چیمپئینز ٹرافی کے لیے کرکٹ آسٹریلیا نے اسکواڈ کا اعلان کردیا ہے، تاہم کینگروز کی ٹیم سے فاسٹ بولر مچل اسٹارک بھی دستبرادر ہوگئے۔
کرکٹ آسٹریلیا کے مطابق مچل اسٹارک ذاتی وجوہات کے باعث ٹیم سے دستبردار ہوئے ہیں، ان کے فیصلے کو سپورٹ کرتے ہیں۔
کرکٹ آسٹریلیا کے بیان میں کہا گیا ہے کہ مچل اسٹارک نے میڈیا سے پرائیویسی کی درخواست کی ہے، فاسٹ بولر نے اس حوالے سے کوئی تبصرہ کرنے سے انکار کردیا ہے۔
کپتان پیٹ کمنز، جوش ہیزل ووڈ اور میچل مارش پہلے ہی فٹنس مسائل کے سبب ٹیم میں نہیں ہیں، جبکہ آل راؤنڈر مارکوس اسٹوئنس نے ون ڈے کرکٹ سے ریٹائرمنٹ کا فیصلہ کرلیا ہے۔
چیمپئینز ٹرافی کے لیے کرکٹ آسٹریلیا نے اسکواڈ کا اعلان کردیا ہے، اسٹیو اسمتھ چیمپئینز ٹرافی میں آسٹریلیا کی قیادت کریں گے۔ ٹیم میں شان ایبٹ، الیکس کیری، بین ڈار شیوس اور نیتھن ایلس شامل ہیں۔
ایرون ہارڈی، ٹریوس ہیڈ، جیک فریزر میکگرک، جوش انگلس اور سپینسر جانسن ٹیم میں جگہ بنانے میں کامیاب ہوئے ہیں۔ مارنوس لبوشین، گلین میکسویل، تنویر سنگھا، میتھیو شارٹ اور ایڈم زمپا بھی ٹیم کا حصہ ہیں۔
پاکستان کا جنوبی افریقا کے خلاف میچ کے لیے پلیئنگ الیون کا اعلان
چیئرمین سلیکشن پینل جارج بیلی کے مطابق ابتدائی اسکواڈ میں انجریز اور ریٹائرمنٹ کے باعث متعدد تبدیلیاں کرنا پڑیں۔
جارج بیلی کا کہنا تھا کہ ان کھلاڑیوں کو بلایا گیا ہے جنہوں نے گزشتہ 12 ماہ میں بہترین کارکردگی دکھائی ہے۔
