Tag: چیف جسٹس

اسلام آباد: چیف جسٹس آصف سعید کھوسہ اور صحافیوں کی ملاقات پر سپریم کورٹ کی جانب سے وضاحت جاری کی گئی ہے، جس میں کہا گیا کہ خصوصی عدالت سے متعلق شائع خبریں من گھڑت ہیں۔

تفصیلات کے مطابق سپریم کورٹ کی جانب سے جاری اعلامیے میں کہا گیا ہے کہ پرویزمشرف کیس پرچیف جسٹس سےمنسوب خبریں سیاق وسباق سے ہٹ کر تھیں، خبر سے ایسا تاثر ملا جیسے چیف جسٹس بذات خود اس کیس کو دیکھ رہے تھے۔

اعلامیے میں بتایا گیا کہ چیف جسٹس نے خصوصی عدالت کو کوئی ہدایات جاری نہیں کی، خصوصی عدالت سے متعلق شائع خبریں من گھڑت ہیں، نشر،شائع کی جانے والی خبریں سیاق وسباق سے ہٹ کر اورحقائق کے منافی ہیں، عدالت کی یہ وضاحت بھی اس طرح چلائی جائے جس طرح خبر چلائی گئی۔

سپریم کورٹ کی جانب سے اعلامیے میں کہا گیا کہ سپریم کورٹ کے مختلف بینچز پرویزمشرف کیس کے مختلف پہلوؤں کو سنتے رہے، مختلف بینچزنے مختلف مواقع پرکیسز کی سماعت، جلد فیصلے کےاحکامات دیے۔

اعلامیے میں کہا گیا ہے کہ سپریم کورٹ کےمختلف بینچز کی سربراہی جسٹس آصف سعید کھوسہ نے کی، سماعت کرنے والے دیگر ارکان میں جسٹس سردارطارق، جسٹس طارق پرویز شامل تھے۔

سپریم کورٹ کے اعلامیے کے مطابق 2 مقدمات ایسےتھے جس میں3 رکنی بینچ نے فیصلے دیے تھے، بینچ نے حکم دیا تھا خصوصی عدالت کیس قانون کے مطابق بغیر تاخیر کے سنے، ایک اورکیس جسٹس آصف سعید، جسٹس منصورعلی، جسٹس منیب اخترنے سنا تھا، اس بینچ نے فیصلہ دیا خصوصی عدالت اگلی تاریخ پر مقدمےکی سماعت کرے گی۔

اعلامیے میں بتایا گیا کہ ملزم بیان ریکارڈ نہیں کراتا یا پیش نہ ہو تو خصوصی عدالت کو کارروائی آگے بڑھانے کا اختیار ہوگا، چیف جسٹس نے خصوصی عدالت کو 2 فیصلوں کےعلاوہ کوئی اور ڈائریکشن جاری نہیں کی۔

چیف جسٹس آف پاکستان جسٹس آصف سعید کھوسہ نے کہا ہے کہ کسی میں گواہی دینے کی ہمت نہیں تو انصاف نہیں مانگیں، تہیہ کرلیں کہ ہم نےجھوٹی گواہی کونہیں ماننا، انصاف کرنامقصدنہیں بلکہ قانون کے مطابق انصاف کرنا ہمارا مقصدہے۔

تفصیلات کے مطابق لاہور میں تقریب سے خطاب کرتے ہوئے چیف جسٹس نے کہا کہ میری پہلی ترجیح بطورچیف جسٹس عدالت میں پیش ہونےوالوں کےاحترام کی بحالی رہی۔

چیف جسٹس نے کہا کہ عدالتوں میں پیش ہونےوالےحکام کااحترام نہیں کیاجاتاتھا، میری پہلی ترجیح رہی ہےعدالت بطورعدالت ہی کام کرے،ترجیح رہی کہ اداروں کی جانب سےپیش آنےوالوں کی عزت بحال رہے اس میں کامیاب بھی رہے۔

چیف جسٹس کا کہنا تھا کہ جب بھی ملک میں کوئی مسئلہ عوامی توجہ حاصل کرتا تو سوموٹوکی توقع کی جاتی اگرحکام اپناکام کررہےہوں توعدالت کومداخلت کی ضرورت نہیں۔

[bs-quote quote=”ترجیح رہی کہ اداروں کی جانب سےپیش آنےوالوں کی عزت بحال رہے اس میں کامیاب بھی رہے” style=”style-8″ align=”left”][/bs-quote]

جسٹس آصف سعید کھوسہ کا کہنا تھا کہ نوٹس لینےپرحکام معاملےپرتوجہ دینےکے بجائے عدالت میں پیشی کی پہلےفکرکرتے، اب کوئی واقعہ ہوتاہےتوتمام متعلقہ ادارےاورحکام متحرک ہوجاتےہیں، اس صورتحال میں عدالت کےتوجہ کرنےکی ضرورت نہیں رہ جاتی۔

