Tag: چیمپئنز ون ڈے کپ

فیصل آباد: چیمپئنز ون ڈے کپ کا اختتام پینتھرز کی جیت کے ساتھ ہوگیا، ایونٹ کے سب سے کامیاب بولر اور بیٹر کا نام بھی سامنے آگیا۔

چیمپئنز ون ڈے کپ کے دلچسپ اعداد و شمار جاری کیے گئے ہیں جس کے مطابق پینتھرز کے محمد حسنین نے ٹورنامنٹ میں تہلکہ مچاتے ہوئے سب سے زیادہ 17 وکٹیں اپنے نام کیں جبکہ پینتھرز کے ہی بیٹر عثمان خان نے ایونٹ میں سب سے زیادہ 272 رنز بنائے۔

ٹرافی کے لیے ہونے والے مقابلے میں آل راؤنڈ کارکردگی کا مظاہرہ کرنے والے پینتھرز کے ساجد خان کو فائنل کا ہیرو قرار دیا گیا۔

ایونٹ میں شاندار بولنگ کرنے والے پینتھز کے محمد حسنین پلیئر آف دی ٹورنامنٹ قرار پائے، محمد حسنین نے ایونٹ میں سب سے زیادہ17 بیٹرز کو پویلین بھیجا۔

یہ بات بھی قابل ذکر ہے کہ رنراپ مارخورز نے افتتاحی میچ میں پینتھرز کو شکست دی تھی، تاہم پینتھرز نے کوالیفائر اور فائنل میں مارخورز کو ہرا کر بدلہ چکا دیا۔

فیصل آباد: چیمپئنز ون ڈے کپ میں اسٹالینز نے حریف ڈولفنز کو یکطرفہ مقابلے کے بعد 174 رنز کے بڑے مارجن سے شکست دیدی۔

ایونٹ میں 7واں میچ بھی پہلے بیٹنگ کرنے والی ٹیم جیت گئی، اسٹالینز نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 271 رنز اسکور کیے جبکہ بابر اعظم نے شاندار سنچری اسکور کی،

ڈولفنز کی ٹیم 272 رنز کے ہدف کے تعاقب میں محض 97 رنز پر ہی ڈھیر ہوگئی، صاحبزادہ فرحان 32 اور آصف علی 21 رنز بناکر کچھ مزاحمت کرپائے۔

فاتح ٹیم کی طرف سے مہران ممتاز اور جہانداد خان نے 3،3 وکٹیں حاصل کیں، ابرار احمد اور حارث رؤف نے 2،2 کھلاڑی کو پویلین بھیجا۔

اس سے قبل بابراعظم کے 104 رنز کی بدولت اسٹالینز نے پہلے کھیل کر اسکور بورڈ پر 7 وکٹوں کے نقصان پر 271 رنز کا مجوعہ ترتیب دیا، یاسر خان 46 اور شان مسعود 34 رنز بناکر نمایاں رہے۔

طیب طاہر نے 33 اور حسین طلعت نے 23 رنز کی اننگز کے ساتھ اپنا حصہ ڈالا، بابر اعظم کو عمدہ بیٹنگ کرنے پر میچ کا بہترین کھلاڑی قرار دیا گیا۔