Tag: چیف میٹرولوجسٹ

کراچی : چیف میٹرولوجسٹ سردار سرفراز نے کراچی میں موسم سرما کے اختتام کے حوالے سے بڑی پیش گوئی کردی۔

تفصیلات کے مطابق کراچی کا موسم بدلنے لگا اور سردی کا زور ٹوٹ گیا، چیف میٹرولوجسٹ سردار سرفراز کا کہنا ہے  شہر میں اب سے راتیں خنک اور دن گرم رہیں گے۔

چیف میٹرولوجسٹ نے بتایا کہ کم سے کم درجہ حرات بارہ اور زیادہ سے زیادہ انتیس ڈگری رہنے کا امکان ہے تاہم فی الحال بارش کا بھی کوئی امکان نہیں۔

چیف میٹرولوجسٹ نے بتایا شہر میں سردی کی حالیہ لہر میں کمی کے باعث دن میں موسم گرم اور رات میں خنکی ہوگی اور زیادہ سے زیادہ پارہ 29 سے 30 ڈگری تک جاسکتا ہے۔

ان کا کہنا تھا کہ 31 جنوری سے سردی کی شدت میں ایک سے  2ڈگری کمی متوقع ہے تاہم شہر میں سردی کی نئی لہر کا کوئی امکان نہیں۔

سردار سرفراز نے پیش گوئی کی کہ شہر میں اگلے ماہ کے شروع کے ہفتے میں سردی اپنے اختتام کو پہنچ جائے گی اور سندھ بھر میں اگلے ماہ کے شروع کے ہفتے میں بارش کا کوئی امکان نہیں۔

کراچی : بارش برسانے والا سسٹم کراچی سے 320 کلومیٹر کے فاصلے پر ہے، چیف میٹرولوجسٹ سردار سرفراز نے شہر میں سیلابی صورتحال کا خدشہ ظاہر کردیا۔

تفصیلات کے مطابق سندھ میں بارشوں کا دھواں دھار اسپیل جاری ہے، کراچی کے مختلف علاقوں میں بھی بادل وقفے وقفے سے برس رہے ہیں۔

محکمہ موسمیات کا کہنا ہے کہ ڈیپ ڈیپریشن رات سے شہر میں داخل ہوچکاہے، سسٹم کےزیر اثر گرج چمک اورتیز ہواؤں کیساتھ بادل برسیں گے اور 28 سے33 نارٹیکل مائل کی رفتار سے ہوائیں چل سکتی ہیں۔

چیف میٹرولوجسٹ سردار سرفراز نے بتایا کہ بارش برسانے والا سسٹم شہر قائد سے 320 کلومیٹر کے فاصلے پر ہے، جس سے شہر میں اربن فلاڈنگ کا بھی خدشہ ہے، اس لئے شہری احتیاط کریں۔

سردار سرفراز کا کہنا تھا کہ ہوا کا کم دباؤ اس وقت بھارتی گجرات کی جانب ہے، شہر میں آندھی دوبارہ چل سکتی ہے اور 100 سے 200 ملی میٹر تک بارش ہوسکتی ہے۔

انھوں نے بتایا کہ کل تک سسٹم شہر کے جنوب کی جانب قریب ہوجائے گا ، جس سے شہر میں موسلادھار بارش کا امکان زیادہ ہے۔

خیال رہے موجودہ سسٹم اب تک کا سب سے زیادہ مضبوط سسٹم ہے، اور کافی اس سیزن میں پہلی بار ہوا تھا کہ پورے شہر میں بارش ہوئی، ورنہ یہی دیکھا گیا تھا کہ کسی علاقے میں بادل جم کر برسے اور کہیں دھوپ نکلی ہوئی تھی۔

رات گئے گلستان جوہر، گلشن حدید، رزاق آباد، اسٹیل ٹاؤن میں تیزبارش ہوئی، گلشن حدیدمیں بارش کا پانی گھروں میں داخل ہو گیا جبکہ طارق روڈ پر بارش سے سڑکیں زیر آب آگئیں۔

نارتھ کراچی، بفرزون، نارتھ ناظم آباد، جمشید روڈ اور جیل روڈ پر بارش ہوئی، ملیر، ماڈل کالونی، ایئرپورٹ اور اطراف میں رم جھم ہوتی رہی جبکہ گلشن اقبال، لیاقت آباد، عزیز آباد میں بھی مینہ جم کر برسا۔

کراچی: چیف میٹرولوجسٹ سردار سرفراز نے کہا ہے کہ شہر میں فی الحال بارش کا کوئی امکان نہیں ہے جبکہ گرمی کی شدت 50 ڈگری محسوس کی جاسکتی ہے۔

کراچی شدید گرمی کی لپیٹ میں ہے جہاں گرمی کی شدت 54 ڈگری تک محسوس کی جارہی ہے تاہم محکمہ موسمیات کا کہنا ہے کہ کراچی میں بارش کا فی الحال کوئی امکان نہیں ہے۔

چیف میٹرولوجسٹ سردار سرفراز کے مطابق آج بھی زیادہ سے زیادہ درجہ حرارت 40 ڈگری سینٹی گریڈ رہنے کا امکان ہے جبکہ شہر میں گرمی کی شدت 50 ڈگری سینٹی سے زائد محسوس کی جاسکتی ہے۔

سردار سرفراز کا کہنا ہے کہ شہر میں نمی کا تناسب بڑھنے سے گرمی کی شدت زیادہ محسوس کی جارہی ہے، ہوا کے کم دباؤ کے باعث حبس کی صورتحال برقرار ہے اور ہوا کا کم دباؤ اگر ساحل کی طرف آتا تو بارشیں ہوتی ہیں۔

چیف میٹرولوجسٹ کے مطابق کراچی میں آج شام سے سمندری ہوائیں بحال ہونے کا امکان ہے جس سے کل سے درجہ حرارت میں کمی آسکتی ہے۔

چیف میٹرو لوجسٹ سردار سرفراز نے مزید بتایا کہ شہر میں گزشتہ رات جولائی کی گرم ترین رات ریکارڈ کی گئی ہے، عموماً جولائی کی رات میں زیادہ درجہ حرارت 31 ڈگری سینٹی گریڈ ریکارڈ کیا جاتا ہے، یکم ،17 اور 18 جولائی کی رات درجہ حرارت 32 ڈگری سینٹی گریڈ ریکارڈ کیا گیا ہے۔