڈر کے بغیر ناممکن ہے، الیکشن کمیشن قوانین اورووٹ سے آگاہی کے لیے کام کررہا ہے۔

    واضح رہے کہ 8 مارچ کو ہرسال پاکستان سمیت دنیا بھرمیں خواتین کاعالمی دن منایا جاتا ہے، اس دن کو منانے کا مقصد خواتین کی اہمیت کو تسلیم کرنا اوران کے حقوق سے متعلق آگاہی فراہم کرنا ہے

  • انتخابی عمل میں معذورافراد کی شرکت حوصلہ افزا رہی‘ چیف الیکشن کمشنر

    انتخابی عمل میں معذورافراد کی شرکت حوصلہ افزا رہی‘ چیف الیکشن کمشنر

    اسلام آباد : چیف الیکشن کمشنر سردار رضا نے کہا ہے کہ معذورافراد کی ووٹ رجسٹریشن ہماری ترجیحات میں شامل ہے۔

    تفصیلات کے مطابق اسلام آباد میں چیف الیکشن کمشنر نے خصوصی افراد کے لیے تقریب سے خطاب کرتے ہوئے کہا کہ معذور افراد کے لیے پوسٹل بیلٹ متعارف کرایا گیا۔

    سردار رضا نے کہا کہ معذورافراد کی انتخابی عمل میں شمولیت کے خاطر خواہ اقدامات کیے، انتخابی عمل میں معذورافراد کی شرکت حوصلہ افزا رہی۔

    چیف الیکشن کمشنر نے کہا کہ بعدازانتخابات جائزے میں 5 سال کا پلان دیں گے، معذور افراد کے انتخابی عمل میں شریک ہونے کا ذکرکریں گے۔

    انہوں نے کہا کہ معذورافراد کی ووٹ رجسٹریشن ہماری ترجیحات میں شامل ہے، الیکشن کمیشن تمام ذیلی دفاتر میں معذور افراد کے لیے کمرے بنائے گا۔

    معذور افراد کو ’خصوصی فرد‘ لکھا جائے، عدالت کا حکم


    یاد رہے کہ رواں سال جنوری میں لاہور ہائی کورٹ نے معذور افراد کے لیے قانون مین گونگا، بہرا اور لنگڑا کے الفاظ حذف کرنے کا حکم دیتے ہوئے ہدایت کی تھی کہ قانون میں معذور افراد کو خصوصی اہمیت کا حامل فرد قرار دیا جائے۔

  • پولنگ کے روز سسٹم ہی نہیں چلا، چیف الیکشن کمشنر سو رہے تھے،  ثاقب نثار

    پولنگ کے روز سسٹم ہی نہیں چلا، چیف الیکشن کمشنر سو رہے تھے، ثاقب نثار

    اسلام آباد : سپریم کورٹ کے چیف جسٹس میاں ثاقب نثار نے کہا ہے کہ پتہ نہیں الیکشن کمیشن کیسے چل رہا ہے، چیف الیکشن کمشنر کو تین بار کال کی جو انہوں نے اٹینڈ ہی نہیں کی،  شاید وہ سو رہے تھے۔

    یہ بات انہوں نے کاغذات نامزدگی مسترد ہونے کے حوالے سے ایک درخواست کی سماعت کے موقع پر اپنے ریمارکس میں کہی، سپریم کورٹ میں پی ٹی آئی کی مخصوص نشست پر امیدوار عابدہ راجہ کے کاغذات نامزدگی مسترد ہونے کے خلاف درخواست کی سماعت ہوئی۔

    دوران سماعت چیف جسٹس نے اپنے ریمارکس میں کہا کہ انتخابات کے روز الیکشن کمیشن کا آر ٹی ایس سسٹم چلا ہی نہیں، اب ہمارے پاس کیسز آئیں گے تو پتہ نہیں ہم کیا فیصلہ کریں۔

    ان کا مزید کہنا تھا کہ انتخاب والے دن سب ٹھیک چل رہا تھا کہ اس دوران آر ٹی ایس سسٹم خراب ہوگیا، اسی دن میں نے چیف الیکشن کمشنر سردار رضا خان سے تین بار رابطہ کرنے کی کوششش کی لیکن انہوں نے میری کال کا کوئی ریپلائی نہیں دیا، میرے خیال سے شاید وہ اس دن سو رہے تھے۔