اُڑیسہ : چیمپئینز ٹرافی ہاکی ٹورنامنٹ کا آغاز آج سے بھارتی ریاست اڑیسہ میں ہورہا ہے۔ پاکستان اپنا پہلا میچ بیلجئیم کے خلاف کھیلے گا۔
بھارتی ریاست اڑیسہ میں شروع ہونے والے میگا ایونٹ میں آٹھ ٹیمیں شرکت کررہی ہیں، پاکستان کو پول اے میں ورلڈ چیمپئین آسٹریلیا ،انگلینڈ اور بیلجیئم کے ساتھ شامل کیا گیا ہے جبکہ پول بی میں میزبان بھارت، اولمپک گولڈ میڈل جرمنی ، نیدر لینڈ اور ارجنٹائن کی ٹیمیں شامل ہیں۔
ابتدائی روز چار میچز کھیلے جائیں گے۔ پاکستان ایونٹ میں اپنی مہم جوئی کا آغاز بیلجیئم کے خلاف میچ سے کرے گا۔ ایونٹ کا فائنل چودہ دسمبر کو ہو گا۔
پاکستان نے ایونٹ کے آغاز سے قبل پریکٹس میچ میں ارجنٹائن کو تین صفر سے شکست دی تھی۔ قومی ٹیم کے کپتان محمد عمران کا کہنا ہے کہ ایونٹ کے لئے بھرپور تیاری کی ہے، امید ہے نتائج اچھے ہی ہوں گے۔