انہوں نے بتایا کہ اگرہم پہلےدن سےہی مداخلت کریں تومعاملہ الجھ جائےگا، کچھ کیسزمیں نوٹس لیاگیا اورکہا گیا دہشت گردی کامعاملہ ہے لیکن بعدمیں معاملہ ذاتی دشمنی کانکلا،تب ہمارےہاتھ بندھ جاتےہیں۔

چیف جسٹس  نے کہا کہ میں آئی جیزکا بہت مشکورہوں کہ ہرضلع میں شکایت کےلیےایس پی مقررکیے اب لوگوں کواپنی شکایات کےلیے مقدمےاورعدالت کی ضرورت نہیں رہی، ایک لاکھ 20ہزارشکایات میں سےایس پی کی سطح پر80 فیصد مسئلے حل ہوئے اور شکایات کرنےوالےان فیصلوں سےمطمئن ہوئے اگرتب بھی مسئلہ حل نہ ہوتوعدالت کادروازہ کھلاہے۔

[bs-quote quote=”ایک لاکھ 20ہزارشکایات میں سےایس پی کی سطح پر80 فیصد مسئلے حل ہوئے” style=”style-8″ align=”left”][/bs-quote]

انہوں نے کہا کہ کسی میں گواہی دینے کی ہمت نہیں تو انصاف نہیں مانگیں، تہیہ کرلیں کہ ہم نےجھوٹی گواہی کونہیں ماننا، انصاف کرنامقصدنہیں بلکہ قانون کے مطابق انصاف کرنا ہمارا مقصدہے۔

اسلام آباد: وزیراعظم عمران خان نے پارٹی ترجمانوں کو چیف جسٹس آف پاکستان کے حالیہ بیان پر تبصرے کرنے سے روکتے ہوئے کہا ہے کہ چیف جسٹس محترم ہیں ان کےکسی بیان پرمیڈیامیں گفتگونہ کی جائے۔

تفصیلات کے مطابق وزیراعظم عمران خان کی زیرصدارت پارٹی ترجمانوں کااجلاس ہوا جس میں سیاسی اورمعاشی صورتحال کاجائزہ لیا گیا، اجلاس میں نوازشریف کی لندن روانگی کےبعدکی صورتحال پرگفتگو بھی کی گئی۔

اس موقع پر وزیراعظم کا کہنا تھا کہ شریف فیملی پاکستانی عوام کےسامنےمکمل بےنقاب ہوگئی، نوازشریف کی روانگی عدالتی فیصلےکےبعدعمل میں آئی، جن بیٹوں نےاستقبال کیاوہ پاکستان میں اشتہاری ہیں اور جوساتھ گیااس کےبیٹےاوردامادبھی اشتہاری ہیں۔

یہ بھی پڑھیں: ہمارے سامنے طاقتور صرف قانون ہے، چیف جسٹس آصف کھوسہ

ذرائع کا کہنا ہے کہ وزیراعظم نے ملکی معاشی صورتحال پر اطمینان کا اظہارت کرتے ہوئے کہا کہ معاشی حالات دن بدن بہتر ہونےہورہے ہیں، اپوزیشن کومعیشت میں بہتری کاخوف ہے کیونکہ حکومت معیشت کواوپرلےگئی توان کی باریاں نہیں آئیں گی۔

وزیراعظم نے اپنےمؤقف اورنظریےپرڈٹ کرکھڑے رہنےکےعزم کااظہار کرتے ہوئے کرپٹ مافیاکامقابلہ جاری رکھنےکااعلان بھی کیا۔

اجلاس کےدوران پارٹی فنڈنگ کیس سےمتعلق بھی سوالات کیے گئے جس پر وزیراعظم نےپارٹی فنڈنگ کیس میں اراکین کومطمئن رہنےکاکہا ، وزیراعظم نے کہا کہ عدالتوں میں اثاثوں کی تفصیلات بتاچکےہیں، پارٹی فنڈزکےآڈٹ ہوئےہیں،کسی فکرکی ضرورت نہیں۔

وزیراعظم کی زیر صدارت اجلاس میں چیف جسٹس کےتازہ بیان کابھی ذکر ہوا ،وزیراعظم نےحکومتی ترجمانوں کو چیف جسٹس کےبیان پرتبصرےسےروک دیا،وزیراعظم کا کہنا تھا کہ چیف جسٹس محترم ہیں ان کےکسی بیان پرمیڈیامیں گفتگونہ کی جائے ۔

ذرائع کے مطابق چیئرمین نیب کےبیانات کا تذکرہ ہوا تو وزیراعظم نے کہا کہ احتساب کاحامی ہوں خواہ اپوزیشن ہو یا حکومت، نیب آزادہےجس کاچاہےبلاتفریق احتساب کرے،جس نےملک کےپیسےکھائےاس کوحساب دیناہوگا اورحکومت احتساب کی راہ میں رکاوٹ نہیں بنےگی۔